不過今次朋友提議，就獻出左我既第一次....
另一位同行既友人同我講去花園餐廳係食頹扒
好！我就睇下你有幾頹！
當時我地6:15pm就到去到，都冇咩人，唔使等就有位
睇返之前既食評，好似話重新裝修過，D卡位都真係坐得幾舒服既
講返D野食，我叫左個Set dinner肉眼扒配薯菜，配忌廉湯同餐包 ($77)
唔係講笑，我真係未飲過咁難飲既忌廉湯
個湯入面有魚，都令我幾意外，
但令我最意外既係佢冇忌廉味但係極重味精！
講真我對忌廉湯既要求唔高，佢只要飲喝落口感creamy都已經叫做合格，
例如Pizza Hut個D我完全收貨（應該係話好好飲
）
但係佢只係用芡汁整到D湯杰身，似飲緊味精水多D囉
結果我飲到一半就唔飲
到左主菜肉眼扒
我叫左五成熟，配燒汁，都幾大塊既
淋汁個下原來要整裝待發咁拎起張餐巾擋住D汁，哈哈
的確係幾稔既，不過真係冇咩肉味囉
我叫既5成熟同7成熟都冇咩分別，但係友人舊T骨既7成熟就好似3成熟咁
但係最得意既係佢既菜係小棠菜，果然係Hong Kong Style
結果我地坐到10:30pm就走人，個時全場得返我地一檯....可能平日冇咁旺啦
總括黎講偶爾食下都幾得意既 除左個湯伏過頭之外....
