crazypinky's Profile

疫情持左續咁耐，幾年無得旅行真係好苦悶，唯有平時周圍食野以解相思之苦。平時都係食西、日、韓、泰多，今次老公話想食馬來西亞野。喺香港，馬拉菜唔算多，仲要好食嘅真係要好有心機揾，朋友介紹蘇媽，即刻叮一聲，呢間想食好耐，礙於店鋪位置都幾遠所以一直無去，咁啱前排沙田開左分店就啱晒啦我未去過其他分店，唔知係咪裝修都咁有特式，牆上掛左4款招牌肉骨茶字畫，咁啱我地頭上果幅係肉骨茶一字骨，我地就叫左呢款肉骨茶好足料，4大舊一字骨，肉好入味又唔鞋，配料都好足，成個湯好重藥膳味，足夠2-3人飲我好鍾意食叻沙，呢個椰香咖喱叻沙麵就啱晒我，麵底揀左掛汁嘅滲滲，而我最鍾意食嘅係豆腐卜，咬落去滿口湯汁，好刺激胃口另外，仲叫左蝦米醬炒鮮魷通菜，嗜辣嘅我地覺得呢碟餸超香辣惹味，淡淡蝦米醬唔會太咸，鮮魷炒得唔老，好嫩口最後飲品我梗係揀榴連沙冰，仲要係貓山王黎架，全杯都係果肉打冰，好似食左成個貓山王咁老公就飲馬拉熱奶茶，老公話唔錯，夠茶味又滑，不過都係爭d，我話爭左個地點同心情啫😂咁耐無坐飛機，唯由靠蘇媽帶我地返去沙巴同浮羅交怡…Read More

收工去左何文田睇中醫，睇完就揾下午茶食。呢頭唔熟路，開個app睇下有咩好野食。而家食野通常都揾志同道合嘅食肆，揾到間車仔麵啱晒咀型，一於去試車仔麵我必食大腸，呢度竟然有酸齋添，一定要食啦大腸洗得乾淨，鹵得夠入味，軟身又易咬，超讚👍🏽酸齋都唔錯，酸酸甜甜中和左個湯嘅濃味呢間車仔麵真係唔錯！…Read More

呢排嘅香港灰到核爆，連煮飯都無咩心情，於是老公就話雖然疫情仲未完，都出去食下飯放鬆一下啦呢間鋪係舊區黎講都幾新穎，主打慢煮，仲有手工啤酒，所以都吸引左好多年輕人黎食野輕食拼盤拼盤有雞翼、 薯條、 炸蝦、炸蠔、芝士條及洋蔥圈抵食! 佐酒小食, 全部唔油膩, 洋蔥圈、薯條、芝士條脆口, 雞翼夠乾身芝士溫泉蛋大啡菇溫泉蛋剛剛好流心, 大啡菇夠厚身, 好JUICY, 配合表面剛溶的芝士, 好好味!牛油燒虎蝦有陣陣牛油香味的肉厚虎蝦, 蝦肉嫩夠乾身三重蝦薄餅表面有櫻花蝦作點綴, 薄餅餅底夠薄鬆脆, 薄餅面有彈牙的鮮蝦加上半溶芝士, 香味十足法式油封鴨脾鴨脾內裡特別柔軟和嬌嫩, 一口咬落沒有一點油膩感覺我飲嘅係是日手工啤酒，帶蘋果味，甜甜地好好入口老公嘅啤酒麥味較輕，無咁苦，但又唔會太淡口…Read More

疫情問題，同班friend好耐無見，限聚令情況下，精心挑選左3個見下面🤣呢間食肆原本好chill，嘆住酒吹水真係好享受，而且仲有室外座位，吹住涼風嘆酒真係無得輸黑松露忌廉汁焗肉丸味道算OK, 好濃郁黑松露味!龍蝦濃湯配芝士酥皮條有龍蝦肉的濃湯, 芝士酥皮條好脆口生蠔拼盤由淡到濃味, 先是大大隻的美國蠔, 之後日本, 最後是法國, 都是法國蠔最FRESH 最好味最有爽口質感燒澳洲羊架羊架內裡特別柔軟和嬌嫩, 一口咬落去有少許血腥味、肉汁和肉香交織在咀裡, 沒有一點油膩感覺US Rib Eye(14oz)有牛味少許韌算OK, 不過羊架好味D!西班牙海鮮飯從生米慢慢熬煮吸收唒海鮮高湯的鮮甜味, 配豐富的海鮮配料, 有蝦、蜆、魷魚、青口等…賣相與味道挺不錯Sangria我好鍾意飲水果酒，容易入口，有水果新鮮同果甜，好啱女仔吹水時飲…Read More

最近受疫情影響，市道消費非常差，要穩得住腳除左質素、味道，仲要有良心成間鋪頭充滿香港人嘅祝福同盼望小龍蝦蟹子沙律伴紫菜包起一齊食, 爽口清新, 有助提高食慾豚骨拉麵推介先喝下一半濃郁的豚骨湯, 再加上桌上的拉麵汁與蒜蓉一起享用拉麵更是滋味無窮!有黑木耳絲的健康爽口口感, 加上嫩滑流心溏心蛋, 沒有一點油膩感覺的豚肉, 彈牙煙韌的幼拉麵, 正!香脆的日式煎餃子內餡肉汁豐盈, 外皮煎得香脆可口, 皮身厚度適中櫻花蝦加味噌豚骨湯底, 甚是滋味, 濃郁的湯底有櫻花蝦味, 豚肉內裡啖啖的嫩滑, 濃郁香醇的味噌豚骨湯底完全融合在軟硬適中的拉麵上, 拉麵完完全全吸收哂香醇的湯汁, 簡直是完美配搭係現今咁差嘅市道，仍然表明立場，不為五斗米折腰，唔係人人都有呢股傲氣，尊敬！…Read More

上星期去cafe同老公撐枱腳，見到樓上仲有一間cafe好似都唔錯，今日又去試下先呢到裝修都唔錯，好多旅遊書睇，又有boardgame玩，不過而家非常時期就暫停供應我地叫左個2人set，有小食，主菜，甜品飲品芝士肉醬焗大蘑菇大蘑菇厚肉多汁, 配搭香味濃郁的肉醬, 再加上溶化的芝士, 芝士的味道很香醇濃厚, 鹹中帶點甜味, 豐富又好吃德國鹹豬手配薯角鹹豬手外層彈牙煙韌, 內裡肉質紮實嫩滑, 而不覺乾、柴, 咸香惹味, 既沒有豬手的肥膩感, 食完也沒有要減肥的罪惡感自家制黑松露燒春雞配薯蓉雞外皮薄香脆有少許黑松露味, 切開入面剛剛熟, 所以肉質肥美鮮嫩多汁, 薯蓉有加忌廉令其香甜可口, 綿密香滑鬆軟越食越想食朱古力曲奇芝士餅朱古力味都幾濃唔算太苦, 芝士餅甜膩中帶點芝士獨有的鹹鮮, 令人回味提拉米蘇鬆軟蛋糕加幼滑忌廉, 每層口感都好豐富西班牙咖啡面層雪糕的幼滑香甜慢慢溶化在下層濃郁的咖啡中, 口感非常水蜜桃洛神花釀清甜水蜜桃加上洛神花微酸，正好消除主菜油膩…Read More

呢排病毒肆虐，出街食飯都變成高危活動，但日日係屋企食到都唔知煮咩好，唯有揾間清靜，人少少嘅cafe食下野，放鬆一下啦脆炸芝士蝦球 用吉列方法將芝士蝦球炸至脆卜卜, 吃時外層酥化、內裡芝士融化, 配以彈牙嫩滑的蝦球, 口感非常焗自家製芝士肉醬意粉意大利粉的軟硬度適中, 意大利粉的熱力剛好混與香濃的芝士肉醬上, 吃時口感更為細膩綿密, 自家製芝士味濃, 在口中縈繞不散日式咖哩豬扒飯表面炸粉炸得非常之咁鬆化香脆, 豬扒肉質彈牙嫩滑, 香口得來唔太熱氣, 加上日式咖哩的香甜, 簡直是完美配搭右邊係法式焦糖燉蛋這是一味用西式方法整的中式燉蛋, 蛋黃,忌廉再加上焦糖面, 蛋黃忌廉令質感更滑更軟綿, 像豆腐般軟嫩, 有濃濃的蛋味, 燉蛋最上層那薄薄的脆皮焦糖是精華所在, 吃時有一點點的燒焦的焦糖香, 正!左邊係蛋白燉鮮奶滋味嫩滑帶有奶香, 口感相當獨特…Read More

年尾公司真係忙到一頭煙，連續幾晚OT，今晚終於唔使，要揾個地方好好放鬆一下，係openrice揾到有間酒吧又有串燒，一於試下燒羊架,燒完沒有羊羶味, 表面乾身, 內裡還有肉汁, 由於燒過將多餘的油份逼出, 沒有油膩感, 配上薄荷醬, 有種清新的香氣燒牛舌，口感細膩, 非常爽脆, 邊嚼邊從口腔裡發出絲絲牛味, 牙齒像玩跳彈床一般香蒜蔥花廣島蠔，蠔味濃厚, 口感軟滑可口, 吃後口中仍留有陣陣蒜味與蠔味, 味道縈繞不散燒大啡菇，肥而厚身鮮甜多汁, 食落口感豐富培根蘆筍卷，培根肉本身是肥瘦相間的, 加上蘆筍的鮮嫩, 清爽不膩, (建議可以再燒焦一點培根表面, 令其更香口一些)雞翼釀肉，雞翼起骨後釀左菜同肉係裡面，口感豐富之餘無釀飯咁飽滯雞肉軟骨棒，雞肉加上雞軟骨碎, 使其更有咬口, 拌醬汁是蛋汁, 令到有咬口的雞肉軟骨棒嫩滑不少燒雞軟骨，比較普通，好在唔會太乾身燒菠蘿，老公最愛，燒得都唔錯，表面有少少乾，但內裡仍然濕潤，酸酸甜甜好開胃SNOWBALL甜甜地易入口, 酒精濃度偏低, 適合較少喝酒的女仕呢到食物飲品質素理想, 啱晒三五知己吹水！…Read More

麻辣火鍋係台灣成行成市，香港近年興起，但味道始終唔及台灣，可能因為要迎合香港人，大多數經過改良。今日食呢間，以前係台北食過一次，第一次食鴨血，亦癲覆我想像，當知道香港都開左一間，即刻要去過下口癮。一坐低侍應好有禮貌同細心介紹水蜜桃茶嘅飲法，聞落真係充滿水蜜桃味，入口淡淡清香，啱晒食麻辣火鍋解油膩我地揀左鴛鴦湯底，酸菜白肉酸酸咪咪好開胃，白肉仲好嫩滑，酸菜可以無限加，裡面仲有d粉條好入味。麻辣湯底我地食中辣剛剛好，鴨血好滑，一d腥羶味都無，非常好食，而且同豆腐都係無限加，我地食鴨血仲多過其他火鍋料呢3樣炸物，響鈴最普通；老油條未落鍋前感覺硬掘掘，好似擺左好耐咁，但落左鍋一陣先食，外皮變得脆卜卜，有驚喜；最後好大卷果舊係豆皮，要浸係個鍋到淋晒先食，索晒d湯，好惹味呢碟牛小排一上枱大家急不及待去夾，侍應即刻同我地講4-6秒就夠，啱啱變粉紅色就食得，我地跟指示做，果然好食，好嫩，入口咬兩下已經吞得，好正，如果淥酸菜湯底再點酸菜沾醬，肉味更鮮鹵大腸侍應話同麻辣湯最夾，我地就梗係聽話啦，果然淥左好耐都唔會淋晒，仲充滿麻辣味，好好食我地火鍋配料叫得唔多，因為食鴨血都食飽，侍應仲一d都唔吝嗇，幫我地加左好多次，而且服務態度非常好，其中一個台灣人每次幫我地服務完都會鞠一下躬先走，搞到我地都唔好意思…Read More

馬鞍山係出名嘅美食沙漠，揾好野食一d都唔易，最近開左一間新餐廳，於是同老公去試下。呢到坐得幾舒服，座位之間唔迫，呢個signature wall好eye catching我地叫左兩個晚餐，我飲龍蝦湯，味道無出面嘅濃，老公飲嘅蕃茄湯帶微酸，佢話開胃脆炸軟殼蟹墨汁意粉，軟殼蟹炸得好脆，擺係意粉上面，好似係佢自己爬上去咁😂墨汁意粉無出面嘅咁多汁，我覺得剛剛好，唔會食到個咀污糟邋遢另一個main course係威靈頓牛柳，煮法有少少唔同，係用酥皮成件牛柳而唔係傳統嘅卷狀，起初以為份量咁少，但連埋配菜同薯蓉，份量啱啱好。酥皮一層層好鬆化，唔油膩；牛柳7成熟唔韌無打渣，牛柳本身無調味，夾埋有味嘅酥皮一齊食就啱啱好除左食物，另外值得讚嘅係餐廳侍應，個個都好好笑容，會觀察顧客及主動提供所需，好難得👍🏽…Read More

風摩大陸香港嘅芝士茶飲品，其實唔係得一間做得好，唔係好明點解要排成9個字買一杯野飲🤷🏾‍♀️尖沙咀加連威老道就發掘到一間小店有特式茶飲原先係比呢個corner位吸引住，咪以為有得坐，其實係迷你模型，兩隻狗仔好梳夫咁訓係到，好別緻，就咁係到買左杯野飲天氣熱，買左急不及待即刻飲，飲左半杯先記得影相，朝露清香味啖，配合濃濃芝士真係好夾所以話民間小店有時比連鎖店做得更好，羊群效應就會失去好多意想不到嘅驚喜…Read More

到底buffet控為左食buffet可以去到幾盡？就係當沙田烽煙四起時，仍然要留守等入座。2+2cafe好多年前啱啱出黎做野食過一次，果時咩都唔識，見到自助餐就兩眼發光，中西日甜品有齊，想食咩就食咩，非常滿足。直至大個左，見識多左，知道buffet唔只講款式，仲要講排場，質素，服務，賣點。今次再食2+2，排場明顯屬精品格局，款式唔多，數量唔多，連做緊嘅沖繩祭，燒牛都要瑟縮一角，但座位好多，都幾搞笑。基本大路菜式係有嘅，但質素就有好大進步空間。生蠔只得美國一款，即開都算洗得乾淨，新鮮，一貫美國蠔特色，厚肉但無鮮甜味，滿足重量唔重質就啱晒壽司同刺身都係普通，三文魚唔肥美，連鎖壽司點比佢好鐵板燒龍蝦係我較為欣賞，燒得唔會亁爭爭，食落juicy，肉質彈牙，醬汁有兩款揀，柚子蛋黃醬同我鍾意嘅鵝肝蛋黃醬冷盤海鮮睇相都知有幾豐富，我淨係食左一隻蟹腳，細隻唔在講，仲要無咩味，所以連其他果d我都無試甜品反而比較多選擇，亦比熟食出色；糯米茲嘅食法都幾特別，用本身無味嘅糯米茲突顯抹茶嘅清淡同少少苦嘅oreo，可以一試總括黎講，呢到明顯唔係高級，但味道又唔算差，務求達到基本要求就算，如果唔係有優惠，原價我真係覺得唔值。…Read More

屯門對我黎講真係同返深圳無分別，如果唔係有特別野做真係唔會入去。黎到陌生嘅地方，諗住食集團式食肆會穩陣，點知中晒伏。豬潤牛肉淮生麵配胡椒味菜魚湯，一味得胡椒辣味，一d都唔似魚湯底，豬潤老到打渣，牛肉就普通，無牛味，淮生麵煙煙韌韌幾好味小食-炸腐皮魚角，啱啱炸起好香口，但極少魚肉，咬一啖成口油，好肥膩呢杯凍金桔蜜真係飲到想爆粗，第一啖仲啖過水，以為要搞勻先飲，但永遠搞唔勻，由底飲就甜到漏，都唔知應該要點飲呢間野真係不可一不可再…Read More

收工同同事食宵夜，因為無食晚餐，所以去到食肆已經非常肚餓，侍應哥哥提議我地食海鮮+半隻雞，就咁話啦。前菜叫左個尖椒皮蛋同冰鎮八爪魚，皮蛋麻麻辣辣好正，八爪魚處理得好好，夠晒爽，唔係冧同梅雞煲非常足料，鮑魚，蝦，蜆，樣樣齊，哥哥仔提失地先食海鮮，剛剛好熟唔好韌。我最鍾意個雞煲嘅汁，有少少甜甜地，同事話食到南乳味，我只係覺得好好味🤣，雞唔會煮得過老，加埋個汁真係無得頂除左食物，食肆嘅侍應同老闆會成日同客吹水，攞下客人嘅意見，又會理性傾下社會現況，唔會偏頗任何一面，好有人情世故…Read More

我真係好鍾意打邊爐，成日會周圍去唔同食肆試，今次同媽媽谷聚會，就去高評價嘅倫哥試下，由於人數多所以一早訂左枱，職員好好，提議我預留極力推介嘅温泉雞湯底，我地當然唔會錯過啦一開波食個麻辣雞煲先，有唔同辣度，我地試左小辣同大辣都ok，唔算太辣，值得讚嘅係食完小辣再食大辣時，佢係上另一煲新，而唔係外加係上一煲，咁就唔會再煮時底果層燶晒。食雞煲時就上左一蒜茸蒸蟶子，不過不失，因為我沉醉係雞煲中，所以連相都唔記得影食完熟食就黎個刺身，本身係火鍋店對刺身唔會有咩期望，的確呢個刺身並唔高質，但事實又唔差，三文魚幾肥，蝦無雪味同埋唔腥，大家都有d意外食完刺身就開始打邊爐啦，呢個温泉雞湯底外型好得，估唔到內裡仲得，內裡有半隻雞殼淆湯，同埋無諗過裡面會有個冬瓜，飲啖湯仲有好香濃椰香味，完全超出我地預期。當個湯滾起時，得冬瓜裡面嘅湯會起泡，外圍係唔會，所以我明白點解叫「温泉雞湯」啦。侍應教我地易熟嘅食物就放外圍，難熟嘅就放冬瓜裡面相對麻辣湯底就比較遜息，而且咸左少少，所以後期無湯我地都叫侍應加水唔好加湯，但都仲係越食越咸呢碟牛真係無得彈，唔肥唔「鞋」，最可惜係無得任食呢個海鮮盤好豐富，而且都算新鮮唔錯，一開始會有齊咁多款，之後可以再逐樣任點任食，鍾意食海鮮嘅人啱晒，其他任食火鍋料就無咩特別呢到最好就係無時限，任飲類別都幾多，汽水烏龍茶...仲有自家檸檬薏米水侍應服務態度好，好留意客人食嘅進度，主動跟進…Read More