八幡屋涮涮鍋 (Closed)

移民到英國嘅朋友返黎香港探親，要去旺角買電腦野。行足一日買齊已經天黑，佢話好掛住香港嘅邊爐同放題，就過黎瓊華試一試呢間。登記個哥哥好好人，介紹我哋而家C餐同D餐都免費升級到無限時，而且C3仲有買一送一優惠，毫無疑問扑鎚C3澳洲M5和牛配骨膠原豬骨湯補一補~餐廳入面好闊落，座位都好舒服，岩哂幾個朋友一邊食一邊傾偈。落完order之後出去自助bar睇睇，各式丸類同配料都齊哂，仲有幾款新鮮菜可以揀。飲品都有超多選擇，啤酒汽水涼茶都有，我哋試左隻青檸味嘅梳打水好好飲~返埋位之後，野食就已經送到。和牛質素唔錯，嫩得黎兼顧有肉味，好食~刺身有幾多選擇，新鮮肥美，我哋都encore左幾轉。我哋仲加左幾款海鮮火鍋配料，最好味就係蜆同蠔，仲有墨魚滑都十分推薦。炸物同燒物都有超多選擇，炸蝦三文治係麵包夾住蝦滑再炸到極香脆，大推~而燒蝦都燒雞翼都非常正，燒蝦爽彈，雞翼惹味。食到最後，雖然我哋都飽到不得了，但完美的一餐總是要以甜品作結，呢隻朱古力雪糕綿密香濃，值得將quota 再加一格。