見呢間有好評啲價錢又平，就問下朋友易唔易去，竟然就係佢住嗰頭附近！
去到個商場嗰個位都幾冷清，除咗我地，間店都無其他客，見係「立食」就決定外賣！
因為得2個人食，所以買咗一份炸雞拼盤$43（3件小鎚，4件甜辣雞球）同埋韓式壽司$27（12小件）
1
雞炸得好脆！但唔會覺得一陣油~ 甜辣醬微辣好惹味！不過我就覺得小鎚嘅雞味重啲好食啲，雞球入面炸粉略嫌食落有點糊糊的口感。
韓式壽司都好唔錯，幾爽脆的醃菜，整體又唔會太鹹，面頭有啲芝麻都幾香
整體黎講真係好食，而且好抵食！最好嘅係2個人去食都可以食到多啲款式，份量啱啱好！相對好多要近$200一份的韓式炸雞，呢間店嘅價錢同份量更啱小倆口去食呢！
