勾魂义燒，作為店內的 Signature Dish 真係無得輸。晚市比午市多了一些工序，就是在食客面前為义燒塗上陳皮醬，再用火熗燒焦，碟上的脆米就用嚟黏在义燒外，豐富了口感。
干煸黑胡椒蘿蔔糕蟹，好味到飛起！蘿蔔糕不是最好味的蘿蔔糕，但吸收了炒蟹的精華，加埋蔥頭，大家一致公認整碟菜的料頭好味過啖啖肉的肉蟹。
五仁豆腐，兩種食材撈埋一齊炸嚟食，好香口，口感也很特別。再加上辣椒醬，真心好好味。
一口果香，睇個名唔知係咩，其實係甜酸排骨加草莓果醬。味道不錯。
竹笙扒菜膽，以為這個素菜會普通到不值一提就錯了。因為個芡汁整得幾好味，竹笙好正！下面的菜膽是最精彩的，做到爽脆的效果。這味菜絕對可以顯示大廚的功夫。
