巧易肥's Profile

上個星期六，小妹和朋友剛過8點已經食完晚餐🤷🏻‍♀️ 時間尚早，當然要搵地方繼續吹水大業~即時上網搵附的甜品店，唔想又去厚福街嗰啲，所以揀左新開既菓甜品🥞意式黑松露咖啡奶凍咖啡奶凍入口細膩滑溜，即時感受到濃郁的咖啡香和奶香👍🏻奶凍面上有一層松露醬，但可惜味道略被其他食材掩蓋。奶凍旁有多種配料，如Oreo碎加爆炸糖、法式蛋白脆餅和馬卡龍等，全部都幾好味！脆脆配料搭上軟滑奶凍一齊食，為整道甜品增添不同的層次和口感。玉桂蘋果窩夫配霖酒提子雪糕我地剛行入店已經聞到好香的窩夫味，所以忍不住叫了一客。甜品的份量比想像中大，足夠4個人分享。窩夫表面鬆脆，內裡軟綿，本身已有蛋香味。焗蘋果唔會過甜，玉桂味亦唔會太過搶戲。冰凍的雪糕，微暖的焗蘋果，加上外脆內軟的窩夫，大愛❣️原本想試埋其他招牌甜品，但全部人的胃已滿，只好留待下次再黎。今次身心都覺得好滿足，此店值得推介！…Read More

上星期日突然有事要出銅鑼灣一趟，處理完已經係下午三點幾。剛行到鵝頸橋附近，見到棋哥招牌，回想起上次好正既燒鵝，不自覺就行左入去😋下午茶餐估唔到星期日都有下午茶供應，仲要是侍應哥哥主動推介的。小妹原本想單點燒鵝飯的，但侍應哥哥話下午茶雖然份量相對較少，但女仔一般都夠食，而且A餐可以從瀨粉轉飯😳 小妹即刻改叫下午茶，唔該。下午茶A餐，轉飯（加配老火湯）$48有圖有真相，下午茶餐份量都唔少。當日是花生眉豆雞腳排骨湯(？)，味道算甘甜，唔會死咸。而且感覺無乜味精雞粉，起碼小妹飲完唔會好口渴。燒鵝上桌時，皮仍是微脆的。燒鵝夠入味，肉質嫩滑。可惜今次鵝肉較為乾身，肉汁沒有上次整隻外賣回家的多。棋哥燒鵝有獨特的煙燻味，香但不過濃，恰如其分，是小妹的最愛！以這個價錢而言，這份下午茶的性價比很高，實屬可回顧之選也👍🏻 (P.S. 其實下午茶餐仲有1杯飲品，只係後上，所以相中無影到~)…Read More

轉眼間，又踏入秋季🍂 天氣剛開始轉涼，心底已蠢蠢欲動，想搵三五知己圍爐食雞煲~小妹聽聞這間18樓雞煲的評價不錯，於是決定與友人到餐廳一試真假🧐餐廳環境比想像中寬敞，每桌之間有足夠空間，不會椅背靠椅背。除了雞煲外，其他火鍋配料都是任食的，而且食材選擇都不少~個人認為，食雞煲通常要是辣的才好食。但朋友都不能食辣，今次只好點了不辣的。原以為味道會稍遜一籌，但竟然也非常惹味😳醬汁味道濃厚，咸咸甜甜的。雞件很嫩滑，稍嫌不夠入味。縱使朋友認為偏重口味，但這就是雞煲的特色~其他火鍋配料的質素不錯，但是海蜆就不推介。送上桌時，不少生蜆已經開口，不太新鮮😬話雖如此，小妹喜歡這裡的蔬菜選擇多👍🏻上至鮮淮山和秋葵，下至生菜和薯仔片都齊備！另外，餐廳還有小食和雪糕供應。總括而言，18樓雞煲是抵食的！平日(星期1至4)以$168加一這個價錢，可以有這個質素的食材，性價比相當高👍🏻…Read More

其實小妹已留意這間食店一段時間，由於有家人住在附近，常常會經過食店門口，但總是因緣際會下過門而不入。昨日小妹正好在附近，又想食小雲吞，天時地利人和齊集！店內有不少川系麵食和小菜，賣相頗為吸引。但小妹心有所屬，一碗重慶小雲吞（中辣）很快便送到眼前~小雲吞包的是豬肉和木耳碎。內餡調味適中，豬肉的肥瘦比例合適，不會過膩。湯底則是香辣麻俱備，辣油香氣十足，較坊間的更辣，完全滿足了小妹嗜辣的願望。雖然湯底較鹹，食完有點口渴，但整體水準仍令人感到驚喜。此店屬可回顧之選也~…Read More