TaylorWan143's Profile

🍽️ 傷心酸辣粉 (尖沙咀)📍尖沙咀科學館道14號新文華中心1樓228-236號舖-今日喺紅磡附近放工，見到傷心酸辣粉有性價比超高嘅優惠放題！ $98一位可以有90分鐘食烤魚、雞煲、羊蠍子煲、火鍋或者八味菌煲😍😍😍仲要任添配料、任飲汽水、果汁！呢個價錢真係好抵食！優惠去到9月30號👍🏻👍🏻👍🏻原價都好有性價比！只需要$118🤩🤩🤩一於試下佢啦❤️❤️❤️💫麻辣雞煲（ $98位）雖然二人嘅雞煲就係細份嘅，但係雞肉份量都好多！越食越有🤣🤣雞肉好入味，香辣惹味真係聞到都流晒口水呀💧💧配料炒得好香，蔥、洋蔥等等都好香口！食晒雞煲之後，餐廳提供清湯俾我哋打邊爐😍😍配料嘅選擇都唔少㗎 ！有多種丸類、菇類、台灣腸同埋芝士年糕等等，一個價錢滿足多個願望😚😚真係好抵呀！💫熗炒土豆絲（$57）又嚟到食辣嘢必叫既土豆絲🫶🏻🫶🏻🫶🏻土豆絲炒得好香脆爽口，味道香香辣辣，再加埋花椒落去炒真係超惹味呀！而且份量好多👍🏻好足料啊！-🌟餐廳喺紅磡站附近，真係好方便！🌟性價比極高！好啱一班朋友或者一家人咁樣黎食👯‍♀️👯‍♀️推薦指數：4/5抵食指數：5/5…Read More

🍽️ 九鬼居酒屋 (耀華街) (銅鑼灣)📍銅鑼灣耀華街21號華耀商業大廈地下7號舖-好耐冇食日本嘢啦，朋友推薦呢間餐廳，一於今日去試吓先！首先就梗係要試吓燒物啦🔥🔥串燒即叫即燒，一上枱即刻好香🥰🥰仲要燒得好靚㖭啊❤️❤️💫燒牛舌（ $68 ）厚切牛舌彈牙爽口，油脂豐富😍😍超開胃！💫燒白鱔（ $78 ）朋友指定要食燒白鱔🤣果然冇介紹錯！白鱔肉香滑軟嫩，外皮酥脆，加埋一齊食口感超豐富！💫燒鮪魚下巴（ $268 ）近期好鍾意食燒魚鮫😚😚😚本身想食油甘魚頭鮫，點知太熱門已經賣晒啦🥲🥲🥲不過呢個鮪魚下巴都真係好唔錯！外皮香脆，有焦香香味，魚肉油香四溢，而且香滑幼嫩🤩🤩🤩好掂呀！💫天婦羅海苔魷魚（ $58 ）炸嘅程度啱啱好，外脆內軟，魷魚彈牙煙韌🦑🦑海苔增添風味🫶🏻🫶🏻好啱做下酒小食👍🏻👍🏻💫特上刺身盛（$208 ）特上刺身性有三款唔同嘅時令高質刺身，今次有幼鰤、池魚同埋金線鯛魚🫶🏻🫶🏻接完特登提醒我哋品嚐你三種魚嘅步驟，確保識到佢哋最鮮美嘅味道🥰🥰好細心呀！三種時令嘅魚，果然好高質！肉質鮮甜軟嫩，幼滑細膩，齒頰留香👍🏻👍🏻👍🏻💫松葉蟹肉青瓜卷（ $168 ）呢個超驚喜😍😍外邊係滿滿嘅蟹籽同埋蟹肉絲🦀🦀入邊仲有玉子、三文魚、海膽，口感層次豐富！最鍾意係佢用青瓜代替咗壽司飯，成件事變得超清新🌿🌿同時間又好夠味😍😍💫巨峰葡萄梳打（ $48 ）酸酸甜甜，葡萄味香濃，好開胃得來，仲可以中和食物既油膩👍🏻👍🏻👍🏻💫威士忌梳打（ $68 ）朋友話呢杯威士忌味道清爽，好易入口，同炸野好夾🫶🏻🫶🏻-🌟好欣賞餐廳好細心，由落單嘅時候就已經開始好仔細咁介紹，連食物送到上嚟都會仔細分享食法❤️❤️🌟食物高質！質素絕對對得住價錢🌟餐廳氣氛溫馨，真係有種去咗日本嘅感覺啊！🇯🇵🇯🇵推薦指數：4/5抵食指數：4/5#foodloverin852 #852 #foodie #hongkong#銅鑼灣 #CausewayBay #銅鑼灣好去處 #銅鑼灣美食 #銅鑼灣美食地圖 #銅鑼灣必食 #九鬼居酒屋…Read More

🍽️ はま寿司 (佐敦)📍佐敦彌敦道238號1樓1號舖-好耐冇介紹好嘢食俾大家啦！今次強勢回歸，一於介紹一間嗰個朋友食完都推薦嘅壽司店🍣🍣特別見佢有啲期間限定嘅壽司！一啲食吓佢先😚😚😚💫 WAGYU烤牛肉火山($27)烤牛肉嘅份量超級多！真係堆到成座山咁😍😍而且牛肉燒得啱啱好，夠晒香嫩軟滑，又帶有微微燒肉香氣🔥🔥🔥啱晒我呢啲食肉獸！超滿足呀💕💕💫廣島縣蠔（ $12 ）$12件生蠔壽司嚟講，性價比的確係超高呀！生蠔雖然細細隻，但係好鮮味👍🏻👍🏻而且有淡淡海水味，呢個價錢真係冇得頂！除咗期間限定壽司之外，其他壽司都一樣咁正㗎✨✨💫 三文魚籽特大天然赤蝦（$22）赤蝦大隻又清甜🤩🤩一送到嘅時候已經俾佢吸引咗🥳🥳果然冇令我失望！蝦肉爽蛋鮮甜，而且非常厚肉，每一啖都好有咬口😋😋😋💫吞拿魚富士山軍艦（$22）滿滿既吞拿魚砌成一座超鮮美既山😚😚吞拿魚肉嫩滑又細緻，咁大個富士山軍艦真係超滿足🥰🥰🥰💫特大松葉蟹腳（ $22 ）好長嘅蟹腳啊😍😍😍鹹香味濃郁，而且好厚肉，好想encore再encore😚😚😚我哋仲食咗其他唔同款嘅壽司，例如係三文魚子南方藍鯨吞拿魚中拖羅、海膽軍艦等等，全部都高質又好味🤤🤤我哋仲試埋個茶碗蒸，口感滑溜香濃，好鍾意呀！🥳🥳🥳老公就叫咗個北海道白味噌拉麵，面底爽口彈牙，湯頭濃郁🤣🤣重點係真係好高性價比！咁大碗拉麵都只係$29👏🏻👏🏻👏🏻真係良心價👍🏻👍🏻👍🏻幾時都係嗰句，有甜品嘅晚餐先係完美嘅晚餐😚😚為咗令呢餐更加完美，我哋食兩個甜品😊😊💫宇治抹茶蒙布朗（ $29 ）面頭好似頭髮一樣嘅，就係宇治抹茶忌廉，口感綿密，👍🏻👍🏻有驚喜！入邊仲有雲呢拿雪糕、忌廉同埋海綿蛋糕🥰🥰一啖多種口感😍😍超上癮🤩🤩佢仲有配埋黑糖，個人認為就咁已經好夠味，所以冇加落去🤣🤣💫芒果熱情果芭菲（ $29 ）充滿奶香嘅雪糕，加上熱情果果醬同脆脆穀物，口感層次max💥💥💥簡直係完滿既句號-🌟好欣賞餐廳好細心，連醬油都有五款俾我哋選擇，而且好仔細咁介紹用嚟配唔同嘅食材👍🏻👍🏻🌟期間限定嘅壽司高質之餘，價錢一樣咁抵！個人就最鍾意烤牛肉火山啊☄️☄️☄️真係超滿足！推薦指數：4/5抵食指數：5/5#foodloverin852 #852 #foodie #hongkong#Jordan #佐敦 #はま寿司 #HAMASUSHI #hama壽司 #香港美食 #佐敦美食 #佐敦 #抵食 #壽司 #握壽司 #軍艦 #炸物#烏冬 #甜品…Read More

🍽️ Kailash Parbat (尖沙咀)📍尖沙咀寶勒巷3號萬事昌廣場3樓302室-今日心血來潮又想食印度菜🇮🇳🇮🇳叫埋朋友仔一齊黎食呢間印咗素菜🌿🌿💫Ragda Pattice ($80)炸得香脆嘅薯餅，外脆內軟，入邊仲有一層軟綿綿嘅夾心，好有風味🥰🥰配上微辣嘅鷹嘴豆泥醬，同埋洋蔥，變得好惹味開胃😍😍💫Paneer Tikka(2 type) ($115)最初睇圖以為係雞，原來係芝士🧀🧀🧀芝士口感鬆軟，入口好香，但係唔會覺得膩👍🏻👍🏻個人最鍾意綠色薄荷芝士，再加埋佢嘅薄荷青醬同埋紫洋蔥😍😍紫洋蔥除咗增加甜味之外，仲可以帶出好香嘅香草味，同芝士好夾🌿🌿🌿💫KP Special Biryani($99)一直對印度嘅米都好有興趣，見佢簡介寫住係北印度嘅皇室成日會食嘅食物👑👑梗係要試吓啦😚😚😚印度米特別長，食落煙煙韌韌，而且有好濃郁嘅香料味🪴🪴加咗乳酪落去撈之後，香料味會變得溫和，而且乳酪入邊有蕃茄、西芹等等，令到成個飯嘅味道都唔同咗！飯上面仲插着咗一塊又薄又脆嘅脆片，食落香口，用嚟送飯令口感更多🤌🏻🤌🏻一流😆😆💫Saag Paneer ($119)呢個係芝士菠菜蓉嚟既😋😋入口非常幼滑，帶有少少薑絲同芝士粒，好驚喜！就咁食會有啲鹹，但係加埋naan 就啱啱好💖💖💫Masala Cheese Naan($49)Naan口感軟糯煙靭，入邊仲有洋蔥、芝士同埋唔同嘅香料，口感層次超豐富😍😍點埋菠菜芝士蓉真係好夾👍🏻👍🏻👍🏻💫Mango Lassi($59)入口酸酸甜甜，而且非常幼滑😍😍最特別嘅係入邊有少少小茴香，咬落有啲after Taste🤌🏻🤌🏻-🌟店員好熱心介紹唔同既菜式，真係大開眼界😆😆🌟餐廳好多外籍家庭黎食，睇黎都幾正宗👍🏻👍🏻推薦指數：4/5抵食指數：4/5…Read More

🍽️ 紅館 (中環)📍中環干諾道中50號地下B號舖-今日老公接收工🥰🥰去左間好有情調嘅餐廳💖💖仲要係法國藍帶主廚主理🥳🥳超期待呀～～我地就叫左個二人餐，最近仲有新開推廣，$699有6道菜😋😋超抵呀！前菜💫 巴馬火腿蜜瓜沙律巴馬火腿軟滑細緻，味道香濃細膩😋😋加埋香甜爽口嘅蜜瓜，口感味道都一百分🫶🏻🫶🏻🫶🏻再配埋火箭菜同埋黑醋，真係健康又開胃呀💕💕💫熱帶風情海蝦青瓜沙律酸酸甜甜嘅青瓜絲、蘿蔔絲同埋木瓜絲口感爽脆清新🌿🌿加埋彈牙又大隻既海蝦，食落好清爽，令人食指大動呀✨✨湯💫南瓜忌廉湯一入口超幼滑！😍😍😍南瓜味道濃郁香甜，同忌廉兩者互相襯托，味道好夾但係唔會搶咗大家嘅味道🎃🎃🎃👍🏻👍🏻👍🏻🤣主菜💫香辣低溫慢煮雞胸巴東汁扁意粉al dente 夾扁意粉非常掛汁，微微香辣嘅巴東汁非常惹味，加上微酸嘅車厘茄，令人好有食慾🍅🍅特別要大贊佢嘅雞胸肉煮得非常好！非常嫩滑多汁🥰🥰🥰💫新鮮龍蝦手打意大利闊麵（加$168 ）鮮甜嫩滑嘅龍蝦肉份量好多，全部已經去晒殼，食得好方便😚😚手打意大利闊面果然名不虛傳！零舍煙韌彈牙😋😋😋每一啖都有濃郁嘅龍蝦香味🦞🦞食唔停口呀😍😍💫紅館薑母鴨第一次喺香港食薑母鴨，鴨髀外脆內嫩，而且肉質細嫩多汁💦💦💦加埋香橙+杏桃既醬汁，中和左鴨既油脂感，令鴨肉食起上嚟更加清爽👍🏻👍🏻千祈唔好錯過個薯蓉😋😋係有質感嘅高質薯蓉啊！💫茴香魚高湯煮海鱸魚雪白無骨既魚肉吸曬高湯既香味，同時亦有香濃嘅魚味😍😍入口口感嫩滑細緻，軟綿綿既肉質好似入口即溶咁樣🐟🐟超高質！除咗真係開晒胃呀💕💕魚肉令人驚喜之外，最開心嘅係佢仲有雅枝竹！第一次佢香港食到佢，回憶返晒嚟😚😚😚甜品💫芒果拿破崙拿破崙好酥脆😍😍😍芒果味香甜，吉士醬甜而不膩，三樣嘢加埋層次好豐富🫶🏻🫶🏻💫鮮果芝士撻芝士好creamy好幼滑，加埋新鮮藍莓同埋香脆嘅餅底🤌🏻🤌🏻🤌🏻即刻想再食多個！飲品💫果茶果茶味道好清香，個人鍾意唔落糖漿，可以同甜品好完美咁互相配合😚😚💫檸檬茶酸酸既檸檬香味同茶底好夾，解渴之餘仲好清新🌿🌿-🌟一坐低冇耐，細心嘅店員已經好快攞咗麵包俾我哋，個包包超煙韌超好食！第一印象極佳🥰🥰🌟餐廳光線微暗，好有氣氛💕💕而且見到有唔少家庭、朋友同埋情侶喺度聚餐👍🏻👍🏻好啱feel呀🌟好鍾意餐廳喺細節處理得非常好，例如係啲碟全部都係暖笠笠㗎，可以好好咁樣幫食物保溫🥰🥰推薦指數：5/5抵食指數：4/5#foodloverin852 #852 #foodie #hongkong#中環 #central #中環美食地圖 #中環必食 #中環餐廳 #中環好去處 #紅館 #RaReRestaurant…Read More

🍽️ 倆仨杯 (尖沙咀)📍尖沙咀廣東道3-27號海港城海運大廈3樓LCX 21E號舖-今日行開海港城，見到一間新開嘅小食甜品店😍😍雖然食咗晚飯，但係為食嘅我當然要拉埋老公一齊去試吓啦！💫醉鴨舌($32)呢個鴨舌係暖暖哋㗎，食落酒味會比較清啲，啱晒我呢啲唔飲酒嘅人👍🏻👍🏻👍🏻除咗酒香之外，仲有微微嘅甜味🔥🔥鴨舌嫩滑，而且好有咬口，越食越開胃🤩🤩傾傾吓偈就不知不覺食晒啦！好啱一班朋友share👯‍♀️👯‍♀️💫炸花枝丸（$26）金黃色既花枝丸外脆內彈牙！花枝味香濃又鮮美💖💖炸得啱啱好🤩🤩入口熱辣辣🔥🔥超有台灣夜市風味🫶🏻🫶🏻🫶🏻老公仲話要encore🤣🤣🤣💫芒果茶凍（ $48 ）超足料！入面有煙韌軟糯既三色芋圓、彈牙又好濃茶香既鮮茶凍、香滑仙草、彈牙又健康既寒天粒粒同埋椰果😍😍😍最驚喜嘅係芒果冰底超細滑又濃郁，好似飲緊一杯鮮榨芒果冰咁🥳🥳最鍾意呢種入口即溶嘅綿綿冰口感😘😘😘💫葡萄柚冰茶（綠茶） （ $32 ）茶底好清新，飲到葡萄柚嘅果肉同埋果香🌿🌿🍊🍊果味濃郁得來完全唔會假甜，飲得出係真材實料👍🏻👍🏻我哋揀咗5分甜，味道清爽啱啱好啊😍😍😍-🌟餐廳除咗飲品、甜品之外，仲有好多小食，包括滷水、炸物、麵食，最驚喜嘅竟然有好多醉醉小食😍😍😍個人認為當正餐食都完全冇問題🤣🤣🌟店員好友善，喺我心大心細嘅時候超有耐性🫶🏻🫶🏻好抵讚！下次一定要再黎食😋😋🌟旺中帶靜，約埋三五知己過嚟一邊食糖水，一邊傾偈都係一個唔錯嘅選擇❤️❤️🌟餐廳除咗嘢食之外，仲有T恤等等文創小麥，都幾有特色㗎✨✨推薦指數：5/5抵食指數：4/5#foodloverin852 #852 #foodie #hongkong#TsimShaTsui #尖沙咀 #尖沙咀餐廳 #尖沙咀好去處 #尖沙咀必食 #倆仨杯…Read More

🍽️ 丼丼屋 (MOKO新世紀廣場) (旺角)📍旺角MOKO新世紀廣場3樓301-302號舖-話說近排實在太肥啦！為咗令身體健康啲，要食多啲優質嘅蛋白質，我相信魚係其中一種！所以今日食日本嘢😋😋💫 贅沢三種吞拿魚定食見到佢張海報，一眼就決定咗要食佢啦！🐟🐟🐟呢個餐有三個迷你丼，一次過滿足三個願望呀🤩🤩🤩💖赤身配醬油玉子丼赤身口感結實，鮮嫩又鮮甜😍😍撈埋醬油漬蛋，成件事太吸引啦🤩🤩🤩味道層次更加豐富之餘，吞拿魚嘅鮮甜更加突出！💖炙燒拖羅．拖羅蓉丼呢個有灸燒拖羅再加埋拖羅蓉嘅丼口感實在太豐富😋😋😋灸燒拖羅外層甘香，內層軟嫩綿密🥳🥳而平時好少留意嘅蔥花同芝麻味道都好突出！清爽嘅味道好好咁中和吞拿魚嘅油膩🌿🌿💖特上中拖羅刺身丼厚切中拖羅片入口即融！超滿足🔥🔥🔥鮮甜軟滑，油香四溢🐟🐟🐟真係食過返尋味啊！💫中拖羅刺身（3 片） （$38）話說中拖羅實在太好食！忍唔住加咗個「中拖羅刺身」 ，肥美鮮甜，入口嫩滑無筋，有入口即溶嘅感覺😍😍😍💫澳洲和牛烏冬（ $98 ，加$18升級定食）除咗食魚，仲好想食牛🐮🐮牛肉、烏冬份量好多，而且牛肉軟嫩重牛味🥰🥰配料豐富，有蛋黃、唔同嘅菇菇、蔬菜同埋最正嘅腐皮😋😋特別想讚一讚烏冬滑捋捋又煙韌👍🏻👍🏻清清哋食得好舒服✨✨-🌟特別要讚一讚佢嘅升級定食內容！除咗有果茶，仲有麵豉湯、副菜、甜品😚😚😚 $18性價比真係好高😍😍🌟餐廳有好多卡位，環境寬敞，坐得舒服👍🏻👍🏻推薦指數：5/5抵食指數：5/5#foodloverin852 #852 #foodie #hongkong#MongKok #旺角 #旺角餐廳 #旺角好去處#dondonyahk #丼丼屋 #丼丼屋x鳥開 #DONDONYAxTORIKAI #贅沢三種吞拿魚定食 #期間限定 #迷你丼 #吞拿魚 #拖羅…Read More

🍽️ Anjappar Chettinad Indian Restaurant (尖沙咀)📍尖沙咀寶勒巷3-7A號萬事昌廣場2樓202號舖-今日去左尖沙咀食印度嘢，超級驚喜🤩🤩💫 Chicken Lollypop （ $80 ）雞肉炸得外脆內軟又多汁😋😋點埋甜酸醬，味道層次更加豐富😍😍有鹹香得來又會有啲酸酸甜甜中和返🫶🏻🫶🏻🫶🏻而且好欣賞佢真係做到好似一支波板糖咁樣，有支骨可以攞住慢慢食，超方便又好味呀❤️❤️💫Pudhina Murgh Tikka（ $140 ）其實佢係薄荷雞塊嚟嘅，見到張圖，啲雞肉由薄荷同綠辣椒醃製，變咗綠色令我非常之好奇同埋有興趣😍😍雞肉有好香嘅香草味，食到薄荷同綠辣椒嘅蓉，但係唔會太辣🫶🏻🫶🏻而且煮得非常之香嫩多汁👍🏻👍🏻👍🏻點左佢附帶既薄荷青醬之後，味道更加濃郁😋😋😋亦附有好多蔬菜，個人認為用嚟點蔬菜就啱啱好啦😚😚😚💫Anjappar Chicken Masala($120)老公之前喺印度出差嘅時候食過唔同嘅香料煮雞肉，風味各有不同😋😋見到呢一味雞落埋餐廳名，於是好想試🐔🐔睇落似咖喱，實質食落係好豐富嘅香料味，仲帶一啲微辣，又係非常惹味🫶🏻🫶🏻🫶🏻點naan一流啊💫Butter Chicken Masala($120)呢個紅卜卜嘅餸就係好多香港人食印度菜第一時間諗起Butter chicken 🐔 一入口就食到好香嘅牛油味同埋蕃茄味，雞肉份量都唔少🤩🤩由於佢嘅味道比較濃郁，我覺得點咗garlic naan之後味道就啱啱好啦😍😍超級送naan😋😋😋相信同樣咁送飯👍🏻👍🏻👍🏻💫Garlic Naan ($40)我一直都好鍾意食薄餅！難得嚟到印度餐廳就梗係要食返正宗嘅印度薄餅啦🤩🤩呢種薄餅除咗食到又好香嘅蒜蓉味之外，嘅時候都會有啲一粒粒嘅蒜蓉同埋唔同嘅香料，加埋煙煙韌韌嘅口感，同平時食到嘅口感同味道都好唔同！超級大推薦！ ！🩷🩷最鍾意就係用佢點上面兩個雞肉😋😋💫butter dosa($80)呢個真係勁誇張！呢一個Dosa有成張枱咁長🤣🤣🤣薄薄脆脆嘅口感好似薯片一樣令人食唔停口啊😚😚佢仲有四個唔同嘅醬，香香辣辣好惹味呀😍😍💫Mango Lassi（$40)芒果味同酸奶味融入得非常好，超級香滑😍😍而且酸咪咪好開胃啊💫Masala Tea($35)最初就梗係試吓個原味先啦，唔加糖嘅佢飲落去除咗好濃嘅香料味之外，仲有少少辛辣🌶️加咗糖之後，感覺奶味一下子提升咗，而香料味亦變得溫和🤩🤩個人真係覺得好驚喜呀！喺印度飲過嘅老公就話非常之正宗-🌟餐廳位於尖沙咀，地點非常方便，而且同場都見到唔少本地人同外籍人士，睇嚟呢一間印度菜餐廳係香港都幾出名🤩🤩🌟職員好Nice，見到我哋有啲迷惘嘅時候，會好主動咁教我哋點樣食😚😚🌟本身對印度美食嘅印象就係好色彩繽紛，今次食完覺得好有驚喜！唔單止好好食！而且香料嘅運用出神入化🥳🥳🥳推薦指數：5/5抵食指數：5/5#foodloverin852 #852 #foodie #hongkong#TsimShaTsui #尖沙咀 #尖沙咀餐廳 #尖沙咀好去處 #尖沙咀必食 #Anjappar…Read More

🍽️ J.moon (旺角)📍旺角西洋菜南街1A-1K號百寶利商業中心4樓10-11號舖-早排見到有好多人介紹呢間月球餐廳，一早已經心思思想去啦🌕🌙今日專誠放工出到旺角，感受吓月球嘅魅力💥💥💫Fried Chicken wings with Buffalo Sauce($76)炸單骨雞翼香脆又足料，微辣口味好惹味😚😚😚本身已經有香濃嘅香草味，再加埋buffalo sauce，令味道層次更加豐富😝😝咬落外脆內軟，仲有好多肉汁💦💦💫Baked Sausage Platter($78)香腸拼盤即叫即焗，要稍等一陣，不過係值得架😍😍😍上枱嘅時候熱辣辣，店員仲好細心提我哋小心唔好辣親🫶🏻🫶🏻香腸口感軟熟，撈埋拉絲嘅芝士同埋蕃茄醬，風味十足呀🤌🏻🤌🏻💫Spanish Octopus Leg Risotto with Tomato Lobster Sauce($158)章魚腳好大條好吸引🤩🤩🤩食落彈牙但唔會韌🥹🥹🥹煮得啱啱好呀😋😋😋至於個意大利飯，實在太好食啦🤌🏻🤌🏻🤌🏻龍蝦味好濃郁，而且有好多雜菇😆😆😆層次味道滿分🫶🏻🫶🏻最重要係佢煮到個飯煙韌有咬口😚😚😚加分加分！💫J.moon Pizza($148)Pizza好足料好豐富😍😍有煙肉、pepperoni 、雜菇、梨肉、芝士等等😚😚當中最吸引最正嘅就係流心蛋🍳🍳令到成個味道層次昇華咗😝😝至於Pizza外皮好鬆脆，食落完全唔會膩👍🏻👍🏻👍🏻推介推介💫Leo($108 HH)餐廳另外一個主打就係佢哋有12星座嘅Cocktail飲品🍸🍹老公飲唔停口，總共叫咗兩杯🤣我都偷偷地飲咗幾啖😆😆😆飲落好清新，有好香嘅菊花味，清香微甜👍🏻👍🏻💫Sagittarius ($108 HH)老公揀嘅第二杯偏甜，聞落有淡淡果香🍊但飲落都幾勁😳😳仲有一片朱古力同埋橙乾可以一邊飲一邊食，老公大讚😋😋😋-🌟餐廳佈置得好有氣氛，光線比較暗，但每一枱都有月球靚靚燈🌕🌕無論係一班朋友聚會定係傾心事都咁啱呀😚😚🌟店員好細心，當我老公睇飲咩酒睇到眼花撩亂嘅時候😌😌細心又耐心既店員就詳細介紹唔同星座酒既特點，最尾成功揀到老公嘅心頭好👍🏻👍🏻推薦指數：5/5抵食指數：4/5#foodloverin852 #852 #foodie #hkfoodie #hongkong #mk #mongkok #旺角 #旺角好去處 #旺角美食地圖 #旺角餐廳 #旺角美食 #香港餐廳 #九龍餐廳 #香港必去 #打卡餐廳 #Jmoon #alcohol #hkig #hklounge …Read More

🍽️ 鮨一 (厚福街) (尖沙咀)📍尖沙咀厚福街12-12A號藍馬商業大廈18-20樓-好耐都冇食日本嘢啦🥹🥹一於搵間超人氣熱門餐廳，食餐好既～～😋😋💫 赤崎真蠔（$98/隻）超鍾意食生蠔嘅我見到真係即刻心心眼😍😍蠔肉仲大過隻手掌🖐🏻 蠔肉肥美飽滿之餘，仲有濃濃海水味🌊🌊蠔肉上面有柚子檸檬啫喱🍋🍋酸酸甜甜嘅啫喱同鮮甜嘅蠔肉夾埋真係好夾好開胃👍🏻👍🏻👍🏻💫鮮帶子海膽手卷、鮨一手卷（$98/個）兩個手卷都超足料呀！好滿足🫶🏻🫶🏻鮨一手卷有厚厚一層吞拿魚蓉，上面仲有超足料海膽同埋三文魚子🤯🤯🤯每一啖都係大滿足手😍😍😍朋友就食咗鮮帶子海膽手卷，表示帶子超厚肉，夾埋海膽真係好鮮味😋😋😋而且兩個手卷都用咗赤醋製作醋飯同埋有金箔做點綴😋😋食落零舍有風味啊🥳🥳💫海葡萄蕃茄沙律（$128）喺香港嘅日本餐廳好少食到海葡萄😆😆今日終於比我試到啦🫶🏻🫶🏻咬落去好似蟹籽一樣，脆卜卜嘅口感好得意，配埋好新鮮嘅沙律菜，成件事好清新好開胃😝😝特別要讚吓個蕃茄真係好清甜呀😋😋💫味噌煮牛舌（ $68 ）呢個牛舌好有驚喜！同平時食嘅牛舌口感完全唔一樣🤯🤯🤯牛舌好入味，而且厚切好好咬口好爽彈😍😍大根爆曬汁，而且冇筋又清甜👍🏻👍🏻👍🏻實在係太出色啦！最後仲忍唔住飲埋個味噌湯添😆😆跟住就嚟到串燒部份😊😊😊雖然餐廳有提供芥末同埋檸檬，但係我覺得佢嘅調味已經好正好足夠，就算唔落額外嘅調味都一樣咁好食😙😙😙💫和牛粒串($58)肉汁豐富，油脂分布均衡，肉質嫩滑💦💦💫華味鳥雞腎串（$38）雞腎彈牙有咬口，好啱一邊傾偈一邊食啊🥳🥳💫華味鳥雞皮串（$35）金黃色既雞皮燒得好酥脆，而且有微微焦香😍😍😍好食又邪惡👿💫大蔥雞肉串（$28）雞肉好嫩滑多汁，而且肉質細嫩緊緻🐓🐓超高質！而且大蔥同樣多汁，燒得香香甜甜👍🏻👍🏻👍🏻-🌟果然係超人氣餐廳，餐廳有三層😋😋而我哋7:30去到第18層就已經full晒啦😆😆🌟職員好Nice，好主動幫忙收拾同埋介紹食物👍🏻👍🏻👍🏻🌟最開心嘅係坐吧枱，睇住大廚喺面前擺盤、製作食物😍😍成件事更加fancy 🌟店員仲有介紹，為咗慶祝餐廳七周年，仲有清酒放題🍶🍶另外仲比我見到佢有自家製梅酒，真係好吸引呀推薦指數：5/5抵食指數：4/5#foodloverin852 #852 #foodie #hongkong#TsimShaTsui #尖沙咀 #尖沙咀餐廳 #尖沙咀好去處 #尖沙咀必食 #鮨一…Read More

🍽️ 鍋霸吃到飽台式養生火鍋 (創興廣場) (旺角)📍旺角彌敦道601號創興廣場4樓-今日真係好hot呀🤯🤯不過熱還熱，都係繼續要食hotpot😋😋😋今日嚟咗旺角呢間台式養生火鍋，超期待呀！適逢鍋霸開幕五周年，所以推出全新時間自主吃到飽火鍋套餐🔥🔥今次我哋食嘅係「美國PrimeGrade極上牛頸脊及西班牙伊比利亞黑毛豬」套餐，正價時段嘅話，120分鐘就$373 ，無限時嘅話都只係加$40 😆😆😆有得揀真係好貼心啊🫶🏻🫶🏻另外仲見到如果多啲朋友一齊嚟食，仲會送多碟靚牛肉😙😙下次要叫多啲朋友一齊嚟食先得前菜💫花枝丸及鹽酥雞我哋揀咗湯底之後，就嚟到前菜嘅部份，鹽酥雞好香脆，花枝丸超彈牙😍😍最開心嘅係餐廳準備咗唔同嘅調味粉，分別有香辣、海苔、梅子同埋芝士😋😋我哋可以自由選擇調味嘅份量同埋味道😍😍😍心大心細嘅我就同時落咗香辣同埋海苔，食落超級惹味啊！湯底💫麻辣蕃茄牛肉涮涮鍋見到隔籬枱個火鍋超級香，忍唔住嗌咗個同味🤣🤣味道超級濃郁，麻麻辣辣得黎帶有蕃茄嘅酸酸甜甜🌶️🌶️🍅🍅而且湯底睇得出好足料，見到有牛肉、粟米、洋蔥等等配料，越煮越香越好味😋😋😋最欣賞佢嘅係煮完嘅肉類就算唔點豉油都一樣咁夠味😍😍呢個套餐最主打嘅就係佢嘅牛頸脊同埋黑毛豬🥳🥳真係幾好食喎💫Prime Grade安格斯牛頸脊肉質鮮嫩爽滑，好香牛肉味之餘，油花分佈得好平均，食落口感滿分呀！😙😙💫西班牙伊比利亞黑毛豬呢隻黑毛豬同樣超高質啊🐖🐖入口軟滑鬆化，而且好重肉味！真係估唔到自己會咁鍾意食呢個豬肉啊🥳🥳餐廳仲有好多手工既配料，有心有心❤️❤️💫手工三寶丸分別係墨魚丸、豬肉丸同埋牛丸，彈牙足料，而且一次過試晒三隻味！最啱我呢啲選擇困難症患者🤣🤣🤣💫手工黑松露墨魚滑手工墨魚滑真係零舍彈牙😚😚😚仲會食到墨魚肉粒粒😍😍😍重點係‼️黑松露味非常之濃郁🤩🤩🤩黑松露迷必食🖤估唔到呢個餐仲有埋好多種唔同嘅海鮮可以選擇😋😋包括有生猛海蝦、脆鯇魚片、墨魚仔等等🐟🐟揀到眼花撩亂啊💫是日精選海鮮：蜆、小蟶子每一隻蟶子同埋蜆肉都超級飽滿😋😋鮮甜冇沙🐚🐚好食到不停encore😝😝😝餐廳仲有唔少其他火鍋配料，除咗有平時必食嘅鴨血、午餐肉、超級香脆魚皮、芝心丸等等，仲有啲平時比較少見嘅😍😍例如有超高質嘅彈牙花膠、口感豐富既芋頭貢丸、毛肚等等😋😋😋超滿足！另外另外，蔬菜方面又多款又新鮮，我哋就揀咗平時打邊爐嘅最愛——淮山、萵筍同埋皇帝菜🤩🤩🤩真係樣樣鮮甜！夾埋個湯底簡直係完美啊！-🌟餐廳座位闊落，而且好多梳化位，坐得好舒服🥳🥳🥳🌟飲品嘅選擇好多，除咗有汽水、唔同品牌嘅茶飲之外，仲有自家製嘅飲品😍😍😍我就試咗冷泡桂花烏龍茶，清香解油膩🫶🏻🫶🏻仲有台灣黑糖冬瓜檸檬茶，酸酸甜甜好開胃啊🤤另外仲有個好細心嘅位，就係除咗凍飲之外，仲有暖飲㗎🥹🥹🥹完全照顧到唔同人嘅需要👍🏻👍🏻🌟除咗飲品，雪糕選擇都唔少，有Häagen-Dazs、Movenpick、Dreyer’s同埋KitKat🥳🥳完全感覺到餐廳好有誠意推薦指數：5/5抵食指數：5/5#foodloverin852 #852 #foodie #hongkong #旺角創興 #鍋霸 #吃到飽 #火鍋 #藥饍 #養生火鍋放題 #足料火鍋 #台式 #古早味 #鍋霸吃到飽台式養生火鍋 #放題 #香港 #相機食先 #打邊爐 #旺角 #旺角美食 …Read More

🍽️ The Francesco (大角咀)📍大角咀大全街47-49號大同新邨大滿樓地舖-最近成日都會心掛掛意大利嘅Pizza🥹🥹🥹今日老公就帶咗我去大角咀食一間隱世精緻意大利餐廳🇮🇹🇮🇹🇮🇹💫火箭菜龍蝦仔薄餅（ $138 ）一上枱已經見到滿滿嘅火箭菜，攞起pizza嘅時候真係好有驚喜，芝士多到好似瀑布一樣🧀🧀芝士味道濃郁之外，龍蝦仔份量都唔少，全部匿埋晒喺火箭菜下邊😆😆😆一啖咬落去，芝士嘅軟糯🧀小龍蝦嘅彈牙鮮味🦞火箭菜嘅清新🌿同埋蕃茄仔嘅酸甜🍅咁多樣食材融合得好好🥹🥹🥹口感層次100分🥳🥳🥳而且好欣賞佢係薄批，批邊夠脆夠香口🫶🏻🫶🏻🍕🍕掂呀👍🏻👍🏻💫美國西冷扒八安士燒汁伴雜菜燒薯角（ $258 ）係肉肉🥩🥩食落超滿足😋😋肉汁豐富，而且肉味香濃、肉質有彈性😍😍😍而且調味恰到好處，胡椒、鹽同香草嘅味道唔會搶咗肉味，又能突出牛肉嘅香氣🤩🤩煮得好好呀🫶🏻🫶🏻🫶🏻另外有我最最最鍾意既焗蒜🧄🧄軟滑香濃😋😋😋好高質呀💪🏻💪🏻燒薯角都好正👍🏻👍🏻最鍾意呢種咬開個皮又薄又脆嘅口感😆😆唔知有冇同好呢🤣🤣🤣💫Virgin Mojito($48)咁有情調，唔飲酒既我都忍唔住叫返杯mocktail 😝😝Mojito薄荷味好清爽，好解暑解渴呀🌱🌱💦💦💫Virgin Elderflower Spritz($48)接骨木花味好濃郁，而且飲落好香甜好有少女既感覺😋😋而且帶有淡淡薄荷味，清新又清香🫶🏻🫶🏻-🌟餐廳座位闊落，而且好多梳化位，坐得好舒服🥳🥳🥳🌟職員好nice好細心，會因應叫既食物額外提供相應嘅餐具👍🏻👍🏻🌟環境氣氛好好，好啱傾心事😆😆而且食物高質😋😋真係有去左意大利食飯既感覺🇮🇹🇮🇹推薦指數：5/5抵食指數：5/5#foodloverin852 #852 #foodie #hongkong #TaiKokTsui #大角咀 #大角咀好去處 #意大利 #TheFrancesco …Read More

🍽️ Milu Thai มิลู่ไทย (亞士厘道) (尖沙咀)📍尖沙咀亞士厘道24-38號天星大廈4樓-今日嘅心情想食泰國嘢🇹🇭🇹🇭老公就帶咗我去尖沙咀，食一間超人氣嘅泰式餐廳❤️❤️❤️💫生蝦刺身($108 ）每隻生蝦都大隻彈牙🤩🤩仲要厚肉又爽彈！入口涼浸浸，醬汁酸辣開胃😚😚😚我就最鍾意加埋生蒜片一齊擺入口🥳🥳口感同味道層次都會更加昇華😋😋簡直係一個完美嘅開胃菜啊💫生菜肉碎包（$108 ）又黎到我的最愛～～生菜包😍😍😍肉碎炒得好惹味，微微酸辣再加上洋蔥、香蔥等等嘅配料，令肉碎味道非常濃郁，包落個生菜度，層次豐富得來又好清爽🥳🥳🥳💫大頭蝦冬陰功湯（ $128 ）呢個冬陰功湯好有驚喜🤩🤩我哋冬陰功有一份執着，而呢個冬陰功湯濃郁得來，同泰國飲到嘅味好相似😋😋😋夠酸夠辣！而且配料好多，除咗有菇、蕃茄仔之外，仲有大大隻大頭蝦！🦐🦐重點係肉質爽彈😍😍終於俾我喺香港搵到最正嘅冬陰功啦🥳🥳🥳💫火山排骨（酸辣口味$228 ）到咗今日嘅重頭戲😙😙火山排骨！上枱嘅時候真係俾佢嚇親呀！大份到有前臂長度咁高呀😝😝😝本身都驚食唔晒，但係食落就知要食晒佢簡直係輕鬆😋😋因為實在太好食啦🥳🥳🥳餐廳貼心咁樣提供咗手套，可以用手撕開排骨😝😝而且肉質嫩滑，仲會食到軟骨同埋少少好好咬口嘅筋😆😆😆再加上酸酸辣辣嘅汁醬，食落超級Juicy惹味😚😚😚下次嚟一定要encore啊💫泰式蛋包炒金邊粉（$118）呢個蛋包外型真係好靚😍😍薄薄嘅蛋皮包住炒得煙韌既金邊粉🤩🤩而且仲有青檸、花生碎同埋辣椒碎可以自己調味，成件事又惹味又開胃，甜甜辣辣嘅炒金邊粉，口感層次都咁豐富，真係令人難以抗拒啊😋😋😋 至於上面嘅炸蝦，金黃酥脆，老公大讚🥳🥳🥳💫珍多冰（ $36 ）椰奶味好濃郁，仲有綠色嘅條條珍多冰，好啱食咗辣嘢嘅時候解辣😋😋😋💫龍眼冰（ $36）龍眼冰清甜解渴，一邊食辣嘢一邊飲，成件事真係好清爽啊🫶🏻🫶🏻🫶🏻-🌟餐廳真係好旺場，我哋7:30嚟到，成間餐廳已經滿晒🤣🤣🤣大家記得要book位啊🌟職員好Nice，亦都好主動咁樣教我哋點樣食火山排骨同埋幫忙收拾💪🏻💪🏻非常主動very good🌟座位寬敞，相信一班朋友嚟一齊食多啲唔同款式嘅食物，一定好開心嘅啫👯‍♀️👯‍♀️👯‍♀️推薦指數：5/5抵食指數：5/5#foodloverin852 #852 #foodie #hongkong#TsimShaTsui #尖沙咀 #尖沙咀餐廳 #尖沙咀好去處 #尖沙咀必食 #MiluThai …Read More

🍽️ 牛県 (荃灣)📍荃灣享和街49號地下D1號舖-肉肉肉🥩🥩🥩😍😍😍返咗嚟香港之後一直都好想食肉🤭🤭🤭今日專登去到荃灣食呢間朋友介紹既燒肉店🤤🤤🤤好期待💫石燒牛扒-腹心肉（$188/200g）腹心肉油花好豐富而且好均勻💦💦每一啖都充滿牛肉香味同肉汁🫶🏻🫶🏻🫶🏻雖然食落好重油香，但完全唔會覺得膩，肉質軟嫩鬆化😝😝最鍾意就係點埋燒汁，令到肉味更加突出😍😍😍💫石燒牛扒-橫膈膜腹肉（封門柳）（$198/200g）見到橫膈膜即刻好有興趣🤣🤣🤣原來係牛味濃郁又滑嫩嘅封門柳🤤🤤上枱嘅時候表面已經微微煎過，再石燒一陣就食得🥰🥰肉質軟嫩又超多汁👍🏻👍🏻👍🏻💫鹽燒牛舌芯（ $42 ）厚切既牛舌燒得好爽口！咬落去每一啖都爆汁🥳🥳🥳而且調味非常夠味，胡椒同鹽嘅比例啱啱好，簡直食唔停口😋😋😋💫明太子雞翼兩隻（ $38 ）無骨嘅雞翼入邊有滿滿既明太子🥰🥰🥰鹹鹹香香，有微微既辣味🤭🤭咬落仲要有唔少肉汁🤤🤤食落又惹味又滿足🐔🐔🐔-🌟食燒牛扒只要加$32就可以升級做自選套餐！可以任揀汽水/湯/沙律/薯條/飯其中其中三樣，特別要讚吓個沙律好足料好新鮮🥰🥰仲有隻彈牙鮮蝦🦐🦐薯條份量多又香脆🤩🤩性價比好高呀😍😍🌟餐廳好貼心，會提供黑色嘅圍裙，燒肉都唔會彈到件衫🫶🏻🫶🏻🫶🏻而且燒肉亦有提供即磨嘅海鹽、胡椒同埋燒汁、紅酒汁兩款醬汁👍🏻👍🏻👍🏻不過個人認為靚嘅牛肉就算唔調味都一樣咁好食呀🤩🤩🤩🌟餐廳真係好受歡迎啊，好彩我哋早到，入座之後就已經成場滿晒，仲有人排隊添🤣🤣🤣大家記得要book位啊推薦指數：5/5抵食指數：4/5…Read More

🍽️ 麻辣風雲 (京都廣場) (銅鑼灣)📍銅鑼灣駱克道491-499號京都廣場5樓-好耐冇食辣嘢啦🌶️🌶️今日捉埋老公過嚟銅鑼灣一齊食🌶️🌶️🌶️爽呀！💫 荔枝蝦球（$108）成日都見到好多人介紹呢個外型咁獨特嘅荔枝蝦球🦐🦐終於見到實物啦！真係好靚呀🤩🤩點影都咁上鏡📸📸蝦球既荔枝造型好逼真，食落外脆內彈牙！仲食到好鮮既蝦味🫶🏻🫶🏻正😋😋點埋佢個荔枝汁，層次更加豐富！原來蝦球配果香味濃嘅醬汁一樣咁合拍🤤🤤🤤💫酸菜魚（ $268 ，加薯粉$30 ）酸菜魚採用台灣嘅黑魚🐟🐟魚肉香滑軟嫩，雪白無骨🤤🤤🤤吸收曬湯汁既酸麻香辣😙😙😙越食越開胃啊😝😝😝另外豆卜、萵筍、酸菜、芽菜等嘅配料都好多🥰🥰最開心就係加咗薯粉，係寬粉嚟㗎🤭🤭🤭食落特別有口感特別煙韌😋😋😋最鍾意一邊食薯粉，一邊飲埋個湯底😍😍超滿足呀💫酸辣土豆絲 （ $88 ）我真係好鍾意係薯仔🥔🥔麻辣風雲將薯仔絲炒得好好好👍🏻👍🏻爽脆得來比較乾身，食落更加清爽🤌🏻🤌🏻為左遷就老公，淨係嗌咗小辣🥹但係小辣都係一樣咁惹味😍😍😍💫黑糖脆炸糍粑（ $58 ）完美既晚餐點少得甜品🤭🤭呢個糍粑外脆內煙靭，滿滿嘅黃豆粉令到糍粑嘅香氣更加豐富😙😙😙再加上巨量嘅黑糖醬😋😋😋香甜軟糯冇得頂！🤌🏻🤌🏻🤌🏻大推薦！💫龍鳳檸樂（$38 ）個人認為食辣嘢一定要飲汽水🤤🤤特別係龍鳳檸樂，酸酸鹹鹹甜甜，層次豐富，又開胃解渴🥰🥰💫冰爽龍眼冰（ $38 ）好清爽！而且龍眼肉份量好多🤤🤤🤤老公飲完仲想encore 😋😋-🌟餐廳地方夠大，坐得好舒服🫶🏻🫶🏻而且好近地鐵站，超方便啊🤤🤤🌟職員非常友善，而且好有禮貌👍🏻👍🏻🌟份量大而且賣相靚，適合一班朋友一齊嚟食，叫多幾個餸可以試多啲唔同嘅嘢🤭🤭推薦指數：5/5抵食指數：4/5#foodloverin852 #852 #foodie #hongkong#銅鑼灣 #CausewayBay #銅鑼灣好去處 #銅鑼灣美食 #銅鑼灣美食地圖 #銅鑼灣必食 #麻辣風雲 …Read More