平日放工6點9去到攞飛，都起碼要等半個鐘以上。等到天荒地老終於入到去。即叫野食！
。炸壕餅。
雖然賣相麻麻地，但味道唔錯。蠔仔好滑
。小籠包。
味道ok，皮就唔太薄。
。烤羊腿。
好味！唔會太騷。一上檯、侍應就即刻幫手切開曬羊腿，無時間影正常樣
。冷盤-片皮鴨桂花糕。
個樣幾靚，但建議大家唔洗試，個皮唔脆的、而且成個組合唔太夾。
。糖醋排骨。
顏色都幾紅、感覺有人造色素......味道一般。食一舊就唔會想再食。:(
。蘆筍炒帶子。
炒得有鑊氣、幾香幾好味。但定價就偏貴啦。
事後發現最重要既片皮鴨唔記得影相😰話曬係招牌菜、味道都唔錯，但未至於覺得驚艷。而且叫半隻鴨......真係好細碟。4人以上建議叫一隻。
餐具精緻。環境方面，因為太多人，都比較嘈、座位唔算太寬敞。侍應態度一般，因為太多人、好似好難叫到佢地咁:(
總結唔明點解可以一直咁多人等位......未至於好食到咁......
