行過旺角先知，原來佢地都開咗「陳儀興牛什粉麵」，地點方便，近登打士街。
太太話想試吓佢既粉麵，於是搵日睇戲前過嚟醫肚。
入座時未到食飯時間，被安排坐4人枱，見到佢既裝修都幾有特式，環境都乾淨企理。
我同太太唔算好肚餓，於是叫咗個粉麵餐（雲吞米連油菜飲品）+小食（炸魚多）+淨牛沙瓜嚟試吓。
平時好少見到牛沙瓜，其實係牛肚既一種，佢算係厚切，夠哂口感，牛味都出！推薦！
估唔到佢碗米粉咁大碗，太太話一個人完全食唔哂，抵食！
同埋炸魚蛋係條狀，似係生菜魚肉既魚肉，食落都好彈牙，連埋個泰式醬好夾！
如果行開附近，又想食粉麵，都會再到訪！
