eatopenstomach的個人專頁

平時同朋友去開葵廣掃街，今日同朋友去整手機就去遠少少嘅KCC試下新嘢～😋睇OPENRICE呢間SEASON. CAFE都幾打able就決定會會佢，餐廳有落地玻璃窗位，如果tea time黎氛圍一定仲好🥹👍🏻dinner有set有a la carte,我地叫左一個set再散叫一個burger share，burger 份量非常飽滿，兩個女仔黎建議如果食burger加多個小食就夠，我地叫左手打牛肉芝士burger，包身香脆好重牛油味，牛肉幾juicy同蕃茄酸瓜配合得唔錯👍🏻burger本身size非常巨大，想一啖食哂咁多層好有難度😝另外仲有粗薯搭配，新鮮炸出黎好香口配埋黑松露醬食唔會膩，好岩薯條控嘅我☺️☺️至於意粉我地就叫咗一個叫帶子蟹肉蘆筍羅勒忌廉汁意粉，意粉口感偏硬身咗啲，但忌廉汁味道岩岩好 蟹肉佔既比例剛好～唔會過多或過少😂帶子煎得嚟個皮係脆既 裡面嫩口 但味道有啲鹹😂或者整散佢撈埋啲麵食會更好～👍🏻最尾佢個set有個是日甜品送，今日係朱古力雪糕😋呢度既雪糕口感好特別，口感好綿 好煙韌~初頭同朋友以為係加咗麻糬😂係全晚既MVP😂😂整體嚟講，如果同朋友或情侶happy gathering都係個唔錯既選擇～下次經過呢頭會想試下佢啲甜品😋😂………………………………………………………………📮Season. Café (葵涌)葵涌葵昌路72-76號活@KCC 8樓801號舖…查看更多

-最近有幸去咗荃灣區既「Vici Stage」酒吧餐廳🤩冇諗過呢間喺沙咀道並唔起眼既小店，為我帶嚟喜出望外既體驗☺️☺️首先，我想講下佢哋既無酒精飲品「happy ending」😋🍹<happy ending/$68>呢款飲品絕對係一個令人愉悅既享受，佢結合咗新鮮水果同香草的自然風味😋令人感到舒爽同滿足。佢唔單止係味道美味，而且喺外觀上都非常吸引人，俾人一種視覺上既享受。如果你鍾意酒精飲品，我強烈推薦佢哋既Dancing Grape🤩🍸<Dancing Grape /$88>呢款飲品結合咗精選既葡萄同特調既酒精，帶嚟一種獨特既口感同豐富既層次。佢既口感平衡，唔會太甜或太濃，俾人一種令人愉悅既感覺，無論係搭配餐前小吃定係作為整餐既陪伴都非常適合☺️👍🏻喺前菜方面,我特別鍾意佢哋嘅西班牙蛋餅同油浸香草蒜蓉大蝦~👍🏻🍽️<西班牙蛋餅/$88>西班牙蛋餅既口感輕盈，配上豐富既蔬菜同蛋既味道，非常開胃。🍽️<油浸香草蒜蓉大蝦/$98>而油浸香草蒜蓉大蝦就係一道令人難以忘懷既美味👍🏻蝦肉鮮嫩多汁，蒜蓉既香氣同香草既味道融合埋一齊，帶嚟了令人垂涎欲滴既滋味。至於主菜🍽️<西班牙燉豬腩肉飯/$228>絕對係一道令人驚艷既料理🤤豬腩肉經過燉煮變得極為軟嫩，入口即融，配上香氣四溢既西班牙調味料，味道鮮美而豐富。飯粒充滿咗燉煮肉既香氣，每一口都令人愉悅。呢道菜絕對係「Vici Stage」酒吧餐廳既一道招牌菜，必試之選👍🏻👍🏻…………………………………………………………………………📮Vici Stage (荃灣)荃灣沙咀道325-331號德仁樓地下B舖…查看更多

實不相瞞，其實我好鍾意食咖哩，經過銅鑼灣見到dillwake再search下望落都幾靚仔就拉埋朋友陪我試下，入到去現場環境都ok靚仔，本人好驚燈光陰暗，地下痴笠笠嘅環境，dillwake整潔度有為呢餐加分💪order左幾樣嘢share試👇🏻🥘<芝士波菜/$75>原本以為芝士係mix落波菜度最後上枱係完整嘅cottage cheese present出黎幾有誠意，原本以為呢味會唔辣可以中和下個羊肉，原來食落其實都辣辣地🥵，但調味恰到好處配naan食完美～🥘<極辣咖哩羊/$158>只能夠講，呢碟餸既名真係冇改錯😂真係極辣😂😂但佢辣得嚟係好好食，佢係用咗印度其中一款出名既紅咖哩叫vindaloo,顏色比較紅，食落比較辣同帶有少少酸，羊肉肉質都煮得剛剛好，好惹味👍🏻👍🏻🍽️<Paneer Palak Wale(印度脆米球)/$102>呢款菜平時喺香港食印度野比較少見，佢係用米炸成既脆米波，佢有唔同既配料俾你自行配搭👍🏻侍應哥哥話先將薯仔粒放落波波到，之後再倒少許帶有酸酸微辣既薄荷汁落去，最後喺外層沾佢獨有既醬食，食落口感豐富，涼爽得嚟又有酸酸辣辣有開胃既感覺👍🏻😋🫓<蒜蓉薄餅/$29>朋友揀左蒜蓉naan，食落蒜蓉味唔係太突出，但兩個main course都濃味，naan淡味啲反而幾好，無咁容易膩🍹<Punjabi Mango Lassi/$58>Lassi係我食親印度菜必點嘅，今次亦係靠佢救我一命（over左），每食一啖勁辣羊肉都要飲番啖解辣🤤有啲餐廳嘅Lassi會死甜，呢度Lassi酸甜平衡得好好，見到好多枱都有order就知自己無揀錯本身雄心壯志想試用幾款。。但勁辣羊肉辣到我無乜力再戰🙃🙃🙃食開BB辣OR小辣嘅都係叫番唔辣嘅item好啲，整體上叫嘅幾樣嘢食水準都不俗，值得encore啊，呢度仲有lunch set下次拉埋啊媽過黎再戰～…查看更多

終於考完試交哂assignment可以鬆一口氣relax下～relax就要不醉無歸 (並不是)😌揀左Hans同朋友黎慶祝下重獲新生🥳🥳🥳呢度附近有間好出名嘅churros，係我地飲店😚😚經過親都會見到Hans，每次都話不如下次試下，然後就拖左成年了～今次終於成行🥺我地揀左高枱坐，覺得有氣氛啲～呢度比我想像中更加乾淨企理同有格調😙叫左兩款cocktail同幾款嘢食share～燒厚切牛舌同單骨雞翼配一口芝士係原本諗好一定要order嘅～明太子蟹肉忌廉烏冬就睇到大部份枱有order，我地絕對願意跟大隊試美食嘅🤣🤣Cocktail由於太多款想試就直接叫店員配合我地order嘅嘢食推薦左兩款俾我地～😃🍸<Corpse reviver no.2 # tart # awaken /$108>檸檬味幾突出，非常解膩～🍸<Tart too蛋撻/$98>係舖頭既特色飲品之一，酒上面既cream口感味道似蛋撻味😂但佢係雲尼拿加Frangilico唔算太甜同酒味都幾濃烈～🍽️<明太子蟹肉忌廉烏冬/$108>初初以為佢份量唔多，上到枱又出乎我哋所料的多😂😂忌廉汁一啲都唔吝嗇，烏冬非常彈牙煙韌～而蟹肉絲亦有微微既鮮甜，夾埋一齊食個口感好豐富😋🍖<燒厚切牛舌/$118>牛舌係我地定番，只要餐廳有就係必點😋Hans提供嘅係牛舌芯，口感厚實，有黑椒同鹽作為調味、牛舌表面燒得焦脆，令牛舌有好香既焦香味～食落外脆內軟～😋🍽️<單骨雞翼配一口芝士/$78>上枱嗰陣已經聞到好香烤完既雞翼味～雞翼份量唔算多同大件😂但佢勝在味道濃郁～焗得香脆可口～而一口芝士佢面上有七味粉做點綴～出面嗰層炸到金黃色、咬一啖裡面既芝士流心就湧曬出嚟😂😂希望下次再嚟佢既Gin Tonic雪糕會有得order啦🥲🥲…查看更多

前幾日喺OpenRice 搵食既時候搵到呢間好特別既餐廳，係位於西營盤既一間多國菜😋以心動不如行動既心態同朋友放工去咗trytry😌🥘<Lamb Tagine/$198>🍽️岩岩search 呢間餐廳既時候 呢個菜式已經係推薦No.1嚟 期待值100%🤩佢喺開蓋之前會淋酒喺蓋面到 令成個鍋香啲☺️一打開已經有好香既羊肉味飄出嚟 佢既羊肉係用杏子,李子,欖欖同薯仔炆成。羊肉整得好淋 好入味 食完都唔會痴牙 而且佢個汁鹹度適中 好適合撈飯食👍🏻配菜方面都出色 雖然只係普通既紅蘿蔔同脆玉瓜 但都唔會因為煮完淋曬 口感岩岩好 佢呢個餸會配蒸粗麥粉一齊食 我開頭以為係椰菜花飯嚟 原來係pasta既一種 營養價值高既食物 佢裡面有杏子同提子乾 口感好豐富👍🏻🌯<Chicken Fajita/$168>🍽️呢個上枱係分兩次上😂😂開頭我同我朋友以為佢係一碟過上 心諗點解分開 原來係燒雞還燒雞 薄餅還薄餅😂一嚟到已經咋咋聲 燒雞味勁香 份量比想像中多😂雞肉底下有洋蔥同甜椒，夾埋薄餅同牛油醬,sour cream同莎莎醬一齊食好好味👍🏻🍕<Chicken Mushroom/$160>🍽️佢既餅底同平時食開既pizza底唔同 雖然都係薄底 但比平時既更脆身,更香口。以新鮮雞肉烤製,pizza面上佈滿火箭菜,配搭埋蘑菇,洋蔥,甜椒,Mozzarella cheese 同蕃茄醬係個唔會輸既組合嚟👍🏻🍖<Buffalo chicken wings with hot sauce/$108>🍽️味道酸酸辣辣,佢既辣度係岩岩好 而且每隻雞翼都大大隻 好balance 😂😂配埋佢既辣醬食反而會過鹹😂😂就咁食都已經好夠味其實😋🍹<Tequila Sunrise/$60>🍸<Egyptian Mojito/$52>……………………….……………………………………………………………📮 Zenith Bar & Grill (西環)西環高街48-78號恆陞大樓地下11號舖…查看更多

我同朋友都好鍾意present好豐富嘅餐點，各色各樣又健康嘅bowl應該係我近期嘅comfort food~呢間Poking係我公司附近，平時成日經過今日拉埋朋友會一會佢今次揀左Sweet up your life bowl同鹽蔥鰻魚蘭王蛋丼試試Poking都有搭配好嘅bowl，如果有選擇困難症可以直接選擇啊~我地今次叫咗Sweet up your life bowl，佢整個飯既配料都好豐富，首先有三文魚，牛油果，新鮮芒果肉，青瓜，圓紅蘿蔔仔鋪滿飯面🤤🤤芒果雖然唔係時令水果 但都果肉都好甜👍🏻整體嚟講係唔錯的～但略嫌壽司飯既酸味唔太夠 如果落番多啲就剛剛好👍🏻同埋醬料方面，柚子醋同三文魚既味道唔太夾🥲如果可以配其他比較濃味少少既醬就會比較適合啲👍🏻我地試埋佢地呢排做緊special menu鰻魚系列嘅雞扒鰻魚丼，見到蘭王兩隻字就好膚淺咁樣加埋佢😂平時係donki見得多但唔捨得買，趁今次試下佢同普通蛋嘅分別~雞扒燒得好香唔乾身配埋佢地嘅鹽蔥醬有唔同層次感，鰻魚油脂感唔錯但份量偏少🥲🥲可能大舊啲/多一兩舊就更好，蘭王蛋香味濃就咁撈飯又得配埋鹽蔥醬仲得，佢地鹽蔥醬同出面普通薑蔥唔同，無咁油又無左唔少人唔like嘅薑之餘多左鹽醬吊味，有幫個飯畫龍點晴左唔會太單調佢地收鋪前都仲好多外賣單，附近類似嘅選擇其實唔少，仲可以咁多人選擇證明味道真係幾好～飯堂預定😉…查看更多

上星期同朋友收工行過遠處望到「香港人」三隻字 俾佢既畫風吸引咗去睇😂行到先知原來係 @rhinohkg 同 @handmadeship crossover 既聯乘店嚟～入到當然好自然咁俾佢啲野食味吸引咗😂就叫咗以下幾款野食食了～<🌯韓式醬燒牛五花卷餅/$49>一拎到呢個卷餅 未除口罩都聞到好香醬燒既香味🤩佢既卷餅雖然少厚身 但非常脆口👍🏻而牛五花用咗香甜既洋蔥同特製韓式醬汁炒 配埋新鮮既生菜 食落非常惹味😋而且份量都大 一個人食應該會飽到食唔到第二餐😂<🌯韓式泡菜起司豬肉蛋餅/$39>佢呢款可以選擇蛋餅或者卷餅 我就揀咗蛋餅～蛋餅同樣都煎得香脆😋豬肉用咗特製既韓式醬料醃 味道岩岩好唔會過鹹同過辣👍🏻芝士配埋泡菜一齊食 消除芝士既好膩既口感👍🏻👍🏻😋*所有卷餅都均有雞蛋、生菜同洋蔥。如果想走配料記得落單時講聲就可以了😆<🧋黑珍珠抺茶鮮奶/$38💚>基於我係個抺茶控既關係 好耐冇飲過珍奶既我見到menu有抺茶既都要叫嚟try try😆佢既抺茶鮮奶味道好香濃 鮮奶夠滑 加埋黑糖珍珠口感幾q彈 比我想像中有驚喜👍🏻😋<🧋黑珍珠岩鹽鮮奶/$38>岩鹽微微既鹹味加上黑糖珍珠令整杯飲料多咗一個層次 而且鮮奶都夠滑😆但美中不足既係鮮奶既味道唔太突出 可能岩鹽同黑糖既味道蓋過咗 但都值得一試👍🏻大家食完有興趣既話都可以睇下 @handmadeship 既產品☺️全部都好精美可愛架～重點係 佢哋既打卡牆係用人手畫架 真係畫得好靚～🤩記得影野食既時候 就影埋後面幅牆喇～………………………………………………………………………………📮 犀牛犀牛 (新都城） (將軍澳)將軍澳欣景路8號新都城中心3期地下G05號舖…查看更多

Bagel係我同朋友最愛嘅包種之一，成日試網店嘅bagel，實體店就少d去嚐試，但前排見到玖拾烘焙有好多唔同口味嘅bagel就決定黎試試佢，鋪頭係mikiki對面，啟德站行10分鐘左右就到路程都算ok今次揀左三款bagel黎試，分別係 花生黃豆粉麻糬bagel 摩卡咖啡麻糬bagel同洋蔥黑椒起司bagel🥯<洋蔥黑椒起司bagel/$28>開頭揀bagel既時候 第一眼就俾佢吸引咗佢外表雖然平平無奇 但芝士同洋蔥既香味撲鼻咬落包既質感略為硬身餡料方面雖然冇下兩款豐滿 但佢勝在洋蔥同芝士味道好夾 加埋黑椒既香味彌補番包既不足😀🥯<摩卡咖啡麻糬bagel/$32>摩卡咖啡味好香濃 麻糬同餡料既比例岩岩好 食落每一啖都係豐滿既餡料 又係一個唔會hea你既份量 但包既質感就略微硬身咗少少 如果軟身多少少會更好🥲🥯<花生黃豆粉麻糬 bagel/$30>滿滿既黃豆粉鋪滿bagel表面 包既質感比上面兩款軟熟 餡料亦俾得好足 咬落每一啖都係花生同麻糬 花生味好香同黃豆粉好夾 感覺好似食緊某牌子既湯圓一樣😂😂好滿足………………………………………………………………………📮 玖拾烘焙 (新蒲崗)新蒲崗景福街63號地舖…查看更多

疫情令到大家困係香港咁耐只可以去食唔同地方嘅嘢食慰藉下心靈，我同朋友都好掛住台灣所以揀左食台灣野解下鄉愁☺️作為openrice中毒者嘅我早排loop到呢間餐廳嘅蛋餅完全吸引左我呢個蛋餅控，所以「老厝邊」就係我地今次目標啦😁呢度分上下兩層，水泥牆配合台灣老風格海報，成件事幾有現代復古感，但疫情關係我地無得現實食只可以買外賣，無得好好享受美食+環境呢個full package了😆😆我地落單時本身雄心壯志😂但店員姐姐提醒我地份量好大，所以最後order左一個主食兩個小食加野飲，結果就係飽到晚餐都要延後食先消化得到 😂😂小食方面order左今次最大目標超濃芋泥蛋餅同古早味滷排骨，主食就叫左祕製麻辣三寶麵，飲品就揀左古早味冬瓜茶同蜂蜜檸檬愛玉😃🍽<超濃芋泥蛋餅/$40>個人好鍾愛芋泥同蛋餅，有呢個組合嘅野必點，入面餡料係芋泥同芝士嘅搭配，呢度芋泥無加太多額外嘅糖專注番本身嘅原味道，應該為左突出番芋泥嘅味道所以芝士都揀左較淡味嘅做搭配，一啖食落非常滿足☺️蛋餅有跟個台灣醬膏，本身蛋餅比較清淡，點埋醬膏食都唔會太邪惡🤤👍🏻🍽<古早味滷排骨/$36>食肉獸另一個小食就揀左排骨😃呢度做法係炸完再加滷汁係上面，犀利之處係無得即刻食都仲做到脆身效果，炸衣好薄身食落無炸物嘅厚重感，滷汁唔太似平時台式滷味嘅味道比較似醬膏個type，但我同朋友都唔太知古早味係指做法定調味，有無人可以留言我地知呢？😆🍽<秘製麻辣牛三寶麵/$82>主菜嘅秘製麻辣三寶麵無論味道份量都好驚豔我地🤩🤩三寶有牛肚，牛展，牛筋。其他配料有酸菜紅蘿蔔同蘿蔔，三寶每一款都有三大舊，名符其實嘅「三」寶，每樣材料都好入味，牛肚軟腍牛展嫩滑牛筋腍爽，湯底係好有誠意嘅麻辣，香辣唔死辣亦唔會好似坊間嘅聲稱麻辣但稀淡如水嘅湯底(唔準對號入座啊😆)，麵身方面我地去到可以開餐嘅地方起碼10分鐘後都仲係煙韌有咬口👍🏻🥤<古早味冬瓜茶/$18>食完邪惡一系列，我揀左冬瓜茶去消消滯，姐姐有稍為幫我減左甜(全減就無哂味架啦😃) ，飲落幾清爽🤤🥤<蜂蜜檸檬愛玉/$22>至於蜂蜜檸檬愛玉飲落有淡淡既蜂蜜甜味，中和番檸檬既酸☺️mix埋酸酸甜甜咁都令我胃口大開🤤夾埋口感Q彈既愛玉一齊飲，口感更加豐富🤤🤤建議大家食呢間可以外賣番屋企一家人開心share🤤味道同份量相信都會令大家身心滿足👍🏻☺️…查看更多

🍽<蔥炸雞$108+甜辣炸雞$93(半半炸雞)>岩岩上枱既時候以為佢俾錯全份炸雞😂原來係兩隻味分咗兩小籃 但個分量都不容忽視😂😂蔥炸雞🍗鐘意食蔥既我 睇menu嗰陣已經俾張圖吸引到🤤🤤炸雞上面淋上酸酸甜甜嘅汁 食落個感覺幾清新，酸甜汁去咗油膩感 食落冇咁滯😋😋再加上炸雞面鋪上滿滿既蔥絲，夾埋一齊食成個口感豐富曬🤤🤤下次有機會再食一定會再叫😆🌶甜辣炸雞🍗甜辣炸雞係韓國炸雞既代表🍗所以不得不嘗試一下😋炸雞身沾滿甜甜辣辣既醬 食落個感覺幾惹味👍🏻佢呢隻汁唔會太甜亦唔算太辣 迎合到大眾嘅口味 而且肉質多汁結實 不錯不錯～🍽🌶<芝士辣海鮮炒年糕/$158>呢個勁岩芝士控order啊，完全係芝士放題，趁熱食係可以瘋狂拉絲～🤤主體係年糕搭配烏冬再配青口同蝦，亦有椰菜伴炒無咁滯可以refresh下口腔調味係比較甜辣，唔會要瘋狂飲水解辣嘅情況出現，份量上真係好大兜，建議order完呢兜可以叫多碟炸雞份量上就岩岩好～😋👍🏻🍽🌶<韓式辣豬手/$188>本人偏好有骨嘅豬手，見到李家有就馬上落單了，幾年前食過李家嘅雞腳，個陣係辣到被逼放棄，今日豬手上枱個心有少少驚因為同當年雞腳嘅顏色一樣，但今次又ok一啲唔死辣口感煙韌🤤🤤係份量少左啲啲唔夠喉可以再多少少就好了。炒年糕係甜辣，豬手係香辣，好難得有韓國餐廳唔係一款辣味走天涯，每樣菜式嘅辣味都有調整過味道。😃疫情關係見到餐廳都比較少客，作為香港韓式炸雞元祖級餐廳keep到水準又有自己特色，希望大家多啲支持啊💪…查看更多

-前排某知名雪糕牌子賣新嘢個時應該唔少人想試奈何名額有限，而家葵廣呢間新鋪Something Cool有得賣，大家唔洗排餐傻又有得食好味甜品啦而且更多選擇價錢更加相宜～ 呢度唔止有雪糕漢堡，仲有雪糕三文治，雪糕班戟同雪糕菠蘿包（但今日未番貨唯有下次再試），完全係雪糕控嘅天堂😋😋鋪頭亦有提供炸物選擇，大家可以鹹甜一齊食～ Something Cool嘅落單方式係先揀包再揀雪糕味道最後加埋配料~~🍔<雪糕漢堡 $35>我地今日揀左漢堡包配士多啤梨醬同雪糕加綿花糖呢度係用漢堡包夾住雪糕同配料再用熱壓方式整成，op top會再加蜜糖，整體配合得好好唔會有過甜嘅情況，漢堡整體仲keep到脆身效果唔會因為雪糕而淋哂，士多啤梨醬同雪糕無預想中咁甜，所以就算op top dressing有蜜糖都唔會過甜，兩者好夾，綿花糖嘅存在有少少類似mochi嘅效果，一份其實幾大個建議大家同朋友share食可以試多啲其他嘢～🍽<炸魷魚鬚 $25>魷魚鬚份量適中，每件魷魚都好厚肉，食落口感都好豐富😋😋而且唔需要點醬食都好夠味👍🏻但外層塊炸皮硬咗少少🤏🏻如果炸既時間剛剛好就完美了🤤🤤🥤<黑牛 $30>呢杯代表懷舊港式茶餐廳先有既飲品 冇諗過嚟到葵廣都可以品嘗到🤤🤤朱古力雪糕上面淋上朱古力醬 mix埋可樂飲 本身以為朱古力雪糕係普通朱古力冇咩料既雪糕嚟 點知飲落口入面充滿住一粒粒既朱古力 口感好滿足😋😋………………………………………………………………………………📮葵芳葵涌廣場3樓3069室T28號舖Opening hours:Mon-Sun 1200-2100#hkfoodie #hkig #hkfood #hkigdaily #hkfoodpic #hkfoodblogger #hkfoodblog #hkfoodlover #foodie #foodphotography #food #foodstagram #foodlove #hkstyle #relax #happiness …查看更多

喺油麻地同朋友行行吓街路過呢間好出名食布甸麵包既舖☺️☺️☺️因為係平日😃所以見到條隊唔多人 二話不說即刻走去排 但去到得番最後一個 好好彩都俾我哋買到🤤🤤🥖<布甸麵包/$15>拎上手己經聞到好香蛋味😆咬落去蛋漿到流晒出嚟 好好食🤤🤤但麵包食落就有啲嚼口 建議拎番屋企用焗爐焗一焗會更加香脆好味😋😋…………………………………………………………………………….📮嘉多利天然酵母手作麵包店油麻地碧街54號地舖…查看更多

臨緊年尾,放工約咗朋友去食我哋都好鍾意食既雞翼🤤🤤所以就嚟咗以雞翼為主打既「Wingman」。呢間係位於中環祥興商業大廈,餐廳座位唔多 建議大家去食之前要訂枱😃 野食方面我哋就叫咗個🍽<「咯咯拼盤」/$268>佢包括有三種口味 有18隻雞翼同一款配菜揀🤤而我哋就揀咗以下三種口味☺️ 首先係比較少見到嘅咖啡香味雞翼,有淡淡嘅咖啡香味並且肉質鮮嫩多汁,大家下次有機會黎度絕對可以一試😆😆第二係芝士蒜香雞翼,一嚟到已經聞到好香蒜香味,而且食落芝士味好濃郁,肉質唔會好乾之餘 食落仲有肉汁🤤但我同朋友比較貪心,如果額外多兜芝士醬就完美啦🤗 第三係新加坡辣蟹味,見佢餐牌寫🔥🔥以為會有一定既辣度,點知食落係甜甜辣辣 有炸蒜令到雞翼好香 肉質保持鮮嫩好好味🤤🤤淨係食雞翼好似差咁啲，所以我地點左配菜refresh一下口腔～點左烤麵鼓茄子(Roasted Miso Eggplant),茄子先炸再配miso sauce烤製而成 ,搭配新穎～如果有多🤏🤏汁就更好 🍻至於飲品方面,我地分別叫咗熱情果cocktail(Passion Fruit Calpiroska)同Asahi啤酒(Asahi Draught(Japan))😆 🍹熱情果cocktail(Passion Fruit Calpiroska)個底有濃濃既熱情果 飲落有滿滿熱情果粒 口感非常豐富😆 🍺Asahi不用多說,啤酒配雞翼是一流的🤤🤤 ⭐️如果想同朋友飲酒傾計既話,建議大家叫任食雞翼放題$350pp,因為包埋任飲酒可以慢慢傾chill住食啊～…查看更多

前幾日同朋友食pre Christmas dinner~揀左想再試嘅The Salted Pig去celebrate🥳🥳黎左西灣河分店，環境係碼頭隔離，同系列嘅The Blind Pig係隔離，分左d人流走變相座得舒服左，餐廳有分室內同室外位，室外就可以食煙 ，但室外位置較偏僻，唔洗擔心有煙味會吹入室內位，我地成晚勁chill咁食呢餐~野食方面我地order左烤原個芝士椰菜花+西班牙海鮮飯+招牌德國鹹豬手🍴飲品就order左Sea Breeze+Strawberry Daiquiri😃🍽<烤原個芝士椰菜花/$118>一上枱就俾佢驚艷到😋嚟到聞落好香芝士味,切開椰菜花 雖然望落冇乜特別 但加埋香而不膩既芝士醬食 超好味🤤🤤建議可以將其他餸菜點汁食 口感勁豐富🤤🤤😋🍽<西班牙海鮮飯/$228>原本以為個飯會係炒飯嘅質感，但The Salted Pig嘅做法係Risotto偏乾身嘅感覺🤤雖然未有機會試過正宗西班牙海鮮飯，但今次呢個飯正中我地紅心😋唔會有一般Risotto太水嘅感覺，亦無一般炒飯嘅痴牙感，just perfect! 講完主角講下配角，配菜用料豐富亦大方，尤其係蝦，大大隻啖啖肉勁滿足~但建議唔食青豆嘅朋友仔搵個會陪你ko青豆嘅朋友一齊去會好d😆🍽<招牌德國鹹豬手/$308>呢個豬手推翻哂我以前食鹹豬手嘅疑惑感! 建議大家黎一定要試一次😋個豬手上到枱嚇親我地,明明話兩人份點解四人份咁架！😆本身有少少擔心會唔會食唔哂個豬手,但食完第一啖就知個餐ko佢無難道，, thanks 因為真係好好食😋豬手調味同烤焗都做得好出色，唔會有過鹹或者過硬嘅問題,以往食德國鹹豬手都會有豬手皮過硬，味同嚼蠟嘅感覺，但呢個豬手就算食到後面放涼左都仲係脆身嘅👍🏻👍🏻本身豬手配左烤薯、酸菜同mustard seed cream sauce.酸菜個人認為味道較淡可以再酸d😆烤薯軟腍無額外調味，我同朋友發明左新食法，就係將烤薯mix埋椰菜花既芝士醬食，芝士加薯仔係最完美嘅搭配🤤🤤🍹<Sea Breeze/$78>[伏特加,紅莓汁,西柚汁］-味道酸酸甜甜 容易入口 就算平時少飲酒嘅朋友都容易接受😃🍹<Strawberry Daiquiri/$78>[士多啤梨沙冰帶奇利,冧酒］-士多啤梨既甜酸味幾突出 杯邊痴滿糖 飲既時候連埋杯邊既糖一齊飲 中和番佢既酸味 好好飲🤤如果大家聖誕節諗唔到同朋友或男/女朋友去邊度慶祝 嚟呢到都係個唔錯既選擇😆…查看更多

天氣凍 BBQ 癮發作 所以今日就嚟燒嘢食止下癮🤤🤤我哋揀咗位於大尾督既巴希雅海灣重慶燒烤(大埔)🏖呢到既交通極方便🚏可以搭巴士或者小巴嚟 而且落車只要行1分鐘就到☺️佢啲食物都包羅萬有😆第一樣試嘅就係羊架，羊加通常燒完會有一陣羊羶味🍖呢度冇之餘 肉質仲好鮮嫩 非常好食😋想試下食羊又驚羶嘅朋友仔不妨一試另外佢有個特別既串燒🍢就係好少見到既腐皮串 冇諗過拎佢嚟燒野食又格外好食☺️口感幾特別🤤🤤🍖肉類方面金沙骨調味惹味🔥🤤可以同朋友share一舊試下😛豬扒多汁嫩滑🥩無坊間咬完一啖要撩幾次牙嘅感覺😂雞扒有用沙嗲醃製調味夠肉質又juicy☺️☺️雞中翼大大隻好抵食😋幾驚喜重慶燒烤有雞全翼食，夠哂大隻肉又厚身而且juicy，贏過哂咁多間便利店，食完勁滿足🤤🤤🤤，3款雞建議大家揀雞全翼，留qouta試更多d其他嘢！！至於肉類串燒方面🍢牛串燒有牛味細細舊，每人幾串都唔驚食多左😋建議食牛嘅qouta留哂俾牛串燒 ！！雞腎雞軟骨串就中規中矩😃燒個陣要注意火喉避免燒太乾。食埋其他串燒覺得龍蝦芝士丸幾特別，係長條形狀，食個陣小心辣嘴🤭🤭🤭 香腸我地學隔離枱開腸落辣粉幾好味有驚喜！😋到最後菜類都係串燒形式咁上🍢洋蔥呈現波棒糖形狀🍭燒到糖色時超靚而且有蔬菜獨有嘅juicy，絕對要encore ~! 呢度茄子壓場感十足係原條上嘅🍆大家可以一展串燒師傅嘅天份😂😂 粟米就斬件上，清甜爽脆，都係要encore之作😋其他蔬菜類就不過不失，勝在夠新鮮～最後最特別嘅係燒香蕉🍌喺香港好少見燒烤場有得食 感覺好特別之餘 味道都唔錯 配埋朱古力醬同焦糖醬 非常好食😋🔥P.S.佢個爐勁燒得，食左4粒鐘無換過碳都係燒得好慶～…查看更多