Ki’s Roasted Goose Restaurant

上星期日突然有事要出銅鑼灣一趟，處理完已經係下午三點幾。剛行到鵝頸橋附近，見到棋哥招牌，回想起上次好正既燒鵝，不自覺就行左入去😋


下午茶餐

估唔到星期日都有下午茶供應，仲要是侍應哥哥主動推介的。小妹原本想單點燒鵝飯的，但侍應哥哥話下午茶雖然份量相對較少，但女仔一般都夠食，而且A餐可以從瀨粉轉飯😳 小妹即刻改叫下午茶，唔該。


下午茶A餐，轉飯（加配老火湯）$48

燒鵝飯（下午茶）

有圖有真相，下午茶餐份量都唔少。當日是花生眉豆雞腳排骨湯(？)，味道算甘甜，唔會死咸。而且感覺無乜味精雞粉，起碼小妹飲完唔會好口渴。燒鵝上桌時，皮仍是微脆的。燒鵝夠入味，肉質嫩滑。可惜今次鵝肉較為乾身，肉汁沒有上次整隻外賣回家的多。棋哥燒鵝有獨特的煙燻味，香但不過濃，恰如其分，是小妹的最愛！


以這個價錢而言，這份下午茶的性價比很高，實屬可回顧之選也👍🏻 (P.S. 其實下午茶餐仲有1杯飲品，只係後上，所以相中無影到~)