Cheung Hing Coffee Shop

聽講祥興咖啡室既菠蘿油係最出名, 所以專程去到跑馬地試下係咪真係好食。

因為係名店既關係, 假期下午3點幾黎到都要等大約15-20分鐘, 唔算等太耐。

入到去, 都唔洗點睇餐牌, 即刻點左菠蘿油, 蛋撻, 奶茶, 同埋佢另一個好多人推介既肥豬餐肉煎蛋菠蘿包。

2

首先，講吓佢嘅菠蘿油，真係做得好出色，係新鮮焗出嚟嘅菠蘿包，面頭個菠蘿皮甜度適中，而且個包好軟但唔會太霖。不過講到最好食，佢個餐肉煎蛋菠蘿包真係必點，午餐肉好厚同埋煎得好香，配埋個煎蛋真係一絕。

1

至於佢個蛋撻，都唔錯，不過可能叫果陣唔係新鮮出爐，個蛋漿再熱啲會好食啲。

佢個奶茶都好飲，不過我覺得係正常茶餐廳應該有嘅水準。