martin.chan.7796's Profile

好想好想好想食日本野，但唔想再悶悶的只係食壽司於是 就試下呢間 專門食關西名物-串揚的居酒屋 ！食串揚之前，我地都叫左啲好好好正既野！就係 北海道 仙鳳趾生蠔 一上枱 我地就忍唔住哇哇聲 每隻蠔都好肥美 閃閃發光配左微辣的蘿蔔蓉 入口味道層次豐富，而且很鮮甜 亦有海水味的AFTERTASTE買三送一是非常抵食熱氣的炸物之前 叫定啲野飲我就點左柚子梅酒 朋友就點左黑啤偷左少少朋友的黑啤試下我都幾鍾意 比平時生啤更醇厚的味道而梅酒 個人就會喜歡純梅酒多啲到最期待的串揚了！！！！多款串揚入面 我地最鍾意係串揚日本冬菇，串揚帶子三文魚籽睇圖都見到個皮係炸得好薄好脆想講的是，真正食落口 係更過之而無不及比日本當地食的 更出色！而且，冬菇係仲係好JUICY 好多汁 味道很香很濃帶子三文魚籽亦係好出色魚籽逐粒咬落係卜卜聲響，帶子亦都甜甜的味道湧出非常NICE最後，點了黑松露錫紙牛油焗雜菇用來下下熱氣的食落松露味不算太濃烈有點像走到了燒烤時，吃的烤菇，挻有風味…Read More

本來唔係一個西班牙菜的fans 但朋友勁想食 就陪佢試一下啦估唔到咁有驚喜 仲成功加入我的Pocket List 遲啲朋友gathering 一定會推薦呢間🥰餐廳門口簡單得黎又挺搶眼 絕對不會miss左門面一坐低 店員就好熱情推介每日既special offer俾我地都是酒+tapas 很抵 即刻時點了 再慢慢選野食啤酒是Estrelle Damm 好喝得很小食是炸雞軟骨 皮是稍為太厚 但都可以接受Tapas 我點了2款1.八爪魚薄片配酸青瓜，飛魚籽，柚子汁我是超喜歡的 煙韌的八爪魚配很fresh的青瓜再加上酸酸的柚子汁 簡直是人間美食！！大愛！ 我很快變清光整碟2. 燒薯仔，芝士蒜辣醬這款是朋友選的她說薯仔配芝士是完美的絕佳配搭試過後 我都很認同尤其這款芝士醬 帶點蒜香和少許辣混和香香的燒薯仔 真的超有層次和口感西班牙菜 又哪能不點Paella呢？這裡的paella 海鮮非常足料基本上 由頭到尾 每口飯都能搭上一款海鮮海鮮味濃郁 亦完全滲進飯中很不錯！好吃的餐廳 是要試試其甜品也不用多想 必定是點經典的Churros很香脆 中間有啲煙韌最美好的是 朱古力醬是濃味不多甜的黑朱古力醬 不會食食下覺得濟了 不能再食反而讓人情不自禁地再點再食！仲有 中間的肉桂粉 可以讓超愛肉桂的我 多點一些 而不算肉桂愛好者的朋友則吃得淡味點❤️每道菜都很滿意 也不算貴一定會不停再食🤪…Read More

打風後的星期日 忽然很想吃個日式的午餐立即要求另一半 為我選間好吃的這次 他的選擇挺不錯！ 我是滿意的午餐 當然不想吃得太貴啦 百零蚊的套餐 非常可以接受餐廳的裝修是可以的 最好的是 座位挺闊落一點都不擠擁各人點了一客午市套餐前菜有味噌湯，茶碗蒸，和蕃茄/秋葵二選一味道都很不錯，茶碗蒸質地雖然稍欠嫩滑，但味道是很好的！ 秋葵和蕃茄都令人很開胃。我地一個點了一本鰻魚飯定食想不到 超大方的 勁大條鰻魚醬汁很甜 喜甜的朋友啱哂（但對於我來說，就有點太甜了）蛋包飯的蛋煮得很滑，熟度啱啱好 大愛我自己就選左特上六本因為鳥居係重點食串燒的完全冇令人失望！六款串燒包有：冬菇、西京鮎魚、鹽燒牛肉、厚切牛舌、雞翼、蘆筍豬肉卷冬菇咬落很多沖，雞翼皮是脆卜卜的，牛肉牛舌也超好食的！ 蘆筍豬肉卷是我的最愛， 有蘆荀的美味口感又滲荀豬肉的香味😋我地兩個都超滿意呢餐，下次一定會再黎😋…Read More

是夜 跟朋友決定去吃吃燒肉喝喝酒朋友帶我到這間 可以選清酒放題的燒肉店一入門口 就被這部巨型的清酒機吸引為了狂歡盡飲之後盡訴心中情 我們都選了任飲！把多款的清酒都試一試😚食物方面開始燒肉前 點了個薯仔沙律內藏一點脆卜卜的令口感非常豐富開始燒肉了我見幾乎每枱都會點這個炭火雞當然就不能錯過啦師父在我們面前非常細心地燒雄雄既火 燒得這個雞 既香又脆肉汁依然除了雞肉 我們都點了一條喜之次 佐酒享受可以是預期大家都叫佐酒享用味道有點稍咸主角 是每枱都一定會見到的 牛肉盛盒師傅會逐款分別細心燒 之後再介紹待我們差不多食完才燒下一款七款牛肉當中 我和朋友最喜歡的 當然是日本和牛 牛味出眾 油脂分佈佳 吃下去 真心覺得享受！ 而牛舌亦非常可口～既有細心服務， 食物質素又好，再加上享用到不同的清酒！在酒精的加持下，這餐的氛圍 真心很棒！…Read More

The point康城商場終於開了，去探家姐時，終於唔係叫外賣，有可落樓有餐廳選擇喇！今次去左The Point Kitchen，點左個mocktail Mango Tango 味道不錯：）算係開左個靚頭❤️飯就點左泰式紅咖喱意大利飯，加左$80要半隻波士頓龍蝦，上碟好有氣勢！紅咖喱味道非常濃郁，其實都幾辣嘅，但又好惹味，令人可以津津有味咁食哂。第一次食到咖喱味嘅意大利飯，又估唔到，原來可以幾夾！龍蝦嘅肉質就稍為一般般。食完唔夠喉，就點左個tiramisu affocato。賣相靚，味道好！呢餐叫做OK，難得康城有個舒適環境可以坐低慢慢傾計，OK既！…Read More

九龍城雖然唔近地鐵站，但深藏好多美食，今日收工同朋友happy hour慶祝生日，就去左呢度嘅日式居酒屋，上戶酒場。時令活蠔刺身，淨睇個樣已經令人食指大動，肉質鮮嫩，充滿海鮮味。值得一提，葱吞拿魚腩薄脆配搭新穎，薄脆令吞拿魚腩質感更明顯，為味蕾帶來刺激。煙燻厚切三文魚啖啖肉，厚切保留三文魚原汁原味，煙燻芝士黃蘿蔔口感清爽。另外，我地亦叫左一個伊比利亞豚肉鍋，食材同份量都好豐富，大滿足！今次上戶酒場之旅以兩個甜點——柚子雪芭同椰子雪芭畫上句點。餐廳可以幫手準備擺盤慶祝生日，非常有心。今次無論食物定環境服務都非常滿意，下次有機會再黎試新野！…Read More

原本想今年去趟西班牙 欣賞一下高第的建築 飲下sangria 食下黑毛豬 可惜 有排都唔會出發到 就唯有同另一半 享受一頓西班牙私房菜 叫做慰藉心靈一下話明私房菜 就是沒有menu的 預約時會問一下有冇咩野唔食或敏感其餘的 就放心交由廚師發辦～一坐低 就會奉上自家製的蕃茄蒜蓉醬多士多士是薄薄的一片 一咬落去 會發出清脆的聲音非常香脆 沾醬配搭帶著天然的蕃茄酸香令人食不停口 一下子就清哂成份多士了餐單配有數款tapas 但我最想回味的 係main course - Pepper& Chicken呢個真係好值得推介因為春雞是用slow cook來烹調的肉質非常鮮嫩多汁 而個醬汁是用雞汁 配上白毛豬去熬製非常有層次 食得我地津津有味我同另一半非常滿意今個私房菜的體驗由餐廳嘅服務到食物嘅質素 都係值100分成功令我地品嚐到西班牙的風味希望快啲有得去旅行啦！…Read More

自從限聚令以黎，好耐都未同朋友出街打邊爐啦。今日心思思，同朋友約左深水埗鍋居放縱一下。椰青礦泉水走地雞鍋。非常獨特，有店員即席開鍋，先𠝹開椰青，再混合礦泉水，最後雞落鍋，雞件浮起，滾出黎係金黃色。走地雞好處係脂肪唔多，肉質鮮嫩，令整個鍋底好清，冇乜油。野生竹笙。打邊爐必備之物，無論滾幾耐都爽口彈牙，吸盡湯汁精華，味道濃郁，愈食愈好味。蟶子王。新鮮又大隻，店員怕我地唔識整會整到太熟，專程幫我地焯埋，勁有心！蟶子夾起黎入口啖啖肉，齒頰留香。鍋居至尊手切肥牛。肥牛係打邊爐必備之一，手切肥牛有順紋理而切，更好地保留牛肉質感同口感，而且留有一定厚度，可以鎖住火鍋湯汁，滋味！經過一輪大戰，飲番杯自製蘋果雪梨茶潤一潤喉嚨，既可以冇咁熱氣，又可以甜一甜中和一下。今次深水埗鍋居有驚喜，價錢合理坐得舒適，而且食材都算靚，下次會再約朋友黎聚，推介！…Read More

灣仔一向係多好野食，今次去返好耐以前黎過的the oyster house！鮮蠔濃湯。呢個湯係我念念不忘的一個湯顏色鮮豔，橙色令人色欲大增，而且蠔味非常濃郁，每一匙羹都好厚實，入口啖啖香濃蠔味。Kale & pumpkin salad。上枱時，亳不起眼，但原來寶物（南瓜）尋歸底☺️羽衣甘藍口感厚實爽脆，好適合做沙律。南瓜微微烤熟，質感變軟，配上羽衣甘藍別有一番風味，無論顏色同味道都配搭得好出色。Seafood platter，呢個係店鋪重頭戲！星期一、二 只係$99！有法國黃金螺兩隻、生蠔兩隻、日本磯煮鮑魚兩隻、北海道帶子兩隻、紐西蘭青口四隻。淨係上碟已經令人食指大動，海水味撲鼻，所有海鮮都鮮甜，黃金螺同青口都特別彈牙，帶子鮮甜軟綿，生蠔每一口都盈滿海水，好味道！炭燒加拿大天然豬鞍。豬鞍厚身，所以燒得外脆內嫩，切開會發現肉汁鎖緊於其中，豬肉中有淡淡炭香，刺激味蕾。今次the oyster house 之行可以話係水準依然。無論環境同食物都非常好，永遠都會在我的pocket list❤️…Read More

由於限聚令，實在太耐冇同朋友暢飲一番啦。今日趁住有機會鬆一鬆，約左朋友去銅鑼灣鳥居居酒屋 Tori Izakaya。既然係居酒屋，當然要點番杯酒助興。我點左梅酒，略甜，有冰鎮住，口感清新舒服。自家製月見免治雞肉棒。顧名思義，「鳥居」當然以禽類為招牌菜，今次免治雞肉棒亦非常令人驚艷，上菜已經香味撲鼻，令人食欲大增。配上生雞蛋，入口充滿層次感，簡直齒頰留香。網燒鮮活鮑，屬於招牌菜之一。大大隻新鮮鮑魚，上碟非常美觀。燒到恰到好處，入口充滿鮮味，帶有海水咸味，而且冇過於乾身，非常彈牙，唔錯！燒西班牙黑毛豬脊蓋柳。豬柳係厚切，肉質鮮嫩，啖啖肉，滿足食欲。鳥居場地雖然唔算闊落，但勝在氣氛好、夠溫馨，可同朋友細聲傾計大聲笑，嘆下酒食下酒菜，享受愉快時光，推介！…Read More

今期酷愛食日式鐵板燒，同朋友去左銅鑼灣周街搵，揀左hungry monkey。Hungry monkey 雖然係日式店，但裝修有美式風情，地方闊落，隔板都夠高，防疫做得唔錯。先上個香煎鵝肝做前菜。遠遠已經有香味到，上菜後果然賣相好靚，令人食指大動。鵝肝入口即溶，味道久久留於舌尖。然後係和牛脂炒飯。匙羹一放入去，香氣已經噴發出黎，和牛脂好香，帶出濃濃牛香，炒飯亦粒粒都金黃飽滿。香煎羊架。主菜到啦！香煎羊架份量十足，火喉好夠，熱辣辣入口，啖啖肉香，唔算太蘇，值得一試。我地分別叫左兩款飲品，荔枝清酒咸檸檬梳打、同威廉梨果酒。個人認為清酒咸檸梳打更配合下酒菜，因為口感夠甜夠清新，正好配鐵板燒。今次hungry monkey 環境取勝，非常舒服，聚會一流，推介比大家！…Read More

觀塘工廈一向多隱世食堂，又平又抵食。今日同朋友去新匯聚打冷小廚，餐廳防疫做得唔錯，我地安心坐低。蜜糖薯仔牛柳粒。賣相美觀，色澤均勻，火喉好夠。入口熱辣辣，蜜糖包裹住薯仔，微甜又咸，同牛柳粒好夾，不知不覺食左好多。牛柳粒大大件，唔會炒到乾身，仲保有肉汁。炸乳鴿。炸得恰到好處，肉質鮮嫩，非常香口，又唔會過份油膩，令人齒頰留香。重頭戲到啦！薑蔥炒美國桶蠔，影出黎看似唔多，其實係因為每件蠔都好巨型！咬落薑蔥汁混合海鮮味刺激味蕾，非常濃郁。最後以啤酒同飲品畫上句點。新匯聚環境舒適，夠光猛，每張桌距離好夠，適合聚會，個人覺得唔錯，推介比大家！…Read More

趁疫情緩和，今日約左朋友去居酒屋鬆一鬆。我地去銅鑼灣永光中心，預約左牛惣居酎屋。一坐低，我就迫不及待叫個甲羅燒。蟹蓋非常巨大，紫菜亦好大片。除左咬口爽脆，更帶比人視覺衝擊。蟹蓋內容相當豐富——蟹籽粒粒飽滿，蟹膏幼滑可口，蟹肉彈牙，每一啖都唔同質感，適合包住紫菜食。跟住係特色牛串燒，共有四款口味，全部都係牛橫隔肌，分別係蜜糖芥茉、 芥茉Wasabi、 蒜香、芝麻燒汁。Wasabi 配上燒牛非常新穎，口感獨特，蒜香中規中矩，芝麻燒汁特別香濃，各有千秋。主食到啦，係咸牛肉燒飯團。乍看之下平平無奇，一大個啡色燒飯團。但係一切開就飄黎一陣香氣，香濃牛香刺激味蕾，飯糰份量好足，食完成個人都好滿足，胃好暖。我地叫左胡麻祥酌燒酒，搭配住串燒食，非常夾。胡麻祥酌好易入口，口感清爽。今日牛惣居酎屋之行，大家都非常盡興，好多牛串燒口味平時都冇接觸過，座位寬敞，下次都會再黎！…Read More

好耐冇出去食過啦，最近致力於嘗試各種店舖外賣，今日就同朋友去試將軍澳四點金飯店。店面裝修幾新，可惜無緣堂食，等外賣時順道望下廚房，望下師傅點煮，肉眼可見內衛生情況唔錯。先黎個炸小食，酥炸蝦蟹丸，好香口，蝦蟹味好香！而且配左自家既柑桔醬，甜甜酸酸好開胃！跟住到蠔仔肉碎粥，包裝分開左兩份，分別係粥同湯水。我地食時撈埋加熱，完全同堂食冇分別。粥水香濃，充滿鮮味，蠔仔好多，同配料非常夾，肉碎成功吊出鮮味，令每一口都口感濃郁。家鄉煎蠔仔烙。外賣賣相自然冇堂食咁好，但無減美味，仍然外脆內嫩，咬落去啖啖蠔仔肉汁，蠔仔肉同粉比例恰當，調味剛好，脆卜卜，蠔仔味道好鮮，令人眼前一亮，非常美味。四點金飯店食物唔錯，性價比幾高，下次等疫情好少少，會約埋朋友去大快朵頤！…Read More

之前趁疫情回穩既時候，趁機約左老友去飲返杯吹下水，去返久違的mokumoku。而家又再宅在家，回想返，都覺得呢晚係令人舒暢既一晚！尤其食物令呢餐的氣氛大大加分！一坐低就有welcome food! 蕃茄沙律 超好食超juicy!酸酸甜甜令人食慾大增～日本青椒芝士豬肉卷。配搭新穎，青椒燒完仍然爽口，被豬肉片包裹，外面再有一層芝士，一層一層鎖住肉汁，令人回味無窮。呢間最出名就係內臟串燒，咁就緊係要試！豬大腸同豬小腸，調味做得好好，冇任何腥味，又成功保留口感。椒鹽滲入豬大腸同豬小腸，非常入味，齒頰留香。燒菠蘿。上碟時同想像中唔同，唔係一片片，而係非常厚肉，切得工整，燒得亦恰到好處，只有甜甜菠蘿香味，冇任何燒焦味道，清甜可口。白子刺身為經過一場消烤洗禮嘅味蕾帶黎相當好嘅平衡，再配上京姬蘋果酒，清甜冰涼，爽！…Read More