metime.brownie's Profile

個個friend都驚地震海嘯，唔夠膽去日本，惟有出旺角shopping。上網查到樓上呢間日式燒肉好吸引，就決定上黎一解鄉愁。上到黎店員俾左個放題餐牌我地揀，我地既然要解鄉愁，二話不說要最靚嘅雨餐。店員隨即講而家雨餐有半價優惠，超級抵食！一坐低，店員就好快上左頭盤，um.......呢塊A5西冷就係滿滿嘅家鄉味，輕輕的燒香兩面，入口就是和牛油脂，係我口入面掀起海嘯，令我嘅心思意念都好似飛左去東京一樣。頭盤仲有呢個韓式瓷壺醬油牛肋肉，雖然佢唔似頭先塊和牛扒咁入口即化，但佢嘅牛味同醬油完美結合，滿滿的爽快感。比目魚西京燒都好有驚喜，連唔好魚嘅朋友都話正。佢嘅黑毛和牛有分唔同部位，除咗常吃到的肩胛和腩位，仲有一d特別部位，好似和尚頭同埋後腰肉，雖然油花比其他部位較少，但係牛味更香濃。就好似交響樂中唔同樂器一齊組成完美嘅樂章。海鮮方面，鮑魚同埋虎蝦都十分出色。特別係虎蝦，新鮮彈牙，我同朋友一隻接一隻。熟食和炸物都有好多選擇，特別推薦呢一個一口芝士，香脆嘅表面收藏了濃香軟滑嘅芝士，我哋每人最少食左5件。自助飲品櫃除左啤酒汽水外，仲好貼心咁準備左各式涼茶，比我哋解解膩再戰一回合。甜品方面除咗雪糕雪條外，仲有一d日式甜品，佢嘅紅豆蓉好符合香港人標準，好味得黎唔太甜。好難得呢個價位可以食到高質素嘅和牛，我嘅口袋名單又多一名猛將~…Read More

之前朋友介紹話尖沙咀八海山適合朋友聚餐，今日終於試咗感覺不錯。餐廳環境舒適，座位之間距離合適，適合三五知己一起談天聚餐。餐牌選擇也不少，我們不是太肚餓，就隨意選擇了幾樣試下。**昆布拌椰菜**這道前菜清新可口，昆布的鮮味與椰菜的脆嫩好夾，適合作為開胃菜。**牛肉薯餅**薯餅外酥內軟，牛肉的鮮美與薯餅的香脆形成了絕佳的搭配，搭配醬汁更美味，讓人忍不住想一口接一口。**雞泡魚乾**這道菜是與朋友談天說地必點的小食，雞泡魚乾點上蛋黃醬，一路傾一路食不知不覺好快清碟。**明太子炒飯**炒飯粒粒分明，清清地，炒得不會過於油膩。總體而言，八海山餐廳的用餐體驗不錯，服務也非常周到，坐得也舒適，是個朋友聚餐的不錯選擇。…Read More

黎緊幾個月都無長假期可以去旅行，一諗起就心情低落，要食番餐好黎一解鄉愁。Search到呢間評分唔錯，就上黎試一試。一開𨋢門就有一幅超有feel嘅鎖牆，打卡一流，餐廳環境都有濃濃嘅韓風，如果唔係店員講廣東話，我真係以為去左韓國。為左懷念年尾去釜山嘅旅程，我哋嗌左芝士王國同埋串串魚糕湯。首先黎嘅係芝士王國，韓式烤盤同埋火爐一齊上，店員幫手即場將粒粒芝士碎炒成煙韌芝士。辣炒雞肉嫩滑惹味，用叉拮住一舊，再係芝士湖入面，卷上一圈又一圈嘅濃香拉絲芝士。。。um......無錯就係呢一個濃濃的韓國味道。圍邊嘅配菜都十分出色，泡菜，烤腸仔同埋紫菜飯都好好味，最正嘅就係烤蛋，點一點中間嘅辣炒汁，再加埋韓式年糕，兩種口感，一級享受。串串魚糕湯都係連埋火爐上枱，確保每一啖湯都係熱辣辣。個湯頭好有驚喜，一入口就有濃濃嘅大海鮮味，原來除咗各式魚糕同埋野菜之外，仲有青口等海鮮一齊上，我哋連飲幾碗，溫暖嘅感覺沁入心脾。幾款魚糕都吸滿湯底嘅精華，最令人驚喜嘅就係蘿蔔，入口係鮮味，咬落去就係淡淡嘅甜香味道。將我心目中嘅魚糕湯印象提升左幾個檔次。…Read More

今日去深水埗玩具街搵玩具，行到天黑都唔覺，嗱嗱臨搵下附近有乜好食，search到呢間個名咁得意，又有得打我最鍾意嘅邊爐，嗱嗱臨行過去，幾分鐘就到。今次我地兩個人，一坐低經理就好熱情咁介紹我哋試二人套餐。佢知我個friend係雞煲控，立刻幫我哋度一度，加小小錢轉埋雞煲，一次過滿足哂所有願望~一開始就係醬料拼盤，除咗平常蔥蒜椒，仲有自家制XO醬，香口惹味。首先黎左經理大推嘅黃金炸魚皮，一上枱已經比香氣吸引住。魚皮極致薄脆，配合即炒咸蛋黃，入口咸香爆發，直線拉高我哋對今餐嘅期望值。跟住就係麻辣雞煲，物超所值，一上枱又係另一場香味盛宴，翻炒後香氣幾何級上升。雞件入口麻辣咸鮮，旋風式KO成個雞煲。經理見我哋好似好肚餓咁，介紹我地一個隱藏食法。將兩個冰烏冬直接放入去食完嘅雞煲度，逐少逐少加上湯，將雞煲嘅精華鎖入去烏冬入面，十級推薦。套餐肉類我哋揀左封門柳，油花分佈好靚，入口嫩滑之餘，仲肉味十足，加少少XO醬真係完美配搭。手打丸揀左蝦同墨魚，水準以上，特別係蝦丸，爽彈蝦滑加上新鮮蝦粒，應該係我近年數一數二好食。餃類揀左鮮蝦雲吞同埋黑松露豬肉餃。黑松露香氣十足，雲吞豬肉同鮮蝦完美比例，加上雞煲精華加持，非常美味。竹蔗茅根清熱，冰涷酸梅湯解渴，雙劍合壁。甜品係每一餐完美的結尾，杏仁糊香，芝麻糊滑，一黑一白，是忙碌的一天的最佳配搭。…Read More

移民到英國嘅朋友返黎香港探親，要去旺角買電腦野。行足一日買齊已經天黑，佢話好掛住香港嘅邊爐同放題，就過黎瓊華試一試呢間。登記個哥哥好好人，介紹我哋而家C餐同D餐都免費升級到無限時，而且C3仲有買一送一優惠，毫無疑問扑鎚C3澳洲M5和牛配骨膠原豬骨湯補一補~餐廳入面好闊落，座位都好舒服，岩哂幾個朋友一邊食一邊傾偈。落完order之後出去自助bar睇睇，各式丸類同配料都齊哂，仲有幾款新鮮菜可以揀。飲品都有超多選擇，啤酒汽水涼茶都有，我哋試左隻青檸味嘅梳打水好好飲~返埋位之後，野食就已經送到。和牛質素唔錯，嫩得黎兼顧有肉味，好食~刺身有幾多選擇，新鮮肥美，我哋都encore左幾轉。我哋仲加左幾款海鮮火鍋配料，最好味就係蜆同蠔，仲有墨魚滑都十分推薦。炸物同燒物都有超多選擇，炸蝦三文治係麵包夾住蝦滑再炸到極香脆，大推~而燒蝦都燒雞翼都非常正，燒蝦爽彈，雞翼惹味。食到最後，雖然我哋都飽到不得了，但完美的一餐總是要以甜品作結，呢隻朱古力雪糕綿密香濃，值得將quota 再加一格。…Read More

今日放工好想食燒肉放題，諗起之前聽朋友講過呢間位於尖沙咀嘅燒魂，話佢嘅燒和牛同刺身都好食，所以就拉埋同事一齊嚟試吓。餐廳地方寬敞，枱與枱之間都有足夠嘅距離，兩個人一齊食吓嘢傾吓偈，好爽😎飲品方面都有汽水同各種飲料，在雪櫃裏任取，我怕熱氣，選了燒仙草下下火。任食嘅放題食物水準也不錯，值得推介的有：-刺身：三文魚、鮑魚片、吞拿魚，希靈魚，玉子燒，蝦等。魚生都很新鮮，三文魚厚薄適中，食落去肥美可口。-雞翼：好細心咁加工成單骨雞翼，易燒d 又好味，試左柚子同孜然雞中翼，醃料入味，沾上醬汁，燒一陣就食得👍-黑毛飛霜空降和牛、薄切牛舌燒和牛真係好正，有霜降和牛，牛裡肌，汁燒安格斯骰仔粒，薄切牛舌西等，黑毛和牛入口即溶而且牛味香濃，放題可以食到呢個級數嘅牛肉，真係難得。餐牌中都有唔少熟食料理，叫咗幾款，特別是蠔仔粥值得推介。…Read More

最近喜歡搜尋一些尖沙咀的特色樓上店，在openrice見到呢間西餐廳口碑不錯，於是book咗枱嚟試一試，果然環境舒適，食物不錯，值得推介。餐包一開始就有三款餐包，熱辣辣仲有士多啤梨醬同牛油可以搽，最喜歡芝士加蕃茄醬呢款，濃濃的芝士加上外脆內軟的麵包，美味。火炙半熟三文魚伴紫蘇莎莎三文魚外層火炙微熟，內層魚肉保持鮮嫩，加上紫蘇莎莎及沙律菜，十分開胃的前菜。8oz美國頂級西冷 牛扒要咗五成熟，餐廳幫我哋煎得啱啱好，牛扒嘅肉質鮮嫩而且牛味濃、油脂香。就連伴碟都不馬虎，有煮過很入味有青豆，小蕃茄，粟米，蘿蔔，其中煙肉薯仔整得好香口惹味。香辣蕃茄花甲天使麵天使麵軟硬適中，蕃茄醬汁微辣濃郁又掛汁，花甲鮮甜無沙又新鮮。香橙乳酪梳打味道酸甜，搭配西餐清涼解膩👍心太軟配士多啤梨雪糕甜品擺盤好靚，暖笠笠又爆朱古力醬嘅心太軟，再加上一球大大嘅士多啤梨雪糕，令到層次感同口感更加豐富，亦為是次晚餐畫上完美的句號。…Read More

聽朋友介紹中環有間隱世平民法國菜餐廳，餐廳環境舒適，侍應招呼有禮，而且午市套餐性價比高，於是便帶着媽媽一起試試。我哋因為好多樣嘢都想試，所以隨心點了幾款食物，樣樣都好好味。值得推介的食物有：1.Gratinee French Onion Soup Toast & Gruyere Cheese焗法式地道古也芝士洋葱湯呢個湯係濃湯，有重重嘅洋蔥同芝士味，仲有件法包喺當中，口感層次好豐富，值得推介。2.Baked Escargot with Garlic & Herbs法式焗蝸牛一碟六隻，用專業的工具輔助輕鬆取出。焗蝸牛有很香的蒜蓉和香草味配上黑松露薯蓉，十分美味。3.Traditional French Duck Confit & Duck Fat Potato法式地道鴨腿配鴨油煎薯仔慢煮鴨腿，鴨腿外皮香脆，肉非常軟冧，而薯仔亦烤焗過帶有焦香。4.Seafood with Black Ink Spaghetti海鮮墨魚意粉海鮮有青口、帶子、大蝦，最欣賞個墨魚意粉嘅質地，煙煙韌韌彈牙又掛汁。5.Chocolate Fondant with Ice-cream朱古力心太軟配雪糕心太軟焗得剛好，外脆內軟，切開有滿滿既流心朱古力，加埋榛子雪糕，為整個午餐加分。…Read More

今晚出旺角行街買野，落車無幾耐就落超大雨，去咗個商場避雨時，見到有間火鍋係樓上，就決定食完先再行。入到「築間幸福鍋物」發現原來係一人一鍋，可以揀自己鍾意既湯底。雖然餐廳個佈置係好舒服嘅日式風格，睇餐牌先發現原來係台式火鍋。侍應介紹佢哋呢間原來係台灣以外嘅第一間分店，仲推薦我哋試下特別嘅湯底。我地就揀左鎮店招牌石頭湯同埋鮮菇奶香湯，佢哋寫話係台灣一年賣超過500萬同埋200萬鍋，咁勁當然要試一試。晚市套餐包括湯底、一份肉、一份主食，仲有飲品同甜品。自助吧嘅火鍋配料選擇超多，蔬菜選擇又多又新鮮，特別d嘅配料，例如台式甜不辣、蜂巢豆腐、蛋餃都好好食。特別推薦佢嘅蝦滑，超級好食。醬料都有超多選擇。套餐我地揀左牛板腱同埋松阪豬。台灣嘅松阪豬即係我哋嘅豬頸肉。兩款肉都好靚仔，我就特別鍾意松阪豬爽快嘅口感。招牌石頭湯有好多洋蔥，入面仲有d小魷魚同埋菇。湯底超級鮮甜。鮮菇奶香湯就有大量菇，一路煮住，佢嘅奶香味對面位都聞到。用黎碌蔬菜同菇類超夾。飲品我地就叫左蜂蜜檸檬同埋冬瓜檸檬。滿滿的台灣味道，而且佢地係用原片真檸檬，好飲過好多手搖店。原本諗住跟餐嘅甜品係普通野，點知最大嘅驚喜就係甜品。我地叫左黑糖白玉奶酪同埋焦糖布蕾。奶酪超多配料，白玉煙韌、奶酪香滑、爆谷香脆、黑糖清甜。而焦糖布蕾，薄脆嘅焦糖唔會過甜，再配以不同水果，每一啖都有唔同享受。…Read More

今日係一年一度中同加生日飯聚，之前每年都有人投訴，一係地點唔就腳，一係就唔岩食。咁岩社交平台碌到呢間係銅鑼灣，仲要做緊大閘蟹放題。係group度一致通過立刻扑鎚。一入門口就經過甜品櫃，都有幾多選擇。之後就係4大櫃嘅飲品，都有幾多特別野飲，我就攞左罐薑母茶打個底先。埋位坐低，侍應提我地大閘蟹係即叫即蒸。我地把握時間，立刻落單叫左海鮮拼盤同埋海膽帶子，刺身都叫左一輪。落左單一陣野食就送哂黎。刺身係肉眼可見的新鮮肥美，牡丹蝦超大隻，蝦頭蝦膏一絕。海鮮拼盤都十分出色，蟹腳好鮮甜，鮑魚大大隻又彈牙，一d都唔韌。海膽帶子完美配搭，鮮上加鮮。人地生日會食蛋糕，我地就係海膽帶子上面加上滿滿魚子醬，整一個奢華小蛋糕比壽星。第一輪海鮮刺身未食完，主角大閘蟹就黎到。望落十分靚仔。打開一隻真係不得了，蟹羔超多，一口濃稠嘅鮮味直衝上腦。放題嘅好處就係想食乜就叫乜，唔駛問黎問去。呢個鹹蛋黃炒薯條熱辣辣，超香口，眨下眼就食清一碟。最後叫多碗芫茜三文魚豆腐湯，用溫暖滿足嘅感覺結尾。…Read More

今日係炮台山附近做完野超級肚餓，即刻問住附近嘅朋友有無好介紹。朋友就帶左我黎食我地最愛嘅日本野。其實我之前都去過佢銅鑼灣嘅分店，即刻有信心嘅保證。一入門口就好有feel，好似去左日本咁。識揀就梗係坐bar枱睇師傅表演。第一眼望餐牌，就俾呢個究極丼深深吸引住。每樣魚生都係肉眼可見嘅新鮮，每啖都係肥美、甘甜，加埋特制嘅醬汁，更加提升多一個層次。朋友叫左呢個滑蛋吉列日本黑豚包飯。吉利豬扒炸得岩岩好保留到肉汁，面層非常香脆，而底層吸收左醬汁，一啖有多重口感，性價比好高。朋友強烈推介一定要試呢個明太子芝士玉子燒。滑溜嘅玉子燒加埋拉絲芝士，呢個組合本身已經無得輸，加埋明太子嘅香，一啖一啖眨下眼就清左碟。見到呢個麻婆咖哩芝士薄餅，好奇嘅我立刻叫左個黎試試。侍應話係即叫即焗，熱辣辣嘅芝士配埋有少少辣嘅麻婆咖喱，新奇得黎又幾夾。完美嘅一餐永遠需要甜品作為結尾。脆卜卜嘅焦糖加上香滑嘅芝士蛋糕，洗滌了整天工作的辛苦，換成滿足甜美的一天。…Read More

今日約咗幾個朋友喺尖沙咀食lunch，第一次嚟，感覺很不錯，座位寬敞舒適，佈置亦令人感覺置身日本居酒屋般。餐廳Menu嘅lunch set性價比好高，我哋叫咗焱丸特選寿司盛合和豊洲寿司刺身盛，另外又散叫咗燒鰻魚、三隻燒帆立貝和紫菜魷魚天婦羅等。基本上坐定定，唔使動手，就會有人幫你燒，仲要燒得好香口，我哋食嘅燒鰻魚好厚好肥美，店員邊燒邊加醬汁，燒到外面焦香，十分美味。另外，蟹味噌甲羅燒、燒海膽帆立貝和燒松葉蟹膏帆立貝都好出色。特別喜歡蟹味噌夾羅燒，係鵪鶉蛋、蟹膏同埋蟹籽溝埋，再配上青瓜絲一齊食，令人回味無窮。不得不讚佢嘅lunch set性價比真係好高，有湯、前菜、蒸蛋和沙律，再加上壽司刺身都係百幾蚊，欣賞佢嘅蒸蛋真係好滑，而且壽司啲魚生係食得出嘅新鮮。飲品方面，我叫咗菠蘿梳打，而朋友就叫咗梅子梳打。菠蘿梳打有原條菠蘿，有得食又有得飲，大推👍…Read More

之前睇到朋友post嘅打卡相就好想試，今次約埋朋友喺度食lunch，真係唔錯。餐廳門口嘅位置擺設得好靚。座位與座位之間也很寬敞，坐低傾偈都唔會驚嘈親隔離。Lunch Menu選擇也不少，前菜三選一，主菜六選一，仲包埋飲品都係百幾蚊個餐。啲食物仲要好高質👍我同朋友兩個都係選無花果沙律做前菜，沙律菜份量不少，而且很新鮮，無花果好甜，加埋醋食好開胃。主菜我哋叫咗All day breakfast同埋香煎豬肉眼扒配肉桂蘋果醬，兩款都好好味。All day breakfast好豐富，有好多汁嘅燒蕃茄、肉腸、煙肉、蛋、茄汁豆、沙律菜、香甜嘅哈密瓜同埋烘脆嘅麵包等等。見到擺得咁靚咁豐富嘅食物係個碟上面，即刻食慾大開。香煎豬肉眼扒配肉桂蘋果醬配上香滑嘅薯蓉，非常好味。豬肉眼扒外面煎得香口，裏面能保持肉汁鮮嫩，加埋蘋果肉粒嘅醬汁，酸酸甜甜，十分美味。飲品方面，我哋叫咗一杯Espresso Tonic同埋一杯Mixedberry Smoothie，兩杯都好好飲，特別係個Smoothie真係又靚又好味👍…Read More

辛苦完又要食返餐好嘅慰勞自己，見朋友之前post呢間食鐵板燒嘅好正，今日終於book到枱嚟試吓。呢度嘅環境好靚，好舒服，望維港靚景，拍拖慶祝之選。前菜：京都湯葉，本茹水雲菜配日本溫室番茄，汁煮黑梅貝呢個前菜好精緻，最鍾意個本茹水雲菜配日本溫室番茄，酸酸哋好開胃。刺身：白松露櫻花鯛魚薄切鯛魚好好味，加埋白松露同海鹽入口好香，唔駛點豉油都已經好夠味壽司大池魚壽司，鰈魚壽司兩件壽司都預先調咗味，鰈魚壽司有燒過先上枱，迫咗啲魚嘅油脂，食落豐富嘅油脂，正👍鐵板燒澳洲龍蝦龍蝦好新鮮，即撈即煮，龍蝦燒得剛剛好，食落好嫩好彈牙，仲要加埋龍蝦膏做醬汁，成件事濃濃嘅美味。三文魚籽配北海道帆立貝三文魚籽鮮甜，帶子煎得有牛油焦香，但又唔會過熟，燒得啱啱好，好味😋美國牛柳有厚切牛柳同薄切牛片，厚切牛很軟嫩，配上岩鹽同炸蒜，更加美味。薄切就在裏面包了蔥，第一次咁食，感覺不錯，減少油膩感。鐵板炒飯鐵板炒飯，用櫻花蝦炒，炒飯乾身粒粒鮮明，加上櫻花蝦，好香口👍鐵板炒什菜鮮嫩嘅豆芽，經過鐵板快炒，仍能保持水份和爽脆，配搭秘製醬料，令風味有所提升。季節濃魚湯濃濃的魚湯，絕對真材實料，好味是日甜品：紅豆雪糕食得出係用靚紅豆，淡淡嘅紅豆香，加上冰涼嘅口感，為整餐盛宴畫上圓滿嘅句號。…Read More

今日去咗荃灣廣場，見呢間摩登堂嘅甜品好吸引，又唔算好多人排隊，就同朋友一齊喺度食個lunch餐廳有set lunch，可以加飲品小食同埋甜品，價錢都算合理。我哋嗌咗兩個set，再加小食同甜品，非常豐富。豬手飯本來都唔係諗住叫呢樣，但係見隔離好多枱都嗌，即管試吓，果然豬手好淋好入味，值得一試豬頸肉撈檬豬頸肉燒得好香，而且有好多片，檬粉加上酸汁，很適合夏天食鮮蝦柚子沙律柚子份量唔少，加埋秘製醬汁，作為前菜很開胃馬拉盞炒通菜呢碟馬拉盞炒通菜超級惹味，一大碟嘅通菜原本都驚緊食唔晒，不過太好味，最後都係清晒碟。沙嗲豬肉串燒豬肉燒得很香口，加上沙嗲汁，好好味手打月亮炸蝦餅蝦餅熱辣辣出爐，炸得香脆而且彈牙有蝦肉👍全芒果沙冰飲得出係用新鮮芒果打嘅沙冰，滿滿嘅芒果肉，而且好大杯流金歲月丹麥厚吐司呢個厚吐司個麵包好好味，外面脆入邊有少少酥皮嘅感覺，沾滿朱古力醬再加埋雪糕一齊食，睇得又好味…Read More