119 Italio Restaurant & Bar (Moved)

今日同朋友去食野，發生左見趣事。話說由於大家收工時間唔同，所以我決定去左餐廳等佢先。事先我已經SEND定地址同埋話左佢知係食西餐。點知係我等緊佢既時候，見到佢係門口經過左。後來佢同我講返，因為一心諗住食西式野，無諗過餐廳既裝潢係咁中式，所以完全無視地經過，哈哈XD

澳洲和牛漢堡 $128
經過烘烤既麵包外層，入面包住一層層餡料。除左有主角和牛漢堡，仲有香甜蔬菜，包括洋蔥、蕃茄、生菜，令到成個口感無咁膩。和牛漢堡既口感亦都唔錯，味道帶甜，唔會好韌，每啖咬開都唔需要費力。另外伴碟的炸薯條用左粗身薯條，簡簡單單用鹽調味已經非常足夠。

歐式脆皮乳豬  $288
本身都好爭扎試德國豬手定係呢個歐式脆皮乳豬，最後朋友覺得反正都係，難得呢到有，不如就點個特別D既，因為唔係到到都有得食。乳豬既外皮烤得好香脆，但係豬肉仍然保持到肉嫩，好juicy。不過乳豬既羶味比較重，岩哂重口味人士，不過食唔慣既人可能會覺得有太over。