honeywing's Profile

今日星期6, 晚上8點幾黎到呢度, 小店內位置不多, 門口有幾張露天的檯, 不過因為天氣炎熱, 大家都一有室內位就會要求坐室內涼冷氣~小店伙記很好, 一有室內位置就主動問我們要不要坐回室內最先黎到的是海鮮炒烏冬正好快快幫我地醫醫肚, 炒烏冬最驚就係超多油, 呢個炒烏冬都算OK唔太多油, 味道都幾惹味.跟住就黎左D串燒同鯖魚先講鯖魚 - 算係無咩骨啖啖肉, 燒得時間都剛好, 不會太乾身太焦~ 至於串燒, 我地揀左墨魚丸、沙爹雞肉、牛舌、烤豬肉。每一樣都算燒得時間恰當, 不會太燶或者不夠熱。牛舌很爽口呢個牛油金菇勁好食! 牛油味非常香, 呢個我食到停唔到口!!食完第1 Round, 我地都覺得可以再食第2 Round, 因為D野食唔錯~今round我地叫左燒扇貝, 呢個就普普通通, 唔算非常鮮甜, 正常及格。荔枝豬肉卷 - 我第一次食呢個野, 個荔枝熱熱地甜甜地, 配上出面塊豬肉 (定係煙肉?!) 咸咸地, 兩樣野各自中和左個味道, 又幾好咪同幾夾~燒栗米 - 都甜甜地, 燒得都OK~日式炒野菜 - 呢個就麻麻地喇, 不過我地都只係想食少少菜平衡一下, 我最後係將D菜撈去個牛油金菇D牛油度食串揚一口麵包 - "揚"即係炸, 所以呢個即係炸一口麵包, 呢個岩岩炸出黎熱辣辣好好食! 佢加左煉奶, 有少少似炸饅頭, 不過呢個再邪惡D, 咁就梗係再好食D喇!!…Read More

周末沒有特別活動, 跟老公走到西環試下新野~在open rice見到呢間周記咁多笑哈哈, D野食又夠哂邪惡, 決定黎試一試佢先!我地星期6大概2pm黎到, 門口都已經有唔少人等位,好好彩都唔算等太耐, 大約20分鐘就有2人位到我地.雖然已經2點幾, 不過我地其實未食lunch的,所以都叫得比較多野食1. 蝦多士 (下午茶餐$40連熱飲)2.  XO醬炒腸粉 ($36)3. 蝦餃 ($26)4. 鴛鴦燒賣 ($26)5. 流心奶黃西多士 (下午茶餐$33連熱飲)蝦多士 呢個即炸出黎熱辣辣非常正, 入面蝦滑份量非常足料, 又夠彃牙, 出面D芝麻夠多而且炸完好香口!! $40有4件大大件真係好抵食同好好食!!!蝦餃 & 鴛鴦燒賣  呢2個點心我地都覺得不過不失, 可能本身我地偏向中意食有菇味的燒賣, 而呢個就無落冬菇, 所以我地只係覺得普通了一點.流心奶黃西多士 - 呢個一黎到ge時候個多士好似好平靜咁, 點知一切開佢, 哇!!! D流心嘭嘭聲咁流＿個多士食落去好鬆脆, 流心奶黃又好味又夠特別, 真心覺得值得一試!XO醬炒腸粉 呢個又係超乎我地意料之外咁好食!!! 我老公就比較著重腸粉的味道 - 夠唔夠滑同有絛米香. 佢食完第一件就同我講呢個腸粉好好食! 咁到我試喇~ 又真係幾香幾滑, 而我就著重個XO醬, 因為我好中意食XO醬乜乜乜果D野食, 而呢個XO醬又真係好惹味喎! 呢個都係真心推介, 我地一定會encore的食物!!!…Read More

久不久就很想很想吃韓式炸雞,但每次不是要走到繁榮的地方才有好吃的,又或是貴貴的價錢卻吃了KFX的味道...而呢間堅尼地城的小店,其實我跟飯件已經吃了五次以上!雖然不算坐得很好, 但味道和親民的價錢讓我們來了一次又一次!無骨炸雞(蒜香蜂蜜牛油) - 一共有8件(圖中少了2件因為我們吃掉了才記得要拍照, 哈哈!)首先價格相宜, 而且｢無骨｣超方便! 炸雞當然是即叫即炸, 熱辣辣同時雞肉都幾滑~ 我地點｢蒜香蜂蜜牛油｣因為佢個炸雞配甜甜地更加惹味呢!黑豚肉伴飯配溫泉蛋 - 伴飯有好幾種蔬菜+黑豚肉+溫泉蛋, 最重要的是那個伴飯的韓式醬汁, 這裡的醬汁加伴飯超好味!!! 之前都有食過好食的伴飯醬汁不過之後好似有好多味精會好口渴, 但係呢個就真係唔會口渴! 所以雖然好多時我係因為個炸雞而黎食, 但係其實佢個伴飯都真心好好食!人真係好矛盾, 又想私心推介, 又驚佢出左名有名氣會好多人去...哈哈! p.s. 其實佢主要做take away的生意, 所以位子不是很多, 大家要多多留意啊!…Read More

Happy Friday!星期五的晚上走到銅鑼灣, 次次見到HE.SHE.EAT都大排長龍,今日我地好好彩,早左少少, 所以唔駛等位就有得坐喇!呢度個Menu都唔算好多main course的選擇,我地揀左一人一個main,之後就加多個好似好出名, 見到openrice好多人食嘅綠茶心太軟 All Day Brunch Set - 佢個Brunch Set有好多combination,我地就叫左個無加煙肉同腸的,雖然係咁, 但係都好豐富架!個滑蛋夠滑, 不過唔夠香蛋味, 呢2樣野都真係好難同時做到好好食...牛角包都夠熱上檯, 都幾鬆軟。大番茄下邊仲有個大烤菇, 都好juicy好好味!果兩個白色同綠色嘅mash 分別係薯蓉同牛油果蓉, 我就2個都中意食, 不過飯伴就唔中意食個牛油果蓉~Black Truffle & Porto Bello Rissoto - 又係我嘅最愛之一Rissoto,個Rissoto唔會煮得太軟身 (因為我自己本身中意粒粒分明多一點),面有薄薄一片芝士, 不過撈左入去Rissoto就好似唔見左咁>_<個Sauce都好Creamy同好有菇/松露味 :) 蘆荀爽口有味, 整體味道都好好~黎到HE.SHE.EAT應該主打係甜品吧?! 一向食心太軟我都偏向只吃朱古力味, 因為成日試其他味都會中伏=_="今次見呢度好似好hit呢個綠茶心太軟, 我地都決定比次機會去試下佢喇!先講心太軟, 一黎到都感覺到佢係熱辣辣嘅, 切開佢之後D綠茶流心係狂湧出黎! 個流心有少少甘香, 唔算好甜, 我地都覺得流心仲多過個綠茶皮...唯一覺得細左少少囉...哈哈!至於個雪糕係豆腐雪糕黎嘅, 如果就咁食清清地都幾有豆腐味, 不過我地就覺得唔係太襯個綠茶心太軟, 如果夾埋一齊黎食會完全俾個綠茶味override左, 所以我只係當2件事分開黎食。…Read More

星期日的晚上7時多來到APM,一定好多食店都要等位...本身想食壽司, 不過又係有排等...最後我地黎到京饌, 2人檯都只係等第一張, 所以我地好快就有得入坐喇!入面有好morden chinese嘅裝潢, 就連天花板都有畫公仔, 個感覺都幾young! 不過可能樓底不太高而又放得多檯, 呢度傾計都有少少嘈吵~器皿我都覺得好靚, 忍唔住都想同大家分享一下, 哈哈!叫完茶佢就有一大壺茶放低比你自己慢慢飲, 都幾方便~呢間食店都係Under King Parrot Group, 所以都有做信用卡優惠,食滿$400減$100~所以我地又好努力咁叫$400嘅野食喇, 哈哈!四喜烤麩 - 我地中意佢有大大隻菇同埋個醬汁有菇味, 個醬汁夠香濃, 唯一不好就是我地覺得"四喜烤麩"應該係一味涼菜, 即係應該係凍食嘅, 不過呢個就係暖暖地嘅, 所以我地之後就冇食, 食哂其他野最後先食番佢, 因為想"攤凍"番佢, 之後我地反而覺得更加好味!貝勒爺灌湯小籠包 - 一共有4件熱辣辣咁上檯。個皮做得好薄, 見到D湯喺入面"浪下浪下"咁XD不過我覺得個湯唔算好突出~ 整體黎講係好食嘅!三菇小唐菜 - 我發現呢度製作同菇有關的食品都幾好味! 個醬同D菇好夾, 個小唐菜都煮得好"淋", 份量都幾多~萬壽果川鰂魚湯 - 呢個係我私心中意, 因為所有魚湯我都勁中意飲, 呢個鰂魚湯都好好味, 唔係好覺有油, 好清甜~ 不過條魚就好多細骨, 吃起來比較困難。瑤柱蝦仁蛋白炒飯 - 由於我自己有點不適同埋叫左好多野食, 所以個炒飯我已經飽到食唔落喇, 不過飯伴有吃, 他說味道偏淡, 沒有什麼特色, 最後我們把它打包了回家, 不浪費食物啊!…Read More

呢排都幾hit嘅Topic其中之一應該係北角嘅畫展喇! 我同飯伴放左工過去睇~睇完就梗係喺附近食喇 , 企左咁耐...嘿~一早喺公司上openrice search定有咩食,咁岩比我見到有一篇OR情報竟然真係講附近有咩好食!揀完之後一心就黎到素食.分子 InnoVeggie試下佢d fusion 素食喇 我地睇完畫展大約7:15pm, 去到InnoVeggie都仲有位,店內地方很大, 很有Cafe的Style, 讓人感覺很舒服~坐下一會就有店員提供一壺茶先看看我們的點餐 :) 本來想吃菇包的, 不過店員說已經售罄了~最先來到的是 甜酸齋 , 呢個一黎有點失望, 因為那個齋的口感很硬, 不過飯伴覺得它夠冰凍, 而我倆都覺得它的甜酸醬汁是可口的~ 泰式串燒(6串) - 呢個係驚喜地好吃呢! 那個串燒的質感和味道也很像肉類的串燒, 而且那個沙嗲汁整得非常好味! 而且又非常不吝嗇地給很大碟的沙嗲醬! 估唔到素食串燒都可以咁惹味呢! 呢個非常推薦 牛肝菌松露意大利雲吞 - 呢個我自己就好中意食喇! 因為佢個sauce好Creamy同好有松露味, 而且雲吞入面會食到芝士味...基本上同你喺出面西餐廳食到嘅味道係過之而無不及呢! 另外呢個份量都幾多, 最少都應該有8隻, 岩哂我呢D中意Creamy Sauce嘅人!  招牌脆米炒飯 - 最後黎到嘅炒飯, 成個飯都食到果D脆米, 而且都炒得幾平均, 唔會一啖有好多脆米/一啖完全無脆~ 食左上面D濃味食物呢個就比較清淡, 如果食左呢個先應該會覺得更好味! 不過佢有一個缺點, 就係食完D脆米會痴牙 今次食完我覺得呢間素食食店好有驚喜! 因為佢有好多款唔同嘅嚐試同唔同嘅選擇, 好似今次我地一餐飯就食左中式、西式、泰式的素食! 大家如果經過...或者好似我地咁行完畫展, 都可以黎試下呢! …Read More

估唔到丸亀製麵竟然會在油塘大本型開!!之前成日行過尖沙咀isquare果陣已經好想試, 不過次次都同佢擦身而過,今日咁岩要黎呢邊整眼鏡, 所以就搵下大本型有咩食喇,咁又見到佢新開, 所以就試下喇!一入到去要先買左野食先嘅, 先揀湯底,我要左個番茄牛肉牛蒡烏冬(中size) ($43),飯伴就要左個豚軟骨高湯烏冬 (大size) ($49),跟住我地就去揀炸物喇~!我叫左: 炸蝦餅 (好似係$15)飯伴叫左: 野菜魷魚($13)之後開心share左一份炸蝦天婦羅 (星期1-4 $20/2隻)另外加左支茶 ($10)我的番茄湯很濃味, 但又不會太酸, 我覺得唔錯, 牛肉都薄薄地幾好味, 牛肉份量都OK唔算太少。反而我地2個都唔係太偏愛呢種烏冬, 我地2個都覺得太硬身...至於炸物, 我們倒是有點失望! 最大原因是因為炸物放凍左, 個感覺唔好食, 雖然D炸物都仲係脆身嘅, 不過就唔夠熱...會唔會係因為呢度人流唔夠多所以D炸物放得有點耐? 我們都不得而知了...下次有機會, 我都可能會再試下佢其他野食, 好似醬油湯同冷烏冬~~…Read More

今晚跟飯伴的朋友們一起吃Gathering Dinner,一行七人要在尖沙咀找東西吃並不容易,還要是六個大男人! 所以飯伴找了間坐得比較好、又不設用餐時間的潮州菜館。未叫野食, 先黎一些前菜。那個蜆比較少見呢, 試了一隻, 蜆味就沒有, 不過那個麻辣味很香, 而且偏麻~叫野食, 都係一人揀一樣, 第2項的｢滷水手寫單｣係凍立魚~因為一大班男人食飯, 為免被人覺得｢港女｣上身, 所以就沒有每一樣食物都一一拍照, 就只有滿滿一檯食物的｢全家幅｣喇, 哈哈!錦繡滷水拼盤 - 入面有鵝片、紅腸、蛋、豆腐, 我個人覺得個滷水汁有D咸, 比較一般..凍立魚 - 個魚味都新鮮又唔腥, 而且都幾多肉唔算太多細骨, 不過貴左少少 ($2XX)清湯蘿蔔牛筋腩煲 - 呢個一般, D蘿蔔有沙, 牛筋我就唔特別中意食, 同埋好似好油咁~香煎蠔仔烙 - 呢個好好咪, 一D都唔油膩, 仲要蠔仔份量都幾多而且味道幾鮮甜, 我覺得個煎嘅時間幾好, 又唔會太燶但又夠香口。生煎墨魚餅 - 呢個都好好食! 飯伴話睇openrice D人都推介呢個, 墨魚餅好彈牙, 食到啖啖墨魚肉! 呢個都係推薦要試嘅菜式之一!自制魚丸紹菜煲 - 正常水準, 叫呢個都係因為想食D菜平衡一下...不過都幾好味~方魚肉碎粥 (例牌) - 我地7個人都分到一人一碗滿嘅, 方魚咪都幾出, 作為吃飽大家的必需品呢!…Read More

晚上在尖沙咀韓國街附近食完晚飯,打算在附近找個甜品吃,Openrice一找最近的甜品店就是小甜谷,所以就去試試看喇!去到好好彩唔駛等位...?!(今日係星期六啊...)睇完個Menu, 我都係食番最中意嘅綠茶系列~宇治抹茶白玉新地 - 個抹茶雪糕味道幾好, 幾香濃, 都係有奶味都偏少少甜的方向。3粒白玉口感都OK, 咁當然, 我唔會覺得佢地特別好食~最底層有紅豆同一些抹茶Jelly的東西, 同個抹茶雪糕個味都幾夾,我覺得呢個都夾得唔錯~中意抹茶嘅朋友可以一試!…Read More

平日有機會在黃埔出現的時間多數都是下午,今日反而係晚上來到,依然係好多地方都要等位食晚飯...最後我地選擇左拎2間餐廳嘅飛,邊間快D有位就食邊間...最後...係食左茶木~~因為要留肚食大大件甜品, 所以我地就只係一人叫一個麵食, 無再加其他小食。(p.s. 之前飯伴有在茶木食過飯, 不過轉左menu無左喇 , 只係得番麵食)我點的香菇水餃麵 - 有3大粒水餃同2大粒香菇, 特別高興嘅係粒香菇真係勁大粒同勁厚身, 好肥美的香菇! 水餃味道都OK, 個湯有少少似牛肉麵果隻重藥材咪嘅湯~ 整體黎講都OK~飯伴點的酥炸雞扒麵 - 我地由落單等左25分鐘個麵先黎到, 可以佢要儲埋D雞扒order一齊先炸喇...個酥炸雞扒好鬆脆好味, 不過個底就見到好多油...哈哈! 個麵我冇食所以就唔comment喇~石板街朱古力蜜糖磚塊 - 每次黎到都會叫呢個甜品, 我地中意佢入面D麵包粒好鬆脆, 同埋都會食到蜜糖味, 有少少似去食BBQ自己燒蜜糖麵包個感覺, 再加上朱古力雪糕同Cream, 成件事我覺得都幾夾D味道~不過2個人真係會食到好飽的啊~~~~…Read More

今日放工之後同飯伴在太子處理一些事務之後,已經8:30pm喇,因為最後我地都會去旺角先達搭小巴,所以就喺附近搵野食喇~咁岩見到呢間食素食的食店,入面又幾多人幫襯wo,所以我地就試下佢喇!等左一小陣位都有得入座了=]店內環境不算擠迫, 不過就有一點熱。我們先叫左4款食物~最先黎到嘅係｢齋拼盤｣, 但係大家係咪覺得個｢拼盤｣好唔｢拼盤｣呢...嗱, 其實個｢齋拼盤｣原本係有3款齋：酸齋、齋叉燒、蠔油齋。咁因為我地唔食蠔油齋, 幫我地落單個姐姐話可以走蠔油齋, 咁張單都係咁寫喇~點知黎到3個碟都係酸齋又係咩玩法呢??於是我地就問下姐姐喇, 呀姐姐就話：係呀齋叉燒賣哂呀唔記得同你地講...嗱...其實呢, 我就覺得正常都有D不滿嘅,不過佢地咁好彩因為係我中意食酸齋而飯伴中意食齋叉燒...所以全部都係酸齋我就冇咩問題ge...呀飯伴先生就一向都零脾氣, 所以我地就食左個只得酸齋嘅｢拼盤｣喇...好, 講番個酸齋, 只係好一般, 個汁唔酸, 味道偏淡...之後就係紅燒野生竹笙素翅 (碗), 加左紅醋之後個咪唔錯,都有少少似平時食嘅"翅"嘅味道,入面D竹笙同素翅都幾好咪~西檸焗猴頭菇 - 呢個係我呢餐飯入面最驚喜嘅一味餸!開頭我地以為係會把西檸汁撈埋入去, 估唔到佢係分開上,個猴頭菇炸得好好味! 佢又唔會好油, 食到個菇肉又有番菇軟綿綿嘅質感,個西檸汁其實都OK, 不過我地2個就寧願就咁食個炸猴頭菇已經夠好味!最後黎到嘅主食(因為之後又加左甜品) 係黑松露炒麵, 以呢個價位比我想像中頹左少少,個味都有少少黑松露咪, 只可以叫不過不失。最後我地一人叫左一款甜品。大家估下我地叫左咩呢???開估-->黑糖果凍 - 呢個都好食~ 個果凍都幾大個, 而且黑糖咪好濃郁, 唔會話好｢淡戊戊｣咁~Happy Cow 雪糕 - 佢係話呢個係無蛋無奶嘅雪糕。我叫左薄荷朱古力味, 跟手一打開: 咦?! 白色嘅?原來呢個係Mint Chocolate Chips, 即係係薄荷雪糕加朱古力粒...:(佢個menu 呃左我囉....仲一心想食朱古力...其實佢個薄荷雪糕個味道都唔錯...不過就唔係我想叫嘅野食囉...好~總結係, 我覺得有D素食都幾有心思同有特式嘅, 好似我見到有人食緊pizza...不過呢就要咁好彩揀到佢整得好食嗁食物, 唔係有D都係一般般...下次...如果經過佢都可以係一個選擇, 但你叫我特登黎食我就唔會喇~…Read More

今日放工同飯伴去左APM,本身想食日本野,不過因為要等位所以放棄了,最後去左同一個集團的Table18,好好彩我地去到果陣唔駛等位就即刻可以入坐~店內環境都唔錯, 梳發位都幾寬闊幾舒服~坐低左就有職員送上2杯水同2條｢麵包棒｣, 不過我地兩個都唔太中意食, 因為覺得佢太乾身同太硬身...小食我地叫左芝士豬肉蛇餅腸, 話到明｢蛇餅腸｣, 佢係一條過嘅, 豬肉腸都幾好味, 入面都有少少芝士溶溶地咁, 不過個芝士味就唔係太突出。之後黎到嘅係帶子蝦pizze, 呢個我就覺得麻麻地, 因為我拎左幾次一slice pizza佢都餅底同toppings完全分離=_=", 所以食得有D麻煩同埋好似夾唔埋一齊食咁...不過呢, 佢每個slice都有一隻帶子, 份量都幾足料嘅~最後出場嘅係德國咸豬手, 隻豬手黎到嘅時候會有侍應幫手先切開方便食用, 配上芥末及磨菇醬, 豬手我覺得個烤的時間剛好, 內裡的豬手肉夠熱又夠｢淋｣, 味道不錯, 而我最中意的豬手皮部分也夠香脆可口, 不過有少部分的豬手皮比較厚, 變相有點難咬~ 不過average都很不錯!另外配菜都有好多, 有栗米, 脆肉瓜, 甘荀, 仲有一小兜嘅薯條, 所有配菜都煮到好｢淋｣幾好食, 而薯條都好厚身都係好好食!最後要讚賞佢地加水的速度都算幾好, 因為我地無另外叫飲品, 又食咁多脆脆炸炸嘅食物, 但係我都無渴得不夠水喝的時間, 所以也值得一提~…Read More

今日跟朋友要到都會商場附近上workshop, 所以就相約在附近吃午餐。在Open Rice Search到都會商場有呢間細細間嘅Coffee Shop,因為朋友們都喜歡喝咖啡, 所以就到來一試喇~星期六、日及公眾假期都沒有set lunch呢,就只有All Day Breakfast的套餐,Classic的那個$88, 有Smoked Salmon的$98,另外就有一些輕食的包類,所以我就點了一個Smoked Salmon All Day Breakfast,加入$13可以轉做Mocha =)杯Mocha一黎到, 哇!個拉花好得意呢!好靚啊~~~連我呢個唔係太飲咖啡嘅人都即刻好中意呢杯Mocha, 哈哈!Mocha很香, 也不會苦, 岩哂我~~另外就係All Day Breakfast喇, 個Smoked Salmon 擺放得好似玫瑰花咁,又係好有心思另外好中意佢有烤大菇, 食落唔算好香不過夠Juicy~個滑蛋都無咩特別, 其他都係in average,同埋個份量都食到我好飽~吃著這個精美的All Day + Coffee,悠閒的跟朋友談天, 感覺很寫意呢!:)…Read More

端午節快樂~!!端午節的晚上去左食牛気, 其實之前都食過不下5次架啦,今次先第一次有keep住上次惠顧後的coupon,食滿$200可減$20 =D我地大約7:30pm去到,無book位就例牌要排隊等...好在都唔算等太耐, 我地8pm就有得入坐~揀左最便宜的牛肉set (因為飯伴不吃牛, 就只有我在吃就不吃貴價的喇),要了日式甜醬油湯底,有coupon的朋友記得要在落單時就提供coupon喇!因為佢地就會即時把優惠都印在單上喇!先說湯底 - 甜醬油比之前食冇咁甜, 不過有好有唔好喇, 因為唔係個個客人都好似我地2個咁中意食太甜 之前食呢個湯底我地係唔加其他醬油的, 今次我地都冇加, 不過就覺得冇咁濃郁喇!另外甜醬油湯底係會跟一隻生雞蛋的~之後好快就上左肉食喇, 近鏡頭的是牛肉, 遠一點的是豬肉和雞肉~外面任吃的配料也很多, 目測的蔬菜也很新鮮, 而且refill得都幾快, 唔會只係得一隻隻的空碟而沒食物可拿.由於我地2個悶蛋次次都係食果D野, 我就只可以提供我有吃的食物的意見喇!牛肉 - 這兒的牛味很重, 薄薄的又不會很硬身要咬好耐, 我覺得很不錯!豬/雞肉 - 這個我沒有吃, 不過飯伴的評語是"OK", 不過大部份來吃牛気的人也不太留意吧, 哈哈!菇/ 金菇 - 感覺新鲜, 也可以吃得出菇味=)蟹柳 - 這兒的蟹柳很好吃! 是出面叫｢蟹棒｣的味道, 而且在火鍋中翻滾的時候也不會太易散開, 這個是推薦的食物之一呢!栗米 - 很甜, 可以一吃!芝心丸 - 這只是我自己很喜歡吃的東東~味道就正常喇~日式餃子 - 這是另一個我會推薦的食品, 因為街外不容易吃到火鍋的日式餃子, 這個很好吃! 不過要留意不要太早把餃子放進火鍋, 因為當中的麵粉會把湯底弄出很多的｢白色泡沫｣, 整個湯底就會很混濁的喇~!通菜 / 娃娃菜 - 通菜也是火鍋店少有的食品, 味道OK, 不過我仍然覺得甜醬油湯底和娃娃菜比較夾!甜品: 牛奶奶凍 - 估唔到又幾好食wo! 個texture幾滑又有牛奶味, 下次可以再食=]甜品: Cream Puff - 呢個就一般喇, 因為只是放在室溫, 我覺得入面D Cream唔夠凍唔算好好食, 同埋外面個皮有D｢淋｣~P.S 飲品也是免費自助的, 不過我們都只是喝可樂所以就沒有什麼特別可推薦喇.…Read More

晚上8時多才找晚飯吃的我倆,都是打算hea食之後再行下,黎到得寶商場行左個圈, 最後比佢嘅價錢吸引,再加上我地兩個都中意食烏冬, 而間食店又主打烏冬,所以就入去一試喇!睇完張單都應該估唔到我地叫左D咩野食XD我就叫左個金菇牛肉烏冬 (加大烏冬), 飯伴就叫左個海鮮窩燒烏冬, 另外加多左一客八爪魚餅。最先上的是八爪魚餅, 略嫌多左少少油, 不過味道不錯, $32的一客小食以這個份量也不算太貴。金菇牛肉烏冬 (加大烏冬+$6) - 雖然看圖可能會覺得個烏冬好清, 但其實我想講佢幾好食wo~ 牛肉不會太肥, 也有牛肉味, 湯底也有少少味, 至於烏冬, 口感唔錯, 都似有手打ge感覺, 我覺得呢個價錢黎講個烏冬都幾好食!海鮮窩燒烏冬 - 真心唔記得價錢, 不過比起其他湯烏冬呢個窩燒烏冬係偏貴少少 (好似大約$70-$80...?) , 製作需要久一點的時間, 佢個海鮮都算幾多款, 有2隻大大的帶子呢! 個湯當然比我果款好味, 個烏冬都係同一款, 不過佢呢個就煮得耐D, 會熱D同軟身D~整體黎講我覺得呢間店的食物係中等, CP值不錯, 下次再經過附近佢都會係我翻食ge list入面ge~…Read More