Mcsy Cheung's Profile

我是一位麻煩的客人，我不食魚，但喜歡日本菜。還有一位陪同的客人，不食生。真是給餐廳一個大難題，是嗎？跟餐廳職員商量後，他們會盡量配合。我當然明白，沒有可能把所有魚類轉成海膽，因為都需要符合整體的成本。我亦都好相信有經驗嘅廚師可以好好處理成本問題。離譜的事情（一）前菜，三文魚包住新鮮蔬菜。到我手的只是雜菜沙律，沒有任何海鮮，當下已經很愕然，原來三文魚的價值是零，新鮮蔬菜完全配合到整個餐單的成本。離譜的事情（二）前菜還有白松露油魚子醬青瓜溫泉蛋，最後餐廳只提供一隻可能是日本的煎蛋。冇晒其他任何配菜，一隻碟上邊一隻茶餐廳煎蛋，如果你俾六百幾蚊食Omakase，就只能夠配這隻煎蛋，你的心情會如何？離譜的事情（三）每一道菜相隔的時間平均是20分鐘，最離譜是等了40分鐘才有最後的一道菜壽司。壽司當中的海膽，沒有賣相可言。KKday上面有寫，食材每日新鮮日本空運，如果新鮮空運，完全沒有雪糕般的口感。鵝肝壽司，能夠煎到外脆內軟，可能是等候太耐已經沒有爆油的口感。離譜的事情（四）牛龍蝦鐵板，鮑魚彈牙係好食的，而且龍蝦下的龍蝦汁沒有那麼鹹，都好適合我嘅口味，但好可惜有兩位的龍蝦十分不新鮮，拮上嚟就已經散開，完全沒有任何彈性，但服務員都很好給有問題的更換了。KKday上面有寫，食材每日新鮮日本空運。。離譜的事情（五）日本A5和牛，我沒有偷食，一人一份，雖然入口很嫩中間也夾雜少少炸蒜，香口好味，但大細超囉！總括黎講真心唔抵食，經過餐廳回覆，是因為套餐的內容是不可以更改的，我們應該感謝餐廳已經盡力滿足客人，作為一間在中環Omakase 是這樣的食物質素，真是無言以對。選擇餐廳時，除咗想食到喜歡嘅食物，亦都希望感受到服務質素和熱誠。套餐20品的菜式，六點入座，九點幾才離開，中間大部份時間都在等待食物。冷熱盤掉轉上，而且在book枱的時候已經知道我們有一位BB，但把我們安排在門口的位置。…Read More

雞湯湯底，有兩款選擇但絕對唔係濃湯寶，而雞湯也不油膩。我選擇的是塩味，都可以飲曬碗湯。我選擇了豚角叉燒拉麵，豚肉有脆口感，唔會好似其他店一夾就爛，爽口又唔係柴口，重有一些似炭燒或煙燻既味道。麵條口感就正常，沒有太特別既地方。餐牌上也沒有問要什麼口感的麵條。唐心蛋也是一個加分位，好多時候麵一到時不第一時間食唐心蛋就會變成實心蛋，好彩今次沒事。有時都好講湯既溫度。如果是冬天我希望可以飲到更熱既湯，但又要食到這樣的唐心蛋！🤪…Read More

睇過opening rice既食評，大家介紹既野食都好似好好食咁，所以就同水果朋友上去踩踩點。雖然今次大家都比幾高分既食物都冇點到。但同水果朋友用左和平既方式選左大家都喜歡食既食物🤪叫左個焦糖蘑菇洋蔥薄餅，賣相都唔錯，材料都好足呀！不食唔到有焦糖味！雖然係咁不過都可以比高分，不過食到圓邊位就食唔落啦！個邊燶到啦！食到邊邊位真係苦呀！有問過話：係咁的。。。所以咁冇曬分啦！個水果茶我見好多人都推介，所以試下。不過我可能對藥水味敏感，唔太喜歡。不過我到最後都試多左杯。味道又有些不同！好飲左少少！安格斯牛扒，佢係安格斯呀！不過佢條根粗到啦！切咗好多下都切唔斷。。。冇咩肥美既口感！肉渣比較多！名為安格斯，不是安格斯既口感。環境真係唔錯，好有心機好佈置，風格好很統一。不得不提個洗手間。入面有一幅向左走向右走的圖，不過洗手間內格設計有問題！廁間間隔不符合，開門時會撞到馬桶，坐低時會撞到門。不過我諗他選擇左要靚吧！…Read More

午餐時間去食，唔洗加一，但食物有些差😢，唔太好食。🤯好奇怪下午茶時段先要加一，可能大廚到時先反。🤣餐湯有紅白兩款選擇，白湯淡而無味，得兩粒粟米🥺。其實每一次都會好期待個白湯。餐包唔夠熱，牛油都溶唔到。主菜雞扒脆皮腸配薯菜🥗，雞扒有黑椒既味道但個餐係蒜蓉汁，🐔雞扒質感不算得上滑，係老雞🐔🐣。脆皮腸係最平價貨。🥗冇諗過西餐會用小白菜做伴碟，比較多水份，會影響個汁。得一粒蕃茄仔🍅，不過粟米🌽係甜既🥰。…Read More

首先和他餐牌上面的相片是完全不同的，但這個賣相美麗很多。入面有兩串雞肉串燒，三隻蝦，太陽蛋，兩片蝦片和最重要的印尼炒飯。味道是不錯的，可惜他餐牌上有辣的食物，在名字旁邊是有辣椒圖案的，但印尼炒飯沒有。當一個不喜歡食辣的人，當她看見這個餐牌會有什麼想法，印尼炒飯是不辣的。我跟服務員說為什麼這個印尼炒飯是辣的，有大大粒辣椒。他跟我說印尼炒飯是有辣的。那為什麼你沒有辣椒圖案在你的餐牌上。他沒有理會我。整體味道是不錯的，沙嗲汁也足夠，雞肉串燒就像攞貨回來的味道沒有什麼特別。三隻蝦也算不上不新鮮，但三隻蝦的蝦殼有些是完全沒有蝦殼除咗尾部，究竟係有清理或是沒有。…Read More

沙律賣相不錯，但味道普通飲品都是不要新奇的好。牛扒放大片，不是很厚，但肉質不錯又有肉汁！睇到都飽曬！羊架肉質鮮嫩，煎得剛剛好骨肉分離。這個汁也不錯！有少少水果，帶有酸味！上甜味既時候就有少少犯錯啦！當剛剛上咗主菜嘅時候，他就上了甜品，可是我告訴他現在我不需要甜品，還請你一會兒再上吧！不知是否因為這樣甜品嘅味道也有差別。不是太好味，但香蕉配朱古力也是無懈可擊的。我覺得這間餐廳環境也不差，可是今天是平日沒有什麼人。但我發現了胡椒粉和鹽樽蓋上的污漬，很像很多天沒有清洗。…Read More

銅鑼灣從未有過嘅寧靜！軟殼蟹牛油果忌廉燴飯，成個飯都有啲凍凍地嘅感覺，微暖！軟殼蟹唔香口又唔脆！好重忌廉味但一般般。芝士鵝肝安格斯牛肉酥皮漢堡，一聽個名就知佢肥啦！切開左之後D芝士流曬出黎，食咗一啖有齊所有材料，既感覺只有肥！真心唔太適合香港人口味！但叫左都要食埋佢既，但我只好食安格斯牛肉了！就咁食係幾好味有肉汁既，鵝肝就有少少細！酥皮就一D都唔脆口，可能因為太多肉既關係吧！環境精心佈置，可惜服務很一般，可能餐廳冇什麼人。…Read More

勁多飛魚子嘅沙律好耐冇見過，而家冇咩鋪頭會咁做啦！會做嘅都只會用啲差少少嘅魚子。值得一試好勁黑蒜味。炸蠔和炒雜菇。如果你唔係好想食蔬菜，我建議你都唔好點炒雜菇，因為完全沒有味，平時都會有少少牛油或者蒜香味，但依個只是清，小小鹽嘅味道都沒有。芝麻雞翼和章魚燒好似去到食放題嘅時候先會點！但芝麻雞翼真係好好味。章魚燒就很一般。重點來啦！所有壽司都超級大件。好彩我哋有八個大人兩個小朋友，我哋先可以食得晒！見到軍艦先感覺到咩係大大件，雖然佢真係飯比較多，但材料都很充足，唔係剩係得個飯，海鮮刺身都好多。雖然佢大件但唔會唔抵食。但係餐廳會有限時間進食，所以喺入餐廳之前他會叫你先落單，大家一坐好嘅時候就會不停有好多嘢食上菜，食得比較急進。…Read More

大家見到依碗海南雞飯估下幾多錢？下午茶時段，成為$32呀！得四件雞！海南雞飯一般都貴少少，因為佢係油飯同埋無骨嘅雞，但依一碗飯值$32，我覺得有啲離譜囉！我睇返大嘅海南雞飯都只不過係多四五件雞，貴差唔多十幾蚊！下午茶海南雞飯仲要冇嘢飲送， $32買個咁細嘅海南雞飯係我當佢乞兒呀！定係佢當我乞兒呢！最好笑係如果想要麻辣，只可以大嘅海南雞飯有得轉，下午茶時段嘅海南雞飯沒有。但我看到的是。。。在海南雞飯上加上麻辣汁。咁點解細嘅海南雞飯唔可以加啦？…Read More

賣相很一般，麵質我本身選擇了適中，但我感覺像比較硬身，面的份量也不是很多。糖心蛋是完整一隻，但可惜沒有把它切開看不到他是否糖心蛋！看起來五花腩很吸引。筍是有少少酸的味道。紫菜有三片，但其實只是三個三角形，不是三個正方形的大小。瘦肉的位置很硬，感覺好像可以去煲湯。但上半部份好軟熟，不油膩很好味。味道也有少少像被燒窿的感覺。因為糖心蛋本身沒有被切開，所以不知道裏邊煮熟嘅程度，我只是咬咗一啖豬肉喎食咗一啖面， 已經被暖暖地嘅湯煮熟左少少。水杯有些感覺像污糟。…Read More

食韓國嘢唔一定要飲酒！泡菜款式唔算多，但有一酸一辣都足夠。生菜、蒜片、蛋漿和泡菜都可以添加。蛋漿可以選擇芝士或泡菜。豬皮好多。五花腩就一定叫啦！剪到細細粒，用生菜加泡菜和蒜片一齊食，味道一流！每次食到都流晒口水！有小小提議，蒜片煎一煎先食會有少少甜度。依個牛就一般般，冇什麼特別，只是感覺像肥牛多咗一些漿了。好快就熟小心燒窿。用雞蛋黃撈勻入口滑脫脫，完全冇牛腥味。不過有些青瓜，清爽一些。用黎呃小朋友食飯。簡單紫菜飯…Read More

おまかせ，有新鮮的材料，經過廚師用心和專業。設計出一餐每一道菜都能帶給驚喜。麵豉蒜頭，係店家自已醃制的！係生蒜頭，好爽口一D都唔辣，做前菜或間場時食十分好。好想自己係屋企都整，但廚師話好麻煩。芝麻牛蒡，原全食唔到牛蒡既苦澀味。三高既人士不防食多些。芝麻都經廚師炒過，準備放入口時已經聞到芝麻香。因為只有前面小小既部分有芝麻，所以食既時候都唔會蓋過牛蒡既味道。凱撒沙律菠菜，係依間餐廳黎講食個菜就一般。平時的凱撒沙律味，一般新鮮的菠菜。但看看令一邊，南瓜豆腐配木之芽，木之芽係山葵既嫩葉，因為係生食有少少苦澀。廚師有輕輕拍木之芽，原來係令佢散發香氣的。而南瓜豆腐，先把南瓜蒸熟壓開，再把豆腐搞埋一齊，再去蒸成宜家咁。南瓜要壓開都咩狀況，係食既時候都有豆腐既滑，還有好似冇左石膏粉既味，但多了南瓜既味道。食到最後先知道個底有冷麵汁。食緊國王的新衣，差不多透明的鰻魚苗，中間只有一條白色的骨，但係可以食埋的。配上紫蘇花多反少少色調。好厚既深海池魚廚師把象拔蚌切成一條條，將象拔蚌放係掌心拍一拍，新鮮的象拔蚌的肌肉收縮，所以成了攣的形狀。配上岩鹽踢走海鮮的腥味，帶出象拔蚌的鮮甜。薄薄真鯛魚配上酸汁，好好味，十分開胃。螢光魷魚配胡麻醬，每一隻螢光魷魚入邊都有膏。冬天先有鰤魚都係油甘魚的一種但比油甘魚大條少少。和食料理汁煮金木鯛，完全不是我們平時在酒樓食到的魚滑脫脫的口感。是一種很滑但又很結實的口感。太刀魚配薑花卉銀雪魚係屬於加拿大同日本交界第二道和食料理是子持烏賊，面入面係子持係有BB 配鰻魚汁，今次真係一口就食晒人地一家人。北海道蝦夷鮑魚，大過我隻手掌。平時食鮑魚的時候內臟不會一齊食用，但廚師把鮑魚的內臟抽出然後造成醬汁，廚師建議食鮑魚的時候用返鮑魚的醬汁一起食用會比較匹配。最後剩下的醬汁廚師會給我們一舊飯，然後把醬汁撈埋。這個方法又不會浪費食物。壽司方面有北寄貝、剝皮魚肝臟赤醋飯、鰆魚、北海道毛蟹、吞拿魚、鯖魚、腦天吞拿魚天靈蓋和魚子。值得一題首先有鯖魚壽司，是經過用醋醃製既鯖魚，係我心目中鯖魚係臭的，可能係經過醃製和有大大塊紫菜包住一齊食完全食唔到鯖魚嘅臭味。第二，係叫腦天，係吞拿魚既天靈蓋， 十分矜貴因為一條吞拿魚只有兩舊。入口即溶勁過食A5和牛。海膽有三款，一款是北海道札幌出品，令一款是北海道厚岸出品，依兩款都經過添加防腐劑，一般市面上都可以買到。第三款是沒有經過添加防腐劑的。甜品有兩款，綠茶豆腐布甸就十分好味。但芝士蛋糕配茨城縣既士多啤梨，芝士蛋糕就好一般，士多啤梨也不是市面上看見的大大粒。…Read More

今日同表妹仔們閑聊，選擇了鬧市中的平靜既地方，入到餐廳有種放鬆休息既感覺簡單的佈置，令入到去既人都好舒服。係未齊人既時間已經感覺到好肚餓，就只好叫個沙律食住先，點知野食到既時候表妹仔就到。燒半熟牛柳沙律！鹽酥菇，一份大約有五至六粒，當然唔夠食啦！雖然我地五位之中只有一位唔食菇，但是一分又點夠分。鹽酥菇外脆內軟，還有少少菇的汁，所以食嘅時候要小心。日式南蠻雞翼，一份有六隻，一人一隻，有少少像台式炸雞的口感。因為太多嘢講嘅關係我們還是點了小食，牛油果醬墨西哥粟米片，我本身不太喜歡食有醬汁的食物，所以一開頭我都只是食墨西哥片和上面的蕃茄，但我還是嘗試了牛油果醬，沒有我想像中的牛油果口感和味道，所以我有些喜歡了。鰹魚蕃茄鮮蝦意大利粉， 這個五個人分實在不夠，如果又想食到魚和鮮蝦是不可以的，當然我不介意把魚分享給她們因為我不吃魚的。我相信一定是鮮蝦，因為十分彈牙。古早章魚燒Pizza，我很喜歡將食小丸子一樣，但面積大左好多。材料和醬汁十分充足。因為都是很像不夠飽的關係我們有點了一份分享拼盤（炸雞、鹽酥菇、西蘭花芝士卷、薯條和薯波）大家一見到有鹽酥菇都十分開心。最後甜品方面點了麻薯窩夫，簡直是完美的終結。香蕉加朱古力醬是絕配，窩夫入邊有少少麻薯口感很不一樣，我很喜歡這個新的嘗試。…Read More

牛蒡粟米沙律，沙律有被沙律醬撈勻，但是牛蒡就只放在沙律的上面，在食的時候左又夾一啲，右又夾一啲，一時只食到沙律好味的部份，一時只食到牛蒡的苦澀。最後我只是食晒完沙律沒有食到牛蒡。日式餃子，感覺普通過平時超市買到的餃子。特濃蝦醬油拉麵，好彩沒有點到加底因為一碗就已經足夠飽飽了，湯底不是我吃過的最濃的龍蝦醬湯，麵的口感適中配料十分十分之多，多到很難夾到麵條，每一啖只可以和配料一起吃。豚肉醬油叉燒拉麵，湯底還可以麵條也是適中，但臀肉不太好吃，肥的部份很肥瘦的部份很受肥瘦。…Read More

午飯時間係新蒲崗食乜野好，到到都咁多人。$50一個餐係自助吧枱到浸水或茶，還有兩款湯選擇（面 湯及羅宋湯）肝醬焗牛柳粒，我絕對可以比十分的飽呀！雖然和便當不一樣沒有前菜，但這個焗飯是我近期內見過一人食用的較大的一個焗飯。牛柳粒粒都咁大粒，還有廚師掌握焗飯的時間和焗牛柳粒的時間配合得非常好，可以見到牛柳粒中間不是全熟的。每一粒牛柳都很好軟熟。梅菜扣肉飯，男人的浪漫。講完。梅菜很足夠，但梅菜沒有什麼味道。而扣肉就肥瘦均勻。就是因為便當所以會有沙律，食完梅菜扣肉再食返少少沙律就不會感覺太肥膩。…Read More