tholea's Profile

喺銅鑼灣帶小朋友搵食，最想搵間餐廳有兒童餐椅，可惜就咁喺openrice 唔係咁易搵到，所以都想寫返篇食評推介俾其他家長！餐廳有自己的木製兒童椅，唔係常見的ikea椅，仲有另一款係一個箱嗰種，再細啲的小朋友都有啱用的！（不過無兒童餐具）平日午市去唔多人，環境闊落舒服放bb車都夠晒位，唔怕阻住人lunch set好豐富，價錢都唔算貴～ 推介all day breakfast！ 好多嘢都可以分俾小朋友食牛油果好新鮮～ 夾埋麵包一齊食一流！餐湯超多料，飲完都飽咗一半沙律食落新鮮，份量比想像中多脆豬手就當然係無得輸，好脆，而且好大隻帶住小朋友的家長可以考慮吓嚟幫襯～…Read More

年初一去買咗碗燒仙草4號外賣，等咗成20分鐘，返到屋企食仲要發現無紅豆我等嗰時前面得2個號碼，我後來見到一張單係一碗甜品+一杯飲品，另一張就2杯飲品，都等咁耐！原因係佢仲有好幾張好大嘅外送單，佔咗勁多人手去處理！我見佢哋忙到收銀都入咗廚房去幫手執單，都廢事去催單，真係公司安排失誤總之好失望，仲愈加愈貴…Read More

喺灣仔海濱玩咗陣，晚上想帶小朋友食飯，又唔想太貴、又唔係太肚餓（但小朋友夠鐘晚餐）剛好搵到呢間餐廳，有飯有小食，價錢又唔太貴入到餐廳竟然有小朋友餐椅同餐具！非常驚喜！其實帶小朋友出街食飯真係想搵間餐廳有呢啲設施，可惜好難查資料，所以特登寫食評推介俾其他家長豆乳雜菌雞肉意粉好食，唔太鹹，味道健康，麵質又唔會太軟，啱小朋友食炸軟殼蟹同埋墨魚咀好脆身，適合送酒，呢個價錢份量唔少！我覺得算抵食～跟餐叫咗水果茶少甜，好香百香果味！（跟餐炒飯）仲叫咗杯蜜柑梅酒，好靚～ 梅酒始終容易係偏重味，飲落蜜柑味唔太出，要飲完嗒落個口先有蜜柑嘅香味～整體非常推介…Read More

午市去無限時火鍋，叫咗鴛鴦鍋，一邊係麻辣牛肉一邊係雜菌麻辣嗰邊真係有啲太鹹，雜菌嗰邊反而驚喜，好鮮甜食材方面都好多選擇同埋新鮮，尤其本日海鮮嗰種蜆幾甜，好食、只係每次order係3粒蜆，想食就要點好多次有骨魚皮係幾特別，鐘意食魚皮的話值得一試，比一般炸魚皮有咬口台式飲品都好大杯，幾開心、飲咗好多甜嘢整體嚟講唔限時係唔錯，環境都好乾淨舒服，但最期待的麻辣湯底因為太鹹就扣咗好多分，有啲失望，應該唔會再嚟了…Read More

週六晚上近8時到店裡想兌換在openrice買的coupon，我已經將畫面開住顯示等店員可以按立刻兌換的頁面點知，年輕的男店員睇咗句，竟然問我「做咩？」聽到佢咁答已經好意外，就同佢講想兌換openrice的coupon男店員再次一臉問號「吓？我唔係好知喎」呢個時候年輕女店員出現，佢哋2個一齊一臉問號⋯再後來疑似女店主出現，先處理到呢張單到女店員繼續處理後續order，就話可以揀一杯飲品。我問請問包邊啲款？佢是但指吓話呢啲都得架⋯我再睇咗陣先加多句，$25以上補返差價就得整個點餐過程都覺得店員唔夠專業，令顧客感到自己被對待的方式像個白目的無知客人一樣，十分不良好等了20分鐘多，終於可以攞一份soufflé pancake。食評來說，味道口感不錯，環境亦是不少少女會喜歡打卡的全粉紅色裝修。但是價位以原價$58來說實在覺得不太值得，加上服務不佳，整個用餐體驗實在一般…Read More

偶然因工作經過新蒲崗，下午茶時間都仲未食晏，就睇吓附近有無啲咩好食。其實經過豆漿大王門口嗰時仲係15/16，因為完睇唔到舖頭裡面係點，會唔會無人幫襯之類。不過，後來聽到經過嘅路人話「呢間舖成日有人排隊買粢飯！」就決定買一個邊行邊食。買咗個$15最基本嘅咸粢飯，等咗約5分鐘。第一口沒餡，糯米夠熱唔會過硬或軟，不錯。之後食到油條部分就認真驚喜！因為即制，油條仲係好脆，是少有嘅質素！！新鮮食，仲係熱同脆口，值得推介一試…Read More

好難得有機會去到上水，終於可以拜訪一下呢間店！記得當日真係超熱，見到店主同店員喺裡面做嘢都好辛苦。（因為我自己喺出面都抺晒汗）由於無堂食，但又覺得漢堡呢啲一定要新鮮整完就食，就企喺店前面食埋先走要咗classic beef burger跟洋蔥圈啲洋蔥圈好脆好熱！要小心辣親旁邊配咗一啲醬係點洋蔥圈（請原諒我唔識學名XD ），雖然唔係好傑身但好好食。後來同店主傾開，佢話係自家調配，混咗蜜糖，所以質感會比較水啲！估唔到呢啲醬都係自家制真係好有heart到重點嘅手打牛肉漢堡，真係好juicy！而且都有肉地，唔會好鬆軟趴趴。同埋裡面啲菜好多，多到塊牛肉喺後面滑出黎XD 真係差啲食到一手都係醬。至於杯凍飲喺熱天真係好救命！一飲落去凍凍地真係好爽~ 仲有啲香料味，飲落個喉嚨都好舒服！p.s 原來open rice個開業時間係錯的，facebook嗰個先喺啱，搞到我查咗一輪。同埋facebook 有menu睇，久唔久有會換季有新款，希望有機會再黎食…Read More

其實是有用餐的，但因為不是評論食物，所以還是用非食評吧。因為有事做，約了朋友晚上10點才在銅鑼灣見面傾傾計。為了不會太少時間，在openrice上見到茶木00:00才關門，起碼有2個鐘時間才光顧。不過原來即使茶木門口都是寫著營業到24:00，實際上23:30前就要走。23:10左右，全店已剩我們一枱客人，其他店員也做好關門的準備。到了23:15左右，店員就來告訴我們23:30會鎖「車立」。結果23:23左右就要走了，因為還要等「車立」。老實說真的有點失預算，既然在該大廈其實不能真的營業到24:00，不如乾脆改為23:15或是23:30吧。…Read More

11點半左右到，無咩人！環境都好舒服，適合朋友傾計～如果一個人坐係度睇住海旁飲杯咖啡都好唔錯，感覺寫意~食物方面無餐，食物和飲品要分開計，但整體黎講價錢都算合理（如果有誠品會員咭仲有9折添！）叫左一客卡邦尼扁意粉伴溫泉蛋$78，加一杯熱skimmed milk mocha $38卡邦尼扁意粉味道濃郁，好creamy，意粉口感都夠彈牙，完全唔會糊。份量都好足，夠晒飽肚！除咗卡邦尼必備嘅煙肉，中間仲加咗少少菇，令到整體加返少少咁多清爽感覺，不過始終都係一款邪惡食物熱mocha朱古力味好濃，有朱古力奶feel，但相對咖啡味唔太出。朋友order了hand drip, 飲落唔會太苦，好香，適合喜歡細味咖啡原味嘅朋友。整體黎講值得推介！（仲有杯可以自己隨時去斟水飲添）…Read More

端午節放假難得地到屯門搵搵朋友，因為好想食韓式炸雞，就上open rice 一search見呢間有好評啲價錢又平，就問下朋友易唔易去，竟然就係佢住嗰頭附近！去到個商場嗰個位都幾冷清，除咗我地，間店都無其他客，見係「立食」就決定外賣！因為得2個人食，所以買咗一份炸雞拼盤$43（3件小鎚，4件甜辣雞球）同埋韓式壽司$27（12小件）雞炸得好脆！但唔會覺得一陣油~ 甜辣醬微辣好惹味！不過我就覺得小鎚嘅雞味重啲好食啲，雞球入面炸粉略嫌食落有點糊糊的口感。韓式壽司都好唔錯，幾爽脆的醃菜，整體又唔會太鹹，面頭有啲芝麻都幾香整體黎講真係好食，而且好抵食！最好嘅係2個人去食都可以食到多啲款式，份量啱啱好！相對好多要近$200一份的韓式炸雞，呢間店嘅價錢同份量更啱小倆口去食呢！…Read More

原本跟著open rice 的map來回在出碼頭往右邊方向搵咗好多次都搵唔到，諗住無緣食到....估唔到因為臨走前決定去另一邊逛下就搵到多多！（想搵嘅朋友仔記得係出碼頭嘅右手邊方向先啱）由於已經臨近收舖，原本$50/2隻芝士蠔/帶子，割價買2隻送1隻！諗住咁抵佢話俾2隻蠔同1隻帶子都好啦，但熊貓朋友話其實想食帶子多啲，就問可唔可以倒轉要2隻帶子。呢個時候老闆霸氣地話「俾多隻帶子佢！我送嘅！食唔晒都係晒架喇！」真係非常感動！又霸氣又好人，真係好有小店風味！而且食落真係好足料勁飽肚又熱辣辣！老闆話好食就叫朋友黎啦！所以真係要即刻上黎留個食評呀！多謝晒！好滿足~(如果早去未賣晒芒果汁，買$50/2隻仲有芒果汁送！）…Read More

其實一開始係為左一試平安包而行入呢條路，估唔到會見到長洲冰滴咖啡呢間店！雖然佢唔係好靚有得閒坐嘅cafe，但佢賣嘅咖啡真係一絕！好香濃又唔會好澀，仲要只係$29，對我黎講真係超值嘅質素！個杯仲係佢地自己手畫，好得意如果受得齋啡的話，強烈建議你飲齋啡，唔加糖同奶，咁先最飲到佢啲咖啡嘅香濃味！…Read More

此店有加一，但沒什麼服務可言店內4個staff,坐下不問的話一杯水也沒有的坐櫃檯的店員則大聲地與店「尾」的員工「隔山交談」。而我坐在店裡約中間的位置，則可聽到店員在用手機開speaker聽音樂...落單時，問店員「是日特飲」是什麼。店員指著食具籃中的紙條，樣子一副「你沒眼看嗎？」的感覺。@@|||結果叫了'野菜牛肉蕃茄粗麵'跟特飲。店員下單後，「呯」一聲把賬單放下，嚇了一小跳。好，正題的食物來了。沙律真是可憐的少，基本上只有一口...日式餃子，現成的口味，沒評論的價值。蕃茄麵，湯底不錯，有熬湯的感覺。裡頭的菜跟牛肉份量不錯，但蕃茄味若能更濃就更好了。蕃茄粗麵能吃得出蕃茄的一點酸味，但因粗身的關係，粉團味還是佔大多數。蕃茄麵整體不過不失。是日特飲，基本上像是在喝罐頭椰果裡的糖水，無欺場，真的像在喝流質版的荔枝椰果啫喱⋯⋯這樣的一餐結果要$69，個人覺得在荃灣這個有這麼多選擇和美食的地方實在有點太貴，CP值不高。如果真的要吃的話，建議不要理會「晚餐」，直接散叫就好了。基本上，我就不會再光顧了。又不算很難吃，所以不會給負評，ok就算了。但吃完只是飽了，不覺滿足。…Read More

原本打算和朋友一行約10人一齊試試呢間事前想book位，但就如其他用家一樣的遭遇，是沒有人聽電話。結果今日就同可以較早放工的朋友先到店去攞位。我們5人約7點到達，當時店內是半空，絕對夠位給我們有餘。但有個staff在門口知道我們是約10人後，staff:「你地幾時齊架？你地會食好耐架? 2-3個鐘? 我地如果有人喺出面等就1個鐘要交枱架喎」我:「吓, 但我地有1至2位朋友8點先會到，其他就到」staff：「 咁你地可能要分開食左先喇咁」基本上如此倒米的回覆，我真係第一次遇到。真心想問，邊有人約朋友出街食飯係會食一個鐘食完同埋係會分開自己食先？咁我唔覺得需要約埋一齊食啦明白生意難做, 但係我地都話等多啲人先入架喇限1個鐘食飯時間, 真係慘過食放題然後該staff完全無打算幫我地諗下辨法或建議我地遲啲入但俾2個鐘之類只係再講左句 「你地食好耐就無辨法喇，無人等就無所謂既，不過有就一個鐘囉」聽完佢咁講即刻無興趣幫襯，結果轉戰左第二間…Read More

由於工作關係，星期六下午和熊貓朋友一起到了對我們來說十分遙遠的馬鞍山。為了不枉此行，當然要覓食一下！2個甜魔在open rice 搜索一番後，決定黎呢間cafe 對於從未踏足馬鞍山的人，呢一間cafe唔算易搵，但尚算方便。而且，因為佢既地點，反而更有一番清靜悠閒既感覺~ 到cafe, order左rose latte, waffle同心太軟。意外地，waffle和心太軟都跟froyo,仲可以選擇一款topping同sauce! 於是我地揀左：抺茶窩夫+藍天味froyo+mochi+焦糖醬心太軟+原味froyo+expresso jelly+朱古力醬先來的是rose latte, 友善的店員示意我到counter後，講左幾次「唔好意思呀，個花拉得唔好！」真係好認真的咖啡店！飲落好香玫瑰味，但又唔會好香精味，有一種優雅的氣氛！看著窗外偶爾才有人經過，是香港難得的寫意感覺~跟住黎既係窩夫原來藍天味係似波子氣水味，我最喜歡的！不過同抺茶就不太對味了，會有一種茶變酸了的錯覺。好彩分開食，各自都係好好味~另一邊廂，Expresso jelly 同抺茶就意外地夾，有飲特色咖啡的感覺！窩夫夠外脆內軟，整體不錯小店又令我地感受到一份貼心，我地慢慢咁食完份窩夫，店員先為我地預備心太軟，唔使怕雪糕溶或焗的食物會變涼。可以真正的一口一口慢慢品嘗，喺平日旺區或排隊店無可能享受到的悠閒！跟住落黎係心太軟好夠朱古力味！而且外層剛好熟，無穿，內裡依然夠流心Froyo夠實，唔快溶，可以慢慢食。不過酸啲就更好食喇！haha 另外mochi無想象中的Q彈，有少少失望呢~終於要離開了，店員笑住同我地講Byebye ,真係一間好有heart的小cafe! 希望再有機會黎啦！===========難得去到馬鞍山，順道去睇日落的吐露港，好靚！…Read More