嚟呢度食晚餐都係第一次，佢晚餐又幾多嘢食。我哋叫咗呢個蜜糖蒜香炸雞翼小食。 雞翼炸得好脆，蜜糖好足夠，蒜香味十足。得喜歡，但食嘅時候要小心啲，隻手唔好掂到個碟。如果唔係就會癡粒粒😂😂
粟米白湯，有好多粟米蓉喺入邊，啖啖都有口感.我哋加錢叫咗個三文魚沙律。菜都係新鮮爽口的
芝士和牛漢堡。
$108就可以食到黃牛漢堡，都算抵食。仲有薯菜沙律伴碟。薯條上枱都係熱辣辣，脆脆的。
個和牛漢堡扒都算大嚿。厚身的。一咬都會食到肉汁。個包係烘過嘅，所以我一切開都會feel到脆身。入邊有埋芝士蕃茄菜，中和返和牛嘅罪惡感.
安格斯牛柳配鵝肝
148蚊就可以嘆到牛柳同鵝肝，鵝肝牛柳仲要係唔細舊，真係非常之可以接受。
鵝肝是暖身的。肥而不油膩。 我哋鍾意鵝肝煎到好熱好熱流晒啲油出嚟，呢隻就唔係嗰種。但食落口你都會聞到好香嘅鵝肝味，正。
牛柳肉質唔錯，咬落去唔會話難咬開。火候啱啱好，有牛肉味。係唔錯嘅。返工咁辛苦間中都要食下呢啲慰勞吓自己❤️
