燒賣阿呆's Profile

叫咗一個Classic Original Combo 源自澳洲的高級牛肉本身已經grill過，漢堡包嘅醬汁都係源自塊牛肉本身，而並非其他茄汁芥末汁。麵包十分鬆鬆鬆軟，亦都係grill過。蕃茄同洋蔥都好新鮮。係漢堡包嘅天花板！！！🥰😍套餐要108蚊，真係有啲貴。不過汽水任添飲，漢堡包薯條亦係用頂級材料，都值呢個價錢。套餐可以選擇配脆薯角，脆薯角係即做，外面脆脆的，裏面的薯蓉軟軟的，食到唔停口，當然要飲多幾杯汽水解熱氣😂😂😂…Read More

是一間幸福感滿滿的，銀髮族就業社企。餐牌食物以豆腐雞蛋青菜為主，清淡適合長者吞嚥。當然亦有一般茶餐廳的梅菜扣肉、清蒸海斑，不過就要耐心等候。節瓜粉絲蝦米飯（$12）, 清淡的家常便飯，節瓜切得很幼細很入味，媽媽煮的感覺。咖哩魚柳飯（$18), 一般的茶餐廳水準，細細碟，可以多試其他食物。蕃茄肉碎炒蛋幸福飯餐（$20), 這種易學難精的家常食物，做得很出色，味道融合得很好。青菜也切得碎碎，方便吞嚥，十分細心。因為上兩樣已經有白飯，叫了走飯，希望不會走掉幸福！鹵水豆腐($5）,個人覺得比較淡味，沒有傳聞中的出色。埋單55蚊，吃得飽飽，幸福滿滿，窮人恩物。門口還有銀髮族的手作食物，記得支持！…Read More

早前開張嘅新社企，試業當日見客似雲來，今天有幸一試。餐廳很多點心都是兩件一碟，很適合情侶用膳，不用叫太多食物造成浪費。高湯浸芥蘭十分有驚喜，清淡爽口，就連菜梗也十分好味，可見廚房功力！“盆栽白玉小蘿蔔”其實是蘿蔔絲酥餅, 蘿蔔葉是沙律菜，利是oreo朱古力碎。 即叫即做，外面皮薄酥脆，裏面蘿蔔絲保持濕潤，精心之作，打卡合適！“蒜香鮮蝦春卷”也是即叫即做，食得出完整的蝦，很足料。“蒜香陳皮龍躉木桶飯”是我的真心推薦, 蒜香油香撲鼻，龍躉亦十分有鮮魚味，魚油滲透進白飯，飯才是黃道！這是一間甜品店，試了合桃西米焗布甸，面頭焦脆，不太甜，可惜吃飯一開始便上了甜品，放久了，建議下次後加。…Read More

呢間水門雞飯絕對係個人嘅comfort food, 食完有活著多好嘅感覺！好少雞飯嘅雞可以做到唔用任何醬料, 唔需要指定雞髀位, 已經十分好味, 就係所謂雞有雞味🤤😋當然比較冇咁濃味嘅雞胸位, 加埋佢嘅秘製泰式雞辣醬更加惹味, 辣醬油青椒薑粒, 食得辣雞肉嚟送飯都好好味雞飯一啲都唔油膩, 能夠做到滲出淡淡嘅雞香, 絕對係mvp👍👍👍送一碗冬瓜湯, 洗碗咗少少, 可能係咁樣令你要加多啲飲品泰式奶茶甜得滯, 應該唔係好啱香港人口味臨走買咗樽35蚊嘅雞醬返屋企, 不過雞醬冇青椒粒冇薑粒, 要自己加…Read More

六重芝士肉餅飯地點唔難搵, 睇住google map, 出咗大圍西鐵站直行九分鐘就到, 唔想行可以坐兩個站輕鐵叫咗馳名嘅六重芝士煎肉餅, 芝士的鹹香味同肉餅出奇地夾, 就像咸魚蒸肉餅一樣, 對肉餅有提鮮作用, 肉餅亦即吃即煎, 且煎得很香脆其實感覺像芝士漢堡包走包加白飯, 喜歡食芝士漢堡的一定會覺得十分好吃, 不過感覺真係十分膩, 好有罪惡感, 不宜多吃！週圍係村屋, 有時間可以逛逛, 電話網絡收得唔係太好, 所以只收現金, 不接受電子支付…Read More

疫情下好多餐廳都冇咗自助沙律吧, 等咗三年UCC嘅薯仔沙律吧終於重現江湖!!整薯仔沙律工序繁多, 要烚薯仔、去皮、壓爛、雪凍, 整得多又怕出水, 整得少又唔化算, 絕對係一樣唔想喺屋企整嘅菜式ucc嘅薯仔沙律, 唔係淨係得薯蓉, 仲有粒粒薯仔好有咬口, 加上順滑嘅千島醬, 口感一流😋😋😋🥗牛肝菌汁意粉就冇乜特別, 有啲餐廳會加入牛肉汁, 但ucc嘅就單純係蘑菇汁, 鵝肝唔算細件, 但係煎得唔夠香脆, 一分前一分貨最後得意唔可以唔提佢哋嘅王牌咖啡, 香醇幼滑, 入口甘香, 飲咗咁多次都係咁好味, 蒸餾咖啡係唔同啲🤤☕…Read More

位於新蒲崗大成街街市2樓熟食中心，中午十二點收，因為唔係24小時蒸住點心，唔會蒸到爛曬，新鮮好味！點心包括蝦餃都係19蚊籠，認真抵食！！！個人唔食鳳爪，難得有淨排骨飯，梗係要試下。排骨飯拍得住大榮華，排骨肥瘦適中，米飯索咗排骨汁後仍保持粒粒飯，油香撲鼻。燒賣亦拍得住一級酒樓，有鮮蝦、手剁瘦肉及肥豬肉，用嚟送蒸飯口感一流，簡直係絕配。聽講鵪鶉蛋燒賣更加馳名，下次一定要試下。蝦餃係竹筍蝦餃，size較細，但十九蚊冇乜要求。仲有現在難得一見嘅魚子餃，我仲以為魚翅餃入面會有一絲絲素翅，原來係冇嘅，只係得豬肉。咁究竟點解叫做魚翅餃呢？！懷舊大包大大分十分有特色，只係食咗一個蒸飯之後已經再食唔落，打包帶走。叫咗5籠嘢埋單止係102蚊，認真抵食，時光倒流回到90年代嘅價錢…Read More

原本以為只係有幾個沙律菜嘅Semi buffet, 點知有甜品生果、日式燒物、老火中湯、芝士意粉、日式DIY手捲, 仲有蝦、東風螺、青口等凍海鮮！！食物質素亦十分之高！兩份主菜 - 威靈頓焗羊及龍蝦意粉都絕不欺場：龍蝦意大利粉龍蝦有半隻, 有很多蝦膏, 十分鮮味, 不過手工意粉嘅質感比較硬身, 食慣百德阿姨嘅我, 唔係好識欣賞威靈頓焗羊西冷酥皮即焗酥脆, 羊肉嫩滑多汁, 黑松露蓋過了羊騷味, 係我食過最好味嘅威靈頓個人覺得值三四百蚊,因為網上預, 訂兩位有75折, 埋單每位連加一都只係250蚊唔使, 十分超值 只係唔近地鐵站, 交通比較不便:(…Read More

餐廳格局有點像太平館餐廳，係一間古樸有味道嘅西餐廳。儲一個人流不多嘅商場。餐廳亦有提供中式午膳，相信係附近浸會醫院浸會大學嘅食堂。好耐冇寫食評，間餐廳下午茶有驚喜，絕非一般坊間行貨。會再嚟幫襯。推介菜式：帶子周行打蜆湯，帶子竟然食出鮮味脆薯角，外脆內軟好好味…Read More

疫情下好多酒店自助餐都做緊優惠，呢間都唔例外，原價連加一547蚊，用openrice訂座，65折後，只係每位373蚊。食物方面，選擇唔多，但樣樣都係水準之作，所謂貴精不貴多。主打任食生蠔，鱈場蟹腳，同17款movenpick雪糕！！ 至於有啲自助餐提供嘅特色菜式如印度菜就欠奉。自助餐冷盤為主打，海鮮刺身好新鮮。熱盤選擇唔多，一啲唔食生冷嘢嘅長者，可能就唔係太適合啦。服務方面，侍應十分勤快，連我隻骨碟都收埋，哈哈！有小朋友唔帶走口罩走出去食物區，侍應生立即好言相勸，十分盡責。環境方面，裝修新淨，乾淨企理，只係洗手間有少少濕。今晚約七成滿，唔算擠迫，取食物亦唔使排好耐，不過，餐廳就望唔到海景。成晚食咗兩個鐘，每樣菜色都很好味，心滿意足。…Read More

之前係叫外賣送到屋企，天婦羅唔係即做即食，始終差少少。今次親身喺舖頭試食。間舖之前成日排長龍，今日竟然唔使排隊，唔通熱潮已經過咗？始終煎炸嘢唔可以成日食。呢間嘢嘅老店喺東京日本橋，歷史悠久，唔使去日本都可以食到，真係感恩。成間店得三樣嘢揀，絕對適合選擇困難症患者。三樣分別係天丼($98），上天丼，江戶前天丼。後兩者只係分別多咗一件鯷魚同穴子，分別貴20同40蚊。今次叫咗個上天丼($118）。餐館建議嘅食法係，先食炸蝦，然後用醬汁撈飯吃，食到一半再攪爛溫泉蛋攪勻食。個人最鍾意最後一種食法，因為因為蛋汁可以中和天婦羅嘅煎炸油膩感。炸蝦香脆可口，爭啲連蝦尾都食埋落肚。鯷魚天婦羅，能夠做到真正外脆內軟，十分難得。食到最後，發現個隻飯碗原來有個厚厚嘅碗底，用以保持食物溫度，日本人真係細心。不過份量就自然比預期少啦！等收到財爺嗰一萬蚊，下次再試下江戶前天丼。…Read More

呢間嘢啲秘製醬汁簡直一流，去咗太安樓，都會忍唔住要買一兩串，過下口引,。秘製醬汁應該有沙嗲同辣椒，甜甜辣辣的，好有層次，令人食完又想食。初初食落唔覺得好辣，食完先覺厲害，要去隔離食多碗糖水解辣。今次冇食牛丸。叫咗魚蛋($6）、齋（$6）、同腸仔（$3）。只係15蚊。齋係必食推介，因為能夠吸盡秘製醬汁，醬汁係口入面爆出嚟，嗰種滿足嘅口感，非筆墨能形容！腸仔煑得太淋，似豆腐多啲，冇咬口，個人都係鍾意炸腸仔多啲。魚蛋質地冇乜特別，佢冇幫我點夠醬汁。你知咖哩魚蛋唔夠汁就唔好食㗎喇。職員姐姐一如既往的，好有霸氣。係對自己食物嘅信心表現吧！…Read More

now電視節目主持推介，放工專登去試下。叫咗個鴨絲腸，即叫即蒸，等咗大概五分鐘。因為一叫即做，所以腸粉非常滑身，配上蔥花豉油，食落滑一滑，唔停得口。之前試過有啲布拉腸粉都麻麻地，呢個喺水準以上。火鴨絲很香口，但份量太少，成碟得六七粒仔。25蚊嘅價錢，老闆唔應該咁孤寒。…Read More

好耐冇寫食評，呢間一定要讚下。以前去鴨脷洲要坐成個鐘頭巴士，而家喺金鐘坐15分鐘地鐵就到。呢間舖喺正A1出口， 方便到呢。招牌狗仔粉$44, 嘅材料包括大地魚湯，燒鴨，魚蛋，魚片，叉燒，仲有脆卜卜嘅炸魚皮。 湯底好有魚味，但有少少偏鹹。魚皮好香脆，專登叫咗一包外賣 ($22)。…Read More

適逄牛一, 給自已一個藉口食餐好!7:30pm進場, 首輪Order了刺身、一品窩物、串燒、天富羅、手巻等20多樣菜式。 不消15分鐘, 食物已源源不絶上枱。只有串燒等候比較久一點。以下是必吃推介:1. 元祖汁焗蠔 – 甜甜酸酸的十分惹味。蠔身並不大, 個人連吃了5隻。Encore首選!2. 燒羊架 – 啖啖肉, 肥瘦適中, 可惜不太熱。本人一晚吃了三件燒羊架。3. 燒虎蝦 – 上枱已聞陣陣燒香撲鼻, 蝦身抺上了些海鹽, 帶出了虎蝦的鮮味。4. 蒜香燒牛柳粒 – 牛柳汁濃郁, 牛柳跟洋蔥簡直絶配。Encore一次。5. 薯仔沙律 – 薯仔沙律裡夾雜著蔥粒、青椒粒、紅椒粒, 口感佳, 是個人至愛。考慮到自助餐吃薯仔不化算, 只Encore了一次。自助餐食物份量不多, 不妨多叫。以食物性價比、多樣性、上枱收碟次數, 都值得推介給朋友。…Read More