Akiva's Profile

今日咁啱喺附近就上左嚟大元美食廣場覓食平時我食開第二間泰國嘢，又唔想成日食同一間，於是搵左呢間望落裝修唔錯同多人食嘅嚟食，冇諗過咁都會中伏…我叫左個葡國雞飯配柑桔檸檬，承惠48蚊杯野飲係ok嘅，酸酸甜甜，好過個飯杯嘢都幾大杯嘅，不過即使店員主動幫我少冰我都係覺得太凍 ，結果都係飲剩少少之後到個飯 我一見到就知出事 d雞少得可憐得三舊仲要一d雞味都冇仲要完全唔入味，三舊入面有兩舊係“鞋”到冇朋友嘅雞胸，剩低大半碟都係菜，得個碟大，個汁又唔夠撈哂d飯，比20蚊都嫌多仲要食唔飽，冇下次！…Read More

收工約左朋友係CWB本來想食韓國炸雞但因為太多人所以轉戰呢一間～由於我地walk-in冇book檯所以得2人檯坐 (其實有D逼)，所以下次黎之前記得book位我地兩個女仔一共叫左一個黑松露薯條、兩個main dish同兩杯green tea latte後來我地發現實在太低估呢度野食既份量，因為主菜真心超、大、份！！！先上既係green tea latte ($39)，拉花好得意，我係熊啤啤而朋友係貓仔，但我呢個抹茶控覺得佢既綠茶味唔係好夠，影相就唔錯嘅跟住就上黑松露薯條，餐廳好貼心將黑松露沙律醬分左兩個兜仔裝，唔使爭岩岩炸好，摸落仲會「辣」親手，厚切條條唔同口感，蘸埋個勁重黑松露味既醬，好食～唔好睇落以為唔多，其實我地兩個都食左OK耐先食得哂就係我地食到一半既時候，主菜就係5分鐘內上左兩個，分別係啤酒燉雞同埋牛肉焗蠔海鮮飯(各$288)我想講既係，呢兩盤野搞到我地張2人檯冇哂位，因為實在太大，我地都嚇親，哈哈啤酒燉雞係係menu入面冇相既主菜，純粹係為左撫慰朋友冇得食炸雞既心而叫，都唔知道係咩樣食左之後就發現我地冇揀錯，因為真係啖啖都有啤酒既麥香味，而醬汁本身都係走開胃路線，絕對會食唔停，所有野都超入味，超超超推介其實真係想叫碗白飯黎撈哂D汁(如果有)，不過另外盤海鮮飯實在太大，所以打消左呢個念頭另外個paella都好好食，我諗度應該有4、5碗飯冇誇張，入面有好多隻蠔，D牛肉應該係牛腩黎，不過肥膏比較多，可能怕焗太耐會太乾唔好食，都推薦既雖然今次埋單要成差唔多$400一個人，不過我地覺得絕對係物超所值，下次黎食真係叫一個main course就夠啦…Read More

之前成日經過見佢裝修左一排，今日終於有機會黎食裝修左之後第一次黎食，果然非常有水準由於我地一早book左位，餐廳幫我地安排左圓檯方便傾計，好貼心:)唔記得影個menu，前菜三選一，主菜有素、魚、牛同羊揀，價錢由118至248不等，加$10有野飲，加$50有自助甜品同野飲到齊人之後就上左法包(唔記得影)，細細塊外脆內軟，佢本身有附橄欖油同意大利黑醋，個人覺得黑醋好食過油，蘸湯都好飲前菜我就揀左粟米湯，上面仲有烘脆過既煙肉，好香口，湯保留左粟米既口感，仲食到一粒粒，有好自然既粟米甜味，唔錯～主菜我就揀左羊扒配南瓜risotto ($168)一睇個賣相已經好吸引我自己本身食開medium rare, 首先熟度係合格，冇過熟~建議先食羊扒，因為一切開D肉汁出哂黎滲埋入去D飯度我本身係好鍾意食羊愈羶愈好個D人黎，呢兩塊羊扒真係羶到不得了，正至於個南瓜risotto本身顏色好sharp，食落第一啖已經有好濃嘅芝士味，不過都冇搶到本身南瓜既味道而個飯既質感亦都岩岩好唔會煮過硬/稔，係非常standard既risotto，外軟內少少硬，易入口之後再食一啖撈埋肉汁既飯，味道又昇華到另一個層次，唔會覺得膩，份量岩岩好，正！最後餐飲叫左即磨咖啡，我想講真係大杯到我冇時間飲，不過都好好飲總括黎講呢餐係我近期食過最好食既SET LUNCH，講真附近有好多相近價位既西餐，但我覺得呢度絕對係頭三名內，因為無論以裝潢、賣相、味道、服務同其他細節(e.g. 餐具)都睇得出酒店花左好多心思，短期內一定會再黎食!…Read More

又到左星期六收工覓食既時間最近睇到FB有介紹Thermos Café，見到個生牛肉湯粉咁吸引，於是就決定收工黎試可能因為星期六合和中心比較少上班而且層數唔算太就腳既關係（要搭升降機上7樓），所以得小貓三四隻於是思考左一分鐘之後，決定食生牛肉湯粉配老撾咖啡 ($89/set)等左10分鐘到，終於有得食啦！個lunch set主要包左三樣野：前菜、主食同飲品其實我本身唔食沙律，不過咁岩得咁橋今日唔係serve沙律，而係迷你札肉法包，岩哂！裡面除左札肉之外仲夾左塊生青瓜，加上烘脆左既法包，三種唔同既口感，三樣我從來冇諗過可以一齊食既野係埋一齊既感覺好新鮮，相信如果係full size應該有更多配料，有機會會再試的～食完就到主菜生牛肉湯粉啦～首先第一眼見到個湯底咁深色係有D出乎我既想像，不過飲落除左飲得出用牛骨熬製之外仲加左好多種唔同既香料，仲飲完都唔會口渴，絕對係水準之作麵方面係用來自老撾既金邊粉，煮得岩岩好，唔會太稔或者太硬牛肉方面食到好有牛味，咁當然同你鋸扒食既牛扒冇得比，但係食完之後牛肉既香氣仍然會停留係口腔入面一陣唔會散開配菜方面最令我意外既係黃豆芽，其實我本身係一個唔食芽菜既人，因為我唔鍾意食麵既時候會有野影響到麵原有既口感而今次既黃豆芽係冇影響到金邊粉既口感之餘仲食到淡淡既豆香，比個like佢成餐最令我驚喜既係杯sweet lao，本身已經有少少甜，啡底本身都好香冇苦澀味，絕對值得一試值得一提既係呢度既barista哥哥，由落order、煮麵、沖咖啡甚至捧餐都係由佢一手包辦，有時候仲要答下其他食客既問題，實在太犀利睇黎而家做咖啡師都要識十八般武藝呢~總括黎講呢一餐我非常滿意，由點餐個一刻到餐飲都有源源不絕既驚喜，絕對會推薦比身邊既人黎食…Read More

平時返工多數帶飯，好少出街食，所以我只會係星期六返半日收工之後去覓食而今次我就揀左米芝蓮推薦既永華麵家平時食完飯出去行都成日經過見到門口貼左好多相同專題報道 而且我都好耐冇食手打竹昇麵，於是決定一試由於當時都係12點未到食飯時間，所以都係半滿於是就叫左碗雲吞麵同一枝忌廉問題就黎啦：初時都覺得叫枝忌廉都唔係好貴，頂多都係10蚊左右，嗌左先發現呢度賣15蚊....OK，咁當我冇睇清楚，但係驚喜一浪接一浪。未黎之前我已經爬過文知道呢度既麵出哂名細碗，但未到現場親眼見過都唔知會咁震撼，仲細過我對手（FYI，我伸到最盡都係岩岩到彈到鋼琴8度）FINE，我一於試下碗麵係咪真係值42蚊。先試湯底 - 永華聲稱湯底有用鯊魚骨熬製而成，咁的確我係飲到同平時常用既大地魚湯有少少唔同，飲到鯊魚骨味，算叫合格。之後試雲吞 - 雲吞係永華其中一樣招牌，唔算非常大粒（大概一粒湯圓左右咁大），冇咩驚喜，叫做好自己本份。冇錯，呢兩樣野算叫做不過不失，不過我唔覺得值42蚊。最後食埋個麵，我覺得比20蚊都叫多。點解？完全唔彈牙、麵條極硬好似未熟透咁，唯一一樣做到既就係冇鹼水味，亦係手打麵既最低要求。或者可能因為岩岩開鋪做生意，但我覺得呢個絕對唔係一個合理既藉口。再者分量實在太少，完全唔夠食，如果要醫肚既話，千祈唔好叫。所以，我真係唔明白點解呢間野會有米芝蓮推薦，實左太令人失望，絕對冇下次。…Read More

紅磡真係一個覓食既好地方，雖然一個禮拜因為返學既關係要出黎4日，但係永遠都可以有新野試我本身係一個好長情既人，食開邊間就會一直好想繼續去，仲要比人話我係咪當左個間野係canteen個種今日收工係對面海搭巴士未夠6點就到左紅磡，唔知點解想食得清淡D同一條街既上海麵又未開，於是就決定試下五芳齋，因為可以坐得舒服D由於唔係食飯時間既關係，都係得幾檯人，所以唔使等位講返正題，下午茶主要有3個價位，最貴既刨冰系列我諗到天氣熱D既時候再食啦最平個個就係$35包凍/熱豆漿，轉野飲另計，下午茶時段免加一今次就叫左津白肉絲炒年糕配熱豆漿豆漿應該係最基本既野，但唔知點解唔係間間飲落都正常，太甜、冇味、太稀甚至有燶味既都有，而個D鋪頭仲分分鐘係野食整得唔錯既餐廳而五芳齋既熱豆漿無論甜度定濃稠既程度都恰到好處，值得一讚至於主菜方面，雖然我本身對下午茶既份量都唔會有太大期待，但上碟第一眼見到個時我都有少少嚇親，個一刻我係度諗返屋企使唔使再搵D野食下......但後來食食下又OK喎，可能我早食同埋D年糕都飽肚啦不過最令我驚喜既唔係津白、唔係肉絲亦唔係年糕，反而係冬菇蠔油同冬菇不嬲都係絕配，而全碟最入味既竟然就係D冬菇，就咁食落應該唔似係鮮菇，唔錯津白同肉絲都不過不失，我個人偏好腍少少既津白，而呢碟入面既就介乎爽口同腍之間，豐富成碟炒年糕既口感至於年糕我就反而有少少失望，大家都知上海年糕本身都係由一條切成一片片，可能係因為炒個時冇兜得好勻，所以有幾片都仲係痴埋一齊，導致有其中一面都係白色冇沾到D汁 當然35蚊既下午茶我唔會有咁高要求，但如果用正價黎食既話就未必過到我個關整體黎講都炒得幾香幾入味，我一邊夾黎食一邊玩手機都好快食哂總括黎講，以$35食到酒店餐廳既上海菜絕對係超值，而且環境又乾淨坐得又舒服，睇黎都可以考慮將五芳齋加入我既canteen list再試哂其他野...哈哈…Read More

收工之後就衝黎返學，於是8:30放學之後就衝去覓食呢一邊既競爭真係好大，一個月既時間已經見到三、四間新鋪，Bee Happy都係其中一間，主打平民級輕食，見到冇人又係新野就三個人走左入去入到去店面真係好好好好細，得6個位係廚房入面既應該係情侶檔，由take order, 上碟(其實係自己去bar檯拎),收錢都係兩位一手包辦我地三個人試左三個唔同餐，分別係西班牙海鮮飯、吞拿魚卡邦尼意粉同埋肉醬三文魚焗薯由於新開張出示polyu學生證就可以免餐飲，我地三個都叫左湯(原本要+$8)，今日係南瓜忌廉湯其實我飲落第一啖就係調味包既味道，感覺似係X田、阿X屋買到既即沖湯包既味道好似落左少少淡忌廉同橄欖油，味道係唔錯既。其實自己整既南瓜湯會唔會咁黃...跟住第一個上既係西班牙海鮮飯飯偏濕，味道真係有DD似平時係西班牙餐廳食開Paella既味道，有好多細細粒既青口同八爪魚仔(?)，朋友話青口食到一兩粒沙，都算足料既，有誠意之作之後到carbonara其實睇menu既時候我已經暗自期待，好少小店可以做到令我滿意既carbonara, 仲要係50蚊內既價錢結果...係失望既。carbonara最主要既元素係蛋黃同cheese製成既sauce，我完全食唔到任何蛋黃同cheese既味道..朋友仲話我狼死做咩試食咁多啖，因為我真係食唔到個汁係咩汁..結果我同另一個朋友得出黎既結論係：白汁蘑菇湯罐頭。值得讚既地方係，意粉煮得岩岩好，唔會太稔，蘑菇食落都好似係新鮮既至於吞拿魚...罐頭吞拿魚味囉，冇咩特別。總括黎講你如果當佢係白汁蘑菇吞拿魚意粉light既話，你會食得開心D。食食下有另一位男士入左黎叫野食，連佢既野食都叫齊哂都仲未等到我，好在我食左野唔太餓等多陣終於到我既焗薯上碟了首先一上碟就覺得好足料經過上兩碟之後，我都估到三文魚應該係罐頭個隻...結果係中左既，所以比唔到咩comment肉醬就整得幾好食，可以食到啖啖豬肉其實份量都好足 肉醬加左唔少分其實香港真係好難經營到小店，上至鋪租水電煤下至人手，通通都係成本，我好明白為左賺錢係好多方面都需要考慮，希望賺得愈多愈好，但係如果你開店已經係以open kitchen既形式，咁就要考慮埋顧客可以完全睇到你成個煮食既過程，如果係一個煮開飯既人係會計到食材成本同定價既差距，簡單黎講就係值唔值，睇完成篇食評相信你同我都知道答案，不過難得有年輕人創業開小店，可以支持下既呢個食評比笑，純粹係為左支持小店:)但長遠黎講食材絕對係Bee Happy需要好好鑽研既一環，加油！ …Read More

尋晚Happy Friday 約左朋友去尖沙咀食飯本來諗住去H8等位食某韓國餐廳，不過尖東落車經過K11個時又見到D餐廳冇乜人 (個時6點左右)於是就改變主意，同朋友去食想試好耐既GOCHISO!其實K11既餐廳絕對唔稱得上平，不過勝在就腳，而且唔限時(H8既大部分就算book左檯都係得個幾兩個鐘)，GOCHISO都係其中一間中高價位既餐廳到去門口，係真係冇咩人既，不過D侍應都唔多理我...可能我著得太casual覺得我只係睇下唔會黎食掛有個好有笑容既waitress帶位，好想坐梳化但係話full哂喎....(明明冇人，可能係Book位啦)雖然係有少少嘈但係都OK既，幾闊幾舒服餐廳最近做緊promo，有三隻扒可以order會送白/紅酒一杯或者50蚊coupon不過朋友話叫個set都差唔多價錢仲多D野食所以就放棄左結果我地叫左個$488既set, 有前菜、沙律、pasta/pizza/risotto、paella、湯/飲品同埋甜品(三揀二)我地落左Order之後先上既係野飲，朋友既係iced matcha latte，而我就揀左湯開頭以為特濃南瓜粟米忌廉湯除左粟米就冇其他野，原來入別仲有蠶豆、鷹嘴豆同紅腰豆，南瓜味其實我都唔係好食到，可能比D豆搶哂味...我覺得佢地同個湯就真係唔係幾夾，你當佢係一碗新口味既湯係可以接受既。之後就到三文魚沙律我本身係唔係好鍾意食用沙律醬整既沙律，呢個就岩哂我口味啦～三文魚本身話佢餐廳自家醃製既，唔太鹹，單食都冇問題，唔錯除左平時見到既沙律菜之外仲有Ｄ黃紅椒同西蘭花，岩哂我呢Ｄ平時唔係好鐘意食生既菜既人:)冇耐就先上appetizer 就咁睇落擺盤都幾靚，亦都唔係虛有其表，好食!左下角係鹹三文魚，好嫩滑；左上角既牛食落好牛味，一Ｄ都唔韌，好有驚喜!右上既巴拿馬火腿＋蜜瓜，蜜瓜超甜，一齊食落口中和左鹹味，岩岩好加邊既面包擺耐左外皮都仲好脆，上面既三文魚同麵包一齊食簡直絕配，正！之後就上墨魚汁魷魚意粉最中間係蕃茄醬、芝士碎同埋火箭菜，撈埋一齊最好食我都係第一次食墨汁意粉，一開始未撈勻就覺得麻麻地，撈埋左就冇左個陣腥味而魷魚圈都唔唔韌，同意粉一齊食有時都唔覺，哈哈但係記得問侍應拎杯水，唔係你食完成棚牙就黑哂架啦之後到主菜 西班牙海鮮飯(半份)首先擺盤係靚既，兩個人食半份其實係岩岩好，加埋檸檬汁，其實味道係OK既，但未到話超好食囉，不過不失最後就到我最期待既甜品啦！我地冇揀到Tiramisu，揀左剩低既cheese tart同埋creme brulee先講個焦糖燉蛋其實佢上碟既時候都估唔到佢咁大杯本身佢燉蛋base係凍既，而上面個層焦糖就係岩岩整好燉蛋好creamy，好香雲呢拿味，食得出唔係用香精既味道上面既焦糖脆脆都好厚，但係mix埋一齊食就岩岩好，唔會太甜，好食～呢個Cheese tart配牛奶雪糕絕對係今餐既亮點個cheese tart同一般cheese cake唔同，食落口好滑，好香芝士味，又唔算太膩，有時沾下旁邊既士多啤梨醬都有解膩既作用旁邊既牛奶雪糕簡直一絕，好濃牛奶同雲尼拿味，襯我朋友去toilet個時食哂，哈哈如果要我比較邊個最好食既話，我會揀 Cheese tart, Milk ice cream>Creme brulee>appetizer>salad=spaghetti>paella>soup，配菜overall黎講係好過主菜既總括黎講，雖然星期五夜晚好多人黎食，但係都keep到上菜時間同埋菜色既水準，係值得一讚既；但係如果整體服務態度再做好Ｄ既話就更加好啦…Read More

其實我一早就聽過花園餐廳呢個名，但係次次經過都冇入去食不過今次朋友提議，就獻出左我既第一次....另一位同行既友人同我講去花園餐廳係食頹扒好！我就睇下你有幾頹！當時我地6:15pm就到去到，都冇咩人，唔使等就有位睇返之前既食評，好似話重新裝修過，D卡位都真係坐得幾舒服既講返D野食，我叫左個Set dinner肉眼扒配薯菜，配忌廉湯同餐包 ($77)唔係講笑，我真係未飲過咁難飲既忌廉湯個湯入面有魚，都令我幾意外，但令我最意外既係佢冇忌廉味但係極重味精！講真我對忌廉湯既要求唔高，佢只要飲喝落口感creamy都已經叫做合格，例如Pizza Hut個D我完全收貨（應該係話好好飲）但係佢只係用芡汁整到D湯杰身，似飲緊味精水多D囉結果我飲到一半就唔飲到左主菜肉眼扒我叫左五成熟，配燒汁，都幾大塊既淋汁個下原來要整裝待發咁拎起張餐巾擋住D汁，哈哈 的確係幾稔既，不過真係冇咩肉味囉我叫既5成熟同7成熟都冇咩分別，但係友人舊T骨既7成熟就好似3成熟咁 但係最得意既係佢既菜係小棠菜，果然係Hong Kong Style結果我地坐到10:30pm就走人，個時全場得返我地一檯....可能平日冇咁旺啦總括黎講偶爾食下都幾得意既 除左個湯伏過頭之外....…Read More

上個禮拜睇到U-Megazine Facebook fanspage既介紹知道大坑開左間Hello Kitty Cafe於是就叫D朋友黎陪我食，睇下佢係咪真係咁好食我本身唔係Hellokitty既fans，純粹只係以試一間新cafe既心態黎食加上我都好耐冇黎大坑食野，上一次已經係Kindergarten仲係度既事....我地一行三人大概2:15pm去到，前面已經排左20個人左右，可能係因為餐廳既size細到一個點既關係我地亦都好好彩，後面排多一個人之後餐廳就排人出黎截龍話full house，之後排既都唔serve熱食當時我地三個心諗：下！？咁快？三點幾咋喎？不過算啦，有得食就得等左兩個鐘，終於入到去坐一坐低第一件事就係狂影相，因為真係乜都有Hello Kitty，以原木色作為餐廳既主調都令人覺得幾舒服結果我地一人叫左一個蛋糕同一杯野飲，仲有一個Classical Burger先黎既係蛋糕：Apple Cake and Green Apple Cake ($58)我地排緊隊既時候已經好好奇個蘋果入面係乜野黎簡單黎講，佢地其實係蘋果批既變奏版入面係煮過既肉桂蘋果粒+提子乾，配上sponge cake同Mascarpone cheese蘋果冇比肉桂搶左風頭，仍然保留到蘋果本身既味道，而且好有口感而Mascarpone cheese就同蘋果粒同提子乾既口感做成強烈對比不過由於我本身唔食蘋果批，所以對佢冇乜感覺，唔覺得佢特別好食...如果你唔鍾意肉桂陣味既話，你未必會鍾意食Mango Tart ($48)唔錯，芒果幾甜，同一般fruit tart冇咩分別不過隻Hello Kitty係幾得意既 拎黎影相唔錯冇幾耐就上主菜Secret Garden Burger ($98)第一眼見到既反應係：哇，真係幾大份入面有煙肉、太陽蛋、同自家製既牛肉漢堡扒漢堡扒應該都有1.5cm厚，非常足料，好juicy，有牛味，如果成個包拎起黎食都唔容易...由於同另一位朋友下晝都冇食野，所以我地瞬間食哂薯條都係急凍個D，其實冇咩特別，不過好似冇乜味但係你話係咪好好食，我覺得不過不失，唔太值$98...最後叫左個Iced Apple Tea ($42)第一下仲以為我睇錯，點解有檸檬既？不過都幾好飲，唔會太甜，值得一試抵讚既係雖然好多人，由叫野食到上菜都係30分鐘入內既事，都算快既而且佢都冇限死用餐既時間，呢樣對人流多既小店黎講其實唔算係好事，但係店員們都冇催我地總括黎講，如果你係Hello Kitty既fans，你應該唔會唔會對餐廳既裝潢失望，野食都可以一試但係你如果只係一個想搵間cafe坐下傾下計，我諗你就唔好對呢度抱有太大期望因為撇開Hello Kitty呢個噱頭，佢既定價都比一般cafe高…Read More

次次返學經過都見到佢，但係成日覺得太貴唔太想去食不過個晚放8:30pm，好多鋪頭都開始收檔，決定一試個時唔係太多人，可以一個人坐卡位...不過真係唔係幾舒服 一來張檯特別高，二來卡位特別窄唔知坐過既人有冇同感呢?每一台都有一小籃蝦片，份量算多，唔太鹹，都幾好食既 由於我夜晚一飲有咖啡因既野就瞓唔到，於是叫左杯熱利賓納幾夠味，OK嘅到上主菜了 - 泰式海南雞飯 ($58)雖然話係招牌菜，我都抱左幾大期待，但係往往都出乎意料...:)雞胸肉一D都唔覺「鞋」:)飯份量好足:)個汁又酸又辣，我平時都唔係好食酸同辣嘅野，去譚仔都係食清湯，但係呢個汁我接受到，又幾好味喎點完D雞有剩仲可以撈埋飯，絕對係全碟飯既highlight!:):(個飯椰汁味重，雖然佢係黃色，但係完全食唔到雞油味...我唔抗拒椰子味，但係海南雞飯個飯得椰子味會唔會唔係幾合理?:(D飯唔夠乾身，食食下食到D油油地又唔係飯既野，唔通係椰油??:(雞好似真係少左D...多返兩三舊會好好多，感覺我食完好似係比D飯質飽咁...總括黎講，如果你咁岩經過，可以試一次既但係唔使專程黎試，如果唔係你可能會失望...…Read More

是日兩家人一齊食飯，爸話好耐冇食馬家莊就去左食今次應該係第4次黎食，之前係爸媽兩個人行街既時候經過行入去食覺得唔錯就帶埋我地食我地6:00pm左右就到左 個時冇咩人 點菜既時候店員都好熱心咁推薦D野食比我地最後我地都叫左好多...真係食到棒住個肚返屋企海鮮豆腐羹 清清地D蝦都好爽 我地7個人 店員叫我地叫碗大既 結果都有7碗大半牛三食 四選三，冇叫牛肚 最好食係牛筋跟住到牛脷 兩樣都好香牛味，牛筋好似係牛筋凍黎 牛肉(牛"月展")就真係麻麻地..好乾....咖哩羊腩 真係唔錯!! 唔算好辣 但係咖哩冇搶哂羊既味，送飯/薄餅正!!＊＊＊紅燒豆腐鍋＊＊＊ 大推薦!!! 牛尾稔而入味，連D配菜好似冬菇、筍等等都入哂味! 全晚最好食既小菜!!松子魚 賣相好靚...但係條桂花魚可能因為新年存貨既關係，淨食係冇咩味....真係靠個汁...不過個汁唔錯如果佢連條魚都係新鮮既話，絕對值$168 (最貴係佢...)奶油津白 純粹係想叫碟菜食 可能其他野都好濃味 我食唔到咩味 = =值得一讚既地方係冇牙都食得....:)羊肉鍋貼..其實我地牛羊肉既餡餅(牛x2 羊x5) 同鍋貼(每樣1碟5件) 都有叫，不過冇影相牛同羊既味道真係兩樣野黎...羊>>>>>>牛在座都有人唔食羊.....比左少少佢食，佢都話有D羶...下次不妨可以試下先食牛再食羊，就會知道分別不過唔理係食羊定牛，鍋貼定餡餅，千其唔好一大啖咬落去，會爆汁的 同埋要趁熱食啊另外，我個人prefer煎既多過水餃 始終係好多香料 搭好清既野都係怪怪地..不過驚熱氣既話都可以叫水餃食既，唔同風味:)另外仲叫左一碗白飯同薄餅同6,7 罐汽水結果我地6大1細 埋單連加一 好似係$1047 都算抵食下次一定再黎:)…Read More

尋日同父親大人拎部電話去銀城整，落樓都2:30pm...我地決定行去女人街嗰邊食返個下午茶...不過沿途見到其他餐廳個afternoon tea都要成40蚊...見呢間都係$2x-$3x見到個老闆娘又咁落力sell, 加上係Openrice好多人都話唔錯 好啦 就去試下 我地一人叫左一個餐，我爸+5蚊叫左杯香芋珍珠，我就+4蚊叫左杯茉香珍珠由於爸叫既係lunch set所以跟餐有生果先上既係飲品： 茉香珍珠(跟餐+$4) 6.5/10由於我本人係非常鐘意茉莉味既飲品，每次見到餐單上面有茉香珍珠，我一定會叫...我特別鍾意shake出黎唔係台式飲品舖溝出黎既味道...不過可惜既係，可能落得太重手，太甜!!我本身都食得甜，但係佢既甜已經令到茉莉味好唔自然，好似飲緊茉莉味syrup落肚既感覺...不過值得一讚既係，佢既冰唔算好多，重係咁啦 香芋珍珠(跟餐+$5) 7/10我自己就冇問過阿爸拎黎飲，不過阿爸話唔錯既過左一陣，可能人唔太多既關係，所以好快有得食 蒜蓉牛柳粒撈麵($28) 6/10聞說呢度既撈麵好出名，於是我就叫左佢....雖然個碟好大，但係份量唔多 岩岩好一個營多撈麵既size...:) 牛柳粒唔算好韌而且唔算太熟:) 麵冇煮過龍:( 麵係凍既，完全係撈麵味，同係7-11買既無異:( 牛柳粒爆得唔夠香，有多D蒜香味更好如果要我形容呢碟麵既話，我會將佢稱為喺7-11買完返黎擺耐左既撈麵+牛柳粒放係一個好似好高級既碟上面...其實我expect呢度既撈麵應該同出面食既唔同同埋更加好食，但係我真係食唔出分別...咁點解我要比廿幾三十蚊黎呢度坐低食個撈麵呢? 黑甜醋薯仔五花腩紅米飯($34) 6/10父親大人既，我試左一舊五花腩，味道似曾相識－－啊！豬腳薑！只不過佢再甜D....:) 份量好夠食，岩岩好，汁都夠撈飯，仲有薯仔、紅蘿蔔咁，都幾入味:( 汁真係甜...但OK既....我覺得我地比個名呃左...以為佢係D咩特別野雖然話係黑甜醋，但係我覺得酸同甜既比例可以再好D..至於生果（西瓜），爸話碟飯太甜，所以冇食到比左我食一開頭睇到咁淺色以為冇咩味，點知都幾甜:)不過最令我地意外既係，件碟竟然好食過個主菜！茄子同白菜都唔會蓋過主菜既味道，個汁仲帶出左蔬菜既鮮味，而且個茄子仲好juicy tim，good! 總括黎講，可能係評價太高而導致我期望太高，又或者係我冇叫到佢地既招牌菜，我未必再幫襯...至於抵唔抵食，我覺得視乎觀點與角度雖然價錢係MK黎講算係好OK service都唔錯 但如果拎食物質素同價錢掛勾既話，其實唔太抵食:(…Read More