bisciallylwt's Profile

Disclaimer: 本人並不是試食！原本呢間餐廳一直係我openrice bucket list入面好耐，諗住終於有機會可以試吓。佢係QR code自助落單既，但入到去你會發現其實好多野都sold out左😦最終我地3個人叫左4樣野，加3個飲品。🍓士多啤梨玫瑰乳酸梳打（$58）（期間限定）錯過都唔使可惜因為係藥水味😞其餘果兩杯就不作特別評論，我正常既味道。🍟黑松露薯條（$88）應該係全晚最正常既食物係好脆既！🥩紐西蘭草飼牛扒（10oz) ($358)我地叫左medium，外表望落去係過燶既個熟度係正常，但個牛扒好多筋，係真係咬唔到的，我同朋友係吞唔到，所以係要吐返出黎。😵‍💫🥘香煎海鮮蝶豆花意大利飯（$138）個飯有幾種唔同海鮮，分量都幾足夠，味道親不過不失啦。🍝香煎北海道刺身帶子香草醬意大利麵 （$148）同行中，我係最後一個去嘗試呢碟意粉，見到朋友既眼神，都開始心知不妙，我一入口，係有淡淡的青醬，但之後我就食唔到任何味道，到底係點做到？帶子，我咬落去，係霉嘅質感，即刻同職員反映，職員同我哋講話係刺身帶子，所以係呢種質感，我地都有食過刺身帶子，明白唔係呢種質感，而且係有種異味😩職員話可以換過一段碟我哋，或者換過第二款，最後我哋一致覺得，唔想再冒任何險了。退左碟意粉就算了。好坦白，我今次重出江湖，係因為真係唔明點解呢間餐廳可以有600幾個好評，無論價錢同食物質素都唔值得咁多好評！👎🏻👎🏻👎🏻如果你哋想打下卡既話，食下午茶小食，飲杯咖啡，日光下影下靚相打卡應該會不錯既。但切記，飲飲都要小心謹慎選擇。📍觀塘敬業街55號皇廷廣場地下2號鋪…Read More

係灣仔金鐘果頭返工，因為食完午餐都仲好飽，所以就同同事去咗月街既coffee shop黎返個coffee break🤣因為之前金鐘開pop up store 既時候，我哋都飲過d regular 既抹茶飲品，所以我哋諗住叫d特別多少少既野。🍵☕️Dirty Mtacha ($55)由matcha, expresso, 同奶製成同事話，感覺好苦。。。咖啡加茶既雙手苦味。並不討好。🍵🍫Hojicha Coco ($55)由hojicha,coconut cream, cacao, milk製成。由於呢杯飲品，有好多唔同類型既野combine埋，每樣野都好分開，同事試飲一啖，去到最尾既咀邊有陣鹹味，覺得似飲緊咖哩🍛。而我就覺得有陣中藥既感覺😧最後兩杯野飲我地都未能夠飲完離開😕其實佢哋用料係上乘既，但我只可以話，飲返普通matcha latte 同hojicha latte會比較可取。整體性價比不算太高，如果想嘗試新鮮特別嘢，就要小心謹慎喇🥹📍Matchali 灣仔月街5號地舖…Read More

傅佩嘉新開既台灣牛肉麵店剛好開係公司附近，於是就岩非繁忙午餐時段，去一探究竟😌我地分別叫左兩碗麵，一碗埔里花雕牛肉寬麵同埋麻辣半筋半肉寬麵！埔里花雕牛肉手工寬麵 （$80）佢既花雕酒味好濃，但又唔會完全掩蓋左牛肉味，牛肋條好軟腍，牛肉味好出，啖啖肉嘅感覺好滿足！麻辣半筋半肉手工闊麵 （$78）麻辣既味道十分惹味，牛肋條同牛筋都炆得好腍，牛肉湯底更加香濃，再配埋麵食既3款小菜，真係好似去台灣既感覺。即使佢地既湯飲落都幾鮮甜，但係一d都唔味精架，因為佢地係用甘蔗去熬湯，所以唔會食完同飲完湯覺得好口渴。佢地menu上仲有好多其他唔同既麵食同飯類，任君選擇。至於個名叫商號，係因為佢地仲提供好多台灣小食同記念品賣，俾我地一解去唔到旅行嘅鄉愁🥲📍 尚青商號 (灣仔)灣仔蘭杜街4號文熙大廈地鋪…Read More

🤍🖤Black Coffee🖤🤍一間主打黑白風格既咖啡店即使係平日非繁忙時間都等左大半個鐘叫了一份香橙🍊梳乎厘pancake口感真係充滿空氣同蛋香，再配埋自家制既香橙醬食落一啲都唔膩佢個糖漬橙片好好味呀再叫左杯dirty果種分層既美感真係好靚😌整體真係幾正，一間又黃又做到水準既咖啡店，都幾值得一試。不過提提大家，要有心理準備排隊半小時以上，星期六日及公眾假期可能需時更長🥺📍 Black Coffee (旺角)旺角廣華街3號地下3號舖…Read More

Work from home 既日子愈多就發現，要搵一間坐得耐又可以有得差電既地方真係幾少有，而且可以俾埋寵物陪你返工架。環境寫意悠閒，再加埋有自然光，舒服得黎又唔會太嘈。佢地既eggs your way係可以自由配搭，想食邊款類型既材料，例如要咩蛋加咩配料係任你選擇😊除此之外，佢地都有好多特色飲品我地叫左杯Dusk till Dawn, the bomb 同埋yin yan shakeratoDusk till DawnMade with expresso/bamboo charcoal/vanilla/honey/milk賣相吸引，做到漸層效果，每一層都有唔同層次，expresso既味道都幾出Yin Yan ShakeratoMade with single origin expresso/homemade earl grey syrup茶味再加expresso 係一個新鮮又特別既組合，兩者配合得好好🧡The bomb Made with expresso/fresh lime/ginger beer/rosemary 本身好鐘意薑啤，加左expresso 之後整體味道提升左，造成左衝擊感！最近香港各區都開左好多新既咖啡店，但西環呢間都算係近期J子覺得出色同念念不忘既一間。📍 Tuckshop by Social Club (西環)西環西營盤干諾道西158A號地下4-7號舖…Read More

成日返工都經過呢間細細個打機🎮會玩既鋪頭，去到今日終於同女朋友黎左呢間港式懷舊小食店。離遠望到間鋪頭，就俾佢既特或燈光吸引住。門內外都鋪滿左2D 食鬼遊戲造型既logo燈光同貼紙。而門外仲有部大gameboy, 只要消費一定金額，就可以免費玩啦。gameboy仲有好多懷舊遊戲，絕對啱哂wqww 啲80,90年代既大細佬，或者小朋友黎體驗下。到左主題啦， 咁就梗係食啦~！！小食店最重要既係咩呢！？ 當然係丸同雞脾。未食之前就心諗，店主將鋪頭開係中環既商業地段，絕對係對自己既野食有信心， 可以吸引足夠既客人去應付租金。 我地叫左兩個套餐架果然，間鋪既炸雞脾同炸丸無令我失望。炸雞脾個能夠保持水份同內汁，而鬆脆既外皮上有香香既椒鹽。 最怕嘅大細仲大過我嘅手掌呀！另外，彈牙肉丸加上味道好夾既沙嗲醬汁，令我諗番起兒時食魚蛋既快樂時光，幾好味能夠喺呢個時間捱得住，呢間小食店絕對值得一試！！…Read More

今日Happy Friday, 放工同女朋友去食好野。呢間位於尖東既Diletto，一出尖東站行兩步就到，非常方便架。見到餐廳係走fine dine路線，所以就一早做好準備dress code 。果然，餐廳環境果然沒有令我地失望, 係一個充滿花花世界既環境，配合柔和既光線，簡潔既餐枱擺設，我地未食野就已經放鬆哂心情，仲幫女朋友影左無數張Instagram 美照。一坐低，waiter 就好自動咁serve 左我地麵包。喜歡的可以點橄欖油食物方面：我地叫左 Assorted Seafood 🍕 ($278)皮薄，海鮮材料豐富充足，好多芝士，食落路乾，好味道呀！Angus rib eyes Steak肉眼扒我地叫左5成熟，食落口感好好，又無乜筋，食落真係好juicy有手3種調味料既配合，任君選擇。至於飲品方便Alba, champagne cocktails美中不足的是飲品有點普通，可以考慮其他～值得一提的是，因為餐廳走fine dine路線，所以餐廳不會提供飲用水，可以選擇sparkling water 或者menu上的飲品。整體環境感覺很好，食物質素性價比過。人多食會更開心😃…Read More

最近係apm附近開左間新既Holiday Inn 酒店，既然家就在附近，當然要帶屋企人去品嘗一下啦佢地既晚餐啦😀餐廳以半自助形式進行，價錢係HK$468/一位，我地可以係餐牌上六選一主菜，仲帶有每人龍蝦半隻、鵝肝多士及蟲草花🐔湯各一份外，頭盤、海鮮、沙律、熱食、甜品同埋雪糕係用自助形式架至於自助形式食物方面～海鮮類有即開即食既生蠔🤗🦐🦀🐚新鮮程度都幾好、肉身亮身，光滑、味道先鹹後甜😋味道鮮甜大部分刺身都幾新鮮，唯獨吞拿魚一般去到主菜方面，其實本身拎拎下自助bar既野食都飽左一半，再黎會有每一一份主菜，係6選一我地先要左份焗西西里鱈魚配白麵豉汁、青豆及小甘荀。呢個係令我地所有人都驚訝，外表進落其貌不揚，但食落鱈魚肉質不但好滑，而且冇腥味，甜甜地又唔鹹，不論係調味定魚既新鮮程度都十分出色👍🏻我地仲叫左牛柳，係屬於厚切類，非常啱我呢d牛魔王，軟腍腍的質感，肉汁保持得好好牛味香濃郁撲鼻，極之享受。（呢個係2人份）慢煮意大利豚肉配紫薯蓉有一陣好香既炭燒味，開頭諗住會好油膩，但食落入口即溶，配合埋紫薯蓉，香甜細滑👍🏻食到呢一刻，真係好飽了，但女人講既飽，去到甜品又有另一個胃既🤭Cream Brûlée 有好多雲呢嗱香料質地口感綿密濃郁，再加埋上層脆卜卜的焦糖,忍唔住，幾飽都食2個落肚💜整體來說，呢間位於觀塘新開嘅自助餐廳，裝修簡約燈光明亮，位置坐得闊落，感覺舒服，我哋全部都食到好飽好滿足呀！…Read More

從來旺角食肆選擇多羅羅，但永遠問起我都唔知食咩好，難得今次朋友仔一早有心水，選定左呢間位於油麻地同旺角既樓上cafe。吃吧招牌拼盤 （$138）上碟果下，因為有乾冰既關係，絕對適合用黎打卡啦👍🏻，食落似食緊分子料理，感覺好fusion,每樣野加埋既整體感覺都好特別，好fresh!芝士白酒煮蜆（$84）芝士味道十分濃厚，芝士拉絲應該唔會有人可以抗拒得到既☺️個汁食到大家都停唔到落黎，去到後後黎，我地直程點埋薯條🍟蜆到好大隻同埋好鮮甜可口，正呀！烤西班牙🇪🇸豬肋骨（$188）個薯條係薯仔加甜蕃薯既混合，炸到好脆，用黎點芝士蜆個汁，反而更加令人停唔到手😊至於豬肋骨就整到好淋好鬆軟好入味😍，唔使好用力就輕鬆食到，佢既汁都配合得岩岩，值得一食！軟殼蟹肉醬千層麵（$148）坦白講，本身肉醬千層麵已經夠晒邪惡同令人有罪惡感，再加埋咁大份軟殼蟹，醬汁好juicy, 千層麵再加軟殼蟹既組合，真係令人欲罷不能💗慢煮甜酒會和牛面頰（$188）慢煮既煮法，令到和牛整到好淋，達到入口即溶既感覺，配合埋薯蓉，成件事都好夾，大家都讚口不絕😙去到飲品，大部都好有特式架，店員仲會專登話俾大家知，邊款影相靚架。熱情果接骨木花茶（$56）一上黎，用中國傳統花瓶插住鰈正朵花好吸引眼球，飲落味道清新再加淡淡花香。Chiba special drink ($65)飲落飲fruit punch ，由員工調制，再用噴cream既原理咁噴番梳打水出黎，飲落都幾特別架！俾多張大合照大家啦，我地4個人真係食左好多野架整體黎講，餐廳環境同氣氛都唔錯，食物質素都好好💜，好岩朋友仔gathering 😎…Read More

有日經過尖沙咀，見到有曼谷既水門雞竟然開到黎香港，真係好期待架。餐牌都好泰國feel先黎杯泰式奶茶同泰式檸茶，味道都算正宗既😛水門雞飯(hk$50)其實質素都唔錯，但可惜我地無加到10蚊轉雞肶，所以雞肉有d鞋。但個雞飯都唔油，幾岩減肥人士呀鳳尾蝦炒金邊粉（hk68)聞落味道係有炭燒味，但略嫌有點太乾既泰式炒通菜（hk$52)好味但有點辣😂😂雞肉串燒3串起跳，好入味，而且好滑呀😎必食item整體黎講，係有點失望架，始終係泰國隨便入一間都會自得好好味，今次呢間相對黎講真係有d失色😂但之前有朋友食過，覺得唔錯架，所以帶左我黎食，希望佢地可以搵返水準啦😀…Read More

之前深水埗果間分店，食過一次已經覺得唔錯，果時聽到店員話黎緊大角咀會開新店，當然即刻book mark住啦新分店感覺闊落，坐得比深水埗舒服，裝修相對較有格調✨食物上果時店員都好似之前咁介紹兩種豉油既用法火灸壽司拼盤（hk108)呢次第二次食，依舊好味，而且燒到幾香蟹柳蟹子蛋捲 （hk38)一個不過不失既菜式，有點偏甜軟殼蟹飯捲（hk48@4)軟殼蟹炸得幾香，但係過多沙律醬蓋過咗本身軟殼蟹嘅味道鹽燒雞翼（hk22@2)可惜唔夠味道燒牛舌心（hk32@3)上次食過好懷念佢地，今次依然好味明太子醬消蠔（hk35@2)D蠔都算大隻同鮮味，而且明太子既香濃配合埋既整體感覺好夾😋推薦大家食自選壽司🍣我哋原本想要拼盤，但後黎發現好似散叫仲仲抵又可以要晒全部想食既😛特大赤蝦，好鮮甜肥美呀最後店員附上甜點作為今餐既總結，最後仲同店員換味，再送多幾粒，好飽飽呀😆本身已經叫左埋單架點知傾傾下計唔願走，店員又好好人咁問我地飲唔飲老闆朋友既自家制梅酒😍😍真係見到都雙眼發光😋😋好開心呀，本身仲講緊呢度無酒menu,果然一許願就有😎🤩下次會再同朋有黎架🤗😊…Read More

一向都知道深水埗美食種類繁多，而且價錢任君選擇，絕對係我地呢d美食愛好者既搵食地方😊今次一行4人，朋友介紹呢間位於深水埗既日式小店，原本去到店面，都唔敢抱着太大期望，但一坐低已經即刻覺得自己低估左間店。佢地連食刺身同壽司🍣既豉油都非常講究，店員會在食物到之前為你解釋返邊食物應該用邊隻隻豉油😎真係令人好impressed 佢有幾個晚飯套餐，但我哋決定散叫。清酒🍶煮蜆略嫌酒味不足，但整體都算新鮮同夠份量既。火炙壽司拼盤經過火槍燒過，魚既油香十足，口感嫩滑，入口即溶，是我既最愛火炙的理由☺️半熟牛肉雖然分量唔多但價錢唔貴而且牛味重，燒得十分嫩滑，配合埋個燒汁，絕對驚喜😋蒜香三文魚帶子炒飯蒜香味十足，落口感層次豐富，炒飯都唔會太乾，用料扎實佢地其中一個推薦菜式火龍卷，其實就係炸蝦🍤卷😂，食落唔油膩，仲幾滋味添啊串燒方面，我哋只係叫咗牛舌，但其實佢仲有好多選擇，大家可以按自己嘅喜好再散叫，但我哋已經好飽，所以冇特別再嗌其他串燒。整體來講，如果同朋友嚟開深水埗，不妨考慮一下呢間日式小店，價錢合理又質素不錯！…Read More

一向都知道元朗野食多籮籮，今次就有位元朗既地膽帶住我地呢兩個大鄉里出城既牛魔王去食好野😌店面就唔大，我哋一坐低店員就即刻送上餐包同餅乾條，配搭芝士醬。跟餐嘅餐湯都幾驚喜，係黑松露野菌湯，味道都幾吸引同開胃。Happy hour 時段做緊買一送一68蚊有兩杯生啤酒，咁抵點可以唔摸下酒杯底呀😛每個套餐都會跟薯條或者番薯條🍟，呢個薯條仲係無限任fill架。可惜我地跟住落黎仲有4個main course又點會再有quota呢😂本身見呢個幾抵都有點心動，但作為牛魔王既我地，又點會咁易滿足呢。緊記呢個優惠係只限星期一至四咋，撞岩就唔好錯過喇😋於是我地點左個炭燒美國安格斯T骨牛扒 （$268）我地首先覺得呢個價錢絕不欺場！而且因爲佢係炭燒既關係，好香炭燒味，肉質唔會過un食落充滿牛既肉汁，牛魔王真係好開心好滿足喔連菠蘿🍍都唔放過呀我地😅再黎就係德國鹹豬手（$178）我地真係俾佢個份量嚇一嚇，開頭仲講笑咁講話要refill 薯條，如今可以食晒d野已經好叻了😆😆已經切件唔需要再費功夫，食落香脆，加埋提供既自家制檸檬🍋忌廉汁，清爽唔油膩墨魚🦑汁意大粉（$148）雖然每次都食到好狼狽，但每次見到都會好想食，意粉軟硬適中，海鮮既配合好好。炭燒大蝦蟹子蕃紅花忌廉汁意大利飯唔知係咪食得太飽，呢個既驚喜無之前既咁澎湃🤦🏻‍♀️😂但材料的確好足呀😚總括來講，呢間位於元朗嘅小店都算誠意十足，用料認真，而且又好抵食，下次大家去元朗既時候唔好只係識B仔涼粉喇😎…Read More

終於去到星期五喇，當然要約朋友黎個happy Friday la😍呢間Gastrobox 早係尖沙咀返工果陣都一路好想食架喇，到今日黎左中上環返工終於可以係西環呢邊食😛餐牌上有既食物種類可以選擇既都幾多，我地睇左好耐先諗好😂一叫完食物，餐包就上左喇，幾香橄欖味:)8:30前，所有alcoholic and wine 都有6折優惠呀，抵！叫左一人一杯，睇得又飲得🤤英式蘋果酒炸物大拼盤 （HK$208)睇好大碟，心諗叫左咁多野食一定食唔晒架喎。點知一食，好香好脆，而且一d都唔油膩啵，同埋唔知係太肚餓定太好食，都好快就清盤了白酒忌廉香草青口配蒜蓉包(HK$168)本人係青口控，但今次竟然覺得蒜蓉包有點喧賓奪主左，好脆而且好濃蒜蓉味，令人即使覺得飽肚都想繼續食😛安格斯T骨牛扒配香腸（HK$488)本身就咁叫左就咁嘅安格斯牛扒，但既然嚟咗就食啦😂我哋叫咗5成熟，牛扒燒得好滑好香，牛肉味都幾重，呢個質素都對得住個價錢既😊香煎珍寶虎蝦配黑松露菌意大利（HKD$188)份量好足，黑松路味都幾濃郁，配合d雜菌係好夾架😍risotto 軟硬都恰到好處紫蘇茄醬天使麵配龍蝦（$208）一向都知天使麵好易淋好難整，但都整到條條分明，，味道都調得岩岩好😆雖然叫左3個main course加兩個starters，大家都好飽，但竟然都食得晒，完全無浪費！可想而知味道真係有返咁上下啦😌臨走見佢有個大鐘幾靚所以就影左佢🤫整體黎講，呢間係質素高，環境又幾有氣氛既餐廳，好適合朋友談天情侶約會☺️今個happy Friday 真係好開心😙…Read More

呢一日約咗大學同學食飯，朋友想食四川麻辣嘢，又咁啱突然醒起之前因爲無訂位而摸過門釘既四姐川菜，今次好醒目做一日就打黎book。就算book咗位都要等左三個字先有得入，但等待係絕對值得㗎。呢度既收費主要係接人頭，人愈多可以叫既野食都可以愈多款，人頭收費每位340，我地有三個人，所以可以帶兩個兩菜三至四個熱既主菜，店家仲會送一碟青菜俾我地，再加白飯任裝。涼菜我地要左蒜泥白肉，個汁好正，帶到出黎好香令人上癮，好開胃，腩肉肥瘦分明 呢度其中一樣名菜 — 四川涼麵係店員推薦必嚐麵質爽口彈牙，加埋個汁成件事好夾，對令人食唔停架！糖醋里脊，肉質爽口，炸得香脆，炸粉唔厚，食左咁多辣野係時候中和下。辣子肥腸，唔好睇咁多辣椒🌶️，食落唔算好辣，而且肥腸好香，搞到我地係咁話好味好味呀！終於到我哋嘅主角上場，期待已久嘅酸菜魚魚質好滑好入味，個底仲有好多粉絲同芽菜，再加埋個湯，真係好鬼死好味，飽到爆呀！份量又夠大份，絕對唔欺場架呢個送上得太遲，大家個胃同心❤️已經俾酸菜魚攻佔左，好隨便食左兩舊咋，但都好好味既。佢地仲好好，會送個青菜俾我地，雖然唔辣但都炒得好好味。其實有咁多野食，我地三個女仔又點會食得晒呢，為左唔浪費食物就唯有又食又拎啦😂總括黎講，店員好友善會真心推薦佢地覺得必食既野俾你，又會同我地傾下計，令人覺得其實香港人都可以好親切同埋好客架！呢間私房菜好高質我下次會再試其他架…Read More