eatingbaby11's Profile

有次同dept team lunch 嚟咗呢間中餐廳，覺得環境幾好，趁住6月喜事慶祝，就帶埋老婆過黎食晚餐！一坐低，服務生就拎住個迷你百子櫃過嚟，介紹返佢地既特式cocktail，好似有山楂餅味、雙飛人味同蘋果味，價錢大約$140一杯左右～諗咗一陣，我最後叫咗啤酒所以就無試到，不過佢個idea真係特別！老婆都同個百子櫃影咗好耐相！老婆做咗少少功課，所以佢主要負責叫野食～佢就叫咗個「魚香脆茄子」、「混醬燒鴿」同埋「藤椒伴翡翠」~平時都好鍾意食魚香茄子，估唔到呢度既做法係將茄子炸脆，無汁，魚香味係做到好似避風塘果種炸蒜調味，食落有D似椒鹽豆腐咁，好有創意！混醬燒鴿算係呢度其中一個招牌，眼見都幾多人叫～上枱前，服務生會放喺側邊淋上火酒先再剪開隻鴿，見到有表演睇，老婆又係咁影相😆 食落隻鴿皮爽肉嫩，加埋特製既混醬，好食呀！老婆話出街要食綠色蔬菜，所以就叫咗藤椒伴翡翠～個味估唔到麻又黎，又好清爽，最岩襯返咁重口味既菜式！之後我地再追加咗個「豆腐乳凍」做甜品，超濃豆乳味，又唔會好甜，食完味蕾即刻舒服哂！今餐老婆食得好滿意，仲話之後可以帶埋屋企人過黎食～最正就係可以舒舒服服慢慢食，唔使限時，呢點抵讚！另外，鍾意飲酒既朋友，佢地每日3-7pm 都有做緊HH（買一送一）優惠，啤酒同酒都係$65pp，呢個環境黎講，算係抵飲！…Read More

轉咗新工之後，久唔久會同同事放工出去食吓野～上星期就跟大隊去咗呢間私房菜，如果唔係同事帶路，真係估唔到呢個位有餐廳！餐廳安排我地入咗細廳，都幾有私隱度。同事一早order咗套餐，我就靜靜等食就夠😋 先嚟前菜，一套三件—自家制甜酸齋、茶燻流心蛋伴黑魚子醬配厚切茄子、本地沙律菜，個人覺得3者都做得好出色，既有濃味、酸味同清爽，特別欣賞食佢個甜酸齋，調味剛好唔會「那喉」👍🏻再嚟「黑松露醬炒花尾躉班球配鮮露荀」，黑松露味好突出，露荀又夠鮮嫩，第一次見呢個中西合壁既配搭，估唔到又夾喎！一定唔可以錯過佢既「招牌茶王燻雞」，燻得好好食，外脆內嫩，聞得出茶香味，唔怪得係招牌啦！我都幾鍾意「醬燒厚身豚肉」，豚肉細細舊又多汁，嫌太多肉又可以食返D青木瓜絲解膩！留意返，環境都係正常工廈餐廳水平，唔好期望太高，勝在店員服務態度有禮，反應快！…Read More

同事呢排心情唔多好，於是約佢收工後出黎飲野。見公司附近開咗呢間日式居酒屋，就book 定位先。日式裝修，大約有十幾個位，人少少靜靜地幾岩傾計。由於我同同事都唔算肚餓，都係打算叫D串燒同小食送吓酒傾吓計，我地都估唔到呢間小店既出品都幾好食！聽店員介紹叫咗呢個豬肉串燒拼盤，有４個口味，有咸有甜，個人特別鍾意佢個煙肉車厘茄卷，個蕃茄好多汁，好解膩。之後再試多串雞同海鮮，我就叫咗個山葵醬雞柳，原來係唔辣！不過就保留到wasabi既香味，幾特別！同事話想食呢個牛油燒北海道貝柱，一份三粒，仲有片紫菜可以配黎食。最後叫埋送酒必備既燒鯖魚同炸雞軟骨，兩者望落好似平平無奇，但係都燒／炸得好香口，外面好脆但入面一D都唔老！有D技術！呢度啤酒有兩款：1664同Asahi，第二杯有半價！有需要可以問吓佢有無清酒，見到入面有好多酒，不過menu 無寫XD…Read More

一向對無特別鍾意食fusion 菜，老婆話搵到一間英式廣東菜，我都R哂頭，不過老婆話事我就無（唔敢XD） 異議。去到餐廳，見到佢既裝修係偏西餐廳，仲有個酒吧位，感覺都幾高級一坐低就見到有本drink menu，難得睇得明就叫咗兩杯corktails 試吓我就叫咗Pu-Er Old Fashioned，老婆就叫咗杯Be my Honey，兩杯都fusion 得黎又幾易入口。之後就叫野食，第一次食英式廣東菜，真心無乜頭緒，最後聽店員推介叫咗個香酥鴨薄餅其實好似片皮鴨，唯一唔同就係佢既鴨肉係炸過，同埋無乜鴨皮。我又幾鍾意呢個食法，比起平時既片皮鴨無咁油膩，店員話D外國人入中菜館一定會叫呢個！之後就叫咗個招牌fish & chips，塊魚好大塊而且魚肉唔會散，調味唔重味仲食到魚味！店員話外國一定會配咖哩汁，真係估佢唔到！最後食多咗個蜜汁排骨，似係廣東既黑醋骨，味道幾惹味同埋都好大舊！聽店員話之後仲會做埋美國、澳洲既中菜，感覺都幾特別，有機會會再返黎試吓！…Read More

因為工作關係，成日過嚟柴灣。聽朋友話，原來永利商場有間親子友善餐廳，一於同老婆過去試吓！未入座，已經見到門口有幾隻鸚鵡，見到好多小朋友同佢地玩！入到去，原來有個廚房仔俾小朋友玩，大人就喺隔離食吓野傾吓計，都幾chill。同埋，佢都有兒童餐同埋包場服務，搞生日會、百日宴都可以嚟呢度！話明「薯仔屋」，梗係主打食薯仔！今次同太太各自叫咗個套餐。我就食鐵板牛扒配黑椒汁，另外叫咗杯童年回憶—「黑牛」！佢個套餐仲有蒜蓉包同沙律跟埋，加埋唔使$130，性價比高呀！「黑牛」其實係可樂加雲尼拿雪糕，而家無咩餐廳有架啦！太太就叫咗個吞拿魚焗薯，佢話調味岩岩好，唔會太重手！值得一提，要自己出去counter 落單架！同埋，佢有酒可以叫，家長們有興致既話，可以淺酌幾杯 XD…Read More

鍾意食潮洲野既朋友，應該對「陳儀興」呢三個字唔陌生，佢地係一間老字號既潮洲餐廳。行過旺角先知，原來佢地都開咗「陳儀興牛什粉麵」，地點方便，近登打士街。太太話想試吓佢既粉麵，於是搵日睇戲前過嚟醫肚。入座時未到食飯時間，被安排坐4人枱，見到佢既裝修都幾有特式，環境都乾淨企理。我同太太唔算好肚餓，於是叫咗個粉麵餐（雲吞米連油菜飲品）+小食（炸魚多）+淨牛沙瓜嚟試吓。平時好少見到牛沙瓜，其實係牛肚既一種，佢算係厚切，夠哂口感，牛味都出！推薦！估唔到佢碗米粉咁大碗，太太話一個人完全食唔哂，抵食！同埋炸魚蛋係條狀，似係生菜魚肉既魚肉，食落都好彈牙，連埋個泰式醬好夾！如果行開附近，又想食粉麵，都會再到訪！…Read More

已經嚟過幾次呢間串燒店，覺得佢Ｄ野食都有水準，所以再同太太收工後食多次。一坐低係用QR code 落單，種類都算多，野飲當然有啤酒啦！值得一讚既係，之前食係仲未有藍妹，而家就多咗藍妹！我地叫咗炸饅頭，外面香脆，加埋D黑芝麻同煉奶特別香！跟住就叫咗燒茄子，好食唔柴，都算大條，調味唔算重手。最正既係佢加埋菜圃係上面，出面係少見既！仲叫咗一串燒魷魚，唔好睇佢Ｄ魷魚細細隻，隻腳燒得好香好脆！最後叫咗個秋刀魚同滕椒魚皮，鍾意食魚既朋友可以一試！…Read More

不嬲都鍾意食串燒，見到有咁多好評，就同太太搵日收工後過嚟試吓。佢係個屋苑商場隔離條巷仔，附近都有好多食肆。值得一讚係既，佢枱面有個火爐仔可以慶住D串燒，可以慢慢食，唔使驚凍哂。但係佢個火爐都幾熱，記得千祈唔好掂。一坐低，第一件事一定係叫咗啤酒先。今次我地就叫咗以下食物:- 雞翼：個皮好脆好香口，調味好惹味，入面雞肉都唔鞋。- 蟶子：平時都鍾意食海鮮，見佢有燒蟶子，叫咗一隻試試。佢唔會燒得太老，舊肉都仲大舊。- 羊肉：呢個有驚喜，細細串但中間都會有舊肥膏，食落特別有油香，而羊肉都無乜羶味，太太都話接受到。- 扇貝：粉絲夠多，好吸味，呢個可以抵叫。生蠔：有兩隻口味可以揀，太太鍾意芝士，我就鍾意蒜蓉。- 牛奶小饅頭：太太話想試吓，叫咗一個嚟試吓，特別之艼係佢係跟埋芝麻，增添有果仁味道。…Read More

約咗朋友過嚟將軍澳探另一個朋友，見仲有D時間，喺附近搵緊餐廳坐吓食吓野先。朋友話想好耐無打邊爐，於是我地就搵到呢間湯。米。佢係一個商場上既一樓，可能有少少難搵。因為我地兩個人唔算太肚餓，諗住叫一個鍋再加Ｄ小食同追叫下配料。今次就叫咗泰式海鮮鍋，佢個湯底好濃椰香味，海鮮黎講佢就有蝦同青口，仲有D雜菜、蟹柳、粟米咁。之後我地就追加咗個海鮮拼盤都肥牛一碟。之後再叫咗台灣腸，呢個好有驚喜，煎得好香，外皮好脆。而且醬汁區域可以選擇蒜泥，台灣腸加上蒜泥非常香！值得一提既係，佢既飲品可以揀走冰走甜，呢點幾好！…Read More

朋友知我鍾意食泰國菜，帶咗我嚟呢間食我地食咗４樣野: 濕炒牛河、生菜包、蒜蓉炒椰菜苗同燒牛肉個人最有驚喜係生菜包，Ｄ肉碎有少少辣辣地，好香口！另外，個菜都係炒得好好食，夠爽口之餘又大條值得一點，佢上菜速度好快，趕時間一流，不過就坐咗逼少少…Read More

雙餸飯簡直係糧尾恩物, 可以自己揀餸, 真係食多幾餐都唔厭!今次我就揀咗金銀蛋白菜仔同埋香檸雞, 店員"不"得好大份, 成盒滿哂, 細食既話可以分兩餐食添!值得一提既係, 佢地既蒸魚都係唔使另外加錢, 呢個質素份量都係$35, 大癲! …Read More

見到餐廳做緊HH優惠, 星期四免費送黑松露薯條!即刻約埋朋去放工後一齊去試吓! 一落完單, 服務生好快手就送上黑松露薯條, 熱辣辣, 送酒一流!佢既HH價錢都幾吸引, 但要留意薯條至到7點, 要食就早少少落定order…Read More

呢間小cafe 藏身喺柴灣公園之內，附近環境好綠化，其實都幾chill，不過就只得企位，同埋都開始多蚊唔好睇佢cafe 細細，原來都有muffin 同cheese cake 提供，但我地今次就咁叫咗兩杯coffee佢仲有得揀nutty 同 fruity 豆，鍾意飲啡嘅朋友可以試吓欣賞佢地堂食唔會用紙杯，減少浪費…Read More

今晚同太太搵嘢食，發現呢間中菜小店評價唔錯，就即刻打電話訂位。一開頭，我地搵唔到門口，原來佢係露天街市附近。一入到店，發現位置唔多，被安排到較狹窄嘅位置，加上頭頂有部電視，環境上有啲扣分，但服務算周到，服務生反應都好快。當日全院滿座，人多坐大圓枱會相對舒服。今次叫咗「金稻穗香一口牛」、「蝦醬粉絲蒸鮮魷」同埋「欖角冰梅骨」。「金稻穗香一口牛」牛肉好嫩，啲米通好香口，入面仲有茄子、四季豆、菇，口感好豐富，份量都好夠，呢個好推薦！不過環境較嘈吵，需要大聲啲同人講野。「蝦醬粉絲蒸鮮魷」就唔係幾食到蝦醬味，唔知係唔係落錯單。味道相對清淡，鮮魷蒸完都好大塊，粉絲嗦哂啲汁好好味！「欖角冰梅骨」係脆皮，食落幾驚喜，不過就稍為痴牙，食呢個菜要有返咁上下牙力。整體得嚟，價錢正常，菜式配搭有驚喜，但環境真係一般。如果你不介意位置唔多同埋電視聲，可以試下呢間中菜小店。…Read More

如果你食飯之後想食甜品，我推介一間Venchi，我都食過幾次佢嘅Gelato。佢有三個size，你可以揀cone或者杯，仲可以加錢加果仁。未食過既話，店員會介紹返邊啲口味好食，之前都俾客人試食吓，但今次就無問我地試唔試食。我太太揀咗開心果+朱古力+果仁cone, mini size $74，最後一定會有佢既signature chocolate coin係上面。味道唔會太甜，質感幼滑，唔會太快融。唔好以為mini size就好細杯，其實兩個人share就岩岩好！如果唔加果仁cone，會再平D！…Read More