艾麗絲's Profile

生日慶生飯想食好d， 所以揀左食法國嘢。由於當晚有點事故，入座時候已經要 Last Order 了。。。只好聽服務生的建議隨意點了菜。Tomahawk：話係最後一份，所以 order 左。個斧頭扒味道一般啦！不過一千蚊一份，都不要有太大的期望了。Salmon Galette：煙三文魚，一般味道都不會太差的。Duck Caesar：呢個油封鴨脾沙律好好食。鴨肉很嫩滑，菜也新鮮。Clams Cocotte： 個蜆真係麻麻地，尤其是在賣相方面。也有可能係因為呢期d 蜆唔係當造吧。Crab Risotto：軟壳蟹墨魚汁意大利飯，味道 ok。…Read More

想去逸東軒呢間米芝蓮餐廳晚餐好耐，之前只試過點心，老友成日話晚餐也不錯，讚不絕口，但因為每次都係太遲，一直book 唔到位。今次好開心終於可以嚟試一試。果然係好食！雖然只是點了很少。 馳名燒味雙輝燒腩叉水準是中上的。可能因為個人不太鍾情燒味，所以感覺沒有甚麼特別。:)生拆蟹粉小籠包，一人一籠，好好食！砂鍋柚皮花菇鵝掌：好食到不得了！味道好之餘，所有材料的軟硬度適中，膠質感也很重。脆皮逸東烤鴨：感覺好一般。烤鴨還是選擇一些專門店好了。保健老火湯，今天可以飲到蜜瓜煲排骨之類的湯，有d 似爵士湯，好甜好好味！金絲木瓜酥，：蘿蔔絲酥餅的朋友，不過是用木瓜代替左蘿蔔。有驚喜喎！好食！馬粒糕：可能因為飽飽地，所以呢個馬拉糕覺得無咩特別。…Read More

最近有朋友介紹位於西九文化區M+有間新開的中菜，環境不錯，不過好似無咩人幫襯，好擔心佢好快做唔住咁話。於是乎就搵老友同我試試。餐廳中文名單字一個華字，英文名都係一個字 CVIEW。 由於餐廳位於16樓，夜晚景觀果然一流！不過呢一晚嚟幫襯就有好多人，除了面向海的單邊位，每檯都有客人。我們也隨意點了一些菜式。 醉雞食得多，今次試下花雕醉乳鴿。水準之作！味道好，肉質也很鮮嫩。 小籠包是必食吧。水準不過不失啦。 雪菜蝦仁滑豆腐好好味！豆腐很嫩滑，口感很清爽。 :)京蔥扒大鴨，芡汁的味道超正！鴨肉又鬆軟。 雪菜肉絲炒年糕，每種材料食味配搭得非常得宜。好食！:(大家呢晚都食得暢快，下次要再來試一試其他菜式。…Read More

大圍小館試過好多次午市飲茶，都覺得幾好食 一直都好想試下晚市，今次終於有機會喇！勾魂义燒，作為店內的 Signature Dish 真係無得輸。晚市比午市多了一些工序，就是在食客面前為义燒塗上陳皮醬，再用火熗燒焦，碟上的脆米就用嚟黏在义燒外，豐富了口感。 干煸黑胡椒蘿蔔糕蟹，好味到飛起！蘿蔔糕不是最好味的蘿蔔糕，但吸收了炒蟹的精華，加埋蔥頭，大家一致公認整碟菜的料頭好味過啖啖肉的肉蟹。 五仁豆腐，兩種食材撈埋一齊炸嚟食，好香口，口感也很特別。再加上辣椒醬，真心好好味。 一口果香，睇個名唔知係咩，其實係甜酸排骨加草莓果醬。味道不錯。 竹笙扒菜膽，以為這個素菜會普通到不值一提就錯了。因為個芡汁整得幾好味，竹笙好正！下面的菜膽是最精彩的，做到爽脆的效果。這味菜絕對可以顯示大廚的功夫。…Read More

見網紅介紹元朗區美食，都會推介呢間台灣美食，招牌是紅燒牛肉麵的，今次終於有機會食到。牛肉麵的賣相不錯啊！我要求多蔥，果然俾夠滿意份量的蔥花。 湯頭好清甜，一點沒有肥膩的感覺，麵條的軟硬適中，牛肉呢，大大件，也很軟綿綿，加上一些蔬菜，整體上是好味的。 不過最精彩的竟然是旁邊的一小碟蘿蔔漬，酸酸甜甜的，有檸檬的清香，好好味呀！飲品我揀左水果茶，有柚子或鳳梨口味可供選擇，我揀左鳳梨味的。大大杯，茶味濃郁，水果清新，應該加了些菠蘿汁，酸酸甜甜的，非常好喝。同枱有人 order 左魯肉飯，看樣子也不錯呢。另外朋友叫了咕嚕肉，我試了一口，也是水準之作。餐廳佈置精緻簡潔，環境舒適。值得再嚟試埋其他食品。…Read More

大圍小館殺入元朗區開左一陣子，每天午飯時間都要排隊等食，最近終於試左2次，個別食物真心非常好食，也有一些是無預期的好味，在此做個簡單紀錄分享一下啦！ 蝦餃係本人每次飲茶必食的點心，試新茶樓當然要叫一籠品嚐吓嘍！我們一行五人，叫一籠唔夠分，叫兩籠又多得滯。幸好小館有2個一籠的選擇。正呀！皮夠簿，蝦也很爽。屬中上的水準。 义燒也是必食之選！义燒應該是用梅頭豬肉做，肉質鬆軟，味道很好。雖然有點貴，但是超值的！ 陳皮鯪魚肉腸粉是一般茶樓少有的，味道不錯呀！ 點呢個金磚的時候以為是咸蛋黃炸豆腐，原來是炸蘿蔔糕，外面有咸蛋黃脆漿。個人覺得太肥膩，不是我杯茶呢。 煲仔飯有2款，土魷肉餅及排骨，都好味而且是 above standard 嘅。個人覺得土魷肉餅好味D 。 :)流心糯米雞，主要是在糯米雞上加隻流心蛋，個樣係幾靚嘅，不過又唔覺得特別好食。 牛骨髓呢樣嘢小時候飲茶爸爸喜歡吃，但近年來已經很少見。雖然呢個牛骨髓無以前的好食，但總算是嚐嚐童年回憶吧。 可能其他點心太出色，炒銀針粉雖然也整得幾好味，但已經被比下去了，變得平庸了。另外，我們還試了沙翁，煎腸粉及煎薄餅，沙翁純粹是用來打卡，不太好食。至於個薄餅及煎腸粉就正好多，值得推介。…Read More

復活節約好姊妹相聚，當然要搵個坐得舒服又食得開心的地方。早前見有人介紹呢間沙田區酒店內的日本餐廳，話性價比非常之高，因此特別過嚟試一試。最近廚師發辦非常流行，呢間咁四正的日本餐廳當然唔少得，還有多款供應。你可以選擇以壽司為主的套餐，也可選擇以爐瑞燒為主的套餐。我們趁今次有復活節特選套餐，沒有多想就揀了這個期間限定。餐廳環境很好，位於酒店的最高層，鳥瞰沙田景色，今天人客不多，靜靜地，與老友共聚，飲兩杯，由天光食到天黑，賞心樂事呀！先附是涼拌魩仔魚，海膽及三文魚子，賣相不錯！味道也可以。作為前菜來說恰到好處。刺身有吞拿魚腩，牡丹蝦及櫻鱒。廚師擺盤很好，刺身也算新鮮。中規中矩啦！燒魚，普普通通，沒有太大驚喜。特選山野菜天婦羅，以為平平無奇，卻覺得餐廳整天婦羅有一手。大概是因為這裡的天婦羅不是用平時見開的蕃薯南瓜，而是用了野菜頭，蔥等。迷你吞拿魚醬油漬丼，個碗幾靚，增加了不少食慾。火燄和牛海膽壽司，呢個應該係餐廳的 signature dish，好好味呀！！和牛燒到剛剛熟，加上海膽的鮮甜，好想 encore 呀！味噌湯，個湯加左隻大蜆，味道也OK。甜品是蜜瓜及士多啤梨，清甜可口。:)ps ～ 話說呢次是用 OpenRice 訂枱，但係唔知點解，系統話我缺席，要補充單據。可能是因為餐廳忘記了確認吧。但張單在老友手中。算了。完。…Read More

元朗區食日本嘢真係有好多選擇，今天中午嚟到呢間天澗，網上評語好似幾好。店舖的裝修不錯，正宗日本料理的佈置，燈光昏暗，木藝傢俱，感覺還算 ok。第一次光顧，揀了壽司12貫，試吓師傅的手藝。前菜有2小碟，除了普通的蔬菜沙律，還有黃豆漬，感覺很豐盛。麵豉湯好正，味道好之外，配料散在湯面上，看來似幅畫。呢間餐廳的壽司飯並非白飯米，加左d 顏色，幾得意。壽司 size 剛剛好，一口一件。生魚片也很新鮮，不錯。不過唔知點解有2件蛋糕就計算作一款壽司？？其他朋友叫了魚生飯，樣子看來也不錯。不過佢哋話麻麻哋。個茶碗蒸都好好味！有蟹肉及其他配料。餐後還有2件菠蘿，很清甜。…Read More

在天后逛逛，路過呢一間越南嘢，在外面已經聞到很香很香的牛肉湯味，反正有點肚餓，於是入去試一試碗牛肉湯河。碗生牛肉湯河賣相很好。湯頭很濃郁，很甜，很香，份量剛巧適合肚餓中的我。牛肉份量也 ok，仲有粒牛丸，洋蔥芽菜等配料份量也啱啱好。最喜歡其中有2塊牛腩，真係好好味！店內佈置很簡約，坐位也不多，雖然不是很寬敞的軟座，卻俾人有舒適的感覺，加上店內職員都講越南話，進食期間竟然有置身越南的感覺呢！杯越南咖啡也很不錯，練奶與咖啡的比例剛剛好，也feel 到越式咖啡的味道。咁有質素的小店，下次一定會再嚟，好想試一試三文治呢。…Read More

睇完香港花卉展覽順道在天后搵地方醫肚，到處都人頭湧湧。見到呢間日本嘢沒有太多人排隊，就嚟試吓啦！每位客人都是在門外點餐，店員就逐一介紹。其實全店只有3款麵食：鯛清湯麵，鯛白湯麵，同埋較濃味的鯛沾麵。對於有選擇困難症的朋友就不用太多考慮喇！鯛魚清湯真的很淡味，不過師傅特別在湯中加入蠔醬，味道加上層次。炸魚皮真係好好味，沾上蠔醬更加好味！碗麵食到一半再加埋其餘的蠔醬，整碗麵的味道提昇了。味道很不錯，只是個人覺得麵條 overcooked 左，無咩咬口。店員說下次可要求麵條要硬身d。我另外也試了沾麵。真的好好味呀！沾麵絕對是鎮店之寶，店員說師傅是用魚湯加豬骨湯才有這麼濃稠的味道。賣相也很正。食到一半時加埋青檸汁有很清新的感覺。朋友點了鯛白湯麵，看樣子好好味。我們另外也點了炸雞和燻蛋，都好食。味道好，感覺也好，值得推介。…Read More

寫字樓一大班同事新正頭約食飯，唔想飲茶食點心咁悶，就試下大榮華的九大簋套餐。以前入嚟元朗，要飲茶的話一定會嚟大榮華，幾十年歷史喇。九大簋真的有九碟餸菜。我們今次點了加料九大簋，千五蚊有一圍。其中有雞有鴨，我們另外加了店內馳名的豬油撈飯及奶黃馬拉糕，味道不錯，很有家的味道呢！香茜燒米鴨，個樣幾靚，不過本人不好食鴨，所以都唔知好唔好食。圍頭五味雞，味道很好，甜甜地，雞肉也很滑很嫩。蘿蔔門鱔乾，最好味係蘿蔔，吸收左魚乾的味道，正！不過門鱔乾就無想像中咁好食，好似食柴魚咁。盆菜炆豬肉，五花腩整得幾好味。最正係d 芋頭。陳皮豆豉蝦，雖然唔係好覺有陳皮味，不過呢個蝦整得幾好味。時菜鯪魚球，比較其他餸菜，鯪魚球被比下去了。婆參炆北菇，一般的過節餸，無咩特別。枝竹炆蠔豉，勁鍾意呢味餸的枝竹，好入味，蠔豉也好好味！雜錦炒菜絲，呢味粉絲無咩味，感覺嘛嘛地。糖水是類似麥米粥的東西，有麥米，眉豆，淡淡的薑味，幾得意。奶黃水晶包，兒時回憶，也好耐無見過茶樓有呢款甜點。豬油撈飯只影到個飯筒。。。奶黃千層馬拉糕，好似無從前的好味，既不鬆軟，也沒有香甜的味道。…Read More

在元朗市中心食飯，真的是有很多好味食店的選擇。咲和洋食店，個舖頭名有點特別，店內擺設也很特色。第一次來的時候是正在苦惱要往哪裡 lunch 的時候，門外店員招徠。見店員熱情推介手打意粉，就叫了他們聲稱最好味的蟹肉蟹膏意大利麵。果然真的好食，意粉的質素，軟硬適中，絕對可以比照五星級酒店的水準。雖然價錢不可說是便宜，但真心覺得物有所值。今次再與老友嚟，我也叫他試呢個意粉。而我呢，就試了蕃茄醬汁口味吉列拉絲芝士和牛漢堡球的意大利麵。中間半熔芝士真係好好味！我們還額外點了炸雞及炸雞翼。炸雞整得好好食，外脆內軟，好 juicy ! 不得不提的是這小店對餐具的講究，店內用的是精緻實用的餐具，托盤也刻有店名。在等待意粉時還有蔬菜沙律及磨菇湯。雖說食蔬菜是為了健康著想，但個生菜真的很新鮮，很爽脆。至於個湯也很不錯，暖洋洋的喝完給人很幸福的感覺。飲品也有些選擇，我們揀了薑母茶及冷粹咖啡。…Read More

有朋自遠方來，朋友太太隨意在 OPENRICE 揀左呢間六合館。臨近聖誕，霓虹燈飾多左好多顏色，閃爍璀璨，餐廳夜景個 VIEW 果然係無得頂！ 食物方面，presentation 也是相當不錯。只是我們一行五人，每碟份量也太過精緻，只好 order 多d，試多幾味。 食材是講究的。味道也是中等以上。 羊肚菌脆皮雞，啖啖肉，醬汁調味好正。不過脆皮放一陣已經變軟身，雞肉無咩味道，有點失望。 柚子汁鱈魚，無論賣相及味道都是好的，柚子汁打泡，更突顯柚子味道的輕盈。這個做法在中餐來說應該是比較少有。其實本身鍾意食鱈魚，而炸的食物又好難會唔好食嘅。 炒米粉及豆苗都好好味。 和牛整到好稔，好軟綿綿。配上炸蒸包可以吸收和牛的醬汁，好味。 脆米魚湯泡飯，魚湯味道好鮮甜。只是當晚無魚片，轉了用帶子，感覺若有所失。…Read More

最近愛上串燒，諗唔到食咩就會話去食串燒嘍～今天到佐敦的川燒，由尖沙咀搬到嚟呢處，座位不多，食物好有創意，質素也高，久唔久都會幫襯一次。燒白鱔，始終我至愛，食到白鱔的鮮味。燒法式鵝肝多士，呢個好味到不得了，我們一人食一份！燒羊仔架，ok 好味。鍾意佢有薄荷醬及芥末，不用再舉手問人攞。燒日本雞胸軟骨，其他店好少見呢款串燒，個人好鍾意食雞軟骨，所以食得好滋味。燒雞頸肉，係好少肉的雞肉串，感覺無咩特別。燒煙肉荔枝卷，味道好清新，正呀！煙肉的肥膩被茘枝的酸甜中和左，真的好好味！大吾係紐西蘭大磨菇，ok 好味。黑松露芝士牛油焗雜菇，作為一名芝士控，食到咁香濃的芝士牛油味，真的是大滿足呀！因為必須要趁熱食，唔記得影相。燒腐皮黑松露海鮮卷，應該係店的創作料理，真心好味！黑松露燒腐皮溫泉蛋，見到隔離檯食，賣相好靚，所以又叫嚟試下，係好食嘅。燒日本豚肉腸拼盤，相比較其他串燒，呢個好味的腸仔變得普通了。牛油果都好正！燒秘製雞中翼，水準保持，無令人失望。燒特級厚切牛脷心，燒粟米，燒芝麻湯丸，都好味。蜂蜜燒菠蘿，可能加左蜂蜜，所以比其他店的燒菠蘿都好食。…Read More

雜錦刺身沙律，用料新鮮，味道不錯。燒三文魚松葉蟹卷，雖然有點貴，$188才有四件，但真心非常好味。牛油果軟壳殼蟹反卷，相對燒三文魚松葉蟹卷來說很抵食，$118有6件，不過味道就一般喇。:)明太子芝士年糕薄餅，熱辣辣，口感非常好！原條茄子，食到茄子的鮮甜，少少醬油加上木魚絲，這是一個很出色的菜色。大啡菇，水準較平庸，大啡菇有出水的情況。秋葵及極上牛舌心，水準ok啦！:)豚肉青椒卷+豚肉芫荽卷+豚肉露荀卷，個人覺得豚肉芫荽卷較為特別，不過芫荽味很重，大概不會是大眾化口味吧！原條蒜香牛油粟米，是出奇的好味。食到很飽，依然覺得好好味！…Read More