Klaas_tongue's Profile

聽講祥興咖啡室既菠蘿油係最出名, 所以專程去到跑馬地試下係咪真係好食。因為係名店既關係, 假期下午3點幾黎到都要等大約15-20分鐘, 唔算等太耐。入到去, 都唔洗點睇餐牌, 即刻點左菠蘿油, 蛋撻, 奶茶, 同埋佢另一個好多人推介既肥豬餐肉煎蛋菠蘿包。首先，講吓佢嘅菠蘿油，真係做得好出色，係新鮮焗出嚟嘅菠蘿包，面頭個菠蘿皮甜度適中，而且個包好軟但唔會太霖。不過講到最好食，佢個餐肉煎蛋菠蘿包真係必點，午餐肉好厚同埋煎得好香，配埋個煎蛋真係一絕。至於佢個蛋撻，都唔錯，不過可能叫果陣唔係新鮮出爐，個蛋漿再熱啲會好食啲。佢個奶茶都好飲，不過我覺得係正常茶餐廳應該有嘅水準。…Read More

食過幾次呢間港佬車仔麵, 水準都可以保持, 決定寫一寫呢個食評。首先, 這間車仔麵的餸很高質素, 除了多選擇, 車仔都餸既味道都食得出老闆落左好多心機, 係認真煮既車仔餸。推介佢既招牌瑞士汁豬軟骨, 豬軟骨好淋好入味, 瑞士汁同豬軟骨好配搭。之後推介佢個自家製豬肉豆卜, 豆卜好足料, 釀左滿滿既豬肉, 基本上食幾粒都已經夠飽。仲有佢個金紗魚腐, 係我食過幾次都會點既餸, 魚腐多汁, 鮮味十足。除左餸多選擇, 呢間車仔都既麵款都多, 有蕃茄麵, 菠菜麵, 淮山麵, 同埋其他正常車仔麵有賣既麵款。我自己幾鍾意佢個淮山麵。呢間車仔麵雖然店舖細細, 但臥虎藏龍, 食物質素高, 宜家都好少呢啲傳統港式車仔麵, 周街都係大陸既酸菜魚, 川菜, 希望多一啲呢種地道港式餐廳繼續賣港式野食。…Read More

說到中環蘇豪區的餐廳，不得不提這間意大利餐廳小店Acquasala。不論是環境，食物，服務，都是一流的，讓我和友人過了一次很好的正宗意大利菜體驗。當天來到這間餐廳時，門口的兩張露天桌坐着兩個外國人，起初我和友人都以為他們是食客，但我們來到後他們便起來並招呼我們，我們才發現他們是這裏的員工。雖然是星期日，但下午這個時間一個人也沒有。坐在露天位置看了一看菜單，再看看網上食評的推薦，我們便點了餐廳最出名的Roast Beef Japanese Rice, Herb Ravioli, Salmon Avocado Salad, 和Tiramisu。首先說說前菜沙律，雖然看上去沒有什麼特別，但沙律的菜真是很新鮮，而最好食係餐廳佢哋自己醃製的煙三文魚，不會太鹹，但煙燻的香味十分濃，我和友人都十分喜歡這個沙律。至於招牌菜Roast Beef Japanese Rice, 真係做得非常出色, 也不怪得它成為這間餐廳必點的菜式。這個飯是用了日本的珍珠米，牛肉是一片片的和牛，因為是新鮮的關係，牛肉應該是飯快熟的時候才放上去，所以是上枱時, 牛肉還是半生熟狀態。另外這個菜的重點還有面頭上的溫泉蛋，我們在吃之前把蛋, 牛肉和米飯攪拌在一起。一吃落去，可以吃到牛肉是十分鮮甜有肉汁，加上蛋汁真是一絕。而重點還有餐廳自製的醬汁，起初我們不知道是什麼醬汁，只是覺得這個醬汁的味道很特別，在外面沒有吃過。就當我們還在估這個醬汁是什麼的時候，起初坐在露天場的那個外國人走了出來，我們便問他這是什麼醬汁，他說這個醬汁是他們自家用蘋果製的醬汁。後來我們說多兩句，才發現原來他就是這間餐廳的意大利主廚，真是十分驚喜。另外的一個招牌菜，Herb Ravioli，香草意大利雲吞，我自己也覺得做得十分出色，係滿滿的香草和芝士味。鍾意芝士的朋友一定會覺得這個意大利雲吞很好吃。不過友人就一般般芝士，所以這碟我吃了一大半。除咗食物，我們還點了一杯餐廳的招牌雞尾酒試試，是pandan banana old-fashioned。雞尾酒一飲落去係少少甜的香蕉味，飲耐一點會有少少班蘭葉的味道，整體十分順口和清新。坐在餐廳門口，歎着一杯雞尾酒，真是十分寫意。僱主主菜後，我們叫了意大利和這間餐廳最出名的甜品Tiramisu 試試。這個Tiramisu是用了一個咖啡杯裝著，慕絲口感順滑，咖啡和酒味都濃但不會太搶味，底層的蛋糕也好入味，係十分好食。在吃甜品的時候，我們和意大利主廚交流了一番，才了解這間餐廳的老闆是日本人，而他是意大利來的廚師，他自己在意大利，日本和台灣等地方也做過廚師，最後在三年前才來到香港這個餐廳做主廚。這次的意大利菜體驗真是十分難忘，唔單止在置身外國的環境品嚐美食，還認識到餐廳的意大利主廚，真令人十滿足。總括而言，這間餐廳的意大利和日本fusion菜人做得好好，所以我也很推介這間餐廳給大家。…Read More

其實好耐之前都想試這間在荃灣的西餐廳，今次終於可以試到。呢間餐廳喺荃灣都有名氣，所以我哋都早一日book定枱。餐廳不是很大，雖然每張枱嘅間距好細，但座位尚算舒適的。今次同友人二人來到，叫了餐廳的招牌威靈頓牛柳，蘋果金寶伴雲呢拿雪糕，再加一個Parma Ham pizza.首先，說說招牌的威靈頓牛柳，一上枱時，牛柳的外觀也很特別，是一個圓圓的麵包。不知道是不是切法不同，切一半後外面酥皮碎了一碟。這個威靈頓牛柳主要是用酥皮包着滿門黑松露醬的牛柳，吃起來味道很濃，牛柳也很鮮嫩有肉汁，不過酥皮吃多還是有有點膩，可能是牛油的關係，不過味道是好的。至於個parma ham pixza, 相對上好有驚喜。上碟時熱辣辣，個薄餅皮博博的而且好脆，一咬落去成口芝士，再夾住火腿和火箭菜，真係好好食。比起牛扒，我更鍾意這個Pizza。另外也要推介這間餐廳的招牌菜，蘋果金寶倍雲呢拿雪糕。凍凍的雪糕，配上暖暖的肉桂蘋果粒，是一個很好的配搭，也值得大家一試。…Read More

平常寫新餐廳的食評多，突然想寫寫一間由細食到大的懷舊老店。這間新宏利粥店，可說是荃灣一間最具歷史的粥舖，也是我認為最好食的粥舖。這間粥店有好多不同類型的粥賣，例如生魚片粥，艇仔粥，及第粥，牛肉粥等等。但我每次吃這間粥舖也會點我最愛的皮蛋瘦肉粥。這間店的粥特點是綿滑，而且味道鹹香十足，用料份量也十分豐富。除了粥品，它的油器和炸兩也整得很出色。它有提供牛脷酥，油炸鬼，煎堆。而我最愛是它的油炸鬼，是傳統的味道。除了油炸鬼，炸兩也是一流，值得推薦。…Read More

今次聽朋友介紹，來到灣仔這間Boy n Burger試試佢的漢堡。我是平日接近兩點的時間前來，人不算多，不用等位，來到便掃枱上的QR code來點餐。這次我叫了這間餐廳的招牌漢堡Bobby burger配上薯餅粒和汽水。漢堡包即叫即製，點餐後大概等了5分鐘便取餐了。首先說說Bobby Burger，真的是很好吃，是很有肉汁的漢堡扒，而且醬料不會蓋過肉味，還會吃到傳統的酸瓜和芝士片，是很正宗的漢堡包。另外也要說說跟餐的薯餅粒，真的是十分出色。比起薯條，薯餅粒更能吃到薯仔的味道，而且薯餅粒即叫即炸，來到熱辣辣，未食漢堡前我也急不及待吃了一粒品嚐，真的是很好味。不用點茄汁，才是最好味的吃法。另外，餐廳的環境也很漂亮，有一種傳統美式的快餐店裝修。整體感覺也很好，是一間值得推薦的漢堡包店。…Read More

這間強記美食其實已經開了很長時間了，但這次是我第一次食。我也是因為知道這間餐廳已多次獲選米芝蓮，所以決定點都要試一試強記的糯米飯。這次我是夜晚接近9 點時間前來，但也要排左大約10分鐘才入座，我想早一段時間應該要再等耐一點。這次我叫了鴛鴦腸雜錦糯米飯，咖喱魷魚牛柏葉，馬來甜品咋喳。首先說說馳名的糯米飯，一上枱已經聞到很香的味道，而且賣相十分足料。這個糯米飯跟上是一條臘腸和一條潤腸，飯入邊配料有冬菇，蝦米，臘肉，其實還有一些切碎的臘腸和潤腸。這個糯米飯果然是名不虛傳，糯米飯粒粒分明，臘味的油分滲透在飯入面，而且蝦米十足，令成個飯更加香，絕對係米芝蓮水準。至於咖哩魷魚和牛柏頁，都是很有水準。咖哩汁濃郁香辣，但不會太鹹，魷魚和牛柏頁爽脆。另外說說咋喳，它也是十分有水準。咋喳不會很甜，椰汁味濃，用料十足，特別之處是加了西米，有咬口。整體而言是十分出色。…Read More

早前見到這間米芝蓮推介上海小店，又未食過鹹豆漿，決定黎試一試。今次叫左好多人推介的鹹豆漿和粢飯。首先說說粢飯，雖然好大份，肉鬆都好多，但略嫌糯米太硬，而且包得好鬆散，食起來肉鬆油炸鬼糯米飯分開。再來說說鹹豆漿，之前從來沒有吃過鹹豆漿，這是第一次食覺得一般般。不知道是不是正宗的鹹豆漿也是這樣，但我覺得鹹豆漿真是太鹹了，喝一兩啖便不想再喝了，最後吃了半碗便放棄。這次的體驗，可能是因為我沒有吃過鹹豆漿的關係，比我想像中的鹹豆漿有出入，所以有點失望。…Read More

一間很好食的片皮鴨餐廳，環境服務和食物質素都是這間餐的賣點。餐廳座位舒服，雖然餐廳面積不大，但每枱之間間隔十足，十分寬敞。而且餐具都是雲石花紋，好有高級餐廳的感覺。首先說說片皮鴨，它味道和肉質都好好，鴨皮可選連肉或分開，這次我們選連肉上.佢特別之處是鴨會放在保溫盆上，所以溫度可保持，這是很細心的細節。配料也十足，好特別是有山楂條。除左片皮鴨，這次還叫了炒年糕，鍋巴等等，全部整體都好有水準，要嫌的話可能是鍋巴的配料偏鹹。…Read More

今次經朋友介紹, 去到粉嶺雄泰食泰國菜.假日都幾多人排隊, 今行3 人朝早11點幾去等左10分鐘就入座了.今次第一次食雄泰, 叫左佢幾個招牌菜, 泰式海南雞飯, 泰式豬手飯, 泰式豬頸肉飯, 泰式蝦餅.首先講講海南雞飯, 呢個招牌菜一定要試, 海南雞好滑好有味, 唔洗點醬都夠味, 不過點左泰式酸辣醬會仲好味. 食得出雞新鮮煮同佢切得好幼, 食起上黎更方便.佢海南雞好快會賣曬, 每日限量, 筆者食果日12點幾就賣曬海南雞, 好彩一行人都叫到一碟試.至於豬手飯同豬頸肉飯都做得好有水準, 豬手煮得好軟淋, 豬頸肉都唔粗, 重點係點豬頸肉既醬汁調得好好. 有青檸同香草味, 酸酸地係好開胃.最後黎多個小食蝦餅, 呢個都好好食, 新鮮炸出黎既野食永遠都香口好食, 雖然同出面既蝦餅都大同小異, 不過都推介大家點呢個食.最後其實野飲都要推介, 就係佢既椰青奶昔, 好香既椰青味奶昔, 唔會太甜但好濃味, 值得推介, 不過今次唔記得左影相.座位都算闊落, 不過有機會要搭枱, 因為真係好多人食. 但服務都算唔錯, 雖然點菜既都係得兩至三個人. 整體而言係一間可以再食同可以介紹俾人既泰菜餐廳.…Read More

無意中發現呢個中式點心餐廳, 竟然好有驚喜.今次一行三人, 餐廳點心就岩岩好, 佢幾款點心都係3 件為主. 今次試左龍蝦汁墨魚燒賣, 金錢肚腸粉, 一口鹹水角, 羊肚菌燉雞湯, 炒芥蘭, 醬汁鳳爪, 黑金流沙包, 鳳尾蝦多士, 大澳蝦醬鮮魷卷, 紅米腸粉, 拉絲菠蘿包.我個人最推介有幾款, 第一個切點是大澳蝦醬鮮魷卷, 呢個出面好少見有呢個點心, 酥炸春卷皮加上鮮魷, 係點心版椒鹽鮮魷, 但配上大澳蝦醬真係好香.第二款要推介係龍蝦汁墨魚燒賣, 燒賣好鮮嫩滑口, 一咬落去係好多龍蝦汁滴出黎, 超級鮮甜, 亦都係必叫點心之一.之後要推介佢個羊肚菌燉雞湯, 好足料之餘唔會好鹹, 而且好濃既燉雞湯味, 係好味既燉盅.最後佢既紅米腸粉都係餐廳招牌菜, 呢個點心都好有特色. 出面腸粉滑潤, 入面包全脆口既腐皮, 腐皮入面再包上蝦肉, 成個點心層次感十足, 係好有驚喜既點心.佢價錢亦親民, 點菜係手機落單, 非常方便. 座位也舒服, 裝修行新派路線, 好岩約朋友聚會談天.…Read More

見到有新開的台灣外賣料理, 叫了幾份食物去試試, 有牛肉濃湯餃子, 滷水雞翼, 酥炸排骨滷肉飯, 紅燒牛肉麵.首先試了三盛紅燒牛肉麵, 味道不錯, 是傳統台式紅燒牛肉麵, 麵條爽口唔會太淋, 牛肉份量都算多, 有牛腩, 牛丸同牛𦟌. 湯底都好味, 另外佢個濃腸餃子都好食, 餃子肉不會太咸, 有好香既薑味, 好似家庭式的餃子, 不錯的, 配上麵更加好食.至於酥炸排骨, 初初以為是香酥骨, 但原來是炸豬排, 炸豬排不過不失, 正常口感和味道. 而滷肉飯都正常, 似台灣滷肉便當, 不過可能外賣關係, 飯有點冷了.最後滷水雞翼, 我個人就覺得味道可以重味少少, 可以咸多些, 所以雞翼可能不太推薦.整體來說, 這間外賣台式餐廳都不錯, 推薦牛肉麵和水餃. 如果住得近, 外賣自取也十分快的, 今天我下單到攞到食物, 都只係大約15 分鐘.…Read More

環境:餐廳位於中環威靈頓街, 裝修設計似日本餐廳小店, 坐位唔多, 因為中環呢間主要做外賣, 不過平日都好多人食, 午餐時間應該都要等一陣.食物: 作為炊豕店既招牌菜, 蔥油豬扒飯絕對是必點. 豬扒飯即叫即整, 所以上菜時豬扒仲出緊煙. 而豬扒亦都好大塊, 表皮炸得好脆口. 雖然豬扒已經好吸引, 但最吸引係豬扒上面果一堆蔥油, 佢絕對係呢個飯既精髓. 鹹鹹既蔥油, 加上香脆既豬扒, 係會令你好快食完碗飯. 雖然有人會覺得單調, 但簡單既味道先係最好. 唔夠味仲可以加佢秘製豉油.價錢:價錢唔算貴, $60一碗蔥油豬扒飯, 可以另加小食, 不過其實一碗豬扒飯已經好大碗. 所以以$60呢個價錢系中環黎講都算抵食, 呢間絕對推介大家試下.:)…Read More

環境: 呢間新開既馬來西亞茶餐廳, 蘇媽蘇媽, 位於荃灣大壩街, 亦即係荃灣廣場對面, 係繼深水埗後香港第二間分店. 由於算係新開, 假期基本上好多時間都要等位. 除左因爲香港少類似既茶餐廳, 亦都係因為餐廳唔算大. 不過整體設計感觀都好好, 除左有傳統道地馬拉風格, 餐廳抬凳亦都有時尚味道, 係幾精緻既馬來西亞茶餐廳.食物: 今次試左好幾個餐廳招牌菜, 辣死你媽配仁噹牛肉飯, 雞肉沙嗲串燒, 五花腩肉骨茶, 咖央多士等等.首先, 作為招牌菜, 辣死你媽當然要試試. 佢可以選擇配牛肉, 雞肉或參巴魷魚, 今次試左仁噹牛肉. 牛肉香濃入味, 再配埋辣死你媽, 充滿東南亞香料風味. 不過除左肉, 個飯都值得推介, 佢係用椰漿煮, 所以食起黎都好香. 而且配料都好豐富, 佢有d 似印尼傳統菜, 飯會配上蝦片, 炸花生同炸魚仔.另外試左其他小食, 沙嗲雞肉串燒, 五花腩肉骨茶, 咖央多士. 要推介佢個五花腩, 雖然煮法簡單, 但好好食, 清清地但食得出肉既鮮甜味.其實佢仲有好多小食同肉骨茶菜式今次未試到, 要等下次再試多d. 另外, 佢飲品都唔錯, 有馬拉名物白咖啡同班蘭椰汁特飲.價錢:辣死阿媽牛肉飯$50, 串燒$40 3串, 五花腩肉骨茶$30, 其他粉麵都係$30-$40, 價錢個人覺得唔貴, 以佢質素黎講都算值得食, 所以難怪次次黎都要排隊.…Read More

上環 - 《孖沙茶餐廳》環境:上環地鐵站A2 出口行幾鐵分鐘就到, 唔算難搵. 普通茶餐廳格局, 不過伙記同老細服務態度唔錯, 唔似平時茶記d 伙記.食物:孖沙既食物同一般茶記冰室差孖沙招牌菜係叉燒三蛋飯, 據老細講平日中午1:30通常已經賣曬. 今次食唔到叉燒三蛋飯, 試佢個雞翼三蛋飯.其實食物雖然沒有甚麼特別, 不過有時簡單野都好好食, 呢個就係好例子, 三個太陽蛋加三隻煎雞翼, 再加上自家製豉油, 係香港獨有茶記的味道.講到香港味道, 當然唔少得紅豆冰. 孖沙個紅豆冰都不錯, 紅豆份量多和味道都夠甜.價錢:三蛋飯$37, 紅豆冰跟餐加$7, 價錢在中上環區算好平, 如果黎開呢區想平食可以黎呢間地道茶餐廳試試.…Read More