Read full review
2019-02-10
2572 views
呢一日約咗大學同學食飯，朋友想食四川麻辣嘢，又咁啱突然醒起之前因爲無訂位而摸過門釘既四姐川菜，今次好醒目做一日就打黎book。就算book咗位都要等左三個字先有得入，但等待係絕對值得㗎。呢度既收費主要係接人頭，人愈多可以叫既野食都可以愈多款，人頭收費每位340，我地有三個人，所以可以帶兩個兩菜三至四個熱既主菜，店家仲會送一碟青菜俾我地，再加白飯任裝。涼菜我地要左蒜泥白肉，個汁好正，帶到出黎好香令人上癮，好開胃，腩肉肥瘦分明 呢度其中一樣名菜 — 四川涼麵係店員推薦必嚐麵質爽口彈牙，加埋個汁成件事好夾，對令人食唔停架！糖醋里脊，肉質爽口，炸得香脆，炸粉唔厚，食左咁多辣野係時候中和下。辣子肥腸，唔好睇咁多辣椒🌶️，食落唔算好辣，而且肥腸好香，搞到我地係咁話好味好味呀！終於到我哋嘅主角上場，期待已久嘅酸菜魚魚質好滑好入味，個底仲有好多粉絲同芽菜，再加埋個湯，真係好鬼死好味，飽到爆呀！份量又夠大份，絕對唔欺場架呢個送上得太遲，大家個胃同心❤️已經俾酸菜魚攻佔左，好隨便食左兩舊咋，但都好好味既。佢地仲好好，會送個青菜俾我地，雖然唔辣但都炒得好好味。其實有咁多野食，我地三個女仔又點會食得晒呢，為左唔浪
就算book咗位都要等左三個字先有得入，但等待係絕對值得㗎。呢度既收費主要係接人頭，人愈多可以叫既野食都可以愈多款，人頭收費每位340，我地有三個人，所以可以帶兩個兩菜三至四個熱既主菜，店家仲會送一碟青菜俾我地，再加白飯任裝。
蒜泥白肉
56 views
0 likes
0 comments
涼菜我地要左蒜泥白肉，個汁好正，帶到出黎好香令人上癮，好開胃，腩肉肥瘦分明
四川涼麵
53 views
0 likes
0 comments
呢度其中一樣名菜 — 四川涼麵
係店員推薦必嚐
麵質爽口彈牙，加埋個汁成件事好夾，對令人食唔停架！
糖醋里脊
78 views
0 likes
0 comments
糖醋里脊，肉質爽口，炸得香脆，炸粉唔厚，食左咁多辣野係時候中和下。
辣子肥腸
80 views
0 likes
0 comments
辣子肥腸，唔好睇咁多辣椒🌶️，食落唔算好辣，而且肥腸好香，搞到我地係咁話好味好味呀！
酸菜魚
107 views
0 likes
0 comments
終於到我哋嘅主角上場，期待已久嘅酸菜魚
魚質好滑好入味，個底仲有好多粉絲同芽菜，再加埋個湯，真係好鬼死好味，飽到爆呀！份量又夠大份，絕對唔欺場架
泡椒炒牛肉
64 views
0 likes
0 comments
呢個送上得太遲，大家個胃同心❤️已經俾酸菜魚攻佔左，好隨便食左兩舊咋，但都好好味既。
炒土豆絲
58 views
0 likes
0 comments
佢地仲好好，會送個青菜俾我地，雖然唔辣但都炒得好好味。
其實有咁多野食，我地三個女仔又點會食得晒呢，為左唔浪費食物就唯有又食又拎啦😂
總括黎講，店員好友善會真心推薦佢地覺得必食既野俾你，又會同我地傾下計，令人覺得其實香港人都可以好親切同埋好客架！呢間私房菜好高質
我下次會再試其他架
Post
