ningchoijw的個人專頁

夜晚同朋友chill吓，傾下計，又嚟到呢間cafe～見到有新嘢推出，仲做緊優惠！即刻試下佢個芝士火腿雜錦拼盤，仲再叫埋杯Red Sangria嚟配搭。芝士好濃郁，將火腿捲住芝士嚟食，滿足感爆棚！我地前菜仲叫左個日本南瓜藜麥沙律，南瓜好甜，成個沙律好清新～主菜蟹肉伏特加蕃茄忌廉粗管通粉，好好味！蟹肉鮮甜，醬汁勁正，伏特加同蕃茄忌廉融合得好好！甜品同樣精彩：開心果巴斯克蛋糕，食落好驚喜！柔軟濕潤，開心果味夠晒濃。至於個流心焦糖燉蛋法式西多士，西多士鬆軟，燉蛋滑嫩，搭配卜卜脆桃酥同餅乾，層次豐富，係完美的收尾～…查看更多

不嬲鐘意食東南亞菜。如果要食印度菜，當然首選過嚟尖沙咀區。近排就同2個朋友試咗CARAT Fine Indian and Mediterranean Cuisine。一入呢間樓上印度餐廳，好闊落，有氣氛，當然都好乾淨，仲要有室外區，啱哂三五知己上嚟食好嘢傾吓偈。由於唔係好熟悉印度菜，就問吓侍應推介。雖然我哋係咁問嘢，但侍應態度好好，好有禮貌好耐心解答，仲主動幫我哋影相。好Friendly！最後我哋試咗：👍🏻Afgahani Mushroom 阿富汗瑪莎拉香料芝士釀蘑菇每串蘑菇燒得剛好，唔會太Dry，連埋芝士、馬莎啦，各種豆醬，好有趣又惹味，好食！👍🏻Butter Chicken 印度牛油咖喱雞呢道菜可以話係經典印度菜必食。特別欣賞呢間餐廳份量足夠，雞都好多件，夠哂我哋三人分！醬汁好香又滑，蘸Naan 食，多多都食得落。👍🏻Palak Paneer 菠菜芝士咖喱又係份量十足，好多芝士，菠菜蓉都好嘢味，送Naan一流。👍🏻Sunhari Laccha Naan 皇室烤餅份Naan烤得剛剛好，熱辣辣上菜，而且咁油，真心推薦！CP高又好食，服務好坐得舒服。總而言之，值得再翻轉頭！📍CARAT Fine Indian and Mediterranean Cuisine 尖沙咀寶勒巷6-8A號盈豐商業大廈4樓…查看更多

今晚同fd一齊試下呢間既和牛放題,可以任食兩個鐘!一去到即刻叫左湯底先, 有好多款湯底可以選擇。我地叫左一個辣一個唔辣, 分別是喇沙湯, 濃味之餘又唔會好辣,味道岩晒香港人. 另一款叫左清清地既潮汕牛骨湯, 拎黎涮牛肉, 就可以食返牛肉最原本的鮮味. 等緊湯底滾的同時, 我地周圍睇下有咩火鍋既食材同埋配料, 發現係有超級多，完全唔使擔心淨食牛肉會好寡。基本上平時打邊爐會有既野呢度都有，包括唔同種類的蔬菜、雜丸、腸、雞翼、豬頸肉、豆製品等等。佢連餃子都有好幾款，我好鍾意佢既栗米豬肉餃，好好味。野飲當然都唔少得，有一整個雪櫃雪住唔同既飲品，任君選擇。佢亦有一個自助調料區，好多種唔同既醬，可以自己開開心心咁混醬。至於主角的牛肉, 佢係成盤咁樣上, 拼盤裡面有多款唔同的牛肉, 而且仲好貼心咁加上左標籤，清楚標示住係咩牛肉。我同fd試完咁多款, 最鐘意就係澳洲M7和牛同埋澳洲和牛金錢展呢兩款. 果然和牛就係和牛, 真係零捨唔同. 其中澳洲M7和牛的雪花分布均勻，一啲都唔會覺得肥。而且兩款和牛入口都係特別嫩滑同埋好有牛味, 我地最後都忍唔住encore再叫和牛黎食. 最尾呢度仲提供埋多款口味既雪糕作為甜品，包括伯爵茶、海鹽、香芋味等等。食完呢一餐，真係超級豐富超級飽足！…查看更多

而家啟徳園咁多Event，當然就要了解埋附近邊到有得搵食，而當中最方便又最舒服首選隔離嘅Airside 啦。今日就試咗呢間喺正C出口一出就到嘅三點三冰室。我哋今次一行三個人就試咗：#經典小食-雪糕西多士超好食。就咁食熱辣辣西多士已經夠好食，加埋半融凍冰冰雪糕，咁邪惡點可以唔食？#香燒羊架鐵板餐配薯蓉本身好怕羊架大騷味。但呢到，完全無呢個問題，整得夠熟得黎又唔會太韌，仲要唔要三大件，加勁大舊薯蓉，真係一定食到你滿足。#西冷牛扒鐵板餐配薯條同羊架一樣，熟度剛好，又保留到佢嘅Juicy，食得出好新鮮，讚！#小食-秘制辣雞翼（6隻）雞翼好冧勁入味，配飯一流，而且辣得勁過癮，啱哂好辣嘅朋友。#海鮮粉絲煲份量足，勁大碗，勁多料，無論菜定湯都好鮮味，又係必食推介！食咁多野當然都要飲下野。呢到有好多經典飲料，美祿暴龍，龍鳳檸樂，紅豆冰，黑牛，狂牛，仲有新式野好似薄荷梳打⋯真係任君選擇。呢到唔單只夠大間多位，坐得闊落舒服，仲要價值合理又大份，真係值得再嚟！…查看更多

話說，香港越嚟越少大排檔，食肆常都係連鎖集團比較多。帶著80-90年代味的食店，能保留下來，真是很珍貴。今次和家人來到屯門工業區的建榮吃🔥鑊氣小炒。晚飯免收茶價免加一，很良心。招牌菠蘿咕嚕肉簡直係香港人嘅浪漫。先炸豬肉，形成卜卜脆的外殼，再拌酸醋汁。重點是剛起鑊，勁熱勁脆，勁下飯。沙薑豬手炖煮得好軟淋，皮和根腱一咬已經爛開。沙薑味清香，如果想更濃味，可沙薑油浸在豬手中，正🤩砂鍋雲吞雞白切雞有半隻的分量。鮮蝦雲吞真是大粒，娃娃菜煮得軟爛，雞湯真是鮮甜！有得食又有得當湯濕口呢。豉汁龍仔蒸白鱔飯雞蛋炒飯底，上放在大大舊白鱔。白鱔以豆鼓醃料稍入味，再大火蒸。雖然白鱔骨刺較多，但確實是鮮味呀！地址：建榮街32號建榮熟食市場地下C6號舖…查看更多

翻深圳成日見到呢間川菜麵店，但一直無機會試。最近先知原來已經落到黎香港，仲有幾間分店。我同朋友收工就去旺角東Moko Mall呢家分店。未夠7點去到已經坐咗八成滿，真係受歡迎！店舖算幾闊落，光猛又乾淨。佢有提供配料自助區，食水自助區，櫃桶底仲有免費紙巾提供，好體貼！菜品選擇都唔少，最緊要大大碗又唔貴，CP值高。我同朋友就叫咗店裏面嘅招牌紅碗豌雜麵，勁鐘意佢煮到啲豌豆口感好綿，撈埋煙韌嘅麵團，口感層次就更加豐富。我哋揀咗重慶味，麻嘅味道非常突出，無過咸過濃，重麻愛好者一定勁鍾意！ 另外，見到一個菜品叫小鍋冒菜，我哋即刻上網search下。原來冒菜同火鍋差唔多，都係將啲蔬菜和肉連湯底上，不過就主要係一人份量。係成都必食菜品之一。我哋都好鍾意呢個冒菜的香辣味湯底，辣度剛剛好，加上菜又好鮮甜，牛肉片量又足，配料都多，大件夾扺食。 我哋仲試咗羊肉串同爆漿豆腐串。羊肉串唔會騷，肥瘦相間，有肉汁；而個爆漿豆腐串，微辣外皮炸到脆卜卜，入邊豆腐就好嫩滑，讚！不得不提白玉酸梅湯唔會太甜，酸酸甜甜咁，解辣解膩啱哂！好食又CP值高，回頭率極高！…查看更多

放工和朋友約了在這間西式餐廳吃晚餐。裝修很清新，看來在日頭是cafe的模式。為了可以試多幾款，我們挑選了tasting Menu，CP值最高！1. 冬蔭公湯青口鍋冬蔭公湯青口鍋很特別！欣賞店家的細心，以蠟燭+小火鍋形式上菜，確保夠熱。青口好多隻，而且好新鮮。冬陰功湯底很鮮甜，配蒜蓉焗包，一流！2. 雜莓橙柳合桃沙律整道沙律清新爽脆，因包含多種各種水果，合桃，口感味道相當豐富多樣。加上每項材料都很新鮮，配微酸柚子汁，非常舒暢。3. 山葵醬蟹肉薄餅Wasabi 醬配蟹肉薄餅，一道經典日本fusion 美食！Wasabi的微辛辣，加上蟹肉鮮甜，味道出色，加上薄底Pizza，口感一流。4. 拿坡裡辣肉腸火腿意大利麵經典意大利美食。值得留意的是，此家食店的意大利麵是手工制的，所以煙煙韌韌，非常有口感。意大利麵的醬汁調校剛好，不會過咸。5. ESPRESSO CRÈME BRULBE濃郁咖啡香，配超順滑重奶香的奶油布甸底的，非常可口！6. TIRAMISUTIRAMISU份量足，層次分明，咖啡味浓郁。經典餐後必點！這家店的CP值高，而且每一樣食物都很新鮮好味，回頭率高！…查看更多

天氣開始轉涼，食吓啲酸辣嘢，又暖又開胃，放工行下街食個靚飯，心情都好啲。👍🏼泰式冬陰功湯例牌食泰國菜必備。原本仲擔心價錢都唔算平，點知個湯真係勁足料。唔單止有大頭蝦，又多菇，勁多香料。味道濃郁，好推薦。👍🏼 泰式炸蝦餅三件勁有嚼口，彈牙！而且唔會油淋淋。加埋店家自製嘅酸辣醬，非常惹味好食，整多一碟都仲得！👍🏼泰燒豬頸肉份量好多，燒得好香口，唔會太肥，食得好滿足！👍🏼泰式街頭豬肉店家推介係新菜品所以就試吓。相當驚喜，燒得來有肉汁唔會好乾柴，而且每一串都好大件。👍🏼泰式柚子鮮蝦沙律份量好多好大碟！酸酸地好醒胃。大蝦幾隻，加埋炸蒜炸椰子乾，口感豐富又好香口。👍🏼 清邁雞髀咖喱湯麵呢個真係必定要試！係泰國當地好出名嘅湯麵，但係香港唔常見。咖喱好香椰香，雞髀好嫩，而個麵係脆炸麵！好特別。👍🏼 泰式肉碎生菜包份量足，辣辣地，加埋啲生菜勁新鮮，正！👍🏼泰式街頭椰子粟米雪糕好特別，未試過！雪糕真係好香椰子同粟米味，但又唔會過甜，讚！加埋底有糯米飯，夠哂份量。👍🏼 芒果糯米飯又係食泰菜必備。芒果雖然唔係時令，但酸酸地，配埋椰汁甜甜地，一樣好味！另外要特別稱讚員工好有禮貌，服務好周到，加埋呢到坐得好舒服，絕對值得再返嚟！…查看更多

一去到，見到餐廳入口處擺放很多陳年老舊的電視、茶碗和食物，猶如來到婆婆家食上海的家常小菜。婆婆生煎包微微發酵的麵皮，經水煎焗後漲成圓鼓鼓的外殻。焦脆的底包，咬開後是含湯汁的鮮肉餡。老實說，一碟三件意猶未盡。石榴一字骨是取材真的新鮮番石榴，既酸又甜。一字骨炸香，但肉不柴，油香油亮。蝦籽豆腐麵根煲素食者老人家友好！別以為素就很淡味，蝦籽很是鹹香。豆腐麵根白白胖胖，口感嫩滑。但最欣賞以毛豆和竹筍炒香調成的底味，令整個煲仔很是下飯。松子魚上海菜必吃！魚骨不多，魚肉炸香後仍很細滑，酸味味的糖醋醬令人吃百吃不膩。黃金涼瓜鹹蛋黃炒苦瓜，一點都不苦！而且惹味又帶著絲絲清甜，令人一度懷疑，我在吃苦瓜嗎🫢🤗？#尖沙咀美食 #香港美食 #香港必食 #香港探店 #香港打卡 #香港旅遊 #香港必喝 #尖沙咀探店 #香港中餐 #香港好去處 #尖沙咀推薦食品地址：上海婆婆336 (iSQUARE國際廣場)尖沙咀彌敦道63號iSQUARE國際廣場6樓605-606號舖…查看更多

一向都知厚福街收收埋埋好多美食小店，近排就喺呢到嘅藍馬商業大厦發掘咗一間高質嘅樓上日式串燒居酒屋！無論係好有心思嘅日式裝修定燈光都好有氣氛，不得不提，佢每張枱都設計得好闊落，坐得好舒服，真係好啱放工同朋友嚟呢到食野同飲番幾杯吹下水。我哋試咗：🍙 手揸餅海膽蝦卷可以話係估佢唔到嘅fusion菜，唔單只口感好豐富，每一樣食材嘅味道又出奇地好夾，好值得試！🍙鐵板和牛食日本嘢點可以唔食和牛呢？鐵板上嘅好處係，保持到溫度，但又唔會過熟，做到入口即溶，加埋店家自己調製嘅醬汁，更加惹味！🍙 明太子焼饅頭又一估佢唔到嘅菜式。明太子鹹鹹地嘅香味，配埋炸過嘅甜饅頭，味道層次豐富，好好食，極度推薦！🍙 鹹牛肉燒飯團飯團加上飯素，鐵板煎過，有飯焦嘅香味！加埋鹹牛肉同埋紫菜嘅價錢，好好食。🍙 羊架，芝士年糕串燒即叫即燒，夠晒惹味！食咗咁多濃味嘢，當然要飲番杯冰凍啤酒中和下。我哋試咗Double IPA啤酒，麥味好濃，又帶少少果香，好滑好順口，正！加埋雪糕球，爽哂。順帶一提，九點之後會有宵夜優惠！咁高質嘅居酒屋，絕對會再嚟！…查看更多

放工約咗同個老友飲返幾杯。但係飲之前都要食咗正餐先。不嬲都知厚福街好多嘢食，我哋就過去行下，見到呢間新開冇耐嘅粉麵店就去試下。呢度最出名係崩沙腩，但好可惜我哋去到嘅時候已經冇晒，大家想試真係要下次趁早！店員推介我哋試吓牛坑腩，又即管試下。一碗都成5,6舊，而且真心好食，完全冇臊味，又唔會煮到好靭到食橡筋咁，但又唔會冧到一駝野咁，口感一流，果然無推介錯。而個河粉底都好唔錯，我至鐘意佢咁爽口又大碗。而另一款我哋試咗黃金片頭拼雲吞米粉，一碗有3大舊片頭3大大粒雲吞，CP值勁高！而雲吞都讓我喜出望外，勁多餡，皮又薄。碗米粉仲要勁大碗，最後尾都係食唔晒細食量嘅女仔可以考慮叫扣底。因為我鍾意食辣，我哋就試埋個麻辣魷魚鬚小食。算係涼拌小食，啱晒而家呢個天氣！估咁到一碟份量咁多，一座小山丘咁！魷魚鬚勁爽口，加上店家親調嘅麻辣汁好惹味，又唔會麻得制食到個人好辛苦，極度推介！加埋碟生菜，滿足！呢度坐得舒服，而且比好多粉面舖乾淨，每樣嘢都好大份量，回頭率好高！…查看更多

今次已經係第二次到訪烏蠅館。我鍾意尖沙咀呢間分店，就喺九龍公園對面，距離地鐵站只係幾分鐘，好方便。呢度最出名揀食烤魚同埋火鍋，仲要而家做緊推廣，如果提早訂枱，會有烤魚或火鍋底半價等等優惠。真係CP值勁高。我哋二話不說就點咗：🙌🏽烤魚-清江魚 hkd 348勁大條，勁多肉。肉好嫩，又唔多細骨，啱哂我哋！而今次我哋試咗蒜香底，勁香又入味。除左超大條魚，配料都好多，今次有雲耳，素雞，紫洋蔥。真係一鍋滿足晒所有願望！🙌🏽燒雞中翼（兩串） hkd 26呢個係最新嘅菜式。兩隻雞翼都肥嘟嘟脹卜卜，外皮烤得夠脆，但裏面無乾柴，仲係好juicy，正！🙌🏽紅豆芋圓仙草 hkd 12價錢超抵食！紅豆芋圓仙草仲有好煙靭嘅珍珠😊真係大滿足又解油膩😄🙌🏽成都老酸奶 奶蓋 hkd 25呢個酸奶屬於軟綿綿嗰一類，加埋奶蓋真係好夾！我鍾意佢個酸奶唔會太甜，好原汁原味！🙌🏽爆醬紅糖糍粑 拼薯格 hkd 38炸得好好！熱辣辣咁上！薯格香脆可口糍粑非常煙靭，仲有好多爆漿嘅紅糖，呢個價錢仲要有五舊咁多，多到食唔晒！我哋仲叫咗兩杯飲品，仲有大推嘅玻璃樽裝可樂（其實各式啤酒都好抵，不過實在太飽，飲唔到！）咁樣食法，都只係六舊水，CP值之王！…查看更多

就算紅雨都無掃走同好友食個靚飯嘅興致。約咗好朋嚟到旺角黑布街。黑布街可以話係旺中帶點靜嘅好去處，距離地鐵站唔遠，但人流稍為少一啲，而且好多特色細鋪同餐廳。今次試嘅申子居酒屋就係其中一個好地方！如一般居酒屋，喺出面睇唔到入邊係點樣，有啲神秘感！入到去侍應就好快帶我哋上2樓。細細，但係都有十幾張枱。12點黎到已經坐滿一半，如果上嚟試，真係要預早少少！經侍應推介，而家優惠期間，買一個定食會送一個丼飯，抵！我哋揀咗壽司定食拼烏冬：樣樣都好新鮮，特別海膽壽司頸肥美鮮甜，食過返尋味！好鍾意啲壽司飯尚有微暖，飯粒煙煙韌韌。三文魚刺身仲勁厚身。烏冬都好彈牙，份量足。親子丼：呢個係出乎我哋意料之外。原本以為係雞肉同雞蛋嘅配搭，原來係三文魚同三文魚魚子！店家出手闊佬，勁多魚子，而且係好新鮮。蟹肉蟹膏蟹甲燒：見到個名好特別，決定試吓。雖然望落細細份，但其實蟹膏蟹肉係塞滿哂，份量好多。咸咸香香，好適合配飯食！呢間餐廳坐得好舒服，燈光以至氣氛都好chill，值得再來。…查看更多

又到一日最開心嘅時候，放工！約埋bestie飲番杯吹下水，就更爽！今次試下呢間匿埋喺加連威老道瑞生酒店4樓嘅The Pearl!我哋6點半就到，無乜人。點知過半個鐘就爆滿！建議想試嘅朋友早啲到～我哋試咗：Starter-蜜瓜帕馬火腿沙律超大份！沙律菜勁新鮮，而咸香帕馬火腿加蜜瓜係無敵組合，配埋巴馬臣芝士、松子仁同黑醋橄攬油汁，非常醒胃！Starter-吞拿魚牛油果泡沫他他配自製羅勒油覺得好特色，就即管試下。除左吞拿魚好新鮮，牛油果泡沫又好過癮，我個人最欣賞係佢自製羅勒油係帶啲薄荷，好特別！Pasta-和風醬油大蝦煙肉扁意粉大推！扁意粉好煙韌，好入味。都有好幾隻大蝦，好爽好新鮮。最無諗過係佢fusion和風醬油味又好夾。Main-香煎牛封門柳好大份！封門柳好冧又有牛味，加埋經典羅勒香草醬，一流。而薯蓉亦好出色好滑。加埋杯Cocktail-Pearadise同杯Mocktail-Rosy Romance打卡，又易入口，成餐好滿足！…查看更多

Airside 話係近幾個月最火紅商場都不為過，入面仲有好多高質餐廳可以發掘。今日就同老友揀左呢間三點三冰室試下！叫得三點三，下午茶時段都相當full！無論裝修定Menu嘅選擇，都有啲番到去幾十年前冰室模樣，打卡正！Menu 勁多懷舊小食，蝦多士，各種西多士，香蕉船，炸熱狗⋯ 下次真係要call齊堆老友嚟一齊點哂嚟share 試下！我哋試咗：-日式黒松露手打漢堡扒配白飯上菜超精緻，打卡able。漢堡扒厚度剛好，仲要剛好夠熟得嚟勁勁勁多汁，好Juicy得嚟又唔油膩先好野！加埋隻生蛋，同肉汁一齊撈飯，正到！大推！-南洋喇沙唔單止超大碗，仲超足料，蝦，豆卜，魚片都好新鮮。而湯底好濃郁，又唔會過咸，加埋隻蛋，咁大碗食得好滿足！-瑞士汁雞翼唔單止食緊好味，仲有童年回憶嘅加持，真係回味無窮。隻隻鷄翼都好入味，煮得又冧，真係多多都唔夠。-美祿暴龍又一回憶殺！ ！上面啲cream 令我好意外，無甜到漏，做點綴剛剛好，而且落單個陣又好貼心地可以揀多/少甜，比啲又想飲又怕肥嘅人如我，可以良心安樂啲一飲而盡！呢到坐得舒服，又充滿童年回憶，食物高質，回頭率高！…查看更多