Christyyeungcc's Profile

招牌手撕雞+鴨脾($286）鴨脾本身油分多，加落手撕雞變得好好食，更香&多左層次感，推介👍🏻👍🏻👍🏻👍🏻👍🏻..豬潤炒蜆 ($266)豬潤切到好碎，用薑蔥&酒去爆，再加湯煮，比平時食清酒煮蜆更惹味；食完蜆後，再加米粉炆一炆，無懈可擊💯💯💯..香煎咸鮮魚馬友($268)馬友半煎炸，好乾身，鹹度剛剛好，魚又好鮮甜，賣相唔fancy，但係真係好好食😋😋😋😋..香煎咸鮮雜錦魚($288)4款魚仔(我淨係認得撻沙….🙉🙉)，鮮味就鮮味，不夠太鹹，馬友好食好多..順德煎藕餅 ($138)藕餅，馬蹄，冬菇都切得好碎，香口好食..蝦籽竹笙紅燒豆腐($158)竹笙炆得入味，蝦籽唔夠出，冇想像中惹味..上湯莧菜($118)正常，莧菜最緊要冇渣..蜑家海膽煲仔飯($238)似普通炒飯，冇咩海膽，飯係炒完再放落瓦煲，不過烘得唔夠耐，所以冇飯焦，另外飯可以再乾身少少..辣仔三鮮刀削麵($298)刀削麵煮得稍為淋咗少少；配料有魷魚，肥豬肉，海參；汁好好食，汁有花枝油，仲有洋蔥，青辣椒，所以係少少麻辣加少少甜味，好食👍🏻..黃金馬蹄條 ($60)自家製馬蹄條比較淋食，食到一粒粒馬蹄，大家都覺得好好食..壽包($56)最少要叫兩個，唔好食，麵包好乾，蛋黃好少，蓮蓉都唔係特別香😭..餐廳環境衛生唔錯，而且菜式選擇多；鹹鮮、煎炸都非常好食，分數：9/10…Read More

二重奏忌廉煙肉芝士短管麵($118)香草芝士拿破崙煙肉蝴蝶粉($109)玫瑰花釀紅茶($45)蝶豆花綠茶($45).意粉有食用花做點綴，同餐廳設計好一致😍😍；比較推介忌廉煙肉芝士短管麵，好多芝士，有拉絲，cream濃稠度適中，而且短管麵比蝴蝶粉煙韌；拿破崙煙肉蝴蝶粉個sauce偏甜，香草味唔算太突出.2杯飲品甜度適中，顏色配搭好吸引.裝修之前嚟過一次，裝修之後，寬躺咗，坐得舒服咗，仲係寵物有善餐廳；係花花世界食吓野，傾吓計，係幾chill，分數：8/10…Read More

話說朋友仔知道開咗間新扒房，就帶我食飯同我慶祝生日.除咗麵包，仲有black rice cracker配cod fish醬，cracker好香脆，食唔停口😋😋😋.Tomato Soup睇個樣就知好足料，開胃菜.Blue Fin Tuna Crudo Tuna配煙燻茄子&海膽，每一啖都有煙熏味；吞拿魚，茄子，海膽本身質感好似，味道完全冇遺和感，一定要試試👍🏻👍🏻👍🏻👍🏻.Mushroom On ToastToast半煎炸，好香口，用左幾款菇，所以好香.Lobster & Scallop RavioliSauce冇得輸，龍蝦汁濃味同時好creamy，好smooth，Ravioli啖啖龍蝦肉，滿分💯💯💯💯.Prime Beef非常滿意👍🏻👍🏻👍🏻👍🏻，肉味同肉質我都好滿意(隔日將食剩嘅牛扒焗返熱都仍然係好好食)；除咗牛扒之外，roast potatoes 好出色😍😍😍😍，好似係我食過最好食嘅roast potato.Apricot & Plum Tarte Tatin with Chamomile Ice CreamTarte Tatin係比較酸，餅底非常薄，其實食完咁多肉食呢個係幾refreshing；第一次試Chamomile Ice Cream，味道好特別.Tasting menu 非常滿足，樣樣都有得試，菜式精緻，味道有驚喜，分數：10/10…Read More

剛剛開幕嘅時候黎過一次，覺得一般般，冇特別亮點，今次同朋友仔試tasting menu，$1088 per head.共5道菜: 2款appetizer，2款main course，甜品.Foie gras鵝肝配白桃，新鮮配搭，白桃同平時蘋果醬一樣，減低鵝肝油膩感；白桃好香，但係冇蘋果嘅酸度，自己都係鍾意蘋果夾鵝肝.Abalone 帶子刺身下面係切成一絲絲嘅鮑魚，然後再淋上芝士汁配魚子醬，聽落都覺得好名貴；帶子刺身正常鮮甜，鮑魚有驚喜，好香好鮮甜，而且非常淋😍😍😍，芝士汁冇搶到帶子同鮑魚嘅味道，perfect嘅balance👍🏻👍🏻👍🏻👍🏻.Linguine “Gentile”西班牙紅蝦蕃茄扁意粉，餐廳signature dish；新鮮製扁意粉，除咗煙韌，仲真係有少少麥香，配傳統香濃嘅蕃茄汁，非常地道；西班牙紅蝦又大隻又鮮甜，蝦頭有好多膏，隻蝦已經剝咗殼，啖啖肉好滿足💯💯💯💯.Mayura Beef 呢種牛係用朱古力飼養，比一般嘅牛油脂更多雪花，更均勻，肉味香濃，唔好睇佢細細舊，因為油脂重，食落都幾有份量；另外，作為配菜嘅羊肚菌令我喜出望外，好香而且非常爽口.Affogato十分足層次嘅一個甜品，上面係泡泡裝waffle，下邊係咖啡gelato，中間有少少咖啡jelly，仲配左mini炸”牛角包”，食完重口味嘅牛，呢個甜品非常refreshing.Tasting Set性價比唔錯，用料名貴之餘，味道仲好好，完全冇失望，值得試試，分數: 9.5/10，不過記得預多啲時間，要食大概3個鐘…Read More

火焰麻辣雞煲(小)($168)有五個辣度可以選擇，我點左2隻辣椒，小辣；非常IG-able，侍應姨姨會係你面前落辣醬，然後點着啲雞，真係火焰🔥🔥🔥🔥；雞真心滑，辣味較重，冇咩麻；不過食到最尾會有少少鹹，呢個時候就要加湯，打邊爐味道剛剛好，唔太需要點其他醬料.新鮮牛頸脊($158)次次打邊爐都會點牛頸脊，呢間啲牛頸脊非常好食，好新鮮，雪花均勻，肉質嫩滑，而且好香肉味，而且價錢相對實惠，推介👍🏻👍🏻👍🏻👍🏻👍🏻.手打五寶拼盤($48)蝦丸，牛肉丸，墨魚丸，鯪魚丸，豬肉丸；落好多粉，食到一粒粒蝦肉，墨魚等，新鮮，非常彈牙，一定要試👍🏻👍🏻👍🏻👍🏻👍🏻.點咗好多菜：油麥菜($44)，翡翠苗($34)，芫茜 ($24)，芫茜好正😍😍.丸類，蔬菜，肉類有半份叫，人少少都可以食多幾樣，海鮮種類較少，另外性價比高，服務態度好好，值得回頭，分數：8.5/10…Read More

朋友仔係呢間餐廳嘅頭號粉絲，餐廳搬咗大舖之後，朋友仔又帶我地黎試試.Set Dinner：$580 per head；有沙律，湯，蒜蓉包，薯條，扒，甜品；薯條同沙律係任食.Soup of the Day: 青紅蘿蔔湯，用青紅蘿蔔打左個purée，仲有少少青蘿蔔粒，湯係非常鮮甜.Salad: mixed green + 櫻花蝦 + 芝麻醬 - 我食咗兩大碟.蒜蓉包：蒜蓉包真係好好食，好香好脆，我次次都話要食多個，可惜蒜蓉包唔係任添🤣.薯條: 聽講係炸三次，所以會比較香脆而唔會有油膩感，薯條加咗少少咖喱粉去炸，另外有三種醬任君選擇：茄汁，蒜蓉汁，明太子mayonnaise.小食: 麻辣牛肉米通 & 皮蛋醬麻辣牛肉Taco (老闆娘非常Nice，見我哋大食，所以送2個小食比我地)麻辣牛肉唔會好辣，但係都幾重味；皮蛋醬麻辣牛肉Taco 係實驗中，配搭非常特別，而且味道幾夾，Taco同米通有異曲同工之妙，增加層次感，稍稍可惜係Taco味道比較重，令皮蛋醬冇咁突出.主菜: 紐西蘭BB羊架，鹿兒島黑豚肉腩，Flat Iron，Hanger beef，Petite Tender.如果大家冇特別要求，老闆就會為大家挑選當日質素好嘅肉類，omakase形式，令我呢啲有選擇困難嘅人係非常開心，一坐埋位就食食食燒肉之前，老闆會好細心為你介紹每一款肉類，產地，部位，特質等，邊款肉類肉味較濃，應食嘅先後次序，令我呢位偽foodie長知識.鹿兒島黑豚肉腩：黑豚肉除咗比較嫩滑之外，就係冇豬膻味，腩肉多脂肪，所以燒完之後就又香又唔會乾.紐西蘭BB羊架：around 3/4成熟(本身想要求5成熟，但老闆話3/4熟會更好，當然係跟專業嘅試試)，BB羊架脂肪偏低，肉質柔嫩清甜，真係冇羶味，有幾位朋友唔係特別鍾意食羊都食左好幾件.Petite Tender: 上肩位置，比較淋身，會有啲似tenderloin，不過相對下面2款牛，就肉味冇咁濃.Flat Iron:Flat Iron 牛肩唯一較軟的部位，肌肉之間冇筋，所以應該係特別柔軟，肉香比一般tenderloin濃少少.Hanger Beef:取自於牛橫膈膜小腿，最嫩滑部位之一，每隻牛只得一條，由於近橫膈膜位置，會有少少肝嘅味道.如果冇特別要求，肉係大概會係3/4成熟，但我覺得ok，冇太raw嘅感覺，我自己就推薦BB羊架同Hanger Beef👍🏻👍🏻👍🏻👍🏻👍🏻👍🏻.Side dish: 炒雜菇牛油炒，配steak真係好好食.甜品: 朱古力蛋糕正正常常，相比以上嘅菜色，甜品稍為遜色.餐廳好有心思，無論湯，沙律，side dish嘅配搭係非常新穎，而且定期會update，咁多道菜，真係食到好飽，性價比非常高，分數：8.5/10…Read More

台式麻辣烤魚 大大條鉗魚，好鮮味，一啲都唔腥；湯係BB辣，其實好清，零油膩感，冇蓋過魚本身嘅味道，食完唔會口乾；配菜有芽菜，木耳，豆卜；份量夠2-4人，非常值得試試，除咗麻辣仲有古早(清湯)，酸菜，蕃茄可以揀.蒜香麻辣豬耳辣度剛剛好，豬耳好入味，推介👍🏻👍🏻👍🏻.黑糖珍珠鮮奶 / 黑糖珍珠奶茶 2杯黑糖珍珠都唔會好甜，奶茶非常非常濃，有啲港式奶茶嘅感覺，不過我自己鍾意鮮奶多啲. 冷泡玫瑰烏龍茶呢個正正正，非常非常香玫瑰味，非常凍冰冰..餐廳有好多款小食，老闆娘話有超過40款，佢仲好熱情咁叫我試多啲，不過個肚真係冇位，下次會試試芫茜系列..…Read More

3-Course Menu ($368).Starter：Prawn & Squid Salad雖然我今日個target係海南雞飯，但係呢個salad好好食，泰國feel，蝦，魷魚同菜比例好好，又好多花生碎&脆脆，層次多又香口，dressing好light，推介👍🏻👍🏻👍🏻.Main course: 海南雞飯轉左我最愛嘅雞脾😍😍，雞髀非常嫩滑，醬料方面有甜豉油，薑蓉，辣醬，建議大家試試辣醬，一粒粒辣椒，又辣又香；雞油飯好好食，好香，飯比一般雞油飯深色，應該落咗少少醬油齊住，雖然肥，真係好食，我成碗食晒；雞湯有杞子，龍眼肉，好似有少少藥材.Dessert: Vanilla Ice-Cream食完個飯都真係好飽，甜品又係第二個胃，雲呢拿雪糕係正.食物質素好，唯一唔太滿意就係張枱真係好細(x3)，一路食一路驚成碗飯會倒落黎😹😹，分數：8/10…Read More

一坐低，正式作戰之前，有一碗紅棗雪耳糖水利潤一潤喉嚨.....鴛鴦鍋：麻辣+皮蛋芫荽慶幸我點左鴛鴦鍋，麻辣實在非常辣，係正，朋友話呢個係正宗四川湯底！但我唔可以一個麻辣鍋作戰到最後；所以叫我最鍾意嘅皮蛋芫荽，真係好清.點左非常多蔬菜，皇帝菜、娃娃菜、萵筍、蓮藕、淮山條(第一次食紫色淮山)；至於肉類，有牛舌、安格斯肥牛、羊肉卷、嫰牛肉、海蟶.....食材質素非常唔錯，推薦：- 海蟶 - 非常非常鮮甜，季節性食材- 羊肉卷 - 夠羶👍🏻👍🏻👍🏻，食羊一定要食夠羶- 牛肉 - 個人好鍾意嫰牛肉，好厚身，加埋個麻辣湯底，就exactly 係水煮牛咁; 不過朋友話覺得安格斯牛好食啲，始終冇醃過，肉味肉質比較出，冇潺嘅感覺.甜品：冰粉，紅糖糍粑，兩樣都高度推介👍🏻👍🏻👍🏻👍🏻冰粉凍冰冰，非常解辣；糍粑外脆內軟.食咗咁多嘢，每人around $400，順帶一提，午市火鍋免收湯底，而且大部份菜式可以點半份，可以食多幾樣，餐廳環境好，服務態度都好好，分數：9/10…Read More

冬蔭龍蝦湯河($118)招牌菜式，原隻龍蝦，肉質唔錯，冬蔭公湯湯底幾夠辣，不過湯煮左粉之後，會稍微減低湯嘅濃度，冬蔭公本身嘅香就會冇咁出招牌蛋咖喱蟹肉枕頭包 ($128)Very IG-able!!! 好多蟹肉，枕頭包烘得香脆，蛋咖喱比較濃味，略嫌鹹咗少少，但係夾埋麵包就OK炭燒泰式串燒($62)豬&雞各2串，個人比較喜愛雞，因為豬比較肥，雞肉好嫩滑，冇醃過度，配沙嗲汁剛剛好脆香素春卷($48)有粉絲，木耳，炸得香口乾身泰式青木瓜沙律 ($58)賣相好靚，微微辣，酸度適中，好香青檸味椰青($38)/泰式奶茶($28)餐廳對象係2-4人，小食比主食吸引，而且份量剛剛好，價錢大眾化，分數：7/10…Read More

之前睇到foodie嘅post，一直都好想試，不過真係要排好耐隊(唔係peak hours都要等一個鐘).板燒吉列牛定食($128)板燒安格斯牛定食 ($138).睇相以為好巨型，原來好的骰，牛肉切得都幾薄，燒一燒就食得，牛肉好多雪花，非常肥美，配飯真係唔錯(仲有隻糖心蛋)，吸晒啲牛油，食完係非常飽.Stone grill真係好開心🥳，塊塊牛都熱辣辣，個人比較推介非吉列系列，牛本身好多雪花，再吉列的話，會有啲太油膩，整體抵食，分數: 7/10…Read More

Express Lunch ($158)Beetroot Carpaccio 紅菜頭切得好薄，除咗火箭菜，仲有少少合桃 & burrata cheese，light得黎又開胃Chicken Tarkari, Nepalese Curry咖哩💯分，所有野都剛剛好 - 濃稠程度，辣度；印度米比較乾身同硬，冇咁吸咖哩，反而脆片非常熱&脆，同咖喱一起食非常香口，推介👍🏻👍🏻👍🏻👍🏻環境好，服務好，食物質素好，價錢平，分數：9/10…Read More

楓糖叉燒丼($98)叉燒半肥瘦，超級淋，叉燒皮有少少燶，所以好香，溫泉蛋煮得好水，撈飯真係一流，粒粒都可以痴到蛋漿，推介👍🏻👍🏻👍🏻👍🏻👍🏻Beetroot Milkshake ($50)除咗紅菜頭，有香蕉&蜜糖，微甜，味道balance得剛剛好，好多人唔鍾意紅菜頭，因為有少少腥，milkshake係完全唔腥，香蕉&蜜糖令milkshake好有層次感，推介👍🏻👍🏻👍🏻👍🏻👍🏻…Read More

終於唔使過海食滷味，朗豪坊開咗試業，疫情係完全唔妨礙大家去食嘢嘅心情，好多人排隊🙈🙈🙈🙈蹄膀+雞翅膀+甜不辣+高麗菜+木耳+鴨胗(+$15)+粉絲 ($97)碗麵非常熱，加分！ 滷水同食開嘅味道有睇唔同，冇咩花椒八角味，比較甜，有啲似豉油王嘅感覺。所有餸都好入味好入味，甜不辣令我非常驚喜，非常好食，好香好彈牙，另外，蹄膀皮都好彈牙，份量好多，食完碗麵，唔使食dinner，雖然唔平，不夠高質，分數：9/10…Read More

上次食個lunch，覺得非常好味，今次帶朋友仔嚟試下個係蟹蓋飯，可惜賣晒，店員好Nice同我哋推介其他菜式...日式麵豉燒茄子 ($78)茄子出奇juicy，茄子介左井字，麵豉完完全全滲透晒落茄子，麵豉香而唔會過甜，冇諗過呢個配搭會係咁好食，用左柚子椰菜墊底，一啲都馬虎，推介👍🏻👍🏻👍🏻👍🏻👍🏻鮮活紐西蘭托托蜆 ($138)托托蜆大小均勻，非常鮮甜，雖然話係用sake煮，但係就係煮嘅過程完全蒸發晒，所以唔會好重酒味，反而加咗少少牛油提升鮮味，推介👍🏻👍🏻👍🏻👍🏻👍🏻西京燒黑鱈魚($208)鱈魚肥美，調味唔錯，冇蓋過咗鱈魚油香，略嫌魚皮燒得唔夠脆椰皇焦糖燉蛋 ($68)還好.... 燉蛋唔夠滑，而且椰皇唔算太加分，因為椰皇本身味比較淡，配燉蛋唔突出炸香蕉蘸肉桂糖伴雪糕 ($68)炸香蕉熱辣辣，唔錯，粉係比較厚身，不夠好脆，肉桂味稍為太淡，建議用個第二款雪糕，唔夠香唔夠滑餐廳環境舒適，整體黎講，主菜比甜品出色，價錢合理，8.5/10…Read More