chotolatecircle's Profile

踏入12月，又係一個好多應酬節目既月份。老公提議辛苦左一年，不如今日去食餐好，我梗係舉手贊成啦。浜燒聽就聽得多，但係平時一大班人好少會去食，今日兩口子就不如去食下啦。一入舖頭，睇得出店主好有心機去裝飾間舖。係門口附近有一面牆，上面掛左好多木牌仔，全部都係魚既種類，當中仲隱藏左自家既店味係入面，真係好有心思。鱈魚乾 $78呢個其實係佐酒小食，雖然我哋冇嗌酒，但我覺得當餐前小食都唔錯😋將鱈魚乾切成幼條，再沾上蛋黃醬，香脆可口，唔使一陣已經食晒。南瀛卷 $258用吞拿魚腩肉、海膽、魚子、蟹肉、甜蝦組成嘅卷物，看似一座山，海產既種類非常多，每一款都好鮮甜。尤其係海膽，喺香港多數食到嘅都好唔新鮮，但係呢度嘅海膽好creamy，但係又唔會搶左其他海鮮既味道👍🏼不過由於呢個卷實在過於巨大，所以食起上嚟有少少論盡，但另一面咁睇，因為每款材料既數量都好多，食客可以隨意配搭，鍾意配吞拿魚食又得，海膽加上吞拿魚都得，每款食法都有唔同嘅享受。蟹味噌甲羅燒 $68呢款菜式由蟹肉、蟹子、蟹味噌、蔥花+1隻鵪鶉蛋撈勻，再喺爐上慢慢燒。雖然做法簡單，但因為材料新鮮，所以食出嚟好鮮甜美味。魚刺身平時喺香港食嘅刺身，不外乎係三文魚、吞拿魚呢d款式，但系呢度食嘅刺身，係由店員推薦，每日新鮮運到刺身。呢條魚有兩種食法，一係用豉油，另一種係特調醬汁。我個人就鍾意店家特製嘅醬汁，酸酸地，更加可以將魚既鮮味提升，同埋魚肉真係好新鮮彈牙，我覺得魚刺身係絕對值得試既👍🏼👍🏼👍🏼活貝盛合黎到戲肉喇！$388既活貝盛合，包左兩隻鮑魚、兩隻大扇貝、兩隻生蠔，仲有少少甲類。為左唔好浪費大好食材，店員會原汁原味幫你燒好哂，再擺係你面前。每一款食物都好新鮮，我個人最鍾意扇貝，多汁又啖啖肉😆雜錦天婦羅盛合我地仲點左呢個天婦羅盛合。雖然佢絕對唔係今餐嘅主角，但係值得一讚嘅係天婦羅炸得好香脆，唔會成口油，唔錯！…Read More

泰式濕炒河 （牛）乾炒牛河就食得多，濕炒嘅就比較少食。原來都幾特別喎。酸酸地辣辣地，幾開胃！而且啲粉唔會碎濕濕，幾好味。而且店員好好，我哋原先點嘅係牛，食食吓先發覺點解嚟咗計，同左店員講佢都會同我地轉返，好好嘅服務精神。海南雞飯泰式嘅海南雞飯第一次食，不過味道都唔錯。好香嘅油飯未，一粒粒飯香甜鬆軟，雞肉又夠嫩滑，配埋秘製醬汁，好好味。串燒串燒係每次黎到都必點嘅。但係今日黎到, 先知原來要要三點後先有串燒, 可能姐姐仲未返工開檔，咁我哋唯有食咗海南雞同埋炒河先，再等姐姐返工。呢度嘅串燒真係冇得頂，獨特嘅沙嗲汁，香而不辣，帶出咗串燒嘅美味。就算唔係堂食, 行過都要買返幾串食先得^^…Read More

已經係第二次嚟食，但係唔知點解每次黎都係落雨天，哈哈。晚餐set仍然貴精不貴多，選擇唔多，但係樣樣都係廚師嘅精心傑作。今次我哋依然加錢揀咗香煎法國鵝肝配焦糖醋藍莓，大蝦粘米多，黑松露菌忌廉湯，蟹肉南瓜忌廉湯。每一樣都keep到上次嘅水準，作為頭盤完全冇失威。主菜其中一款我哋揀咗德國燒鹹豬手，上次食完念念不忘，所以今次決定翻兜食多次。豬手嘅份量仍然係好大碟，兩個人基本上都冇乜可能食得晒，豬手外皮燒到好脆好酥，但係下面嘅肉一啲都唔鞋，仲有好香嘅豬手味道。而且上枱前已經幫你切好，可以好有儀態咁樣食。配菜係新鮮炸好嘅薯條，鍾意香口嘅人一定會愛上呢一道餸。另外嘅主菜我哋揀咗果仁焗三文魚扒，第一次食到呢種整法。因為佢唔算覺得太熟，只係焗到啱啱好，所以入邊嘅魚肉仲keep到先粉橙色。加上外層嘅你行果仁碎，都幾特別。…Read More

以前想黎食喜來稀肉真係要大排長龍，可能而家開嘅烤肉店已經成行成市，所以黎食喜來稀肉嘅人已經冇以前咁多，但係如果要食烤肉我一定會仍然係諗起佢。而家平日七點幾嚟到已經可以直接上去，唔使等位。幾岩我呢d唔鐘意等位既人，哈哈真雪花牛肉牛肉嘅脂肪分布好平均，紋理亦都好分明，而且顏色好鮮紅，好新鮮。薄薄一片，輕輕燒一燒已經食得，你可以點醬汁食，或者包山菜都好惹味。烤調味牛排骨呢個係我第一次點嘅牛肉，比我想像中好食好多。因為佢本身已經用調味料醃制過，所以唔使點醬食都好好味。亦都因為佢味道比較重，所以我更加鍾意用生菜包住食，感覺會冇咁膩。護心肉每次必點燒肉之一，因為佢本身嘅口感就比較嫩滑，所以食落口好好味。不過因為佢係豬肉，所以少嘅時間要比另外兩款牛肉更加耐，不過咁好食，燒多一陣等耐啲都係值得嘅。而且就算燒耐左都唔會好韌。…Read More

今晚突然之間好想食台灣野，就係咁搵到呢間老街。鋪頭嘅位唔係好多，所以成日都有人等位，好彩收得早過嚟，所以唔駛等好耐就有得入。點左滿漢大塊牛肉麵，大大碗，湯底有好濃郁嘅牛湯味，仲有少少藥材味，雖然冇台灣咁正宗，但係味道總括嚟講唔錯。而且配料好足料，牛展亦都入晒味，食完令人回味無窮。排骨肉燥乾拌麵一個要左牛肉麵，咁另一個梗係試埋乾拌麵啦。乾拌麵都算乾身，加上少少青瓜絲，將麵同青瓜絲連埋肉燥撈勻，又幾惹味喎。係兩種完全唔同嘅享受。不過排骨唔算太突出，試過就算。花枝丸花枝丸嘅外皮炸得幾金黃，而且好彈牙，表面加左少少椒鹽，作為小食都唔錯。…Read More

上次聽同事講話呢間餐廳幾好食，連星期五都好多人要等位，所以今日想出街食又唔知食咩好，第一時間諗起呢間西餐廳。點左兩個set餐，一個係10安士美國西冷牛扒，另一個係黑松露卡片邦尼意粉。先黎嘅係黑松露卡邦尼意粉，黑松露味好重好濃郁，而且意粉本身幾彈牙，唔會烚得太軟無咬口。加上廚師本身留咗啲汁，所以個意粉好juicy，同埋好香。另外嗰個西冷牛扒，我地點左七成熟，外層煎得好香脆，入面仲見到少少鮮紅嘅肉，火候算keep得幾好。牛扒唔算用咗太多葉了去整，只係用咗少少黑椒去掉味，而啲盤放左啲粗鹽，食客可以自己去調味，啱晒唔同人嘅需要。伴菜用咗沙律菜同埋粗薯條，食完啱啱好。…Read More

平日返完教會，都鐘意係附近搵野食。本身諗住今日行遠少少食韓國野，點知行行下無喇喇落雨，為左避雨，所以就決定係附近揀一間食。呢間每次行過, 都覺得佢好有懷舊既味道，舖頭雖然細細地，座位都唔多，不過總係見到不停有食客進出。入到去，好有日式風味，一個個座位對住細細既廚房，可以見到拉麵師傅煮麵。食客可以係張紙上面圈住自己想食既野，再交俾廚師就得。我點左一個柚子魚芥wasabi沾麵，全店唯一一款沾麵。唔知由幾時開始，我愛上左食沾麵，如果有得沾麵，我都鐘意點黎試下。沾麵係會將湯汁和拉麵係分開上，食既時候先將麵放入湯點一點黎食。今次呢個沾麵以主要用左魚介，所以好濃魚介味，加上少少柚子香，真係好味。麵會跟左2塊叉燒，叉燒肥而不膩，仲好嫩滑，係香港食到既質素黎講算係唔錯。另外沾麵用左粗身麵條，所以比平時既拉麵更有口感同彈性。…Read More

幾年前要食喜來稀肉，剩係識去尖沙咀大排長龍等位。而家喜來稀肉既分店已經遍佈好多地方，想食唔一定要去尖沙咀，連旺角都有。點左一個韓牛特殊部位套餐，有牛外腹肉 / 牛梅花肉 / 牛脊亦位 / 西冷，包2杯飲品。點完餐，店員就順便幫手整埋爐邊蛋，一係芝士+蛋醬，而另一邊就係泡菜+蛋醬。套餐話咁快就到左，有一塊肉大到連個盤都裝唔哂。4個部位，各有唔同既肉質同埋味道，但係每個部位既油脂分佈，所以燒出黎都好香，同埋唔會太”鞋”，加埋生菜一齊食岩岩好，減少左油膩感，同埋食D菜感覺好似健康D。不過最大塊果塊牛肉，因為太大既關係，所以火喉既控制比較難，我地又怕太生，所以有少少燒過龍，破壞左個口感。…Read More

坐巴士成日都會經過見到呢間Meat King，醒目既招牌，令我深深記住左。咁岩今日係銅鑼灣約左朋友晚飯，所以就提議不如食呢間喇。一入門口轉個彎，就見到個自助bar，主餐牌 +58 就可以享用，有湯 / 飲品 / 沙律 / 甜品等等。我就點左香蒜牛油漢堡扒 180g，其實可以揀180g ($158) / 280g ($198) / 454g ($258)。但對我黎講, 一個180g已經夠KO我喇。係主菜到之前，先出去自助bar到拎D沙律同埋湯飲下先。款式都幾多，同埋D菜都好新鮮。食食下，主角已經上場LA，雖然只係180g，但係都好大份同足料。塊扒好juicy，肉質亦夠”林”，唔會食得好辛苦。而且可以配飯/麵包。自家製真係自家製，濃濃既麵包香，熱辣辣，已經同平時食開既麵包好唔同，佢唔係空氣麵包，實得黎都幾有咬口，同埋唔會硬綁綁，結果係食左2個先收手，哈哈…Read More

劉在石代言既炸雞，果然名不虛傳，次次經過都好多人係門口等位。今日行過，好彩無咩人，就決定去試下喇。芝士炒拉麵年糕     $108一上枱，見到已經覺得唔簡單。果然，味道比想像既辣左少少，但係佢既辣係惹味既辣，其實係好食既。入面有魚片、年糕、蛋、拉麵同芝士等等。拉麵既麵質岩岩好，少少彈牙，但係又唔會太硬。但係要快D食，如果唔係, 等佢凍左食就會無咁好味。而且對於鐘愛芝士既我黎講，呢個芝士量岩岩好，一啖麵再包少少芝士，好味！初雪拼甜辣炸雞其實開頭係有D抗拒，因為之前係第2度食過初雪炸雞，但係因為芝士味不足，食落同原味好似無咩分別。但係呢到既初雪炸雞，唔止初雪咁簡單，而係大雪。最外層有甜甜地既芝士粉，但係咬落去有香脆既外皮，入面係啖啖嫩既雞肉。不過雞胸位比較”鞋”，所以唔係件件都咁juicy。另外甜辣味都好好味，少少辣少少甜，相得益彰，2隻味道都試得過！…Read More

韓食可以話係無處不在，只要你想食，總有一間係左右。今日同朋友黎左呢間試新野，點左一份上烤牛，蜜糖醬炸雞同埋煎餅。店員先幫我準備左爐邊蛋。上牛烤    $288呢個上牛烤包左5個部位，小牛排、肉眼、牛肩胛脊、腹胸肉同牛舌，份量認真無輸。不過肉既味道唔算太突出，尤其係牛立方，因為太大舊，其實有D難handle，雖然店員有教我地燒左外層，切開一片片再燒入面，但係好難切得好薄，所以食起上黎好韌 >< 蜜糖醬炸雞呢個炸雞比相像中好食。其實我一心係黎食烤肉，不過朋友想食炸雞，所以我地都點左一份。雖然份量唔算多，但係香脆既外皮，加上肉質嫩滑，同埋味道岩岩好既醬汁，非常值得嘗試。估唔到佢既炸雞先係主打，哈哈煎餅其實佢既煎餅熱食係幾好食，邊位整得好香口。可惜返轉個底，見到原來個底都燶左，仲要唔係少少燶，有D失望。…Read More

今日老公話要帶我去食好野，叫我早D收工。上到餐廳，裝潢幾靚，而且當晚既客人唔係好多，幾枱都係2,3個朋友 / 家庭式咁黎，大家都可以靜靜地咁傾計，我真係好鐘意呢d環保。Dinner Set包左頭盤 / 湯 / 主菜 / 甜品共4樣。我地1人點左1個Dinner Set, 老公揀左炭燒加拿大黑毛安格斯西冷扒配紅酒汁，而我就揀左西班牙橡果豬配燒肉汁。其實原先我都想揀牛牛，但係又想試2個唔同款，所以就1牛1豬咁叫，點知就係因為咁而有Supprise。紐西蘭鑽石蜆大大隻既鑽石蜆，海水味好重，同埋真係好大舊肉，啖啖都食到鮮甜味。法國生蠔海鮮拼盤2隻手掌咁大既生蠔 + 翡翠螺。由於2樣我都唔食，所以無試，但係老公話好好味。荷蘭白菌忌廉湯濃郁既菇菌味，同埋好多一粒粒切碎左既菇菌粒，每一啖都係好足料。炭燒加拿大黑毛安格斯西冷扒配紅酒汁牛扒我地叫左7成，廚師火喉掌握得岩岩好，切開牛扒仍然見到入面係有少少紅色，但係又唔會話血淋淋。肉質好腍，但係都有彈性，口感幾有嚼勁。外層有淡淡既炭燒香味，配上紅酒汁，更帶上肉既香味。西班牙橡果豬配燒肉汁黠解呢隻豬咁有驚喜？因為佢食落唔似一般我地食到既豬肉。因為其實我平時好怕豬羶味，但係佢係1D都無，而且肉質好有口感，好彈牙，但係肉質係唔會痴牙。原來佢係食橡果大，所以同平時食開既好唔同。如果下次再黎，我都一定會再叫呢個菜。焦糖朱古力脆脆三重奏食完咁多美味既主菜，又點可以無甜品。呢個甜品，又係一食就愛上，連老公唔鐘意食甜品，佢都讚不絕口。雖然佢細細一件，但有濃郁既朱古力味，真係好正！法國蜜瓜伴荔枝雪芭另一個甜品揀左呢款，因為諗住其中一款可以清清地，食下生果+雪芭中和返。…Read More

今日同朋友去食野，發生左見趣事。話說由於大家收工時間唔同，所以我決定去左餐廳等佢先。事先我已經SEND定地址同埋話左佢知係食西餐。點知係我等緊佢既時候，見到佢係門口經過左。後來佢同我講返，因為一心諗住食西式野，無諗過餐廳既裝潢係咁中式，所以完全無視地經過，哈哈XD澳洲和牛漢堡 $128經過烘烤既麵包外層，入面包住一層層餡料。除左有主角和牛漢堡，仲有香甜蔬菜，包括洋蔥、蕃茄、生菜，令到成個口感無咁膩。和牛漢堡既口感亦都唔錯，味道帶甜，唔會好韌，每啖咬開都唔需要費力。另外伴碟的炸薯條用左粗身薯條，簡簡單單用鹽調味已經非常足夠。歐式脆皮乳豬  $288本身都好爭扎試德國豬手定係呢個歐式脆皮乳豬，最後朋友覺得反正都係，難得呢到有，不如就點個特別D既，因為唔係到到都有得食。乳豬既外皮烤得好香脆，但係豬肉仍然保持到肉嫩，好juicy。不過乳豬既羶味比較重，岩哂重口味人士，不過食唔慣既人可能會覺得有太over。…Read More

樂天經典既前身叫樂天客棧，當佢仲係樂天客棧既時候，已經黎過一次。當日再黎到同一個位置，裝修依舊，不過名字已改。不過我諗改左名，但係唔會影響廚師水準既。照舊侍應會準備一壺茶，荼水每位 $7，收費滷水花生粟子一碟，盛惠 $15。招牌扣肉包  $22/個因為上次食完覺得好好味，所以今次要encore。好彩水準依然保持到，扣肉、白麵包同埋生菜分開上，黎到可以等客人自己夾埋一齊食，唔會驚肉汁令到包身提早濕哂。扣肉肥而不膩，而且好林又入味，加上生菜同埋硬軟軟既白麵包，口感豐富，正！喇沙湯海鮮米線＄72喇沙味道好香，椰汁味亦好重，味道非常香濃，個湯底好creamy，加上辣辣地去帶出味道。不過今次辣味好似有D重手左，結果我食左幾啖就投降，要pass俾朋友繼續努力。同埋海鮮用料都好多，有大蝦、蟹柳、魚肉等等，夠哂足料。馬來風光(小)  $73呢排食得少菜，都要order返個菜清清腸胃。其實有D似我地食開既通菜，不過用黎炒菜既醬好香，好惹味。加上幾條辣椒絲去調味，將個香味更加提升左。…Read More

自從朋友office搬左黎呢區之後，係到搵食既機會都多左。當然，都要多謝地膽朋友既好介紹，先可以捐窿捐罅搵好野食。返工時間人來人往既中環，收工之後又有另一番景象。今日朋友帶我黎食拉麵。黑蒜灸燒極濃黑豚肉拉麵  $78第一次食到原煲上枱既拉麵，幾有風味。濃郁既豬骨湯底加上豐富既黑蒜味道。而且味道濃得黎唔太膩，非常惹味。加埋幾塊黑豚肉、溏心蛋、鳴門卷，而且麵質硬硬地，正好岩哂我既口味。雖然覺得店家如果可以俾客人有得選擇咩麵質會更好，但係我覺得餐廳一定係試過呢個係最好食先會推介俾客人。黑安格斯肉眼牛扒掛烏冬   $88另一個我地決定點烏冬試下。呢個配搭又幾新鮮WOR。原來"掛"烏冬係熱熱地既烏冬，仲要係無湯要點汁食。醬汁既味道醱醱甜甜。係掛烏冬既上面舖上幾塒稍微香煎過既牛肉，用簡單既黑椒同胡椒粉調味，味道不俗。不過牛肉少少覺得唔夠軟身。…Read More