cwong823's Profile

我同太太食聰嫂甜品，可以話由佢哋喺廣播道港台飯堂開始，跟住喺將軍澳到而家灣仔店，都有一直捧場，原因好簡單，就係佢兩公婆對出品嘅要求同執着，從來冇變過，總不會令食客失望😊上次帶過美國朋友一家四口去聰嫂，兩姐弟食完再叫總共食咗4碗😂，今次返香港又要我帶佢再嚟，一坐低就叫咗6碗😱，包括：「榴連水晶珠」「楊枝甘露豆腐花」「腐竹糖水」「芒果雙皮奶」「龍眼椰果冰」樣樣都超水準非常好食👍食緊嘅時候，聰嫂走過黎介紹話個杏仁茶燉蛋白非常唔錯，先用蛋白燉好再注入生磨杏仁茶，真係好好好好食🤤同聰哥傾開計嘅時候，佢見到美國兩姐弟食得好開心，於是即刻做個三色甜品送俾佢地食，氹得佢哋好開心，亦食得好滿足😄😄經常話做飲食業真係唔好太花巧，食物質數似終最實際，得就係得，唔得食客就一定會走。「聰哥」「聰嫂」加油💪…Read More

好有趣又好有驚喜，喺蘇豪區搵間新派西餐廳絕對唔難，但要搵間新派中菜就真係唔易，今日遇上嘅「口利福」絕對係不二之選。一入門口，就見到一條金碧輝煌嘅樓梯直落地牢，樓梯牆壁全部都係金色招財貓，落到地牢，主色調係棗紅色為主，座位用紅絲絨感覺高貴，天花全用鏡，吊燈加埋倒影，就好似一個個白燈籠掛滿天空，既新潮又華麗😄大部分serving staff 唔係外籍人士就係ABC樣子，喺呢度食中菜，果然好有新派味道😅。餐牌好簡單只有兩頁紙，雖然唔係好似中式酒樓咁多選擇，但基本上由前菜小吃、海鮮肉食以至粉麵飯甜品樣樣都有，咁時尚環境我相信大部分顧客不在乎食物種類多與少，反而會喺度三五知己食飯飲酒傾計，所以餐廳嘅Wine Menu就成本書咁，幾多選擇😅。食物我就唔逐一介紹，廚房出品質數非常唔錯，真的很有驚喜，有啲菜式嘅烹調方法幾特別，睇得出係用心之作，值得回頭再試👍，以下係一啲照片及個人評分，可作參考😉，如有😍代表我個人最愛👌椒鹽金磚豆腐（5/5）潮式浸蜆（4/5）蝦多士x 大阪燒（5/5）😍煙燻脆皮三黃雞（5/5）😍炭火蜜汁黑豚叉燒（5/5）😍港式砂煲咖喱燴牛面珠（5/5）😍小炒黃（4/5）口利福XO醬芝麻炒腸粉（5/5）蝦子蔥油撈麵（5/5）😍班蘭花生醬西多士（4/5）豆腐雪葩配龍眼刨冰、紅棗&杞子（5/5）😍口利福麻雀仔（送）（3/5）…Read More

又係因為Dining City 無推介，今次同老婆試咗呢間樓上私房餐廳，順便慶祝生日，因為分數高而選佢，結果亦無令我地失望👍餐廳位於銅鑼灣新會街嘅舊樓上，外面毫不起眼，𥚃面係由一個單位改成餐廳，地方不大但裝修給人一種舒服感覺。餐廳經理好主動熱情跟我地傾計，介紹咗佢地大廚 Azmi 及餐廳營運方向，覺得佢哋真係好有heart去做，全部食物人工處理外，材料選擇及烹調亦好有要求，落完Order後超期待😙今日嘅午餐係$198 per head，包括餐前面包、餐湯、主菜、甜品及飲品，選擇非常多，性價比睇落都算好高😱🔻Artisanal Bread面包餐廳人手自己做，每個客人有法式及意式各一片，塗上自家製檸檬牛油，焗出嚟味道非常香口感軟😋🔻Signature Lobster Bisque經理介紹龍蝦湯並非一般只用蝦殼煮，餐廳反而用上蝦肉，所以個湯飲落非常香濃，經理亦教先剩飲湯三啖，然後再連中間澳洲牛油果一齊飲，味道亦很不一樣，正👍🔻Cream of Cauliflower Soup呢個椰菜花湯亦好靚，用奶煮得好 creamy ，最特別加上一圈 basil 油，香味升級不少😍🔻7 oz Smoky Argentinian Black Angus Tenderloin餐廳選料真係幾特別，棄用大路嘅美國或澳洲牛，反而選用阿根廷牛，另外餐廳亦用上好多椰汁入餚，基於環保考慮，大㕑會用返啲椰殼嚟燻煙牛扒，真係估佢唔到，阿根廷牛非常嫰亦好有牛味，除咗配菜喺有機材料外，薯蓉亦棄用牛油，改用椰汁嚟做，軟滑之餘亦充滿椰香味，好特別啊🤪🔻Duck Leg Confit Risotto油封鴨髀亦係傳統法國菜材料，充滿油香，肉亦鮮嫩，配上Risotto 食好滿足🤤🔻Pineapple Crumble & Banana CrepeApple Crumble 食得多，今日試吓個 Pineapple Crumble，菠蘿好清香好甜，好味😍至於Banana Crepe，喺Menu上面係冇呢個甜品選擇，但經理話今日大廚有時間可以做呢個甜品，加$38就得，難得有機會再加上我哋都喜歡食Crepe，二話不說就Upgrade咗一份，果然做得好好食，好多香蕉，薄撐加埋雪糕一齊食，真係冇得頂🤤😋👍今次偶遇 Le Chefeteria 真心覺得好幸運，以$198 價錢享受都米芝連星級大廚咁用心煮嘅菜，真真心覺得超值，期待下一期 Dining Week 再見👌…Read More

今日去開灣仔，知道利東街有間年鎖京滬菜餐廳金滿庭，決定同家人就地解決晚餐，門口裝修貫切利東街風格，但裡面就以懷舊香港風格路線。🔻招牌燻魚熱辣辣好香脆，加上鎮江醋非常野味👍🔻鮮肉小籠包湯汁飽滿，肉味鮮美，如果皮再薄啲更佳😉🔻招牌松子魚條魚頗大條，甜酸汁味道及稠度做得出色，可惜魚嘅外皮唔夠脆，如果有埋皮脆肉嫩口感就完美了😉🔻椒鹽小黃魚呢個較為遜色一點，肉質食落感覺唔係太新鮮，冇皮脆肉嫩炸魚口感😅🔻招牌擔擔麵味道可以的，麵條質地亦好好，個人喜歡湯可再稠一點，花生味再濃些更好😆🔻酸辣湯酸辣味不錯，加埋胡椒粉更香👍🔻桃膠芋圓有機豆漿呢個甜品好好食，豆漿味好濃香，桃膠、杞子及紅棗加埋一齊好夾，有好滋潤感覺😍🔻豆沙鍋餅好嘅豆沙鍋餅真係好難食到，對上一次應該係喺「香港老飯店」食還可以，呢度個餅底略嫌太厚，薄啲就更好🤔整體都係一般連鎖式水準，不過不失，性價比亦好高，同朋友家人食個快飯絕對係個唔錯選擇👍…Read More

真係多謝Restaurant Week嘅出現，今年都試咗好多唔錯嘅餐廳，今次嘅La Favorita亦帶㴝唔少驚喜，裡面裝修好華麗，有啲地方用傳統意大利宮廷式設計，牆上亦掛上好多意大利掛飾，酒吧區、廚房聘用大量外籍bartender 及 chef，serving staff 都有外藉員工，真係幾揼本😉La Favorita位於太古坊嘅 Oxford House，側魚涌站上天橋往太古坊方向，一直就可以去到 Oxford House. 今次都似喺 Dining City 訂位，$198三道菜，portion 挺大且味道不錯，性格比非常高👍🔻Burrata呢個前菜要加$48，如果自己喺屋企做過呢個salad都知，買一個Burrata隨時要$60-70，加錢食個人覺得合理，味道不錯👌🔻Calamari Fritti每圈魷魚好大件，味道還可以，如果個皮再酥啲更好😅🔻Vitello TonnatoVitello Tonnato 唔同餐廳有唔同做法，牛肉雖薄但好大片，肉質鮮嫩，個Tonnato sauce 好有 Tuna 味，正😄🔻Gran King Crab Chitarra大大隻蟹腳放喺上面已經吸引，配上墨魚汁意大利麵，味道香濃👍🔻Tagliata Di Menzo呢件和牛Striploin 烤得有焦香味，肉嫩多汁，出色👍🔻Italian Pork Loun Arrosto一上枱見到個份量就嘩一聲，真係好大，用Pancetta 捲起再焗然後切片，肉油味好香，伴碟嘅配菜有好多款式😋甜品有傳統嘅Tiramisu 及Panna Cotta，可以自由加配咖啡，好完滿嘅一餐👍…Read More

喺香港試過幾間墨西哥餐廳，質素都算唔錯，今次朋友約去11 Westside，聽佢講話係食過最好嘅一間，難得有機會試下，當然第一時間舉手出席😂餐廳位置喺 The Hudson 1/F，入口唔明顯，喺 Eric Kayser 隔離一條小樓梯一路走上1/F平台，沿路已經聞到好香燒烤味，跟住味道走就去到😂餐廳裡面樓底超高燈光偏暗，但每張枱都有蠟燭非常有氣氛👍食開墨西哥Taco嘅朋友應該知道，佢哋Menu一般都係比較簡潔，兩頁紙就係咁多，當晚撞啱係星期二，原來11 Westside 逢星期二都有攪Taco Tuesday promotion，除咗兩款$158嘅Taco外，所有都係半價，嘩嘩嘩，當晚真係食得勁開心😃🔻GSC (Guacamole, Chips and Salsa) $180Waitress 會推架材料車到你枱邊，即時做個Guacamole 醬俾你，做完後會俾少少到你碟內試食，如想調整味道可以直接同侍應提出，會按你要求再調味，的確好細心，味道好好，一定符合你嘅口味👍🔻Aoobo Octopus 🐙成個前菜present得好靚，八爪魚鬚好大條，，最驚喜係個芝麻菜，烤得好香，配埋八爪魚一齊食提升味道不少😋🔻Yellotail Ceviche油甘魚同蕃茄、洋蔥、芫荽、紅辣椒等用柑橘汁煮成，再配上大大件牛油果🥑，非常青新醒胃❤️🔻Taco因為撞啱今日係Taco Tuesday，所以食得特別開心，我哋一行5人叫咗多款嘗試，包括雞、牛、豬、蝦、魚都有，每款都非常好食，個人最喜歡係烤和牛Carne Asada(和牛烤得有焦香味，份量亦不少)、炸魚Baja Fish(炸魚大大件兼 juicy)及烤菠蘿豬肉Al Pastor(豬油香配上酸甜的鳳梨，絕配又解膩)，最難得每個Taco玉米餅皮Tortilla)都好乾身，的確非常出色👍👍👍🔻Churros呢個甜品每次食墨西哥菜最後我都必食，11 Westside的確做得最好，唔會似其他餐廳得個脆字，呢度明顯食到外脆內軟，焦糖亦不會太多，輕輕每條掛上，配埋雪糕食真係好滿足🥰今晚整個用餐體驗好滿意，係食個最好嘅一次Taco，非常正宗，飯後上去網頁睇吓，原來老闆真係大有來頭，大家有興趣自己了解下👌…Read More

2022年秋季嘅 Restaurant Week，不知不覺都試左好幾間餐廳，今次試嘅係印度菜，之前都食過幾間，但都冇一啲傳統印度街頭小食供應，估唔到今日個Set Menu嘅 Starter已經出現Panipuri，期待😚Chaiwala 門口好sharp 醒，藍色磗牆紅色門，好有型格😍一推門沿着樓梯落去，發現另有洞天，一落去首先經過酒吧區，得閒喺度同朋友飲嘢聚下都唔錯👍再入去就係就餐區，地方頗大，氣氛亦好正👍今次Chaiwala 喺 Restaurant Week 嘅優惠午餐$198 一位，加$158仲可以 free flow 紅白酒、生啤及 Jin & Tonic，非常吸引🍷🍺🍸一開始就係印度街頭傳統小食 Panipuri，喺網上睇過呢款印度街頭小食當然好唔衞生，但黎到香港嘅大餐廳內，當然可以好放心咁食🤣🔻Panipuri 其實係個空心嘅酥脆油炸球，裡面填入洋蔥、蕃茄及薯仔粒等食材，再倒入一啲酸醬汁，然後成球放入口食就得，好酥脆幾特別！🔻而另一款Aloo Tikki Chaat係辣薯餅，配合咖哩豆、酸辣醬及乳酪，樣子幾靚味道亦好醒胃，不錯，不過食完頭兩個小吃，都有點飽肚🤣🔻TandoorTandoor前菜包括一件 Chicken Tikka及椰汁西蘭花，既然係Tandoor 當然係喺傳統嘅土爐烤出黎，所以味道有點焦香，食印度菜就係喜歡佢獨特嘅香料👍🔻Lamb Shank & Butter Chicken 主菜選咗Butter Chicken 同加$78嘅Lamb Shank，羊小腿既大件且肉嫩，經過慢煮8個鐘而成，配上辣汁配原味Naan非常野味；Butter Chicken 都不錯，不過同羊小腿放埋一齊，自然失左佢嘅地位🤣🫢🔻Mango Panna Cotta 食完印度呢啲較濃味嘅食物，最後配番個冰凍甜點算唔錯嘅配搭👍整體來講$198有咁多野食加上咁靚環境，絕對係一個超值體驗，多得Restaurant Week 先可以咁靚優惠價享受美食🍷…Read More

今日難得放假，決定同太太一齊去赤柱閒遊。平日放假嘅好處，就係好多時假日人頭湧湧嘅熱門地方，會變得寧靜及舒服，真係可以好好俾自己休息一下😃餐廳喺美利樓2樓，室內裝修雅致，外邊附設陽台露天坐位，面對赤柱外街及海景，非常舒服，極有外地渡假感覺👍下午set lunch幾抵食，有鮮製蕃茄面包、自選一款前菜、湯及主菜，最後仲有咖啡一杯，如果仲有第二個胃想食甜品嘅，可以半價追加，整個set lunch 價錢由$195至$295，成個full course加咁靚嘅環境非常合理😍前菜選擇幾有睇頭，有生蠔及法國鵝肝等選擇，我哋兩人都要生蠔；湯就每樣一款；至於主菜就要左Pizza及Seafood Paella😋🔻鮮製蕃茄麵包跟餐麵包都咁靚，值得一讚👍🔻南非山蠔好少食南非山蠔，估唔到咁大隻肥美，我哋自己叫埋白酒佐餐，完美🥂🔻Calamari 呢個亦係自己單點，因為用餐環境實在太舒服，決定豐富一點，慢慢邊食邊享受一下寧靜感覺😂🔻Tomato Flamkuchen個餅底做得唔錯，望個邊都知有幾香脆，Chorizo 配芝士亦好香兼野味😋🔻Seafood Paella 見到都覺得好豐盛，非常好食😍今日放假入嚟赤柱嘅決定真係冇錯，真正可以四處走走而唔使人山人海，安安靜靜食個午餐、飲杯咖啡，生活咪就係想咁囉！…Read More

印象中好似冇正式喺香港食過墨西哥菜，難得阿仔想食又介紹埋餐廳，順理成章就促成今晚嘅飯局😋餐廳位於2樓，有露天陽台位，內部裝修雅致，俾人一種relax感覺👍餐牌比較簡單，冇太多嘢選擇，但有時我又幾喜歡呢類型餐廳，精選幾款食物，再點啲飲品，三五知己一齊就可以放鬆一個晚上，都係一個唔錯嘅chillaxing方法😂🔻Margarita Classic/Otro Negroni 首先點左兩杯cocktail ，Margarita 喺用Tequila 做base，而Negroni 就用Mezcal，前者較為清新，後者則帶有一種smoke whiskey 味道，兩杯都好refreshing，值得推介🍸🥃🔻Guacamole & Chips 個Guacamole 醬好冰凍軟綿，洋蔥及檸蜜汁味剛剛好，好好食😋🔻Coctel de Camarones呢個蝦cocktail 做得非常之出色，靈魂完全喺個醬汁到，個自家製辣椒調汁加埋蕃茄汁非常好味，值得一試，送Cocktail 絕配👍🔻Tacos 我哋總共點左6個，烤和牛2件、牛舌2件、炸魚1件及烤豬1件，每款都各有特色，味道絕對合格🌮之前原本仲想叫多一個main course，但係食完6件Tacos都真係好飽，留待下次再試埋其他🕺🏼🥰…Read More

東港城「海街丼」經常路過但未曾一試，直至一位日本朋友食完介紹後，覺得日本人都話掂，應該值得一試，抱住呢個心態，先由午餐開始😂店內地方不大，但裝修好舒服，其實地方細細人少清靜，與朋友食飯傾偈都係唔錯選擇👍咁啱見到檯面有個牌招募會員，免費入會就送一杯生啤或炸雞，冇理由唔要埋係咪🤣🔻Today’s special 壽司飯今日呢個壽司飯menu係冇嘅，係店員推介嘅Today’s Special，所有刺身都非常新鮮，特別係個壽司飯，醋味我個人幾欣賞👍🔻鰻魚飯鰻魚好大片，呢個飯嘅精粹當然係鰻魚醬汁，好出色好鮮味🥰🔻滑蛋豬扒飯豬扒厚切，肉質鮮嫩，以呢個價錢尚算合格，當然冇其他咁大驚喜😂🔻A4黑毛和牛丼飯面舖滿和牛片，牛味香肉質嫩，亦係不錯選擇😋午餐價呢講算係偏貴，但如果喺將軍澳食餐好啲嘅日本野，都可以考慮呢度，起碼唔係錢俾左但攞唔到你想要嘅嘢👌…Read More

羊肉一向係我飛彿，而「巴依」一早已經喺我Bucket List𥚃面， 只係仲未有機會到訪，今日咁啱呀仔請食飯話帶我試吓新餐廳，估唔到咁啱就係佢🤣一進門就見到牆上面掛滿多年「米芝連」推介牌匾，佢好似話你知你冇揀錯地方😍我哋4個人只有3個食羊，但又樣樣想試，最後有共識，食唔晒就打包算吧🤣🤣🔻手撕椒麻雞原先以為好有麻辣味，點知食落只係淡淡清香麻味，可能新疆風味是這樣吧🤔份量有一隻雞，配備京蔥、羊蔥、紅椒及醬油撈埋，好似粵式嘅手撕雞咁樣，味道幾清香，雞肉亦嫩滑😋🔻清燉羊肉湯上枱見到呢個湯，真係唔敢相信只賣$50，裡面有成5件大羊肉，湯清羊嫩👍🔻烤羊串一份兩條大大串，每串最少6大粒羊肉，非常香口野味👍🔻新疆手爪飯呢個飯用羊油煮成，配上新疆香料，好有羊味，不過一定要多人吃，因為會幾肥膩😂🔻手抓羊肉份量好大，應該用清湯燉出嚟，肉質鮮嫩，啖啖肉都唔鞋口，配埋孜然粉，味道一流😋🔻烤羊排烤羊排味道其實同烤羊串接近，喜歡食烤羊提議二選一，咁就可以試多啲其他嘢👌🔻原味酸奶聽侍應講每日新鮮做，我哋一杯飲完又一杯，除咗好飲外，食咁多羊又可以幫手解膩，非常夾👍🔻杏仁羊奶凍最後忍唔住叫埋呢個甜品，又係一絕，杏仁味好香，奶凍既滑又有淡淡羊奶香，非常非常好味😋喜歡食羊嘅我地，今晚非常滿足，好明顯今晚叫多咗，但實在好想試多啲唔同羊肉，最後打包左三盒野走😂😂💪…Read More

近年真係開左唔少點心專門店，質素一般都比傳統酒樓高，亦有佢哋嘅signature，相信大家主攻客路不同，而家傳統酒樓一般都係主攻長者，反而新式點心專門店就主攻年輕一代，所以DHYC裝修好似一間Cafe一樣，而名字亦好特別 DHYC=得閒飲茶😂店舖開喺Monterey 2/F，正向南跨灣大橋海景，座位寬敞舒適各樣點心做得非常出色，亦頗為鮮味，特別係蝦多士及鮮蝦脆米網腸😍，所有點心即叫即做，新鮮熱辣👍我今日係平日中午時段幫襯，人少舒服，可以一家人或朋友一齊hea個下午，亦係一個不錯選擇😃…Read More

一向欣賞1957集團餐廳嘅表現，無論出品及服務質素都有一定水平。今個星期二12號，1957終於有其中一個品牌餐廳「家上海」喺將軍澳開業，頭兩天仲有全單6折優惠，即刻約齊家人及朋友共6人到場等位試菜😃餐牌設計非常簡潔，左邊圖畫右邊菜名，食物品種有好多選擇，定價亦唔算太貴，個人覺得算為合理😉因為我地共有6人，亦抱住希望試多啲菜為首要任務，所以食下叫下總共試左13款食物，聽落係咪有啲誇張，咁咪證明左一個字👉「掂」🔻小籠包($54)/蟹黃大湯包($40一個)左邊果款係脆煎灌湯小籠包，底部有啲似日式煎餃子果啲網底咁，但呢個仲做得出色，煎到好薄好脆 ，先食上面已經覺得湯汁飽滿，再成個放入口就會食到個底係幾薄脆感覺，真係好野👏；而右上就係傳統小籠包，當然一樣湯汁飽滿不用多說；至於右下嘅蟹黃大湯包，同喺上海食法一樣，會俾條飲管你，先吸啜哂啲汁再食埋個包，多湯汁之餘蟹黃味好香，真係食唔停😂🔻淮揚五福拼盤拼盤包括海蜇頭、餚肉、豆腐、薰魚及醉雞，五樣都好食，個人認為最出色係餚肉及薰魚，個醬汁味道非常有水準💪🔻蓮香蜜餞火方呢個菜之前喺「香港老飯店」食過，一試難忘，「家上海」個蜜餞加上蓮子確實幾特別，整體做得好唔錯，腐皮薄脆、咸火腿亦算淋，配上蜜汁一齊食非常正😋🔻上海海參酸辣湯酸辣味好平衡，唔會偏埋一邊，料亦豐富👍🔻淮揚韭黃亂兜(鱔)淨係睇個賣相已經好吸引，炒得好有鑊氣，蒜蓉醬汁加埋黃鱔及韭黃，食落去有嘩一聲感覺😍🔻紅燒年糕炆黃魚條黃魚好大條一開二，炸脆後用黎炆年糕，年糕軟淋淋，連埋啲醬汁食熱辣辣好好味😋🔻百頁結紅燒肉其實幾個餸個醬汁都好相似，味道非常平衡好味，而豬腩肉亦好入味，不過我個人覺得太淋有啲散，如果實正返啲及用瓦煲仔上，相信會更加出色😉🔻東坡牛面頰肉呢個係今晚個集團總廚親自介紹，用慢煮烹調左6個鐘，入口即化，牛味濃香唔起渣，好好好食😍😍😍🔻上海擔擔麵好多擔擔麵個湯都係較稠，「家上海」個湯底較稀，辣味同花生麻醬味夾得唔錯，食起上嚟好香口👍🔻高力豆沙香蕉($60)/豆沙鍋餅($52)甜品跟上面嘅小食主菜一樣，做得頗有水準，用佢哋黎收尾，成餐飯完全有大滿足感覺👍😃食埋「家上海」後，基本上1957集團嘅餐廳都試過哂，非常有驚喜及水準，如果唔計新開張6折優惠，正價都係每人$300亦算合理，以後將軍澳又多咗一間飯堂🎉👍😍…Read More

今晚阿仔約食飯，特意介紹「香港老飯店」俾我試吓，話呢度環境有點懷舊得呢，食物出品又幾好，再加上侍應服務簡單舒服，好有家嘅感覺，所以攪到我都好有期待😚之前諗住喺老店，應該會係細細間果隻，入到去真係估唔到咁大，裝修不是奢華但係好企理、好乾淨感覺，特別係洗手間，真係有點意料之外🤣睇佢網頁都會見到有幾多招牌菜介紹，就挑幾個小食開始，睇吓會否帶黎驚喜😉🔻合桃燻蛋擺上枱除咗見到個蛋黃係好流心外，賣相其實係冇乜特別，但當夾起隻蛋放入口之後，真係有WOW factor 感覺，除咗個蛋黃非常非常流心外，個蛋白外表味道非常 Smoky，煙燻味的確芳香😍。至於個合桃亦香甜鬆脆，確實高質👍🔻鎮江餚肉一碟12件，件件都好大好實在，加上薑絲鎮江醋一齊食，好香好滿足😚🔻蜜味烤香方你就當佢係上海三文治咁食吧😂，一件大大面包，裡面包含一大片火腿肉(肉方)及一片炸腐皮(素方)，眾所皆知金華火腿質地偏硬及帶鹹味，師傅應該用慢火將佢蒸透後，再用桂花蜜糖醃漬；而素方則採用豆腐皮將佢酥炸。上桌時，用面包加上炸腐皮及桂花清香的火腿肉片合夾後食用，每一口都可感受酥軟、甜鹹兩種對比的滋味，唔係誇張，呢個小吃係我全餐飯嘅 No. 1👍👍👍🔻松子黃魚松子黃魚個人覺得除咗黃花魚要炸到既肉脆又鮮嫩外，個糖醋汁亦扮演一個非常重要地位，整個餸做得不錯嘅，個糖醋汁甜酸度及稠度做得剛好，每件魚花都掛上汁液，雖然冇帶俾我乜嘢驚喜，但總算做到應有水準😋🔻韭黃炒鱔糊炒得好香好有水準，黃鱔片新鮮彈牙，韭黃、蒜蓉加埋個醬汁配搭得完美，一上枱就聞到香氣，食落啖啖韭黃黃鱔肉，正😄🔻煎芋泥餅潮州嘅蒸芋泥就食得多，但係煎芋泥餅係第一次，雖然有點貴，要成$198一個，因為鍾意食所以冇辦法，結果亦冇令我失望。個芋泥餅煎得好香，大件到8個人都夠食，唔會太甜所以食落好舒服，亦冇咁大罪惡感，芋頭味亦唔錯，值得一試👍相比其他上海菜館，「香港老飯店」係有點貴，但呢度賣點相信係一種懷舊老店味道，俾你似回家吃飯感覺，透過暖心服務，加上一定水準嘅食物出品，值唔值咁你就自己決定吧😉…Read More

好幾次行過大阪燒肉店，都係滿座冇位而放棄，因為呢度用餐不肯時，所以真係好有時間等先得。今日閒日中午再黎一次，結果順利入座，終於可以享受一個悠閑燒肉午餐😂店內裝修以木系為主，簡單舒服，唔知係咪因為雨天關係，今日中午客人不算多，約12點半到嘅時候即可入座，可以靜靜咁享受一個燒肉午餐🥰午市套餐好多選擇，由$8X到$1XX都有，雙當抵食，我地一行四人，叫左兩份「燒肉御膳肉大盛」$128、一份「上等牛肋肉御膳」$138及一份「牛胸腹肉御膳」$138🔻白飯、湯、沙律、韓式野菜/紫菜、泡菜、一品每份午市套餐都包一set以上食品，種類相當豐富👍🔻燒肉御膳肉大盛 / 牛胸腹肉御膳右邊個肉大盛真係好抵食，總共5款肉每款3件共15件，包括牛肋肉、豬頸肉、雞肉、黑豚腩肉及牛舌，相當豐富；左邊個牛胸腹有7件厚切😍🔻上等牛肋肉御膳冇影到特寫，橫放果碟就係上等牛肋肉，總共有8件所有肉都輕輕用醬汁醃過，因為冇限時間兼人不多關係，今日真係可以慢慢燒慢慢食傾下計，基本上所有肉都好新鮮，雖然豬雞肉牛舌等，並唔係乜嘢極級肉貨色，但仍然鮮味滿足。至於兩款牛肉充滿牛味，入口亦非常軟冧。如果平日中午有時間而又想食燒肉的話，不妨一試👍…Read More