呢間韓燒係放題形式,不過除咗一般嘅肉類仲有唔少海鮮可以揀㗎~
一入到餐廳坐低枱面上就已經有一舊白色嘅嘢,問返侍應先知原來呢個係白蘿蔔嚟嘅,係用嚟清潔爐面聽完覺得好新奇
但原來只要不斷打圈, 佢嘅清潔力真係唔錯!
講返食物啦，為咗試多啲唔同款式，我哋咩類型嘅肉都叫咗啲試吓，例如五花腩、豬頸肉、牛肋骨、豬腩肉等等，好豐富呀
呢到嘅肉類都幾新鮮，我最鍾意佢嘅五花腩夠晒肥美，燒完之後好juicy，另外豬頸肉仲可以揀辣嘅添，啱晒較重口味嘅人
熟食方面，有我最鍾意嘅韓式炒粉絲，份量都唔少架，而且味道調製得啱啱好，加上少少麻油味，確實唔錯。
食韓國嘢又點少得炸雞呢，呢度除咗原味之外，仲有柚子同埋辣味揀，可惜炸雞上菜嘅時候唔夠熱辣辣，皮唔夠脆。但係柚子味幾入味，可以一試。
仲有呢個水冷麵，都係幾特別嘅食物，酸酸甜甜好開胃，而且係凍冰冰，配上熱辣辣嘅韓燒非常不錯。
海鮮方面，極度推薦大家要揀帶子，肉質好鮮甜，而且好有口感，忍唔住同朋友encore左幾次
呢度嘅飲品係自助形式嘅，選擇都幾多㗎，最後甜品方面，一人可以揀一款，蜜瓜雪條就一定係我嘅最愛啦
食完甜品終於滿足晒
