蘿蔔菜子's Profile

咲 Saki is a brand new Omakase at East TST. And we were there to try their lunch omakase .The restaurant’s designed in a trendy style that could accommodate 12 guests max. After settling down, the Chef served us sour gingers. And the appetizer came right after. Once it comes up, it catches our eye with its stunning presentation! The appetizer comes with three different things,japanese fruit tomato, Tofu with crab paste, and sour seaweed with sea urchin on top. The lunch omakase includes appetizer sashimi ,sushi ,hot dish ,soup and dessert ,in total we had about 18 dishes. And the most impressive dish definitely goes to charcoal grilled buri(備長炭燒獅魚). The fish is aged for a week. Yes! Fish can be aged! This is the first time we heard about that! The chef explained that aging the fish could help and force the fish oil to come out and with slightly burned, the taste would be fuller with more variety. Another dish we like a lot is the Saury Fish Roll. The chef rolled saury fish with some vegetables and seasoned radishes. Once you put it into your mouth, it felt like those saury fish are swimming inside and with those seasoned vegetables, it just tastes fantastic! And we love how it makes your mouth full of fish! In short, we are very satisfied! We had a great experience here not only the foods are good, but the chef explained all dishes to us, including how they were made, what make them special, etc. which enriched the whole dining experience. Would definitely recommend it!…Read More

係病毒肆虐嘅時間，就連同朋友出街打邊爐都有所避忌，今日跟朋友就去左間一人一鍋嘅餐廳，食得安心之餘，最尾仲可以搖身一變做海鮮粥，值得一試餐廳主打海鮮，每人$188嘅價錢就已經包左一set海鮮，份量都唔少，建議大家等海鮮上枱之後再加選其他配料。湯底方面，分別揀咗南瓜同埋紫薯，一開始唔算好濃味，但煮完唔同嘅海鮮之後，湯底會越嚟越濃，建議大家唔需要加水，咁樣最後煮出嚟嘅粥先會係最好食。海鮮方面，咁嘅價錢真係有驚喜，有鮑魚、聖子、象拔蚌、蝦、生蠔、扇貝等等，全部都好新鮮而且好大隻，果然冇失望食咗一輪基本嘅海鮮之後，就開始揀配料，墨魚滑同蝦滑都係自家製，有鮮味之餘亦好彈牙牛小排同肥牛，份量都算多，肉質不過不失打邊爐必備嘅脆鯇片，厚度適中亦都冇咩骨，就算烚耐咗依然好爽脆鮮淮山，亦係打邊爐最鍾意嘅配菜海鮮方面加點咗蝦，意想不到嘅新鮮隻蝦上枱嗰時非常生猛，差啲跳埋落張枱度打完邊爐之後，先至係今日嘅重頭戲：海鮮火鍋粥！食晒材料之後，店員會主動走過來幫你加米飯落鍋到，煮幾分鐘就可以變成海鮮粥。粥底吸收晒唔同海鮮嘅鮮味，而本身嘅南瓜味亦都好出，確實好驚喜，食到好飽好滿足～所以建議大家一定要留肚食呢個海鮮粥嘅精華！$200左右嘅價錢可以有咁新鮮嘅海鮮，性價比好高，店員亦好勤力，不斷換碟同幫忙整理，有機會一定會同朋友再試！…Read More

難得等到happyFriday，專登同朋友搵咗個可以坐得耐食到野又傾到計嘅地方，喺尖沙咀山林道嘅呢間吞pot，要行到街尾好入先搵到，係旺中帶靜嘅地方。入到餐廳，地方唔算特別大，不過有VIP嘅房，有10幾個人嘅話就可以有獨立房間，係一個唔錯嘅選擇。坐低冇耐，侍應就拎咗一大個九宮格調味盤俾我哋，醬料選擇好多，啱晒每個人唔同嘅口味。食物方面，選擇有好多，而且睇Menu都見到賣相好精緻，由於每款份量唔算太多，建議大家可以點多幾樣餸。至於雞煲嘅湯底，我哋就揀咗醉雞花螺雞煲，都幾有驚喜，拎黎打邊爐夠晒特別。配料方面，第一樣打頭炮嘅係自家製芝士響鈴，落單後先製作，非常之新鮮，熱辣辣之餘仲好脆，的確好高質，係喺其他餐廳好少食到咁新鮮。其次必定要推介嘅係牛三郎，淨係睇相都知道好吸引，而肉嘅質素亦都好高，同一個拼盤有三款選擇，滿足晒我哋今晚想食牛嘅慾望。另外仲有蟹子蝦滑同埋蟹子墨魚滑，係每次打邊爐必點嘅菜式，兩款都好彈牙好足料，只係略嫌份量少左啲。我哋四個人食只係啱啱夠分。蔬菜方面，估唔到呢度可以有得點萵筍，好鮮甜好新鮮，我同朋友都非常鍾意。嘢飲方面，打邊爐食到咁口渴，但係要叫番杯野飲先食得更爽啦，我就揀咗大鹹檸七，的而且確係幾大杯，絕對令呢一餐食得更開心。…Read More

上年仲係灣仔返工既時候,已經周不時會去新泰食lunch,貪佢環境舒服食物質素又高而今晚去尖沙咀,竟然發現原來K-11對面都有間新泰而可能因為較新既關係,呢間分店既裝修相信係咁多間之中最靚既因為我地7點前就已經入座,好彩餐廳唔算好多人,好好彩咁可以坐梳化位不得不讚多次呢到既裝修,燈飾,佈置都好有空間感好靚而且價錢非常合理,實在太興奮喇哈哈首先黎個頭盆冰鎮翡翠螺先啦!每一隻翡翠螺都好大隻， 入面嘅肉當然好肥美啦,味道好鮮甜,建議沾埋附上嘅醬汁嚟食,酸酸辣辣，更有風味。跟住黎到一系列既主菜, 呢個泰式濕炒海鮮河都好足料, 平時比較少嘗試食濕河，呢度嘅河粉好特別，好粗好大條，食落去好煙韌有好有口感，而配上個汁即刻變得好入味日本南瓜焗海鮮飯, 見到賣相已經非常之吸引，上菜嘅時候熱辣辣，海鮮鋪左係面，而飯就喺下面，醬汁係好似咖喱咁嘅，唯一有啲失望係個南瓜焗得唔夠淋，可能係覺得唔夠時間，如果唔係，食完個飯之後仲可以食埋入邊嘅南瓜肉印度薄餅,雖然我地今次冇嗌到咖喱，但依然帶咗個薄餅嚟當小食，上菜嘅時候熱辣辣，好香牛油味，好鬆脆，就咁食都好正㗎蜜糖燒肋骨, 咬落去啖啖肉既ribs,燒得好入味,肉質又鮮嫩,幾乎係我每次都要叫既小食了甜品小拼盆,相信係女生最愛~小拼盆其實都唔"小",有成8件糕點,而且每件都好大件架,幾個人share 都無問題,當中椰汁西米糕係我既最愛最後想讚下呢度嘅侍應同經理，服務態度好好，有部份仲係泰國人，真係有啲感覺好似去咗泰國食飯咁。舒適環境、高質素食物、合理價錢，下次嚟尖沙咀食飯又有多個新選擇啦…Read More

近排天氣咁凍當然要同朋友食返啲熱辣辣嘅嘢暖下身啦! 為咗方便起見於是就揀咗嚟旺角嘅韓燒餐廳啦呢間韓燒係放題形式,不過除咗一般嘅肉類仲有唔少海鮮可以揀㗎~ 一入到餐廳坐低枱面上就已經有一舊白色嘅嘢,問返侍應先知原來呢個係白蘿蔔嚟嘅,係用嚟清潔爐面聽完覺得好新奇但原來只要不斷打圈, 佢嘅清潔力真係唔錯!講返食物啦，為咗試多啲唔同款式，我哋咩類型嘅肉都叫咗啲試吓，例如五花腩、豬頸肉、牛肋骨、豬腩肉等等，好豐富呀呢到嘅肉類都幾新鮮，我最鍾意佢嘅五花腩夠晒肥美，燒完之後好juicy，另外豬頸肉仲可以揀辣嘅添，啱晒較重口味嘅人熟食方面，有我最鍾意嘅韓式炒粉絲，份量都唔少架，而且味道調製得啱啱好，加上少少麻油味，確實唔錯。食韓國嘢又點少得炸雞呢，呢度除咗原味之外，仲有柚子同埋辣味揀，可惜炸雞上菜嘅時候唔夠熱辣辣，皮唔夠脆。但係柚子味幾入味，可以一試。仲有呢個水冷麵，都係幾特別嘅食物，酸酸甜甜好開胃，而且係凍冰冰，配上熱辣辣嘅韓燒非常不錯。海鮮方面，極度推薦大家要揀帶子，肉質好鮮甜，而且好有口感，忍唔住同朋友encore左幾次呢度嘅飲品係自助形式嘅，選擇都幾多㗎，最後甜品方面，一人可以揀一款，蜜瓜雪條就一定係我嘅最愛啦食完甜品終於滿足晒…Read More

平時好少踏足大圍,亦都唔太熟呢個地方, 今次難得入到嚟搵朋友,就跟住佢嚟到食呢間日本餐廳~餐廳既外型好特別,就好似一間獨立既小屋仔咁, 係其他食肆格離而入到去所見既座位都好闊落,岩晒想傾計既我地~~大多數都係卡位, 而中間就擺左幾張大枱, 相信8-10人都無問題~蕃茄豆腐沙律大熱天時一入到餐廳決定要揀返個冰涼啲既前菜, 所以揀左配胡麻醬既豆腐, 撈埋其他配菜, 作為今餐既開胃前菜軟殼蟹火炙三文魚籽卷朋友推薦既壽司, 用料十足, 一啖咬落去有滿滿既口感~~軟殼蟹做到外脆內軟, 而上面既芝士同魚籽就成為左好好既襯托~蒲燒鰻魚飯最期待既鰻魚飯出場喇, 鰻魚好肥美好大條上枱既時候仲係熱辣辣! 如果有多啲鰻魚汁就更多juicy喇, 仲有啲小配菜跟飯, 同朋友一人一半先食得晒!火山燒豚肉烏冬食日式湯麵最重要當然係湯底, 但平時最怕啲湯底整得太咸,遮蓋埋原本既肉味,而呢個湯既蒜油味唔錯, 香得嚟味道適中, 至於烏冬亦好彈牙, 不過不失的熱食!最後介給下兩款唔錯既炸物~日式吉列大蝦外皮整得好薄又夠脆,而蝦既肉質亦都幾彈牙忌廉蚧肉薯餅最後壓軸出場既小食, 亦都係平時比較少見既炸物! 雖然蚧肉既味唔太突出, 但好欣賞佢入面好似半溶狀態咁既忌廉,有少少芝士既感覺但又唔會太膩, 同朋友食到唔停口…Read More

早幾日同朋友行經荃灣，去左間樓下冰室醫肚。一入到去，望落裝修都唔錯，夠晒光猛，而且每幅牆都唔同顏色，令人心情大好！可惜座位略嫌有些少窄，帶袋入去都爭啲唔夠位放。蕃茄濃湯螺絲粉配牛乳炒蛋(脆肉鯇魚片、肥牛、百頁豆腐) $56一上枱就比又紅又黃嘅顏色吸引住，而且個湯好香，即刻令人食慾大增！茄湯果然同餐牌些袋住嘅一樣，夠濃！肥牛同豆腐就一般，脆鯇片又有好多細骨。招牌瑞士雞脾 $28果然是招牌貨，沒得頂！瑞士汁入晒隻雞脾到，每一啖都好香瑞士汁味！正！紅豆奶茶 $26呢個奶茶溝紅豆配搭幾新穎，原過個人認為味道較一般，可能本人歡喜傳統紅豆冰多啲。…Read More

每到夜晚8點幾左右,尖沙咀幾間放題既樓下都會排晒長龍等入座,今次同朋友第一次黎大喜屋,算係中價既放題,係樓下排緊隊既時候,就已經有職員係條龍到劃定位,所以8:45pm夠鐘時,好快就成功入座喇,不過餐廳入面既位置俾我想像中窄,兩個人入座同格離位好似搭枱咁,比較迫食物方面,雖然好多人,不過上菜速度都算快,落單後5-10分鐘就keep住有食物上了!首先當先係上刺身先啦!蝦好大隻大鮮甜,而帶子同象拔蚌都係推介之列,大文魚既話就切得好厚身,唔錯!難得有海膽手卷當然唔可以錯過啦,覺得味道比較淡,如果新鮮D會更好食壽司方面,呢到既選擇都幾多,例如花之卷都有幾款,細細嚿可以一啖放落口!另外芝士鰻魚牛油果壽司都唔錯, 一次可以滿足多個心願!炸物方面,芝麻雞翼好入味,但係榴槤炸彈就有D失望,炸粉有D厚,榴槤餡唔夠多最後甜品方面,揀左milktop雪糕,creamy得黎唔會太甜,完結呢餐放題岩岩好…Read More

每次去朗豪坊都會經過呢間i cremeria 既雪糕店,見到menu主打日本雪糕/日本水果都覺得好吸引而今日終於都得閒黎試喇,同朋友黎到係下午茶時間,咁當然就試呢到既Tea set啦!Tea Set既選擇唔算好多,大概4,5款,不過全部都配雪糕!而我揀左呢款就有: 朱古力蛋糕, 焦糖香蕉, 北海道牛奶雪糕mix宇治Matcha雪糕, 至於飲品就揀左熱朱古力先講下 朱古力蛋糕, 兩層蛋糕好有口感,食落去有重重既朱古力味,但又唔會好甜,係我喜歡既味道再食一口香蕉,朱古力同香蕉真係絕配!至於雪糕方面,由於兩隻味都想試下,所以就揀左mix,雪糕確係好香滑,牛奶味亦都好香,不過作為Matcha愛好者,始於都係中意Matcha味多啲最後講下環境,始於呢個地理位置係好方便,所以呢到都keep住多人!不過搵到位置坐下來後,都仲係適合同朋友傾計既!…Read More

今日由於係觀塘區工作,所以放工後就嚟到APM附近既韓式餐廳食野---小火焰呢到嘅Menu都有幾多選擇,首先揀個小食先啦!韓式煎餃子,餃子煎成金黃色,賣相唔錯,仲配有小小沙律配菜同醬汁,而食落去,入面既料都幾多,建議加上醬汁一齊食,咁感覺會無咁膩 拉絲芝士牛肋條伴泡菜炒飯呢間餐廳有好多以"拉絲"作Gimmick嘅菜式,我就揀左呢個牛肋條,肉質幾腍,加上芝士一齊食更香,反而個泡菜炒飯就有啲普通,泡菜唔算好多,溫度唔係好夠熱熱紫薯拿鐵再要讚下呢間餐廳嘅食物賣相,呢杯紫薯拿鐵相信女仔會好中意仲附送一塊自家製嘅曲奇, 不過紫薯味始終唔係好重,只係淡淡嘅紫薯味餐廳水準不過不失,賣相方面加分!去開觀塘市中心又想食韓國野嘅可以一試!…Read More

唔止一次係朋友口中聽過金船長呢間餐廳,話質素同環境都係唔錯,但係始終大角咀呢個位有啲唔方便,所以過左咁耐,終於黎到試喇!餐廳內既環境燈光暗暗地,幾有氣氛,適合情侶或者同2,3個朋友黎咁,而由於餐廳位置其實唔多,7點半打後都差唔多full晒咁濟,所以真係要黎既話,記得book再位先,因為大多數人都係預先book左位架!海鮮鮮果沙律配千島汁, 食主菜前梗係要食啲開胃啲既野先啦!由於今次唔想叫湯,所以就揀左沙律做starter喇,首先沙律既份量好多,足夠幾個人Share,海鮮方面有青口,蟹柳,蝦生果方面就有蘋果,火龍果,梨,生果本身好甜,再加上千島醬,係一個好好既配搭!美國肉眼牛排12oz, 塊排唔算好厚,不過就真係幾大塊既,叫左7成熟,中間既位都ok,切開仲係紅紅地色既,不過邊邊既位就好似熟左啲喇,所以如果大家可以接受既話,不妨叫5成熟!應該就會食到最好既肉質喇!黑松露菌醬意式pizza, 呢道係餐廳既得獎菜式,現場觀察好似大家都會叫呢個pizza!一上台個陣,pizza中既黑松露味確實好誇張!!不斷飄上黎,黑松露味咁重既原因係入面真係放左好多黑松露醬,餐廳真係唔手軟!而外面個陣仲有好濃既芝士味,咬入去外脆內軟,難怪咁受歡迎最後點都都要有返個甜品先係perfect meal!揀左豆腐竹炭蛋糕,要知道豆腐味本身比較淡,可能今餐食既野比既濃味既原因,唔係好食到豆腐同竹炭Mix and match既感覺,不過甜品既賣相都好有心思,仍然係令人滿足既一餐!…Read More

年尾既時間梗係要食多啲好嘢啦!今次揀左黎至尊滿屋食放題,食物質素都幾唔錯,性價比高!由於係平日同食比較晏既時段,餐廳無full晒,我地就好幸運咁坐到較舒服既位喇先黎當然係刺身先,今次最有驚喜係鮑片,好鮮甜,另外三文魚都好厚切呀,至於其他刺身,可能冰凍個頭,未解凍得夠,鮮甜度差少少一系列既創作壽司幾出色!芒果花之戀係最愛!芒果好甜呀呢到都有幾多海鮮既食物款式揀,同朋友叫左呢個避風塘黃炒蟹,有完整既蟹蓋架,食既話就主要係蟹鉗多,雖然唔係好多肉,不過都係好特別既菜式鍾意食蟹既話,順便介紹埋呢個至尊蟹皇瑤柱海鮮粥,個粥底煲得好綿味道唔錯,而入面真係有海鮮!有隻蝦同蟹肉,食得太滯既話大家可以考慮下叫返個粥避風塘山葵粉炒鴨舌,一上碟既時候俾啲炸蒜多到嚇親不過亦因為夠多蒜既關係,入面啲鴨舌好入味,而且唔怕熱氣既人既話,應該仲會好鍾意啲炸蒜tim!最後既小驚喜o係係甜品到,而家雖然有好多放題都已經食到movenpick雪糕,但多數都係得朱古力味/士多啤梨味,而呢到原來有"季節限定"既味道,專登問侍應係咩味,原來係咖啡合桃,即刻揀左呢個!!係之前無試過既味道!而當然係唔會失望啦!咖啡味好香,係今次放題既一個good ending…Read More

每次黎到中環呢到搵食真係幾令人頭痕!想食得豐富D就要俾貴D既價錢...今次經過大街見到有人係呢間越南餐廳門口派傳單,幫下餐牌發現幾抵食,就入左去試喇!1,2人既套餐都有,放飯時段一個人黎都無問題!而餐廳既座位都好寬敞舒適,完全無迫既感覺今次決定先試下一人餐!揀左越式海鮮炒金邊粉份量都幾大,就算係男士們都一定夠食,唔同既海鮮包括蝦呀蟹柳等等,亦都有少少雜菜金邊粉既味道主要以咸為多,如果加返少少甜酸味既話會更加開胃!!一人餐既話加多$18就可以配小食了,好抵呀揀左香茅豬頸肉米紙卷雖然影呢幅相唔係好睇到,不過呢個米紙卷中間的確係有豬頸肉,一齊咬既時候肉汁就會流出黎,配上出面既米粉就岩岩好了不少得加杯椰汁三色冰呢杯三色冰好好飲,椰汁幾濃幾香,不嬲都係越南/泰國野既最愛!!…Read More

晚飯時間,要係觀塘呢個繁忙地區舒舒服服咁坐低食餐飯真係唔容易,好彩今次有朋友帶路,黎到係商業大廈入面既西餐廳,咁就唔洗係出面同人迫得咁辛苦,可以好好享受下啦入到餐應岩岩坐低,侍應就已經好快手咁拎左餐包俾我地,仲要係熱左既,非常貼心第一次黎呢間餐廳,唔知有咩值得一試,侍應就推介左其中一道菜式俾我地:古法紅酒燴牛尾見菜式幾特別,就跟佢既建議啦!而落單之後,好快就上菜喇!先黎一客凱撒沙律,作為整餐飯既開始!蔬菜好新鮮,仲有脆脆既麵包糠~呢個牛尾煮得非常唔錯,肉質好稔,完全唔會咬唔開,而個汁都好出色咸咸地又帶出返牛既肉味見都有其他食客都咁岩點左呢道菜,佢地都讚呢個好特別!食完主菜當然唔少得甜品啦!好立克pudding甜甜地好重好立克味,女仔應該會好鍾意,慢慢食完甜品,簡簡單單咁吃了一頓舒適既飯~~…Read More

黎到年尾,係時候要大出血一下喇!雖然黎食一次真係唔平,不過偶然一次慰勞下自己都要!而重點係今次放題果然無令人失望,俾較貴既價錢,真係換到頂級既食物質素好多好多唔同既食物都想推介!第一樣上既當然係刺身啦,真係每一樣都好新鮮,推馬刀貝同帶子,馬刀貝好爽口,帶子就好鮮甜,之前食比較平價既放題,都只係得冰凍,但就完全無鮮甜既味,呢到既刺身真係好高質呀呢到既玉子燒係我今次最最最愛既食物有兩款選擇,我最鍾意明太子玉子燒燒玉子厚厚的,口感好豐富,軟稔稔之中又食到蛋既香,令人一直都好回味呀,而且好多既放題店都係無燒玉子架,所以黎到既話一定要食多啲薄燒和牛,係圖都應該見到D牛燒得好靚,見到中間仲係紅紅地色,鎖住晒D肉汁,而且其實佢每一塊都好大塊,每次擺落口的感覺真的好滋味,同朋友去到最尾都仲有encore呢樣野食!燉南瓜,怕食放題太熱氣既不妨叫返個滋補一下!呢D甜甜品都係可以係自助吧到拎既,左邊既士多啤梨cake有驚喜!好有果肉既味道,一D都唔假!而另一個要重點推介既係榴槤糯米滋專登要影張皮薄餡多既相!入面榴槤蓉有好多呀!!不過好重要既係大家係雪櫃拎完出黎記得要解下凍先,放到糯米滋開始軟稔稔先食,如果唔係入面既餡就會好硬架喇!!重重的榴槤感好豐富鍾意食榴槤既人真係唔可以錯過!!臨走前要食返支牛奶雪條先,香滑濃郁既牛奶味係一個好好既完結…Read More