單吊張's Profile

今日同朋友仔去肚餓了，呢間之前都黎過，都ok，所以今次再encore。因為今日星期一，所以啤酒買一送一，叫了兩支手工啤，仲送兩枝，正！當然試下佢地撚手小菜，黃金薯條，厚切牛舌，安格斯牛柳就唔小得。黃金薯條雖然好邪惡，但真係好好食，哈！厚切牛舌，平時食開薄切，厚切就好大舊，好有咬口，幾juicy安格斯牛柳都好食，燒到7 8成，面仲搽上醬汁，食落去一d都唔乾，好食！…Read More

係河畔食完飯，即慶食個糖水，我朋友話係沙田圍食糖水一定係食糖家。所以就入左去食。糖家張menu比一般糖水舖ge選擇少好多，而且冇乜特別ge款式，所以我都係叫左個雜果涼粉就算la。個糖水冇乜驚喜，同一般糖水舖差不多，冇朋友講到咁正。我覺得可以再整得甜Ｄ，因為始終涼粉本身係冇乜味ge。另外，D生果有部份唔太新鮮，所以食落去可能會太硬，或者唔甜，不過大部份糖水舖都總會有呢個問題。一句講曬，總體黎講都係普通la。:)…Read More

鴻星真係陪住我大既酒樓黎，差唔多間間都試過。對於唔鍾意咁傳統既中式點心既朋友，鴻星既公仔點心簡直係恩物！就算要比多少少錢，見住d做得咁精緻既點心真係好好味口，而且味道都唔錯！鴻星啲點心真係好特別，幅圖入面個海龜包係一個綠茶味嘅包，有種甜中帶甘既感覺...上面個殻係一塊曲奇，咬落去軟中帶脆，綠茶味啱啱好唔會太濃，香味彌漫喺口中，真係好過癮！！佢仲有好多其它得意點心，例如白兔綿花糖、鳳凰蟹籽卷等，除咗賣相精美之外，味道都好唔錯，大大份足料之餘仲味道好新奇，絕對唔係普通茶樓會食到嘅味道，但配搭起嚟又好夾！雖然價錢方面唔係好平，但想飲茶又想有啲新意嘅可以嚟鴻星一試！…Read More

日式放題喺香港越開越多，不過間間質素差唔多，不過大喜屋畀到我喜出望外嘅感覺。成間鋪頭基本上滿座，可以睇得出好受歡迎。我地首先叫嘅係一大盤刺身，全部都非常新鮮，魚類全部都切得非常厚，口感好好，而甜蝦有兩款可以選擇，有普通嘅甜蝦同特大版，兩種都非常鮮甜，唯獨係帶子冇乜特別。燒物之中最好食係羊鞍，非常入味之餘質地亦都異常地鬆軟，不過焗蠔就唔太突出，配料過多相比下蠔就太細粒。炸物嘅水準都唔錯，全部都炸到好鬆脆，吉烈蠔入面嘅蠔比起焗蠔大粒得多。總體而言，250蚊左右嘅價錢，食到咁多高質素嘅野食，非常之唔錯！…Read More

沙嗲佬嘅大名其實喺西灣河基本上可以話冇人唔知，只不過以前唔係一個鋪位，而係一個流動小販車。去到今日，雖然沙嗲佬串燒嘅價錢比起以前貴左唔少，但係當年嘅味道依然，絕大部分嘅串燒都係生燒嘅，雖然要等耐啲，不過食起上黎嘅口感絕對係另一個層次。値得推介嘅係牛肉串燒，每一舊牛都大細適中，唔會太薄，啱啱好可以一啖食哂，而羊肉串燒就有較重嘅調味料同孜然嘅味道，同時羊味亦十足，本身鐘意食羊肉嘅一定鐘意！鋪頭只會喺夜晚營業，亦會有一定人數喺度排隊，不過要食好味嘅串燒就絕對要付出！…Read More

價錢相當合理嘅平民茶餐廳，不過入面最出色嘅係各種唔同嘅小菜，無論係一啲常見嘅肉餅、炒蛋、漁香茄子，抑或係蠔餅都有一些般酒樓嘅水準，例湯亦都唔會話淡到水咁。值得推介嘅係蠔餅、黃金骨、枝竹火腩魚腩煲，蠔餅大大塊之餘炸得非常香脆，黃金骨唔會話淨係得骨冇肉食，而且層脆漿唔會話太厚，魚腩煲就勝在勁太煲，多到你一定食得飽！另外，餐廳入面嘅職員亦非常熱情，主動推介好菜式，餐廳另一大賣點就係可以外賣小菜，佢份菜單絕對係居家必備！…Read More

東輝比起一般茶餐廳冇乜特別之處，但係勝在多食物種類，又夠效率，半夜依然營業，最啱夜晚突然肚餓落去醫下肚。常餐仲有雞脾沙津都有唔錯嘅水準，常餐每樣野食嘅份量都唔錯，炒蛋亦都唔會太油，雞脾大大份一定夠飽，炸薯條一捧上黎熱辣辣，外脆內軟。我覺得特別好食嘅就係蠔仔肉碎泡飯喇，超級大碗加埋大大粒非常之飽滿嘅蠔，而且佢啲肉碎唔會話淨係得一粒粒肥油，有香味之餘又有咬口，絕對係一絕！而海鮮炒公仔麵亦值得一試，口感好嘅公仔麵，加埋豉油皇醬汁，非常惹味！…Read More

潮人飯堂嘅形式同一般酒樓有啲相似，不過特別之處在於佢有唔少fusion菜式，而且食物亦都整得比較仔細。不過我推薦大家喺下午茶時段去飲茶食點心，價錢唔算太貴但食物質素相當有保證。點心之中較為出色嘅係佢嘅鮮蝦春卷，外層炸到金黃色，鬆脆之餘又冇乜油益嘅味，入面嘅鮮蝦亦唔會話好梅。另外，馬拉糕亦都值得一試，大大個籠入面裝住三大舊馬拉糕，鬆軟之餘甜度非常合適！佢亦會推出特別優惠，絕對係附近住客嘅飲茶好去處！…Read More

餐廳嘅環境就唔係話十分之靚，不過勝在價錢夠平民，加上有多種唔同嘅小菜選擇，屋企冇煮到飯嘅話，喺浩記一樣可以嘆到家常便飯，小菜、白飯、例湯樣樣齊。我推薦嘅係一樣非常之經典嘅菜式—漁香茄子。雖然依道菜式常見，但唔係度度煮得好食，茄子每舊都大大舊，生熟拿捏得啱啱好，唔會太硬或者太淋，加埋非常之有味嘅肉粒，非常好食！炒蝦亦都係唔錯嘅選擇，唔係話好大隻，不過就非常入味。不過未必一定有空位，不時都會滿座。經過或者係街坊都值得試下！…Read More

食物嘅種類非常多，有唔同嘅小菜、炒粉麵、燒味、扒餐等等，基本上一定有啱食嘅野。小菜黎講，大部份都非常入味，尤其係啫啫菜煲，大大個煲入面裝住相當份量嘅通菜，配上有蝦乾嘅海鮮醬，不過可能對某啲人黎講會咸左啲。而蒸魚等菜式都可以一試，魚嘅大細適中，好在夠新鮮。最出色嘅係跟餐嘅老火湯，火喉夠唒，飲得出非常足料！可惜嘅係價錢偏貴，比起幾年前加價接近5成，兩個小菜套餐已經接近$200，接受到價錢嘅話可以一吃，不過好大機會要等位。…Read More

香港人越黎越鐘意食打冷、滷味，間接令順興嘅生意越做越好，一臨近夜晚，一定會見到一條長龍喺鋪頭出面。最搶手嘅食物不外乎滷鴨滷鵝同墨魚，全部都非常鮮味，包保一試難忘。我要推介當然係當店人氣之最—滷鵝！啲鵝勝在夠多肉，無論胸位定係肶位都夠厚肉得黎又唔會太乾，配埋特製嘅醬油汁同酸汁兩種唔同嘅風味，非常惹味！喺門口排咁耐隊都係值得嘅，另外要注意嘅係一賣哂就會閂鋪，所以要買就要早啲去喇！…Read More

喺香港要食海南雞飯絕對唔難，但係要揾到咁抵食嘅就真係唔容易。雖然加左價，但係都只係需要$25就有飯有雞有湯。雖然啲雞嘅份量真係唔算話好多，不過勝在夠入味，啲雞皮厚薄啱啱好，即使係雞胸肉都唔會話食落好老，而且啲肉亦唔會話好乾，有足夠嘅肉汁。當然叫雞脾更加能夠享受到滑嫩嘅口感。佢亦有雞腎等特別小食供售，包保大把選擇。配埋佢畀你自己揀嘅豉油、酸辣醬同埋薑茸3種醬汁(可以要哂3樣)真係不得了，絕對係自己一個人買翻屋企食嘅好選擇！…Read More

下午茶時間經過第一城，但個到又周圍都係連鎖快餐，食到厭， 所以最後簡左呢間。呢間價錢一般般，我叫左個牛腩麵，加埋一杯紅豆冰，就33蚊。個麵ge麵質同平時喺茶記食開個d差唔多，比較普通。至於d 牛腩，就比較細舊，而且有幾舊食落去偏硬同唔夠肥，整體質素都係一般。另外，我飲紅豆冰，但佢比左支細吸管我，搞到成日條吸管會比d紅豆塞住:(，不過杯紅豆冰就幾好飲ge…Read More

最近m記又推出新野，以黑白做主題。係甜品方面，佢地出左個新地黑白椰子脆，簡單黎講即係椰子批加芝麻新地，咁我見新野，就都買左個黎送餐食。但係，呢個甜品令我非常失望。首先，其實我一向都覺得批加新地呢個idea麻麻地，食落去一淡凍一淡熱咁，感覺好奇怪。另外，d芝麻新地d味太搶，加上本身個批ge餡已經唔重味，所以我根本食唔到個批係乜味。:(另外，椰子同芝麻，我個人認為佢地唔係太夾，所以我唔太鐘意呢個甜品ge味道。…Read More

經過港鐵站，就比pie and tart傳出黎ge香味吸引左。最後我買左個鮮奶撻同雞批食。無論係個批定個撻，我都覺得好好食。先講個雞批，都幾足料，食落去淡淡雞肉，而且入面d肉餡唔太硬同唔痴牙另外，個鮮奶撻層皮幾脆，而且個撻ge鮮奶味唔太濃唔太淡，恰到好處。但係，無論係個撻定批，都好易散，所以好易食到成地都係碎:(:(…Read More