BobZoeCH's Profile

呢間小店，食過好幾次，因為間鋪太細，等位又熱又辛苦，所以今次決定買返屋企自己煮。一盒生芋圓，有分大盒細盒，大盒好似係$90 ，我買咗盒細嘅$50 ，買完先發現原來份量好少，我估只可以煮到四碗糖水，每碗八粒（但係佢寫住應該有大約60粒🙄）⋯⋯咁即係買返屋企煮冇乜特別着數，堂食佢煮埋唔使煩，都係加兩蚊一粒之嘛。性價比來講，份量偏少，確實有啲失望。佢哋嘅芋圓標榜無添加，全部天然材料，奇怪嘅嘢發生，點解我用清水煲嘅時候會煲到成煲水變咗藍色呢？😱😱😱😱啲芋圓會發脹左之後縮返細，好似做緊科學實驗咁雖然係變咗藍色水，但係「煙煙un un」嘅口感我個人好鍾意，唯有照食，配埋自己整嘅椰汁芋頭西米露，好食過堂食（講真佢嗰度啲糖水底好一般）…Read More

今晚想食海鮮，諗起呢度有海鮮之餘又有雞煲，加上打卡有得任食餃子同菜，決定試吓。蒸海鮮同雞煲之間，最後揀咗雞煲，問過兩個餐嘅海鮮冇乜大分別先來雞煲，中辣，味道唔錯，半隻雞好快食完跟住我哋以為待應會直接加啲湯打邊爐，點知原來係轉龍蝦湯。講真個湯冇乜特別，應該都係味粉開出嚟，唯一有睇頭嘅係浮著一隻已經煮熟左嘅龍蝦。隻龍蝦都係得個睇字，拆開來舊肉同一隻大蝦差唔多重點黎啦，海鮮拼盤，一見到就知唔係最新鮮嗰隻，冇一樣識郁令人最失望嘅係嗰兩隻廣島蠔，仲係結緊冰嘅（令我諗起759雪櫃入邊果一大包）另外塊魚片都十分唔掂，係用最渣嘅大魚切片，夾硬切斷啲骨，食落成口骨，放棄左跟住有肉類，份量唔多，不過唔緊要，因為味道一啲都唔吸引，我每樣食咗一舊就放棄仲有可以無限添加嘅餃子，都係唔掂丸好似係冇得加嘅，睇相係咪覺得OK ？我覺得得粒墨魚丸勉強叫食得落（唔通我太嘴刁？）不得不提呢粒叫做「終極打大佬」，我估係梅菜豬肉丸，真係又梅又難食仲有響鈴魚皮其實以呢個價錢來講，加埋一四百零蚊一位都算幾豐富，我哋都冇再加任何免費餃子同菜。雞煲係幾好食，可惜其他食材真係好一般，特別啲海鮮唔夠新鮮，感覺上用差唔多價錢寧願去其他鋪頭食啲新鮮海鮮好過。不過如果你係大食嘅，而食嘢唔挑剔願意食味道一般嘅餃子，我相信呢度都不失為一個選擇。…Read More

比較少喺港島區食晚飯，上網搵吓有冇心水餐廳，見到呢間價錢合理，又有位，即管試吓星期五夜晚，餐廳大約得一半客人。做緊happy hour 酒精飲品有半價，可惜我哋唔飲酒。餐廳唔算大，同隔離坐得都好近，廁所裝修雅致，乾淨。唯一不足嘅係開放式廚房抽氣唔夠力，成間餐廳一陣味。打開餐牌，頭盤價錢吸引，幾十蚊有交易，不知不覺就會叫多咗。食物分量唔算多，叫咗一個咋雲吞，都有細細地五隻，合理。餐牌設計好得意餐廳上菜冇次序，第一樣黎嘅竟然係意粉。份量唔多，味道冇想像中咁好，啲蝦細細隻，性價比一般第二道菜先上頭盤炸雲吞，掛住食唔記得影相。味道不過不失。第三道菜係慢煮乳豬，配蘋果醬，喺餐廳推介嘅菜式。嚟到嘅時候，都有啲驚喜，望落去好似好大份，但係原來有三份一都係肥豬肉，三份一係骨，剩低三份一食到⋯⋯同埋呢個主菜竟然冇side dish,如果以二百幾蚊來講，加多幾十蚊可以食到牛扒連side dish,又好似食牛扒抵啲（見到隔離枱食）呢舊肉切開好多肉汁，食落都幾嫩口，如果塊皮可以燒得脆啲就會更加好，家下係半硬半淋唔脆嘅口感。另外加多$58叫左side黑松露炸薯條，就係熟悉嘅麥當勞炸薯條加少少松露醬，冇乜特別。以銅鑼灣來講，兩個人埋單六百零蚊，算係不過不失，可惜其中一個講英文嘅「中國人」服務態度同埋說話語氣都麻麻地，一坐低已經搞到谷鬼氣，影響食飯心情。…Read More

好耐之前上網睇過呢間餐廳嘅介紹，半年前試過打電話嚟滿座到訂都冇得訂，所以放棄咗冇食。今日突然醒起，諗住試吓walk-in，竟然有位。餐廳裝修雅致，以呢個地點來講，算好有心思。餐廳盡頭嘅角落頭掛咗一幅畫，加埋柔和嘅燈光，驟眼以為自己坐係高級餐廳度食緊野。可惜抽風系統嚴重不足，坐落5分鐘發現油煙味攻入室內久久不散，本身鼻敏感嘅我漸感不適，唯有掉位出返大門口坐。嚟到呢度，梗係要試吓啲牛扒＄98 ,以價錢來講，算幾吸引。不過唔跟湯，淨係跟可樂砌開牛扒多汁，肉質睇落去好靚，點知食落十分有咬口，好似香口膠咁樣，食到個口好攰，不過牛肉味幾好薯蓉真係好一般，乾，鞋口，唔建議食最差嘅係塊多士，望落已經好燶，點知反轉後面更燶！可能係得一個廚師，兼顧唔到咁多野＄68 ,炸魚薯條總係覺得呢度啲嘢揸炸得太燶，舊魚岩岩炸起係幾好食，不過啲薯條好明顯係炸定，比較乾加左＄30跟餐轉左杯接目骨荔枝梳打，味道係荔枝梳打，冇驚喜餐廳自助形式，不設帶位，好似快餐店咁自己出去落單拎餐具。上菜速度極慢（超過20分鐘一道菜），我見隔離枱食完第一碟，第二碟先上。食物質素一般。論裝修格調我覺得係文青打卡好去處，但係唔多適合我呢啲為咗搵食嘅客人。所以我知點解今日唔使等位。…Read More

勁難食！我講多次，係勁難食！本身諗住放佢一馬，唔好嘥時間寫佢負評，但係一食呢個榴槤甜品，越食越忍唔住要喺度寫低，以免大家中伏。我哋分別叫咗一個芒果班cake同埋一個「海燕椰皇榴槤凍」，兩樣嘢夾埋成舊水，諗住有返少少質素。一嚟個芒果班戟，只不過係一塊薄皮班cake上面加少少cream同一片仔芒果，同屋企整冇分別，伴碟嘅嗰三粒水果仔，實在醜樣到不堪入目。大佬嚟啦，佢哋推介嘅必食甜品「海燕椰皇榴槤凍」。上面係一球仔榴槤肉， OK嘅，同一般甜品鋪一樣。食落去就恐怖啦，唔知自己食緊啲乜嘢，係一舊冰，又唔係刨冰，類似係將啲椰王水撈埋入邊啲肉雪左做冰。中間仲有一大舊透明物體，我估呢舊就係「海燕」，以為自己食緊膠，舊嘢同啲冰一齊硬到拮唔入，打唔爛。都唔緊要，因為成舊野係冇味道，好似啲污糟水浸住舊冰咁樣，總之見到你係唔會想食！我見成＄58 ,諗住盡力食吓啦，點知真係頂唔順，放棄！臨走先的起心肝影相寫食評，朋友仲話我對間鋪頭唔公平，影得咁核突，我話：「舊嘢由頭到尾都係咁核突」！最後我哋放低左一張紅衫魚，懷着憤怒嘅心情離開。千祈千祈千祈唔好黎食！我見隔離枱啲甜品都係食咗三份一就走路，大家估到乜嘢事啦…Read More

話說有日開Facebook ,見到有雜誌介紹呢間火鍋店，有海鮮又有牛肉，仲話有刺身甜品。二話不說即刻約朋友一齊去試吓。打去訂位，原來早鳥時段五點至七點半連埋加一醬料全包只不過係$130，即刻覺得好抵！雖然最後成六點鐘先入座，但係食咗個半鐘頭已經夠，因為冇乜特別好食。一嚟每台有一人一杯welcome drink. 有gimmick 但杯野飲七彩顏色好唔吸引，我見咁多枱都無人飲。呢度提供好多種唔同嘅湯底，有啲都幾特別，不過要另外加幾十蚊。所以我哋揀咗唔使加錢嘅冬瓜薏米湯底，順便諗住佢個湯底清清地試吓啲牛肉同埋海鮮。點知先發現原來海鮮得「是日海鮮」一種，今日係硯。另外仲有啲一般嘅魚片同埋花枝片。牛肉拼盤望落都幾靚同埋新鮮，不過食落有啲un ，我哋只係叫咗一次就冇再添食手打蝦膠、墨魚膠我本身好鍾意食呢啲膠，覺得好好食，特別蝦膠好彈牙，不過食落兩種都冇乜鮮味好多種唔同嘅火鍋料，朋友話同一般酒樓任食嗰啲打邊爐差唔多，不值一提好多種醬料唔知係唔係特價時段，我哋走嘅時候見到其他枱有新鮮蝦食😐唔知係唔係正價先有刺身同埋其他甜品呢？唔好咁老土啦，做唔到質素就唔好學人做特價🌚提提你餐廳地下好滑，溜冰咁樣小心跌倒。記得出示面書like有就有響鈴送，算係成晚最好食嘅嘢。…Read More

如題，啲餐廳多數一出名，水準就會下降。記得第一次食王家沙，係喺雅蘭中心嗰間分店，當時唔係開咗好多間，好似成10年前，當時對我來講都算係高消費，不過食完起碼覺得值。至於今次，大家估到啦⋯⋯又係帶住BB ,唯有去返大型商場連鎖店，搵間有BB櫈嘅餐廳食飯。呢度張BB櫈都幾得意，算係好坐、方便。雖然BB好重要，但係食物都不容忽視。又係我鍾意嘅湘川滬菜式，菜單都唔使睇，就叫左以下食物：炒鱔糊（$8x)鹹，幾鹹下，唔餸飯唔得排骨擔擔麵（$6x)麵質一般，湯底唔香唔辣，冇花生味，成碗味道奇奇怪怪。排骨係炸完再炆（仲要我哋食晒碗麵佢都未記得上排骨）。相比之下，上海婆婆嗰碗好食啲上海粗炒如圖，好普通牛肉餅記得以前都係皮薄餡靚，入邊好多汁。家下變左皮厚餡少，仲要同一碟兩舊一大一細😑賣相已經失晒分。牛肉餅都係推薦清真牛肉館！高力豆沙中間嘅豆沙好少，炸蛋白唔夠鬆軟，好實淨，仲要上面唔夠糖霜，食落去舊嘢冇乜味道豆沙鍋餅嗱嗱嗱自己睇圖，唔使講啦，塊皮厚到呢！啲豆沙去咗邊啊？除此之外，我哋仲叫咗小籠包同埋煎小黃魚。小籠包OK ,煎魚就好腥⋯⋯三個人埋單五百幾蚊，只能夠說失望，冇一樣野好食。…Read More

行到去朗豪坊，發覺有唔少嘢食，有一排冇嚟過，好多餐廳都變咗。見到呢間唔使等位，餐牌上面嘅相又幾吸引，就一於試吓。原本以為望落去啲嘢平平哋，但係望真啲原來一個套餐都要＄70以上。冇計啦，依家出街食飯乜嘢都貴。我自己唔係好肚餓，諗住叫一個＄48嘅蛋糕套餐，有一舊精選蛋糕同埋一杯野飲，特飲加＄10。價錢都好合理呀，點知行到埋收銀，先至話冇晒餐牌上面啲靚蛋糕，剩低show出嚟嗰啲細細個cupcake....連望都唔想望多一眼，絕對唔會食啦！因此，我只係飲咗一杯菊花茶。陪左朋友食晚飯，佢哋分別叫咗：炸雞飯盒套餐（大約70幾蚊）炸雞係幾好食嘅，即炸外脆內軟，有肉汁。啲飯就硬啲，唔係珍珠米。飯盒裏面有一舊炸薯餅同埋一篤凍嘅薯蓉（幾難食下）。除咗炸雞之外，其他野都好一般。炸雞三文治拼薯條餐（大約＄80）套餐有一份三文治拼薯條，一份細細的沙律同埋一杯嘢飲。佢塊包唔係一般嘅方包，係丹麥酥麵包，我見佢出面散賣兩塊都要20幾蚊（其他麵包舖當然唔使咁貴啦）。相比起個飯，呢份三文治比較好食，唯一係啲薯條太燶，應該係炸定嘅，硬掘掘。認真黎講，其實用80幾蚊食嘅嘢同麥當勞一個脆辣雞腿包餐差唔多，我就真係覺得唔係幾值囉。地方又唔係好坐，唔好諗有乜嘢服務添啦。我應該唔會返轉頭…Read More

帶住BB出尖沙咀搵食，最緊要係搵個BB坐得方便嘅地方，要BB坐得方便，大家先有啖好食！因為上海婆婆有全張BB櫈，所以就揀左佢。開咗喺尖沙咀嘅上海婆婆，行咗高一格嘅路線。裝修、清潔同埋服務係好咗，但係食物都係嗰啲，但係價錢梗係貴一截！不過相對於尖沙咀其他餐廳來講，算係合理。秋風起，餐廳做緊蟹粉主題菜式，朋友二話不說揀咗蟹粉扒豆苗。再叫左幾個點心：小籠包、煎鍋貼、炸金絲卷，叉子燒餅同埋炸排骨擔擔面。蟹粉扒豆苗：第一啖食落去，哇鹹到呢！賣相係幾靚，條條菜都充滿油光，我只係食到「味精」嘅味道。仲要成百幾蚊，份量大約得「塞實一碗飯碗咁多」，少得可憐:(小籠包：都係一般水準，不過不失炸排骨擔擔麵：好似60幾蚊，一碗麵同埋塊炸豬扒，味道唔錯，價錢合理公眾假期晚飯限時個半鐘頭，要帶埋BB食飯梗係趕急，好在間餐廳根本無人排隊，變相冇限時。三個人食咗四百幾蚊，未飽架，整體來講，不過不失啦…Read More

大圍原來好多小店，岩晒我呢啲鐘意捐窿捐罅搵野食嘅人！奈何出現選擇困難，好在友人大力推介，先食到呢餐滿足的午餐。本人鐘意濃味食物，湘川滬菜尤其喜愛。呢間小鋪賣的是上海菜，一望個菜單樣樣都想食午市客飯送埋豆漿先至係$43，好平呀！選擇困難嘅我直頭想叫3 set最後叫左：山東手撕雞客飯，足足一大隻雞脾，下面墊住手拍青瓜麻婆豆腐客飯，夠濃但唔夠辣，不過豆腐軟滑鍋貼:(失望，啲皮好硬，入面無汁，仲要$30細細隻，早知叫多個客飯無咁嬲雖則鍋貼係失望，但客飯同眼看隔離枱啲餸都好ok!見到人地食獅子頭、紅燒腩肉等等，賣相都好靚，一於下次再黎食。…Read More

陪朋友食晚餐，入咗呢間茶餐廳，睇住朋友食冇理由自己唔食，一向鍾意食甜野嘅我，見佢大大隻字寫住出名炸蛋球，梗係要一試。炸蛋球，即係莎翁，即係一舊類似炸咗嘅麵包上面沾滿糖，依家好多地方都無得食。以往食嘅莎翁，外脆內軟鬆泡泡為之一流。呢度嘅炸蛋球，唔知係啲油好耐冇換定係炸過龍，外表係淺啡色，並不是金黃色。整舊粉團索滿油，油都未鯨乾就沾上砂糖，所以砂糖俾啲油搞到一嚿嚿，並不是均勻地分佈在蛋球上。外皮係夠脆，裏面亦都鬆軟，不過咬落去，成口油⋯⋯…Read More

龍閣，主打刺身同埋高檔火鍋。剛開業的時候試過打兩次邊爐，材料真係幾新鮮。亦都試過中午飲茶，點心精緻，有水準。難得放假再來，隔左一段時間，食物品質下降了很多。馬拉糕差不多是我飲茶必點。說好的籠仔馬拉糕原來只係用錫紙兜裝住嘅一小球，十分取巧。如果味道好那還算說得過，可惜馬拉糕質地硬，又乾，一點都不鬆軟。忍不住說句「十分差」。早茶點心紙，價錢比正價便宜得多，還算合理，可是質素已不復當年。香煎芋絲餅。味道不錯，偏濃味，可惜煎得太燶，火候不平均。最錯的是只有4片這大小。點了其他點心,沒有什麼特別,已經不像以前有優質的感覺。裝修也開始變舊，早茶要搭枱。龍閣已經變成一般公公婆婆飲早茶嘅茶樓了。…Read More

好一陣子沒有特登到糖水鋪食甜品，記得年青的時候很喜歡與朋友飯後吃吃甜品吹吹水，可能人大了越來越沒有空餘的時間，難得今天約了朋友，便到附近的松記食糖水。甜品的選擇有很多，有傳統的中式糖水、心太軟、各款冰品伴雪糕，還有以榴槤和芒果作主題的各款甜品。一看到有榴槤，便被深深吸引着，最後選擇了榴槤班cake伴D24榴槤雪糕。班cake皮有陣陣香味，不像榴槤味，但味道吸引。裏面包着榴槤肉，還有鮮忌廉，口感軟滑，整體不太甜，不錯。唯一的建議是多加一點鮮忌廉，現在的班cake扁扁的，皮多過餡。D24榴槤雪糕沒有什麼特別，不是很creamy那種，類似帶有淡淡榴槤香味的冰品。埋單＄47 ,一點都不便宜！天呀香港的消費越來越高！…Read More

近太子這一段的花園街，滿是各式各樣的食店，隨便走進一間，今天選擇的是山東餃子館。雖然名為餃子館，但其實菜式選擇不少，有各種各樣的前菜、麵類和小食。隨便點了一款煎餃子和一碗湯餃子，還有羊肉串，簡簡單單的一餐。湯餃子沒有什麼特別，菜肉餃。煎餃子：可以雙併，選了韭菜豬肉和牛肉。餃子外皮滿是油，煎得不均勻，不夠火喉，外皮不香脆。一些皮破，保留不了肉汁，失望。羊肉串： 20幾蚊，兩啖就食完。普通的急凍羊肉，外面的香料有點辣，下單時沒有問要不要辣，如果不吃辣的，下單時記得要說明。煎餃子比湯餃子還要加兩蚊，可是還不夠湯餃子好吃，下次可省回兩蚊。外賣餃子會多兩隻，自己買回去煎，一定比起在店裏煎的好吃。…Read More

很少機會到大角咀這邊，難得放假過來，一向知道大角咀有很多餐廳選擇，逛了兩條街，被餐廳門口的印度西施招徠後，便選擇了這間印度餐廳午膳。餐廳牆上掛滿印度油畫，掛牆電視一直播放着印度流行曲，甚具氣氛。看一看餐牌，起初被＄50的套餐吸引進來，一看才發現那是素食，也沒有什麼不好，不過還是點些肉吧！所以最後選了比較穩陣的咖喱雞。咖喱雞配薄餅套餐：套餐包括有主菜、飯或者薄餅、湯、飲品和甜品。不知名的湯，心想味道應該很古怪吧？試了一口，味道竟然意想不到，偏鹹，還加了香料，分別不到是用什麼材料製作，可是味道特別，個人頗為喜歡。主菜的咖喱雞，味道偏鹹，雞肉類似白烚,有一點點梅，味道一般吧，略嫌咖喱汁太少，不夠沾薄餅。薄餅質感是OK的，「煙un」，不錯。甜品又是不知名的，白色的半固體食物，好像是甜的爛飯，古古怪怪，嘗了一口便算。性價比OK ,會否回頭？應該不會吧。…Read More