JoannaLaw4063's Profile

係荃灣想揀一間日本餐廳，見到古今二係一間Fusion 日本菜，就排隊入座餐廳主打特式日式卷物同鍋物，因為天氣熱就唔試鍋物，因為唔知份量大小，我地揀左2款飯卷+其他食物試住先。前菜：柚想蝦你：我地係因為個名而叫呢個沙津嘅，估唔到來到個份量都幾大，我地食到主菜來埋都未食哂，鍾意柚子嘅朋友啱哂，果肉好多，柚子味好重好好食！櫻花蝦茄子燒：係估唔到佢有咁特別嘅風味，本身係出面食原條茄子多數蒜蓉燒，呢個係似較左一隻酸酸味味又辣嘅汁來煮，上面櫻花蝦好多，可以豐富到味道同口感，會比個like 個汁同櫻花蝦嘅味道，如果茄子可以切開少少方便分餸就更好！青龍卷：其中青龍卷上面鋪有牛油果，餡料就有芝士同蟹柳，因為朋友係牛油果控所以一定啱食！超級龍捲風：都係推介👍 材料豐富又幾夾，個鰻魚好滑，仲有海老、芝士、青瓜同脆片放埋一齊，個口感層次分明又豐富，喺出面應該試唔到！另外一讚兩個卷物放埋一齊個擺盤幾有心思，係打卡之餘又好味嘅主食來！另外因為熱天我地叫左兩杯凍飲，一杯奇異果沙冰，好大杯好溶，真係一杯有果肉嘅沙冰，結果飲到好飽但好好味😋：另一杯應該係蜂蜜烏龍，幾解渴唔會好甜，味道同份量都係抵飲嘅。 下次會想試埋鍋物同埋刺身，因為兩個人試唔到太多野，食物份量都唔少，想食新派d ge日本菜可以來呢間古今二試吓！…Read More

放假同朋友去左長沙灣...諗起呢間食串燒ge店，之前食過一次，但嗰陣未試過串燒。店鋪位置唔多, Menu係用電子落單, 都有幾多選擇, 首先係可以一次過揀左辣度先, 我同朋友都試唔辣ge食物。蔬菜類:燒茄子: 配上蒜, 蔥同醬油, 味道同口感都好正, 而且份量好夠, 抵食之選。粟米: 好甜好食。肉類:金菇肥牛: 金菇幾滑, 肥牛燒完有D醬汁都唔錯。牛舌: 算係厚切有咬口, 下次叫小辣可能有驚喜。牛的肌肉: 幾新奇, 有肥肉加肌肉位, 口感幾特別。海鮮類👍 :鹽燒基圍蝦(4隻): 👍好好食, 燒得啱啱夠熟, 有鹽係面好夠味, 個複頭都有1少膏食到, 必食!生猛鮑魚(2隻): 👍又係好好食, 爽又有咬口, 料靚。整體都係值得推介, 2人埋單200$, 好食同抵食!…Read More

一直都想試不籽是咖啡，港島店位於西營盤的藝里坊內，在步行到餐廳前的壁畫街，看到不少年輕人在此區打卡，呢區嘅氛圍感覺自己去左外國一樣。餐廳門面好闊好有清新嘅感覺，入面佈置都佈滿大自然氣息，加上係pet friendly cafe，環境十分舒服。睇完餐牌揀左兩款人氣主食，配上花茶😋🥑🦐龍蝦湯配牛油果大蝦稻庭烏冬🍜龍蝦湯係有湯壺自己倒落烏冬度，擺盤打卡一流！ 個湯質感都厚身同夠熱，烏冬同配菜份量啱啱好，有蟹肉、大大隻蝦、牛油果、沙律菜，配上龍蝦湯感覺十分新鮮！烏冬質感好有咬口，每啖都掛到龍蝦湯嘅creamy 味道，食兩啖之後配翻新鮮沙律菜同牛油果感覺啱啱好，好滿足😋炙燒鮭魚腩蘆筍明太子燉飯 😋一片片嘅鮭魚圍住飯面賣相好特別，魚肉滑嫩配翻燉飯嘅creamy 又有嚼口嘅口感好襯；炙燒過嘅鮭魚有種入口即溶嘅感覺，魚香魚油味好重，味道唔錯👍🏻👍🏻，值得一試！食完主食配翻兩杯野飲就啱啱好！菊花茉莉花茶🫖賣相好靚打卡一流📷，而且茶壺有個細心設計可以阻隔到花瓣倒出來，值得一讚👍🏻 個茶壺keep到茶溫，唔怕攤凍哂☕️，飯後想坐低同朋友傾吓偈，嘆杯花茶就啱我心水啦另一朋友就叫了 Mojito Soda 配上有幾片薄荷葉，飲落好清新，好refreshing，而且夏日炎炎，飲落十分解渴…Read More

大圍最近開左間川菜館，原來已經有好多間分店！坐底之後scan QR code點菜，之後就會有侍應拎張單俾你，登記會員會有折扣添。菜式多元化，除左主打菜酸菜魚、仲有水煮牛肉、口水雞、小龍蝦、麻婆豆腐等。見得隔離枱碟酸菜魚咁大碟，我同個frd驚食唔晒，所以淨係叫左酸菜魚加寬粉。酸菜魚可以揀唔辣、小辣、中辣同大辣，第一次食就試下小辣先。上菜後見到上面舖左好多辣椒，但食落又唔算太辣，加埋花辣，會有麻既感覺，好過癮。D魚切到好大塊，好滑身，酸菜分量好多，食極都食唔完咁，仲有雞髀菇添。不得不提就係寬粉，又滑又彈牙，索晒湯汁夠晒味。鍾意食酸辣既朋友唔好錯過啦！…Read More

無意中見到有人post軟殼蟹菠蘿包嘅相，見到個樣幾吸引，好想食🙈所以特登嚟呢度試吓一入去就覺得環境好乾淨,唔似一般冰室好殘好舊，啲位都坐得舒服。工作人員應都好好禮貌. 我哋係晚市嚟到，好可惜夜得滯，菠蘿包賣晒😭所以變咗軟殼蟹多士軟殼蟹多士好足料，入邊有菜有蕃茄有蟹有芝士，多士烘得好脆身，咬落仲卜卜聲. 軟殼蟹真係有一整隻，咬落仲好Juicy. 口入面蟹汁滿滿，係唔錯霸王雞飯唔好睇個雞好似好多辣椒咁，其實佢一啲都唔辣，雞嘅份量重好多，有一隻雞髀同埋半邊雞胸。雖然唔算好有雞味，但雞肉一啲都唔鞋，火候控制得幾好。。仲有三條菜喺底。有菜有肉真係幾抵食. 豉油汁仲可以撈晒成碗飯添士多啤梨金沙骨嗰醬好特別，係未食過嘅味。有啲似糖醋排骨嗰種令人開胃嘅醬，我麻麻地，但男朋友好鐘意，一碗有成六七舊，佢自己食哂其實我最鍾意嘅係呢兩杯飲品，一杯係奶茶紅豆冰，一杯係經典紅豆冰。 紅豆同奶嘅比例真係啱啱好，每一口都會飲到紅豆，而且經典紅豆冰仲有少少椰香味，好甲個湯飲完唔口渴，有豬骨有紅蘿蔔，唔似出邊啲茶餐廳落重味精…Read More

今晚要去大埔交收，去完返返屋企都夜煮唔切飯，聽日又要早起返工，經過見到呢間越南餐廳，就諗住買個外賣返屋企快快吃佢餐牌上邊重有好多嘢食，但係我哋只想快，唔想慢慢揀，所以叫咗個二人套餐A,唔使諗食乜一個set都包咗好多嘢食香茅雞中翼炸得記脆口，唔燶，有淡淡的香茅味，咬落都唔乾扎肉紙米卷男朋友係因為呢個紙米卷而選擇呢個套餐，佢話係手工野，要自己包的。睇相都見到佢幾足料，入邊有塊紫蘇葉，所以食落香香的，點埋個酸汁幾開胃相信嗰餐大部份嘅價錢都喺呢兩隻蝦度。一打開個盒好香牛油味，食落啲蝦肉結實，應該係新鮮蝦黎，蝦腸都清埋。加埋䓤同蒜好好食。我仲用咗啲牛油汁黎撈飯。蝦頭膏海鮮炒飯食落冇話好重口味，入邊有好多款海鮮分別有蟹柳，蝦，硯，魷魚，鳴門卷。海鮮份量好多，真係每啖都會食到海鮮。但我就覺得蝦頭膏味可以再重少少，而家食落去味道就比較清淡。馬拉盞通菜，通菜好靚，我覺得可以再重口味啲。腐竹雞蛋糖水好好食夠甜，腐竹味好濃，雞蛋液變成蛋花好欣賞…Read More

原來大埔都有呢間餐廳的。我哋之前有喺其他分店食過，價錢都幾抵。今日行過大埔見到，貪平，又走咗入去檸檬蜜糖雞翼雞翼外皮炸得脆，咬落雞翼啲肉都好滑，有肉汁，一啲都唔乾。檸檬味唔重，唔會話食到有檸檬嘅酸味，唔知係咪因為有檸檬葉過所以啲雞肉咁滑。賣相都砌得靚車打芝士醬鐵板薯條芝士醬薯條好好味呀，熱辣辣，炸至金黄色，香脆可口。平時好怕啲薯條凍咗會好難食，佢用鐵板上，就算慢慢食都唔怕佢會凍哂香煎牛柳配紅酒燒汁 同埋 西冷牛扒配紅酒燒汁估唔到五十幾$60嘅扒都可以咁大塊，仲要係有肉味的。牛柳ge肉就比較結實，芝士醬薯條好好味呀，熱辣辣，炸至金黄色，香脆可口油脂含量較少。西冷就比較軟林。紅酒汁嘅份量亦都好足夠，夠我d薯條點埋個汁黎食。呢個價錢就已經有呢個set,真係好抵。個set會包埋餐湯，呢個係龍蝦湯。之前飲過其他分店的，呢間分店嘅龍蝦湯可以話係最好飲。夠濃郁仲有凍朱古力同菠蘿梳打。鍾意杯朱古力上面嘅厚厚忌廉…Read More

我地今日黎左科學園，一場黎到。順便食個T先走。呢間餐廳，喺出邊行過會聞到陣野食香味。下午茶時間佢都幾繁忙，我哋喺出邊等咗好耐, d staff 都唔得閒理我地。因為本身都有好多食客喺入邊，佢哋忙serve餐。等咗幾個字，我哋自己走入去，原來其實自己搵位坐就好了。睇完Menu,再自己出去點餐就得。我哋叫咗雞翼薯條，薯條係粗薯條。夠熱雞翼係醃過再炸，食唔到雪藏味。雞翼四件加杯嘢飲都只係$44.算係咁呢個芝士蛋糕好好食，唔會焗到燶晒。外層係咖啡色，好靚。質感做得啱啱好，唔會太實硬骨骨，亦唔會太多cream.所以食晒成件都唔覺得溜。 出色呢個係熱嘅荔枝綠茶 有少少荔枝味但唔太重 ,熱朱古力有層泡泡喺上邊 …Read More

入嚟石門特登去試吓呢間有好多人推介嘅特色飲品店裝修好有少女味 油漆係近排好興嘅糖果綠色好靚靚 eye-catching 我哋望咗好耐 都揀唔到飲d 乜嘢 因為杯杯都好靚，啲果茶睇落有好多生果，珍珠鮮奶睇落啲黑糖同珍珠又足料，士多啤梨飲品又有好多款跟住店員就推介左我哋，士多啤梨苺苺奶，話係熱門的唔係講笑 隻色真係好靚，係我最鍾意嘅淺粉紅色，而且大大杯 ,唔使驚飲唔晒 因為好飲到停唔到 士多啤梨同奶blend得好均勻，奶嘅密度好夠，一啲都唔稀，亦唔會話濃密到飲唔到嗰種。每一口都會飲到真士多啤梨味，唔係溝化學劑調味的，真材實料，又有埋士多啤梨碎碎肉粒。正另外我哋都叫咗杯熱情果橙茶，睇相都見到佢好足料，個底全部都係果肉，每一口都係清新嘅真熱情果味同真橙味，出邊真係好難飲到呢種唔係化學調味ge 果茶，真係好飲過某台式果茶連鎖店❤️…Read More

疫情關係，好耐都未出過去食晚飯了。放咗工，見呢度有位，我哋又走咗入去。之前嚟過呢度食午餐，但就未試過食晚餐。我哋兩個人，都可以坐寬躺大卡位，舒舒服服，慢慢吃真好。我哋叫咗兩個set dinner. 可以有餐湯，餐包主菜，甜品同埋餐飲。餐湯係兩個忌廉龍蝦湯。 龍蝦湯質地唔係好creamy, 但都好香好有味。男朋友很喜歡餐包，想健康啲，我用咗嚟點湯食，咁可以用少啲牛油🙈🙈脆炸軟殼蟹香蒜魷魚圈墨汁意大利飯個軟殼蟹都算大隻。佢真係原隻蟹上。只係$88, 呢個價錢都冇偷工減料。墨汁意大利飯冇杰撻撻，飯粒冇話俾啲汁浸到爛晒。飯嘅份量都幾多，好夠飽。兩隻魷魚圈火候控制得幾好，食落一啲都唔韌。我哋加咗薯條做小食。上台嘅時候都係熱辣辣。威靈頓牛柳第一次食呢個菜式。原來威靈頓牛柳 則係外邊加個酥皮包住啲牛柳，再拎去焗。所以呢個菜式係需要時間等的。幾特別，唔係度度都食到。切開，點d鹽食, 切開啲牛肉都幾軟林。不過我哋覺得都係就咁煎嘅牛柳好食啲😂😂 . 呢個一試無妨，仲有pancake做甜品。唔貴又滿足的一餐。我哋慢慢食，唔使話趕住交枱俾人，輕輕鬆鬆冇壓力。番完咁耐工，真係好需要呢種舒服又企理ge 環境比我休息…Read More

喺沙田放工，貪佢近近地，就去大圍食個飯。呢間店之前都有去過佢其他分店，見佢咁岩又有位唔駛等，所以我哋就揀咗呢間。嚟呢度食晚餐都係第一次，佢晚餐又幾多嘢食。我哋叫咗呢個蜜糖蒜香炸雞翼小食。 雞翼炸得好脆，蜜糖好足夠，蒜香味十足。得喜歡，但食嘅時候要小心啲，隻手唔好掂到個碟。如果唔係就會癡粒粒😂😂粟米白湯，有好多粟米蓉喺入邊，啖啖都有口感.我哋加錢叫咗個三文魚沙律。菜都係新鮮爽口的芝士和牛漢堡。$108就可以食到黃牛漢堡，都算抵食。仲有薯菜沙律伴碟。薯條上枱都係熱辣辣，脆脆的。個和牛漢堡扒都算大嚿。厚身的。一咬都會食到肉汁。個包係烘過嘅，所以我一切開都會feel到脆身。入邊有埋芝士蕃茄菜，中和返和牛嘅罪惡感.安格斯牛柳配鵝肝148蚊就可以嘆到牛柳同鵝肝，鵝肝牛柳仲要係唔細舊，真係非常之可以接受。鵝肝是暖身的。肥而不油膩。 我哋鍾意鵝肝煎到好熱好熱流晒啲油出嚟，呢隻就唔係嗰種。但食落口你都會聞到好香嘅鵝肝味，正。牛柳肉質唔錯，咬落去唔會話難咬開。火候啱啱好，有牛肉味。係唔錯嘅。返工咁辛苦間中都要食下呢啲慰勞吓自己❤️…Read More

玫瑰乳酸梳打乳酸味唔係特別重，係淡淡的乳酸味，清清地。將杯飲品攪勻就會變咗做粉紅色，好靚。餐廳好環保,唔會主動提供飲筒，抵讚經典朱古力朱古力味唔苦,啱晒鍾意甜嘅男朋友. 睇個杯都知佢好有層次,會有啲奶味,飲之前攪勻佢。係經典嘅朱古力奶味❤️石燒法式羊架我哋叫咗兩隻羊架，個餐會配埋薯菜。石版燒得好夠熱，唔擔心啲肉會唔熟. 一上枱就有香噴噴嘅燒肉味。 職員提我地啲汁唔好直接到喺石板上, 所以我哋都係切左肉先點汁。羊架好軟林，帶有少少羊肉so 味。係正的。喜歡羊肉的人唔好錯過。石燒紐西蘭牛柳好抵食，200g先至百二蚊。牛柳可以自己控制孰成度，洗擔心個石板擺得來會唔夠熱。如果鐘意食生啲牛柳嘅人，可能就要食快少少。 牛柳好有牛味,完全唔係會用鬆肉粉那過個種，好好食，如果有埋鹽俾我落就更加好了❤️ 薯仔都好正，炸得邊邊位係脆的。佢仲包埋沙律同埋餐湯呢日嘅餐湯係芝士薯仔火腿忌廉湯，係好飲的，飲嘅時候會飲到少少肉碎，忌廉湯亦夠味❤️❤️❤️…Read More

今次去佐紅磡環海‧東岸商場o既花火和食, 呢間主要食日本野(拉麵/烏冬/和風飯/日式小食等等)。第一次來呢個商場, 之所以來呢到,都係因為朋友食完, 覺得佢個鰻魚箱飯可以一試。商場唔算太就腳, 但都可以接受, 何文田站要行大約十幾分鐘。餐廳o既裝修都幾有特色, 融合佐港日風格, 防疫措施亦做得好好, 有圍版同埋隔得好開。我地點佐朋友重點推介o既京都風蒲燒鰻魚箱飯, 然後再加佐碗和風滑蛋雞肉井,同埋日本可樂餅。餐廳會隨餐送麵鼓湯, 等你暖下個胃。鰻魚飯份量超足,超抵食!!睇番張相可以見到, 鰻魚蒲滿佐大半個箱, 再加埋蛋絲同紫菜, 絕對足料。大啖咬落去, 好肥又多汁, 去唔到本可以來呢到試下。個和風滑蛋雞肉井就正常日本餐廳水準, 冇鰻魚咁有驚喜, 不過雞肉份量都算多, $58一碗都算幾抵食。比較特別o既係可樂餅, 即點即炸, 有好多種口味, 我地呢次揀佐芝士, 上碟之後發覺係流心的, 一咬落去就係個口到流出來, 滋味唔錯。P.S. 依家經Openrice訂座, 長期有折, 埋單都算幾抵架…Read More

天氣轉涼，又係最啱食雞煲嘅季節。本來食開旺角一間雞煲的。但上次去過食覺得冇以前咁好，所以想發掘下有冇好食的。呢度係半隻雞ge 分量，我哋叫咗小辣。個煲一上枱嗰陣唔算好香，但係越煮越惹味。啲雞肉唔會鞋颯颯，雞皮亦唔會太肥，食落口肉好滑，好入味。煲入邊嘅醬好多，我哋食完啲雞都仲有好多醬，連湯都唔使加就可以直接打邊爐了。粟米我哋係一開始食完雞就掉入去，佢係屬於比較爽身嗰種，浸咗好耐佢都唔會軟，啱晒鍾意食爽口粟米嘅人。呢隻雞翼真係好推薦，一咬開入邊係滴晒肉汁。係真正嘅外脆內軟。外邊有啲孜然粉。好香。重口味人士表示孜然粉味可以再多啲🙈🙈🙈可能係我食過雞翼入邊最好食的。芋絲同呢個雞煲好夾，因為呢個雞煲嘅醬汁好多好濃。啲護士係完全索到雞汁嘅味。正新鮮魚卜好新鮮。洗得好乾淨上面冇血管冇血絲，叼落去撈埋雞煲醬一齊食，爽口。出邊好少有雞煲店有魚卜，所以黎呢度真係要嗌呢個火焰芝心丸個外層比較硬身，咬開入邊芝士會流出嚟，食嘅時候要小心熱同爆漿山根吸收晒湯汁 ,係我打邊爐必食的冬瓜切得夠薄 ,抵讚，容易淋，容易入味。最鍾意浸到軟身先食。個金菇整得好好，喺大陸麻辣燙嘅味，少少辣，香牛舌建議未加湯嘅時候就落，靠醬汁去整熟佢，因為加咗水去煲之後佢就會變得太林身。牛舌都係爽口好食，所以可以食完雞之後，唔加湯直接掉落去煮，咁就做到爽口嘅感覺，真係呢度醬汁多先做到呢個效果打邊爐一定要配有汽嘅飲品, 成支隊 真爽…Read More

夜晚放工過咗嚟荃灣買嘢，跟住就喺商場搵間餐廳食嘢。行過見到呢間餐廳裝修幾靚，個餐牌又幾吸引，所以就入咗嚟試吓。呢度啲嘢飲幾特別，有梳打有mocktail之類重。呢杯係薄荷檸檬梳打，一上枱就聞到好香嘅檸檬味。飲落真係幾好飲。係清新嘅酸味，有少少薄荷。正牛油果shake又係正，牛油果味濃，口感亦好滑。好鍾意。而且份量都算大杯，唔會話唔夠飲。呢個扎扎跳蝦餅好推薦，四舊都係大大嚿，好抵食，咬落仲係好彈牙，外皮炸得好脆。馬拉盞通菜，唔辣的，炒得好香，食落好夠味，上邊仲有啲細細隻嘅櫻花蝦米。撈飯食一流黃咖喱海鮮多士盒。入邊有蝦有青口，有八爪魚仔，啲蝦好彈牙，黃咖喱係好香的，唔係辣，甜甜地。好開胃。個多士點埋啲咖喱醬一齊食，真係食到停唔到口。配埋呢個薄餅一齊食，好香嘅酥油餅，加上惹味嘅黃咖喱，真係絕配泰式香菜肉碎炒飯，個飯炒得好，飯粒粒粒分明,粒粒都會有味道。啲飯食辣辣辣地，好似食緊印尼炒飯嗰種感覺。真係好食…Read More