吉地魚's Profile

睇戲前行去登龍街道遇上依間潮州美食小店。我哋點咗下午茶麵餐加潮州小食再加菜。老公點咗雙拼要雲吞河加牛雜加腩汁，小食要韭菜粿再加油菜一份要芥蘭。牛雜有牛蒡，牛腸、牛肚……牛雜色澤好靚，牛肚滑又香，又入味，煮得好腍。我要雙拼魚皮餃加手打墨魚丸河。一上枱已經聞到佢嘅香濃湯汁，好有傳統嘅氣息。湯汁掛面，好香面底啱啱好唔會太腍又唔會太硬。墨魚丸真係超級彈壓爽口，食到粒粒嘅墨魚肉。魚皮餃帶點原味鹹鹹地，好好味。依度有好多款潮汕特色小食，我哋另外再點咗個咸蛋卷和普寧炸豆腐。普寧炸豆腐，外面炸得非常酥脆裏面超級滑，依個內外對比加上熱辣辣嘅溫度，令人驚喜！再點埋佢嗰個蔥油特製醬汁，多一份鹹鹹的味道，非常好味。個鹹蛋卷真係好正，佢如果話係潮汕嘅小食，我就覺得好比台灣嘅手信，咬落去外脆裏面鹹蛋蓉香，鹹蛋味濃郁，而且佢個鹹蛋蓉/醬？真係好滑好香。👍🏻韭菜果外皮炸得香脆，口感煙煙韌，裏面超級濃超級多韭菜，韭菜一定不能錯過。如果食得辣，點埋佢個辣醬，超級好味！芥蘭加腩汁，加豉油咖喱，不錯！特飲老公點咗鮮榨油柑汁，我要咗個金銀花菊花清熱氣。…Read More

依間由1956開業既茶餐廳，保留左舊餐單之餘，仲有特色野食～點咗避風塘生炸雞髀、滋潤燉湯二人餐，包括老壇酸菜魚和小菜：鹹魚香芋蒸排骨。滋潤燉湯係茶樹菇杞子燉赤肉好好味，佢有茶樹菇、瘦肉、杞子等等，菇菇味香又甜，熱辣辣飲落去好暖胃丶好滋潤。酸菜魚湯底酸酸辣辣，好惹味。配料有麻籽、辣椒、泡椒、菊花瓣、芫荽、萵筍、雲耳、仲有薯粉，正呀！魚肉滑有彈牙，而且入晒味酸酸辣辣，唔錯！萵筍酸酸地，又爽口，好似醃菜咁，非常美味！薯粉吸晒湯底精華，非常入味！鹹魚香芋蒸排骨嘅鹹魚係我鍾意嘅實肉鹹魚，鹹香濃郁，又有着勁。芋頭蒸得啱啱好唔會太腍，有份嘅口感又有嚼頭，芋頭香味十足。排骨帶少少肥豬肉，香口又滑口，吸收咗鹹魚嘅香同鹹，加上芋頭嘅香味，所以口感、味道、香味豐富。避風塘生炸雞髀，炸得非常香脆，每咬一口都係脆卜卜，而且係唔驚好肥膩。加上避風塘嘅獨有辣同香，令香脆好香嘅雞髀味道層次更上一層樓。依度嘅經典小食🥰飲品方面，我點咗好少見，但我又鍾意嘅忌廉薄荷朱古力，依款飲品真係好舊，已經好耐冇見，唔係度度都有。朱古味香濃，加上薄荷香，仲有厚厚嘅忌廉，童年回憶返晒嚟，唔單止係回憶，仲有味道㖭啊！…Read More

好耐無去尖東，揾咗間日式餐廳， 地方寬敞、食物質數唔錯，仲要要期間限定西貢名物。我哋點咗：吉列豬扒定食豬扒醃得好鬆軟，肉質亂，吉列脆口，加上佢嘅秘製酸汁令人好開胃，而且唔會覺得油膩、熱氣，真係想食多幾碗飯。在旁邊配嘅沙律菜都好日式，除咗蔬菜之外，仲有青椒條同埋洋蔥條，感覺好健康👍🏻再配上日式麵豉湯。角切刺身茶漬飯有三文魚、吞拿魚、帶子、三文魚子、甜蛋、青瓜等等，呢度啲刺身超級新鮮，海鮮味濃，肉質鮮甜、嫩滑，而且份量都唔少，真係喜出望外！如果你嗌茶漬飯，第一個食法係先食魚生加飯，再點少少山葵，山葵調出刺身嘅鮮甜，帶一點刺激。第二種食法係將刺身飯，同埋一啲山葵加入碗中，再倒入茶漬，豉油和蔥，呢個食法你會食到茶漬加豉油加蔥令到味道層次提升幾倍之後你就隨意自己鍾意嘅方法食。佢真係好細心咁教你令到你有多種選擇、體驗。兩款零食都有一個酸酸甜甜嘅前菜，好吸引好開胃，一個係醃蘿蔔，另一個係葉牛蒡，醃牛蒡通常喺日式餐廳先會有。炸魷魚圈鬆脆嘅外皮內，係嫰嫰彈牙嘅魷魚圈，加上沙律醬，非常美味。呢度好多特色和風甜點，我哋點咗一個鎌倉紅葉茶屋特製白肉餡蜜。個綠茶蕨餅超濃郁綠茶味，綠茶烘不能錯失！口感軟綿🥰白肉加上甜甜嘅紅豆蓉和黑糖漿，令味道平淡嘅白肉充滿着紅豆嘅甜蜜，和黑糖嘅香，おいしい😋仲有四四方方半透明嗰粒好似大菜糕，加上黑糖漿，非常美味！旁邊嗰粒士多啤梨好清甜，最不能不提嘅就係嗰粒懷舊油句和風嘅紅色車厘子，如果少咗佢嘅點綴真係會失色不少。下次可以同朋友再嚟過😊…Read More

今晚黎按老公放工，之後去附近搵間坐得舒服既中菜館，，坐低飲個壺茶已經好香，問服務員原來叫「單松茶」，係一種潮州茶。我哋點咗：潮式豆漿焗嫩雞熱辣辣、一上枱就已經聞到好香嘅普寧豆漿，加上燒酒嘅香，雞肉嫩，好入味。普寧豆漿係潮州嘅獨有，只有潮州菜館先可以食到。糖醋煎伊麵煎得好香脆，幼面嘅獨特味道，加上韭黃粒嘅香，仲有白糖同埋紅醋嘅精髓，多重味道重疊，好好食呀！腩肉炆涼瓜苦瓜炆得好甘香，能夠突出苦瓜嘅甘甜，好出色。冬菇炆得好腍好滑，菇味出晒嚟。腩肉晶瑩剔透，咬落脂肪香立即出晒嚟，脂肪位好滑好香，如果將苦瓜同埋腩肉夾埋一齊食，又香又滑，一啲都唔肥膩👍🏻甜椰汁雪耳超香椰汁味，雪耳勁滑，好養顏又好味，飯後甜品不能錯過！…Read More

8月尾初秋次夏，行開油麻地，不如黎個打冷午餐。我們搵到依間潮州菜館，點咗：蠔餅用左咸鴨蛋做個脆漿，所以蛋味特別濃郁。蠔仔多又大粒，每口都係蠔仔為主，配上胡椒粉和魚露，超好味😋而且又唔會太油膩，佢哋好有心機做呢～生炸韭菜餃超酥脆香口，咬落爆汁，充滿著濃郁嘅韭菜味，豬肉多汁。有驚喜⭐️鮮雞粥雞油溶入粥內，好香雞味呀！雞肉咸咸哋、配粥好好味。米粒煲到開晒花，口感綿綿，帶雞香，仲有蔥粒、芫荽爽口，青香～滷水拼盤超多料，包羅萬有：鵝腸 -超爽口又入味豬大腸 - 超入味，洗得乾淨，肉質彈。粉腸 - 好粉既質感，又重五香滷水味。豬耳 - 好爽脆、肉質彈，充滿骨膠原。豬腩肉，肉嫩又帶五香味，尤其是肥豬肉部分，口感好得意。墨魚片，充滿墨魚香。仲有一配料好似紀花蚌，超級爽口🥰點少得紅腸，咸咸地好惹味😘仲有吸收晒滷水精華既爽口芽菜。配冰凍啤酒， 超窩心佢哋連杯都雪凍埋。…Read More

依間泰式餐館星期四晚黎度，全爆滿，好彩一早訂咗位。我哋點咗：冬陰功$98味道層次多，酸酸、甜甜、辣辣，加上好多香料嘅獨特氣味，例如香茅嘅清新，辣椒嘅辛辣，雜菇嘅原野香，鮮蝦嘅甜……加起嚟令味蕾有很多層次嘅享受。蝦肉蛋呀，仲有蝦膏㗎 ！生菜肉碎包，雞$88加入咗紫洋蔥粒呀、蔥粒、千層塔、芫荽、仲有其他調味料，頗辣，各種香料，配菜加埋混合嘅味道層次非常豐富、濃郁，仲有唔少得檸檬葉嘅清新，炒得好香。豬肉肉碎肉質嫩。配埋新鮮又爽脆嘅生菜，不得了！喇沙湯蝦米線$88喇沙湯底帶椰香。豆卜吸收晒喇沙湯底，非常美味。魚片蛋也有原味。鮮蝦已經剝咗殼，食得好方便，而且彈牙。每條米線沾上喇沙湯，都充滿着佢嘅獨特味道，米線又滑又彈。加上爽口芽菜， Yummy ！泰式甜品小拼盤$98椰青大菜糕糕鹹鹹甜甜又滑又凍，底層係大菜糕，好好味。唔要啦唔該。椰汁西米露糕超香椰汁，面嘅椰汁糕超滑超香。下面嘅西米露，加咗粟米粒、芋頭粒、馬蹄？令口感豐富。千層糕質感比平時食嘅偏軟，比較容易食，煙煙韌韌，加上椰汁，非常美味。椰青班戟暖笠笠，口感煙靭黏黏，有椰青肉，好得意，而且椰青味濃郁。…Read More

星期日出尖沙咀行街，去完2間大超市shopping 就見到依間燒味店。我哋2公婆一人叫一個2拼餐，變拼4🥰我哋叫咗：雙拼燒味义燒配燒鵝 配飯一上枱已經見到啲燒味油色好靚🥰燒腩仔配油雞配瀨粉依度既湯底用左胡椒湯好香、好特別。瀨粉香又滑，配埋燒鵝既脆皮，油香，肉嫩，即刻吸多幾條瀨粉😋义燒帶啲肥，添油香，個份燒過既豬肉味，焦香又帶甜。燒肉咸香肉嫩， 個皮燒得卜卜脆，配飯最岩。油雞皮超滑，注滿鼓油香，當中浸點甜味；雞肉肉質嫩，同埋浸出陣陣雞香和甜既氣息。例湯- 花生雞腳眉豆湯足料熱辣辣老火湯，好入味😘雞腳、花生、眉豆煲得又「林」又滑～另外再點咗凍檸茶， 正呀喂～…Read More

今年雖然唔慶祝姥姥誕，不過老公話飯都係要食既，不如去好耐無去既元朗食飯啦！就咁我哋就入元朗買野俾狗狗後，發現原來元朗都有芝加哥😁。我哋點左：雞皮 - 每次都一定會點既～好大塊， 超薄又脆，咬落既卜卜聲真係好吸引。加左少少鹽調味，好惹味。即燒乳豬 - 咁得意，竟然有乳豬，就試下啦～熱辣辣，塊皮仲香脆過去飲宴時食既乳豬，正呀喂！招牌無骨白鱔無骨食得好爽，皮超級脆，肉質彈口，鱔味鮮。黑毛豬腩肉串黑毛豬肉味濃郁，咸中帶微甜。燒豬大腸洗得乾淨，彈牙肥美，帶少少辣，無得輸👍🏻招牌雞皮墨魚滑外面既雞皮脆又帶油香， 裡面既墨魚滑重墨魚味，爽口彈牙🥰招牌燒茄子舖滿蒜粒和蔥粒既茄子，好「林」、好軟、好香， 充滿著蒜香和蔥香既茄子特別吸引。鮮秋葵加左大漠孜然粉，令平時食開既秋葵有另一翻風味。日本博多雞皮超大碟，而且舊舊卜卜脆，有啲似食緊泰國既炸豬皮，但多左雞油香，好食好多😁京蔥見到串京蔥咁粗就知靚京蔥，京蔥控不能錯過， 咬落仲脆口，而且京蔥味超級濃。加上調味粉，錦上添花。麻辣薯條（少辣）一見到係粗薯條已經加分，配上麻辣粉，波浪既身型能夠吸收更多既麻辣，喜歡麻辣既朋友一點要點😘食串燒點可以少左酒精～Chicago Logo beer 這是一個非常特別的啤酒睇驗，因為這啤酒花味比較重，也一般的白啤再香甜一點， 夏天飲非常合適Apple cider 佢依度飲嘅Apple cider，比平時飲開嗰隻牌子酒味濃一啲，但係都好香蘋果味，就好似平時飲嗰隻嘅成熟版。依2杯你人哋點，好靚呀～🍹…Read More

端午節，又帶豬女出去威啦！我哋嚟到依間露營風嘅Cafe，食物唔錯！我哋點咗：蜜汁雞沙律沙律新鮮爽脆，有2個配汁，一個係日式麻醬，一個係酸汁，好開胃。雞扒燒得好香，上面既皮燒香帶著濃郁密汁既味道，用左帶微辣既香草醃製，又甜又惹味，肉質又嫩。泰式香辣像碎金不換煎蛋飯依度既signature dish, 真係不能錯過！金不換既獨有香味，加上辣椒、紫洋蔥、蒜片同肉沫炒埋一齊，一口清新既金不換香、夾著微辣、蒜香等，令人食不停口。再加上旁邊個隻燶邊太陽蛋，液體狀既蛋黃撈飯又滑又香🥚凍抹茶拿鐵少冰外觀非常脆綠清新， 抹茶味超重，岩晒抹茶控， 加上牛奶好滑。冷泡咖啡以和式透明sake 酒樽和杯承載既係冷泡咖啡，視覺上已感到冰涼。雖然係冷泡，但無損咖啡既方向純郁。已烘焙咖啡味濃郁，入口甘香細滑。朱古力蛋糕層次分明，朱古力cream rich到近乎朱古力醬既深度。蛋糕又似混入大量既朱古力咁，但入口又溶為一體，朱古力打孖黎，好好好朱古力呀！…Read More

我同老公依家都係港島區返工，明日放假， 今日梗係出街食！我哋去左N年無去既蘭桂芳附近既一間串燒酒吧場！2樣都係老公至愛🍷🍺🍹🍸🍡🍢🍡🍢估唔到係依個地域既串燒既價錢咁優惠，真係勝價比高。我點左杯比較岩女士既Mocktail - Monday, 有我至愛既Peach 加Lime, Soda, Mint, water老公點左Chicago Logo Beer，食串燒最岩飲啤酒。依度既串燒款式超多，而且估唔到酒場既串燒水準都唔錯，搵日下午想再黎返啅😋- 浦燒鰻魚串：味濃郁，甜甜肉又滑- 烤魷魚：好有以前係戲院前食既燒魷魚既香和味道。- 香蒜蔥花廣島蠔：蠔味濃， 同香蒜蔥花好夾。懶健康既我叫左叫鹽燒准山， 汁燒京蔥，食咁多肉，當然要食返啲蔬菜😁大蔥外面燒香， 裡面仲有水份。- 韭菜燒：加咗孜然粉，惹味，而且一啲都唔老，好爽！要挑戰辣一定要點燒尖椒串。- 招牌雞皮墨魚滑卷： 好特色， 集合左2者既精， 推呀！- 黑松露醬燒牛油果，好特色，估唔到黑松露加上酸忌廉配牛油果係咁香，互相輝映，都推！- 我至愛既豬大腸變左串燒後，同樣出色， 外脆帶咸，相連既位置又煙靭👍🏻- 黑毛豬腩肉，燒得香又帶孜然， 肉嫩仍留水份。- 香辣雞翅包飯，仲係超級辣，鐘意食辣既人一定要點🐥- 雞軟骨惹味又脆。- 日本博多雞皮：超大碟、好似炸豬皮咁大，鹹鹹地，超脆，送酒一流。- 燒無骨雞髀肉，肉爽殼啖啖肉，調味佳，送啤酒一流。- 雞皮餃子，雞皮香，裏面係滿滿嘅肉盆菜，味道層次豐富。芝士北海道魚糕， 芝味濃郁， 魚味豐盈🐟- 燒厚切薯片：熱辣辣，好香脆，灑上特別調味，yum😋- 明太子多士：蒜香底，加上辣味十足既明太子牆，佐酒一流。整體好驚喜😊…Read More

昨日我約左大學同學係大家返屋企既中轉站食飯，揀左依間沖繩料理。佢通常係一個飯配一個炸雞加甜品和飲品，百零蚊，算幾抵。我點左明太子烏冬，佢係撈既烏冬，好香濃既明太子，加上忌廉既烏冬，口感好滑。再配柚子醬炸雞，帶著柚子醬既炸雞酸酸甜甜，外脆肉唔鞋，一點都唔膩，唔錯！朋友既係壽喜燒牛肉湯烏冬，甜甜的壽喜燒烏冬最岩配牛肉，牛肉掛上壽喜燒汁更鮮甜。再配佢獨特既焦糖布甸炸雞，醮焦糖香加上微微既乳酸味布甸，每依度炸雞更帶多2份層次，減退炸雞既肥膩👍🏻今晚既重點黎勒！雪糕冬甩，佢依度既冬甩帶點煙靭、非常好口感，加上焦糖醬，超香！微熱既冬甩將冷凍既雪糕溶化，撈埋一齊食真係大好き🥰…Read More

行完竉物街，老公帶我去佢之前讚過既燒味店。6點過啲已經有排緊隊買外賣，裡面已經差唔多坐滿，好彩唔使等好耐就入得😁原隻燒鵝髀飯職員會問你切唔切隻鵝髀，如果你鍾意可以原隻用手拎住食，正呀！不過老公話切開🤣皮脆有油光，肉嫩入味唔太咸。帶點點油脂又，充滿鵝香又唔會蘇🥰送眉豆花生雞腳湯好地道既一度屋企湯，啲花甜和眉豆都煲得「林」👍🏻隻一人套餐可以點雙拼，我揀左义燒和腩仔😁燒肉最緊要皮脆，燒肉帶咸又唔會太咸，肉質岩岩好唔會太靱！👍🏻义燒係半肥瘦，我最鍾意❤️一層肉一層脂肪，肉嫩又唔柴，肉帶甜又香，有一股微微又熟悉的香料味😊當然瘦义燒都有，一啲都唔柴，一樣义燒味濃郁！仲有油菜一碟，平衡返個餐，唔係員食肉😝總括我哋依既3款燒味都高質，唔怪得坐咁耐都有人入黎，下次再食其他款😁…Read More

上星期日出咗去尖沙咀，shopping 前先去食個lunch。好耐無行亞士厘，見到間拉麵店，佢既招牌拉麵之一係超級芫茜拉麵，所以就入去打爆能量。我點咗：原味牛骨拉麵湯底超濃牛骨和牛油味，又唔膩每條拉麵也掛滿牛骨味道，而且幻麵幼滑，靭度適中。加上生蔥粒既點綴，每下咬落爽口又帶點生蔥味的刺激。牛根滑，充滿著骨膠原既厚身啫喱口感，正！牛肉脂肪，有油脂滲出，非常香，肉嫩，唔錯👍🏻芫茜控點：芫荽辣麻牛骨拉麵(高辣, 無麻)超級多芫荽，絕對係唔使控嘅最佳選擇，本身湯底牛骨牛脂味十足，再加上佢嘅辣椒嘅香味，再配合超多嘅芫荽落去勁多層次互相沒有搶去大家嘅味道。本身係細面所以特別掛湯，湯加麵加芫荽完全融合，絕對係10分好嘅芫荽控嘅體驗。之後再點：餃子煎得均勻金黃又香脆，不會太油膩，鄙薄，內裏嘅椰菜爽口，加上豬肉和蔥非常好既配搭。加上佢邊帶微辣既醬汁，又有一番風味😋食飽飽可以去shopping lu😊…Read More

好耐無約亞姨食好野，就佢地點我哋去左荔枝角一間工廈既泰國餐廳，超有驚喜😁招牌泰式火山排骨🌋依度嘅signature dishes, 賣相已經非常吸晴，佢係豬肉，人哋話黐住骨嘅肉係最好食，有少少肥肉、肉嫩又帶酸又帶辣。加上佢嘅特色醬汁，有辣椒粉、芫荽，蔥等等，睇得出花左好多心機和時間先會咁好食。佢大大份唔使驚佢膩，因為佢既酸辣會令你食慾大增😁黃咖喱海鮮配蒜蓉🥘有青口，魷魚（係超多）、薯仔、魚柳、紅椒、蝦、青椒、洋蔥等，咖哩帶著香茅既香，好有特色有清香、唔會非常辣。配蒜蓉包，絕配呀！魷魚同蝦彈牙，魚柳咬落好香嘅魚肉味！蒜蓉包面平均塗上滿滿既蒜蓉同牛油已經超香又帶點甜，加上帶有香茅嘅咖喱，層次感非常豐富！👍🏻👍🏻👍🏻泰式肉碎生菜包🥬用左特別既調味，豬肉味濃郁，瘦肉中帶少少肥肉令口感豐富、香味倍增，咸咸辣辣好惹味。加上粒粒微脆脆，蔥頭、蔥粒。再配爽脆生菜，正呀！亞姨點左熱泰式青檸蜂蜜；我呢就點左我最鐘意既青檸梳打🍋最後仲有甜品 - 椰皇三皇奏，今日有bonus,係4重奏，平時只會有自己炒既椰絲（超級香脆）、椰奶啫喱（好滑）、椰皇啫喱（超香椰青味、第4重）仲有椰肉（爽滑）🥰 加埋真係無得頂👍🏻…Read More

同老公2024正正經經咁出街食第一餐開年飯， 我哋揀左好耐無食既California Pizza 慶祝下🍕我哋點咗：烤雞沙律賣樣超得👍🏻顏色鮮艷吸引，份量都唔少😁有脆脆條、蕃茄粒、黑豆、蔥粒、沙律菜…… 佢哋既配搭同平時食既沙律好唔同，好有驚喜😊沙律材料鮮脆再加脆脆條非常有嚼感！而且沙律醬份量岩岩好，唔會蓋過食材的味道。燒雞充滿香草味、肉質有口感，一啲都唔「鞋」，正👍🏻而且份量超多😁辣肉腸薄餅皮脆餅香，一上枱已經聞到餅既烘焙香🥰店員仲會好窩心問你要唔要加芝士粉，雙重芝士但唔使驚，因為佢哋用既係低脂馬蘇里拉芝士🧀，食得好安心🤣薄餅邊勁脆，薄底食落更脆又唔膩。辣肉腸香辣又惹味，配芝士更帶出肉腸既香味🍕Pizza 再配Iced Tea, 爽呀～…Read More