photoddixted's Profile

肥仔銘茶餐廳 📍：香港新蒲崗錦榮街9號地舖🚗：黃大仙地鐵D2出口 步行10分鐘📞：+852 3542-5028💲：~HKD50/head for lunchFood quality✔️：干炒粒粒通粉、凍好立克、麵餐E、凍奶茶👌🏼：香餅餐總結：😋關注組大熱嘅沙嗲牛面 招牌干炒粒粒通粉 雖然門面簡陋 但原來內藏乾坤 值得一試👍🏼😋沙嗲牛麵真係出色 同普通茶記有顯著分別 花生🥜味好濃郁 而且老闆故意放少湯 濃到食到後頭你可能覺得略鹹 可以額外叫老闆加湯 麵餐e仲包奄列 唔錯😋另一招牌干炒粒粒通粉都係必試 炒得好有鍋氣 好惹味火腿粒配埋好惹味👏🏼 外國人未必接受到但呢啲真係港式風味🤔老闆應該好喜歡龍珠 周圍都放有龍珠嘅模型🤔香餅餐就聽聞有別家m記 但食落冇咩特別 反而塊漢堡扒煎得幾香🙊😨環境衛生就比一般茶記差啲 有潔癖嘅朋友就衡量下 同埋人流極旺 但餐廳較細 得四張枱 所以一定要同人搭枱 幾乎手臂💪🏼對手臂😨3:30之後落場 小心唔好嚟摸門釘😣…Read More

素某 📍：香港灣仔謝斐道254-272號杜智臺地下9-10號舖🚗：灣仔地鐵A1出口 步行8分鐘📞：+852 52318787💲：~HKD300/head for dinnerFood quality✔️：自選晚餐一人前、晚餐沙律、餐湯、香草素雞.野菜.山藥慕絲、松露帶子貓耳朵粉、椰香琥珀雪燕👌🏼：嫩芽.草本拼配、展開.草本拼配、天婦羅拼盤、席前小食總結：😋暫時係我食過最好食嘅素食餐廳 比起食物 我更覺得整個體驗好好 餐廳走新派素菜路線 除咗食物 仲會舉行心靈療癒工作坊 一上枱餐牌就話餐桌都係嚟自颱風倒下嘅樹木🌲由環境 食物 茶品都好統一地走療癒理念😋餐廳獨孤一味淨係得晚宴 $298一人前包小食 沙律🥗湯品 天婦羅 主食就五揀一 甜品就分四季或素蛋糕 另外拼配茶 好飽肚 由理念到執行都一絕 良好嘅體驗😋每一道都好有心機烹調 菜式每日都會轉 今日嘅小食係青瓜配紅椒絲 落咗醋同芝麻 酸酸微微幾開胃🤤沙律有驚喜 落咗藜麥同素鬆多咗嚼頭 醬汁清新😋天婦羅🍤拼梅子粉好出色 冇咁膩 茄子最出色 炸粉唔厚夠脆 裏層仲食到茄子一絲絲口感 其餘冬菇 南瓜就正常發揮😋今日嘅湯品係中湯 蓮藕銀耳花生🥜湯 雖然落咗紅蘿蔔 但整碗湯冇炆到一絲絲 令碗湯清啲亦易入口啲 係碗好飲嘅中湯😋主菜係五款中選咗最多人揀嘅香草素雞.野菜.山藥慕絲同松露帶子貓耳朵粉 前者素雞略韌 但山藥慕絲物如其名 順滑嘅口感 伴碟嘅蘑菇🍄‍🟫好淋身入味 松露帶子貓耳朵👂嘅松露味濃郁 素帶子食落似魚蛋 貓耳朵又夠掛汁 好食😋甜品有四款代表四季嘅甜品 揀咗唯一唔需要加錢嘅冬季代表椰香琥珀雪燕 呢個真係超適🈴女士 好清潤 仲有紅棗夠哂滋補🤔套餐包草本拼配茶 都係四款擇一 我就聽店員推薦揀咗兩款口味較淡嘅嫩芽同展開 前者嘅風味係單欉 歐薄荷 香芧同桂枝 展開就黃大茶 樁葉花椒 松針同木姜子 兩種都係淡得嚟又有茶香 茶味又唔會過濃適宜喺夜晚🎑飲😨張枱太細張 唔夠位放 建議一碟食完再上另一碟觀感會好啲 另外中間位置枱同枱嘅隔離太近 有點搭枱感覺🙊…Read More

Cutting Onions @cutting._.onions 📍：香港紅磡馬頭圍道63號啟岸1樓02號舖🚗：土瓜灣地鐵D1出口 步行6分鐘📞：+852 6896-6862💲：~HKD200/head for dinner Food quality✔️：Bao Combo(house cheese burger, kids Yuen Yeung, avocado potato salad）, Bao Combo (Soft shell crab, Chocolate, Wings), Bao Combo(Tofu, green soda, jicama salad) 👌🏼：Main combo(riso, green soda, chicken nuggets), Maple Milk, Sai Dor, Tong Chong Bang總結：😋呢間係間有心機嘅小店 行創新路線 食物質素就唔算有驚喜但志在你感受到佢嘅熱情❤️‍🔥😋我比較喜歡佢哋嘅漢堡 排名為Tofu> Soft shell crab >house cheese burger 漢堡足料大份 尤其係後者一啖咬唔哂‼️😋呢度有樣好佢哋有個套餐Bao Combo/Main combo 跟餐有飲品 仲可以+錢轉較細碟嘅小食 啱哂啲又想試但又叫唔到一大份嘅朋友I.e. me👍🏼😋呢度甜品比較出色 西多同糖葱餅都唔錯 雖然咸蛋黃味真係唔明顯 不過創新嘅港式甜品值得欣賞🤔avocado potato salad同jicama 🥗有樣好係 佢哋唔係好行咁溝芝麻醬/柚子醬 食落都清新啲🤔炸物Wings/chicken nuggets都普通啲🥲🤔飲品都係行茶餐廳路線 kids Yuen Yeung/Chocolate/Maple Milk 比較特別係green soda👏🏼🤔主菜試咗riso 唔錯但會建於試漢堡多啲😨位置有啲難揾 有點偏僻 喺二樓要啲時間揾路😣😨如果係期望好高去食呢間可能會少失望 食物比較穩打穩紮 驚喜唔多但誠意十足🙊…Read More

GANTO GELATO @gantohk 📍：觀塘偉業街180號Two Harbour Square地下2號舖🚗：觀塘地鐵B2出口 步行9分鐘📞：+852 6090-5848💲：~HKD32-180/head for dessertsFood quality✔️：開心果、焦糖燉蛋、皮埃蒙特榛子、藍莓芝士蛋糕👌🏼：酥皮蛋撻、豆腐、提拉米蘇、士多啤梨奶蓋總結：😋gelato近年變成人人都想分一杯羹嘅戰場 重點係都好貴 呢間已經算係又抵又好食嘅清泉👍🏼😋我由佢工廈食到佢地舖 亦因為好多人吹奏 食飯時段嚟永遠都排長龍😋三球都只係$70喺中環一球都未必食到🙊 一球都係$32 雖然加咗價 但以gelato嚟計都仲係好抵食 😋除咗常駐嘅十種味外 每個月都會轉一個主題 非常適🈴想試新嘢嘅朋友😋招牌一定係皮埃蒙特榛子🌰勁勁勁正 世一咁濃郁 榛子味加榛子粒完全100%係你口腔湧出嚟😋次一級嘅藍莓芝士蛋糕 開心果同焦糖燉蛋都好好食 呢個定價口感味道都一流‼️🤔酥皮蛋撻同豆腐好淡 唔講名係唔知咩味🤔提拉米蘇同士多啤梨奶蓋就普通啲🥲😨立食所以冇位坐 同埋佢哋係全玻璃落地透明設計 食食下同出面路過嘅陌生人莫明四目相對 尷尬😅…Read More

Picoso 📍：香港荔枝角長沙灣道883號億利工業中心1樓101室🚗：荔枝角地鐵D1出口 步行4分鐘📞：+852 2743-8004💲：~HKD290/head for dinnerFood quality✔️：五味繽紛墨西哥拼盤👌🏼：墨西哥風味香辣烤雞、皇牌脆香魚趣2件、經典雞肉塔可2件總結：🤔荔枝角工廈一向遍佈美食 可惜呢間唔係其中一間 感覺到有心經營嘅 但工廈嚟計定價太進取 食物質素都過於普通 見到人流得兩成都唔覺奇怪 啱啱睇呢間剛結業 希望重整旗鼓再出發吧🥲🤔墨西哥風味香辣烤雞有整隻烤雞 但其實都幾細隻 簡單調味 唔蘸bbq醬有點淡得個辣字 伴碟嘅沙律 烤粟米🌽同薯角都好普通 烤雞太乾身冇肉汁肉質都唔太嫩🤔食墨西哥🇲🇽菜就冇道理唔叫taco 試咗皇牌脆香魚趣同經典雞肉塔可 平均計$80/90件簡直係中環價 但雞肉嗰調味就同nachos差唔多 都係牛油果醬加酸忌廉 碎蕃茄加洋葱 比較平庸 算大份但定價太貴🥺🤔另外皇牌脆香魚趣就特別啲 至少有成塊炸魚柳配牛油果醬加芝士醬 但對我嚟講唔夠豐富缺🌮嘅層次感😋比較有印象係佢嗰蟹餅 真係全部都係蟹 但單叫太貴 叫拼盤抵啲 仲配有雞翼 墨西哥薄餅 同玉米脆片配牛油果醬同芝士🧀醬…Read More

嘉寶漢堡(尖沙咀) @kabo.burger 📍：香港尖沙咀寶勒巷9-11號和益中心地舖🚗：尖沙咀地鐵N2出口 步行5分鐘📞：+852 9521-4405💲：~HKD80/head for dinnerFood quality✔️：黑松露芝士牛堡套餐👌🏼：烤菇芝士牛堡套餐、香辣孜然羊堡總結：😋本港陀地漢堡 食過葵涌分店同尖沙咀 穩定嘅品質 絕對係港式漢堡嘅代名詞之一😋我最喜歡💕佢嘅黑松露芝士牛堡套餐 牛扒雖然唔算厚但多汁 黑松露又好濃 食落啖啖肉心滿意足😋一定一定要讚佢杯薑蜜好好飲 出色過9成茶記 薑🫚同蜜糖比例一流🤔烤菇芝士牛堡套餐就相對普通啲 烤菇一定要咬落去爆汁 冇爆汁就弱咗啲🥺🤔香辣孜然羊堡 羊肉唔會羶 但孜然味就淡咗啲 不過羊肉有爆汁效果食落都juicy 好食嘅🤔薯條🍟就係粗直脆薯 有落少少鹽巴 熱辣辣上枱🤔除咗薯條外 比較健康嘅選擇就係粟米🌽如果有畀埋牛油會食得開心啲🤔炸燒賣就類似金龍較煙韌 唔係行魚肉味重嘅唔建議蘸蛋黃醬 唔太夾 炸得脆口但唔會太油小朋友會食得開心🤣🤔尖沙咀分店嘅裝修比較新穎衛生 我最喜歡佢有嗰位畀人洗手 簡直係良心 所以服務要加分😜…Read More

紹華小廚 📍：香港筲箕灣愛秩序灣道15號愛秩序灣街市暨綜合服務大樓CF3號舖🚗：筲箕灣地鐵B3出口 步行4分鐘📞：+852 8199-8188💲：~HKD140/head for dinnerFood quality✔️：蒜香牛頸脊煲仔飯加荔茸、豬潤黃鱔煲仔飯、青芥蜜糖牛仔骨、野菌鵝肝煲仔飯加荔茸、咸魚雞粒炒飯、紅豆冰、熱杏仁霜、熱菜蜜👌🏼：蝦醬通菜鮮魷、例湯總結：😋紹華本身係區內就頗具人氣 但論煲仔飯名店 唔知點解佢低調到冇咩人會提起佢 但我必須講佢好食過好多間名店 勁正👍🏼😋全部都好好食 煲仔飯傳統口味同新穎配搭都款式多 試咗3煲 牛頸脊> 野菌鵝肝>豬潤黃鱔 一開蓋淋上豉油實在充滿儀式感 啲飯粒唔會過濕 好惹味 飯🍚焦都剛剛好😋一定一定要加荔茸 冇加你就唔算食過紹華 即係芋泥 好好食一啲顆粒都食唔到🤤😋青芥蜜糖牛仔骨都係必試 炒得好入味 勁濃郁 牛仔骨都有肉食‼️🤔咸魚雞粒炒飯頗有鑊氣 雖然唔夠乾身但足料大碟😝🤔例湯大碗都只需$13 老花靚湯只缺料🤔紅豆冰/熱杏仁霜/熱菜蜜正常 價錢抵👏🏼😨喺𡚒式街市熟食中心 潔癖嘅朋友可能頂唔順 但衛生環境算明亮唔太污穢🫡😨生意十分爆場 所以員工好忙 態度唔太友善 但都唔惡劣🥲…Read More

鰹烏冬(長沙灣) @udon.hk 📍：長沙灣元州街464號寶華閣地下4號舖🚗：長沙灣地鐵C2出口 步行7分鐘📞：+852 2320-2264💲：~HKD100/head for lunchFood quality✔️：關東煮、夏一烏冬👌🏼：蛤蜊烏冬、骨付雞總結：😋出名嘅自家製手打烏冬名店 有幾間分店 份量足價錢抵食 難怪小店都愈開愈多👍🏼😋烏冬嘅專門店 冷熱湯款式眾多 試咗招牌嘅夏一烏冬 冷烏冬鰹魚湯配紫菜 蛋黃 姜末 青瓜 葱 芝麻同檸檬🍋食落清爽清新 烏冬好煙韌 非常適合夏天食 😋+$28加關東煮🍢有雞蛋 竹輪 蒟蒻 蘿蔔同椰菜卷 除咗蘿蔔好稔有驚喜外其他都正常 主要係28蚊大份又唔錯🤔叫咗另一個熱湯蛤蜊烏冬 一上枱真係幾靚仔 蛤蜊又大粒又飽滿😝烏冬都冇夏一烏冬冇煙韌 唔錯嘅但嗰湯底有點普通🤔另一招牌骨付雞 帶骨嘅雞脾🍗調味有七味粉 好食但juicy啲嫩滑啲會更佳😨性價比之選 但有啲碗碟有啲破損 影相會有啲唔靚 服務環境就合格嘅🫡…Read More

BÀRBAR @barbar.hk 📍：香港灣仔船街9號地舖🚗：灣仔地鐵B2出口 步行4分鐘📞：+852 2810-0008💲：~HKD270/head for dinnerFood quality✔️：Pear Sangria, S Natural 750ml, Ham Croq, Steak Tartare, Pigeon Foie👌🏼：Tomato Bread, Tortilla Chorizo總結：😋pica pica嘅姐妹店 同樣都係主打西班牙🇪🇸菜 個人覺得呢間更勝一籌 因為性價比更佳仲要好食啲 非常合我口味 推薦😋基本上全部都好食 仲要有幾碟係驚喜 一定要叫和牛他他配生蠔🦪 非常新鮮 員工會先上一隻蠔畀你打卡 然後再切碎撈埋他他 我第一次食呢個配搭 出奇地夾 酸忌廉令味道好提昇不少👏🏼😋另外佢嘅乳鴿西班牙飯都好好食 一定要加鵝肝 乳鴿燒得充滿油香 配埋油脂感十足嘅鵝肝 飯粒吸收哂所有精華 唯一係細碟份量少 女仔應該還可以 但男士建議叫大碟😂😋火腿可樂餅 炸得脆口 入面嘅薯蓉好順滑配埋伊比利亞火腿 重點$18/粒 非常抵食😋慶祝朋友單身之夜 點咗Pear Sangria 梨燉得好淋 紅酒味好濃 幫手寫碟 仲有即影即有送 慶祝之選‼️😋以呢個質素同服務 性價比真係一流 四邊形完美餐廳🤔蕃茄包同蛋餅🥞都好食 但冇咩驚喜😨餐廳位置唔少 但閒日晚市都超爆場 所以非常嘈雜 所以唔係好聽清對面講咩🙊…Read More

CRAZYPIE @crazypie.hk 📍：觀塘開源道60號駱駝漆大廈第三座8樓U室🚗：觀塘地鐵B2出口 步行4分鐘📞：+852 6601-1523💲：~HKD35/head for dessertsFood quality✔️：開心果生朱古力撻、芝士奶蓋焙茶茶凍麻糬撻、玄米抹茶麻糬撻、桂花米釀麻糬芝士撻、Baileys Tiramisu Tart👌🏼：厚椰乳雜莓牛油果撻、阿華田吉士麻糬撻、厚奶焦糖布丁、黑芝麻豆乳脆脆撻、草莓乳酪巴斯克芝士撻、焦糖玉桂蘋果鐵觀音撻總結：😋我諗呢間大家都熟知 觀塘區最強散水餅 又可以打卡又好食 非常presentable 散水餅首選之一👍🏼😋每個月都會轉餐牌 但玄米抹茶麻糬撻同Baileys Tiramisu係永恆不變嘅招牌 😋開心果生朱古力撻 芝士奶蓋焙茶茶凍麻糬撻 同桂花米釀麻糬芝士撻都好食🤤🤔大部分撻都好食 但某啲當日就發現撻同餡分離 有啲撻就隔日食先撻同餡分離 所以即時/日食永遠是最好的🤔其餘嘅撻好似厚椰乳雜莓牛油果🥑阿華田吉士麻糬 厚奶焦糖布丁 黑芝麻豆乳脆脆 草莓乳酪巴斯克芝士 焦糖玉桂蘋果鐵觀音 都好食嘅 但嗰配搭我食唔出佢其中一個標籤咗嘅材料 或太淡被蓋過去🤔現金💰付款買2件額外有優惠 記得撳定錢過嚟買…Read More

金祥排骨麵📍：西環西營盤德輔道西316號標準大廈地下C號舖🚗：香港大學地鐵B1出口 步行6分鐘📞：+852 2857-6738💲：~HKD50-70/head for lunchFood quality✔️：菜膽雲吞排骨麵、豆漿、紫菜卷排骨麵、酸梅湯、沙嗲牛肉麵👌🏼：菊花茶總結：😋呢間係我西環飯堂 no.1又係不接受反駁 我食過不下五次 次次都係笑住咁走 超推薦👍🏼😋嚟到金祥 最多人叫一定係菜膽雲吞排骨麵 一次食到最招牌嘅雲吞同排骨 清湯底配傳統上海麵 有次食同枱係個婆婆👵佢同我講呢款出面賣少見少 雲吞極足料大粒又飽滿😋排骨炸得好香脆 但完全唔油膩 而且唔係一口就驚喜 係愈食愈覺得好食😜😋紫菜卷炸到勁香脆 咬力咔咔聲 但又係唔油膩‼️😋沙嗲牛肉麵超驚喜 個人覺得好食過好多間關注組名店 非常香同濃郁嘅花生🥜香味😋跟餐+$7 豆漿同酸梅湯都抵飲😋雖然係老店但態度很好 我中途改單都願意換畀我 服務充滿人情味🤔菊花🌼茶就麻麻地 但都係自家製 有種苦澀味未必個個頂得順🤔環境就好過普通茶記 而且收八達通值得加許😨人龍店 舖仔細細 所以大機會要搭桌😣…Read More

YOI Coffee & Bakery @yoicoffeebakery 📍：香港九龍城龍崗道20號地舖🚗：宋皇臺地鐵B3出口 步行6分鐘💲：~HKD200/head for lunchFood quality✔️：Religieuse, Chorizo Shakshuka, Iced Matcha, Avo & Smoked salmon Bagel sandwich with salad👌🏼：Iced Black Ethiopia, Vanilla Hokkaido Burnt Cheesecake總結：😋香港cafe開到琳琅滿目 質素非常參次 呢間係小數我覺得好食🤤推薦畀大家😋一定一定要試佢嗰Religieuse開心果修女泡芙 非常好食 外表皮蓬鬆酥脆 開心果內餡都好濃郁🥺😋另一個推薦係Chorizo Shakshuka北非沙卡蔬卡配意大利香草麵包 以色列🇮🇱早餐 好特別地冇喺其他地方食過 濃郁嘅蕃茄味 西班牙香腸 蛋 羅勒 芝士 配香草麵包好夾😋Iced Matcha好飲 好香抹茶🍵味 好順滑 茶同牛奶比例十分剛好😋牛油果三文魚Bagel都好食 🥯都好煙韌 配料簡單但新鮮就好食🤔雪尼拿巴斯克蛋糕🍰同Iced Black Ethiopia都唔錯🤔正常cafe價 cp值低啲🙊😨因為係人龍店 所以11點去到都要排隊 舖頭內都冇咩裝修 主要得擺盤可以打下卡…Read More

利口福快餐店 📍：太子大埔道14-16號華都大廈地下1號舖🚗：太子地鐵A出口 步行6分鐘📞：+852 2777-9006💲：~HKD60/head for lunchFood quality✔️：沙嗲牛肉西多士、流心芝士豬扒包👌🏼：熱西洋菜蜜總結：😋屹立喺太子多年嘅茶餐廳 格局裝修幾十年不變 仲係會褶凳褶枱放係街邊食嘅餐廳宜家真係買少見少😎😋餐牌痴哂係牆上 好多選擇琳琅滿目 得一張餐牌寫住最招牌美食😜😋招牌沙嗲牛肉西多士真係必點 一切開中間啲沙嗲牛真係滿到就瀉 本身以為會唔太夾但又有啲驚喜 落咗糖漿牛油🧈咁甜嘅油炸物加沙嗲牛陣花生🥜鹹香竟然出奇地夾 又係神奇😋另一個招牌係流心芝士豬扒包 即叫即整好有心機 熱辣辣炸得好脆 雖然唔厚身 但芝士🧀流心夠邪惡 雖然食到後尾有點略鹹但都係好食😋要讚老闆服務一流 態度又好 食得好開心😁🤔熱西洋菜蜜就正常幾好飲😨環境就典型茶餐廳格局 坐戶外有堆客食煙會不斷食到二手煙😨有樣嘢可以改善 老闆放咗張紙喺碟上美觀啲/吸油 但張紙濕咗會好易甩 切切下唔小心食咗啲紙🙊…Read More

Soi Eat Thai Cuisine @soieat.thaicuisine 📍：香港香港長沙灣青山道454號地舖🚗：長沙灣地鐵C2出口 步行9分鐘📞：+852 2377-2298💲：~HKD300/head for dinnerFood quality✔️：泰式牛頸脊船粉、甜品拼盤、咖喱軟殼蟹👌🏼：冬蔭公薄餅、串燒拼盤、烤芭提雅走地雞、椰青、珍多冰、薄餅總結：😋一間私心推薦泰國🇹🇭菜小店 價錢公道食物好食 值得推薦😋我最喜歡💕係佢嘅泰式牛頸脊船粉 可以揀米粉 金邊粉同蛋麵 湯底以牛血豬血泡製 牛頸脊半生半熟 金邊粉都好彈牙 由湯底到配料再到牛肉都感覺到有心機😋有選擇困難症嘅朋友👫應該要選甜品拼盤 包芒果糯米飯 椰汁西米糕 斑蘭葉菜糕同泰式千層糕 難得地四個都好食 串燒拼盤有豬牛雞 配沙嗲醬 好食😋泰國菜無理由唔點咖喱軟殼蟹 咖哩🍛惹味 軟殼蟹炸得脆口 配薄餅食唔錯🤔冬蔭公薄餅🍕幾好食 但個人覺得配麵粉皮好過薄片🤔烤芭提雅走地雞同串燒拼盤都唔錯 拼盤有豬牛雞 配沙嗲醬 好食🤤🤔椰青同珍多冰都幾好飲😨有個搞笑🤪位 員工清枱面時 剛好我嗰袋開咗 佢唔小心將啲垃圾掃落我袋 笑死😨上菜有點過慢 急嘅朋友要畀啲耐性 如果可以控制好上菜時間會更開心🥳…Read More

YAKINIKU KAKURA (元朗) @yakinikukakurahk 📍：香港元朗朗樂路1號元點1樓B155號舖🚗：元朗地鐵C出口 步行2分鐘📞：+852 2686-1891💲：~HKD340/head for lunchFood quality✔️：黑毛和牛大判燒盛盒、燒肉海鮮盛盒👌🏼：牛舌、白桃乳酸梳打、青森蘋果乳酸梳打總結：😋嚟自日本🇯🇵九州鹿兒島嘅燒肉過江龍 短短時間已經喺香港插旗有四間分店 行中檔路線 午市由特惠$98-$530都有得你揀 豐儉由人 和牛肉質一流很滿意嘅一餐😋午市有分兩個餐牌 特惠餐牌滿足想以較低價錢食靚肉嘅你 我就揀咗正常午市餐牌 主要都係燒肉定食同午餐🍱定食 咁嚟到都冇道理唔燒肉嘅 😋海外限定嘅黑毛和牛大判燒盛盒果然係人氣no.1 套餐包一大塊a4和牛西冷 3塊和牛裏腹小排同3塊背末脊肉 確實係和牛級數👍🏼西冷油花大理石紋路柔嫩 腹小排就牛味重啲 各有千秋 脂肪同肉嘅比例一流 好好食🥺😋另外點咗燒肉海鮮盛盒 包牛胸腹肉同雞腿🍗 各3塊 海老x1 帆立貝同烏賊各兩塊 牛腹肉油脂感冇咁多 比較有嚼勁有肉汁 海鮮都非常新鮮 烏賊真心有驚喜 唔韌食落係順滑 正‼️🤔另外追+$48 加咗4塊牛舌 色澤粉嫩 食落都韌身 可惜唔夠其他肉帶嚟太大驚人 都唔錯🤔套餐仲包沙律🥗餐湯 小食同甜品 仲有隻温泉蛋畀你蘸蛋液 飲品都包 但叫特飲就另外+$20 白桃乳酸梳打同青森蘋果乳酸梳打都係正常 所以係非常夠飽🤔座位好寛敞 枱與枱之間隔板高距離感十足 私隱度高 坐得好舒服😝😨餐廳格局問題分得好散 所以員工未必及時睇到你👀舉手 尤其當日食到半路落場更加無人問津 有點要讚係 食到半路窗外突然勁好太陽 員工即刻落簾超加分…Read More