phoebe3647's Profile

呢間又係討論度幾高嘅手工意粉，喺佐敦恆豐個food court，11:30嚟到啱啱派第一轉籌，唔洗100蚊就有一個餐，有前菜主菜甜品同飲品，無論份量同味道都十分ok！揀咗bolognese sauce同salsiccia pasta，呢兩款我自己都想煮好耐，上星期整咗個beef ragu 都3,4個鐘，bolognese sauce閒閒哋都2,3個鐘味道先夠好。所以佢賣呢個價錢呢個味道我真係好驚喜！希望下次試到佢哋嘅gnocchi，同其他款意粉呀😆…Read More

食過最好食嘅鯇魚粥！呢個真係真材實料！身邊嘅人都唔太食鯇魚🥹話有泥味但我真係魚類中第一愛呀，基本上鯇魚全身都勁鍾意食，魚頭魚嘴滾粥正！魚卜薑蔥爆正！魚上腩切條炆腐竹豆卜正！魚腩梅菜欖角蒸正！魚腸焗蛋正到癡線！魚尾滾湯正！今次呢間就食佢嘅魚粥啦，揀咗魚嘴魚卜粥，加多碟魚皮。魚佢哋會煎香再滾粥，魚唔腥好新鮮份量都好多，原個魚頭同大概6舊魚卜左右，粥好綿滑無粥水分離食完唔口渴。魚皮大量嘅薑蔥配一齊食係完全提鮮，真係一分錢一分貨，出面好多賣魚皮真係有假㗎，又淋又無口感，佢呢個爽口鮮味，我一定會再嚟…Read More

喺北海道番嚟，個人好似未回到魂咁樣，唯有唯有搵番啲日本料理食吓。炭兎都係其中一間食過無論味道同氣氛係還原到日本個vibe，今日再嚟除咗延續個情緒仲有就係想食佢哋個蠔啦🙂‍↕️🙂‍↕️鐵盒蒸廣島生蠔🦪粒粒飽滿，佢仲有多個食法係淋上厚厚嘅芝士，多一層濃厚咸香嘅味道，或者加少少瀨戶內海香檸汁食佢嘅鮮甜香。薑蔥醋鯖魚卷🐟呢個嚟幾次都encore 食，鯖魚配薑蔥少少嘅辛辣感幫到鯖魚提升鮮味，呢個清新夠哂開胃。炭燒雞🐔見佢師傅用炭火快烤雞肉，炭火香入面保留到肉汁都係每次嚟必點。明太子蛋卷🥚一間日本料理嘅蛋卷整成點等於我哋食咕嚕肉去定義一間餐廳得唔得，蛋卷形狀，火喉，口感要拿捏得恰當其實唔容易，佢哋做得到🥹甜味高湯味成個形狀都好靚仔，加埋我最愛嘅明太子不得了呀！免治雞肉棒棒🐣口感札實，烤出嚟的焦香與蛋黃的滑順完美配合。佢款款料理無論外觀味道都好好還原日本感覺，呀~~~~…Read More

泰式火鍋係近期鍾意食嘅火鍋種類，款式變化夠哂，呢間喺觀塘嘅泰金鍋有得自己捉海蝦鮑魚蜆放題，A餐+$45，如果惠顧B，C，D餐就有得包埋。套餐有呢個名菜五選一，我揀咗風生水起撈撈食，出面熱辣辣入到嚟梗係食個開胃菜啦先打邊爐。睇睇佢火鍋區有咩先，勁新鮮嘅海蝦鮑魚蜆放題任你撈，蔬菜配料都好多種，熟食熱食炸物冬蔭公湯都有，仲有幾款煲仔飯同煲仔菜食。大愛嘅水蓮都有呀🥹湯底揀咗椰汁湯夠香濃佢甜品都有好多款，仲有個刨棉棉冰食🙂‍↕️🙂‍↕️…Read More

I’m so disappointed and angry that I didn’t get what I paid for. I eat lunch, I just want to feel full and satisfied. The money I pay should match the experience and food I get, right? I ordered a pork chop noodle dish, but no matter how you look at it, the pork chop was barely a piece! Is there some kind of misunderstanding? I paid real money for lunch, so what should I reasonably expect? A bone with three measly slices of meat, and that’s it? Where s the missing part? How you serving customers on this way?…Read More

Wohooooo今日去咗山道呢邊影相，行行吓見到有間餐廳好有氣氛😍餓咗成日好肚餓呀，揀咗幾款嘢食我唔客氣啦炸菇菇外面好酥脆入面爆汁汁好正，跟住見到上咗碟鐵板薯條，再淋上黑椒菇菇汁，香噴噴嘅黑椒味感覺似食緊嗰款黑椒薯蓉！佢哋嘅牛扒係揀番加拿大牛牛，呢塊肉眼肉質好嫩入口多汁無筋，而且佢煎到啱啱好呢個加分加分Pizza係薄皮嘅，厚厚嘅配料同埋同埋大大量兩款芝士喺面！同埋ummm竟然有Pho食，仲要個湯底鮮甜唔馬虎。…Read More

無誇張無誇張！！原來呢間餐廳開咗一段時間，咁好味嘅拉麵我竟然無食過(৹ᵒ̴̶̷᷄́ฅᵒ̴̶̷᷅৹)大蔥煎香，牡蠣煎香配埋呢個濃厚湯底如果有得加飯我ok㗎，麵係偏粗硬少少，但我略嫌有啲啲鹼水味，整體上係好ok，下次要食埋佢嘅名物沾麵。一人店要處理嘅事多的是，客人落單後改前改後的確對廚師嚟講有好多困難，一人煮麵煮湯底煮配菜上菜等等複雜嘅步驟多並維持到一定嘅水準唔係個個做到。將心比心。香港仲有好多好好味嘅餐廳好值得大家去㗎！…Read More

呢間嘅一直嚟附近都無為意，但其實就想食好耐bookmark咗，有一日又去開附近點知一睇原來就對面，二話不說就衝咗入去叫咗碗叉鵝瀨，叉燒大大舊肥瘦適中，佢嘅肥唔係標油膩口嗰種，比較實但整體肉質係唔嚡有肉汁偏甜嗰種，係我鍾意食嘅，燒鵝皮薄香口呢間會再嚟食過。好似呢種細細間嘅舖頭你感受到嘅係滿滿人情味同香港人嘅溫度，當你想叫嘢食姐姐又忙緊，斬料師傅望到你就問句”阿妹食咩呀?” 有個學生應該叫開外賣，姐姐認得佢知佢就嚟考DSE叫佢飲多啲水同加油……Read More

食Omakase 就好似一場藝術同美味嘅爭妍鬥麗，利用時令嘅食材透過唔同嘅烹調方法突出食材嘅”旨め”。考驗廚師對全年食材嘅了解，視覺味覺嘅配合。重房 Omakase晚餐時段大概大17-18品，由頭到尾令你目不暇給嘅美味盛宴。🐝 前菜𓍯𓂃清新秋葵配蟹肉芝麻醬，汁煮花螺同蘿蔔，清甜味道打開味蕾;𓍯𓂃另一款用高腳杯裝住蒓菜配上土座醋同龍珠果，酸酸甜甜好開胃🐝 熱食𓍯𓂃鮮甜軟糯嘅牡丹蝦，配上濃厚嘅夢王蛋液，連埋蝦膏一口過，蝦頭唔好浪費，炸到香脆可口;𓍯𓂃瑩光魷魚係呢期當造食材，佢用用醬汁燒過加上七味粉同山椒菜，豐富口感;𓍯𓂃嚟自長崎小長井華漣生蠔酸汁海草jelly，外殼呈微微的金黃色. 肉身飽滿, 味道鮮甜, 口感清爽;𓍯𓂃神户A4牛肉他他上層有色澤飽滿嘅北海道海膽魚子醬，加上蒜同蔥更突出香濃嘅牛味𓍯𓂃腦天係呑拿魚天靈蓋舊肉，肉質極軟滑油分極高，魚味濃厚！🐝壽司𓍯𓂃赤貝 配上柚子皮青檸汁𓍯𓂃呑拿魚腩大腹𓍯𓂃沙甸魚𓍯𓂃赤睦 配北海道麵豉醬𓍯𓂃北海道海膽🐝汁𓍯𓂃由三十幾款魚熬製嘅鮮甜奶白色魚湯🐝甜品𓍯𓂃當季大大粒士多啤梨…Read More

今年心中有個目標係試哂香港嘅Pizza，呢間我都bookmark咗一段長時間終於嚟咗啦！佢到咗夜晚有set dinner 選擇，我哋揀咗呢個2人套餐有頭盤拼盤，pizza，一個主食同飲品。頭盤拼盤入面有好多款小食，有炸新鮮魷魚，自製雞肉炸丸子，烤麵包配自製蕃茄莎莎醬，煙三文魚配酸豆橄欖油，意大利鹹魚配多士，一個拼盤滿晒多個願望。Pizza揀咗巴馬臣火腿，哥根蘇拿芝士，薄底香脆巴馬臣火腿濃郁的鹹香一啖接一啖，芝士嘅奶香味與火腿的鹹味形成絕佳的對比。主食就係白松露牛肝菌意大利燴飯，米粒外軟內韌，散發著濃郁的奶香和香料的味道。牛肝菌則增添了豐富的鮮味和肉質感，口感滑順，與米飯的綿密度相得益彰。…Read More

數數手指呢4年都經常帶朋友上嚟食，佢嘅水準一直都維持住，味道技巧份量都一路保持到。今日突登嚟試佢幾款新出嘅料理。佢哋嘅刺身擺盤好精細，份量同厚度一如既往都係咁靚仔。見今日凍凍哋叫咗個炸豆腐，外層一層薄炸皮嘅豆腐浸喺熱辣辣嘅高湯上，炸豆腐保留少少脆口，有啲炸皮吸收咗嘅高湯入口層次豐富高湯嘅甜幫豆腐生色不少。跟住到呢個無敵嘅明太子玉子燒，一份靚嘅玉子燒除咗雞蛋仲有高湯，加入到雞蛋令玉子燒食落濕潤Juicy甜甜的，煮嘅時候反嘅技巧要令到玉子定型，喺香港整到靚嘅玉子燒真係唔多，呢間我係每一次都一定會點！到咗佢個新名物吉列炸蝦，大大隻蝦外層包住肉肉，但唔會炸到好乾身啖啖都好滿足😌煙肉薯仔沙律山葵忌廉最中餅呢個有驚喜，好清新嘅感覺，每樣夾埋一齊食煙肉薯仔沙律俾到好綿滑嘅口感，山葵忌廉帶俾酸甜嘅味道。味道10分環境10分水準10分，睇得到對料理對食材都係有要求，重點係幾年嚟水準都一樣維持到！…Read More

被驚艷到嘅日式燒鳥ꉂꉂ꒰•̤▿•̤*ૢ꒱真係用到炭爐燒嘅店唔多，用到備長炭而好好哋操作嘅更加少之有少。今日嚟到鳥匠呢度見到師傅用備長炭細心處理都係食嘅一大享受。備長炭溫度唔太高火力相對較易控制，燒嘅過程平均地加熱食材，考耐性考技巧都考經驗，如何喺熟透而有保存到肉汁外面焦香拎到個平衡，真係唔易㗎！今日試咗好多唔同雞嘅部位，想講嘅係師傅嘅手勢爐火純青恰度好處，雞胸肉外面少少焦香，入面爆汁鮮甜; 雞皮燒到少少乾身但保留少少油脂食落香脆濃香; 雞軟骨係雞心口中間嗰一條長骨仔，呢個真係唔係度度都有; 免治雞肉棒棒真係自家製唔係預製來貨呢個真係想俾100分，免治雞肉棒棒入面加入咗少少軟過，咬落去唔鬆散肉汁豐富真係掂！串燒真係太多太有水準，仲有啲主食類都係一樣咁正，好似個卡邦尼烏冬，濃濃嘅雞蛋卡邦尼汁醬掛哂落去個島冬仲要配埋個濃厚蛋黃，好邪惡但我鍾意。仲有仲有呢個必必必推係呢個雞肝醬配多士，主角雞肝醬滑順又濃郁，而另一個主角多士都唔遜色，成塊鬆化香脆，雙主角係完美合二為一！…Read More

終於感覺到凍凍嘅冬天感覺，雖然打邊爐係四季都有，但冬天食真係特別開胃㗎(ᕑᗢᓫ∗)˒天后呢開火鍋店店舖寬敞坐得舒服，睇睇個menu原來除咗火鍋佢仲有羊腩煲同盆菜揀，滿足哂唔同人嘅口味😍火鍋湯底有好多種，台式港式川味嘅都有，今次我就揀咗酸菜白肉呢個係我嘅最愛湯底之一，佢哋調味酸甜適中，一開始都飲番幾啖湯暖吓身暖吓胃仔，火鍋配料我揀咗白鱔片，手切牛肉，午餐肉，炸魚皮，雲呑呢啲，白鱔片雙飛厚度好靚仔，落鍋灼一灼就食得，入口爽脆鮮甜。手切牛肉啦喎顔色bling bling夠哂新鮮牛味濃👍想爆加分俾個炸魚皮，師傅自己處理自己炸，每塊都大大塊脆口咸香，落去火鍋輕輕淥吓入口真係恰到好處。…Read More

呢間都有唔少人介紹過，因為下午4點就收舖一直定都未嚟食，今日中午趕得切終於終於試咗佢啦揀咗窩蛋牛肉加潤腸，同埋蒜豉排骨加潤腸，加多碗佢哋嘅老火湯，今日係蓮藕湯。講講呢款老火湯先，佢比出面嘅例湯飲落係無味精嘅，不過大量嘅甜味係嚟自紅蘿蔔粟米，湯骨味蓮藕味就略為遜色好啦好啦，到咗佢嘅煲仔飯，因為飯焦要另加錢我無加到(呢個係咪影響上餐時間?)由落單到上煲仔飯大概等咗10分鐘左右，我覺得有少少快嘅，係！飯到咗外觀上靚仔碎牛加生蛋，加啲豉油撈撈撈，雞蛋都接近熟嘅狀態，撈嘅過程見佢飯底都係偏濕，煲仔溫度唔太高，睇睇隔離個排骨煲仔都一樣，飯底都係濕啲黏啲，呀係咪真係我無加飯焦🫠整體味道係好好嘅，碎牛入味成個飯連蛋撈我好快食哂，下次嚟要加番錢加番個飯焦啦，雖然我諗唔明加錢加飯焦咁我一開頭叫嗰個係咪叫煲仔飯。…Read More

平時經過開今日第一次嚟食，我哋揀咗佢呢個🌟🌟🌟 ６０分鐘自選一人午餐每位最低消費＄８５，有６０分鐘午市燒肉半放題套餐！套餐自選三款鮮嫩肉品，仲有超過三十款自助區美食俾像揀㗎。佢有一個十二味醬專區超多款醬汁可供配搭，細味台燒的醬汁情懷。呢個安平櫻花蝦飯，有櫻花蝦、香蔥、海苔或秘製的滷水汁可以自己配搭，配料分量可因個人口味自由控制，每人都能夠調配出獨一無二的拌飯。仲有款聖誕限定 - 威士忌烤肉醬系列台灣現時最流行、風味獨特的醬料，通常用於烤肉：主要成分包括威士忌、糖、香料和其他調味料。 醬料特點結合了威士忌的濃郁香氣和其他調味料酸甜的口感，能夠提升肉類的風味。…Read More