沙嗲佬

Open Now

Now Closed

沙嗲佬嘅大名其實喺西灣河基本上可以話冇人唔知，只不過以前唔係一個鋪位，而係一個流動小販車。去到今日，雖然沙嗲佬串燒嘅價錢比起以前貴左唔少，但係當年嘅味道依然，絕大部分嘅串燒都係生燒嘅，雖然要等耐啲，不過食起上黎嘅口感絕對係另一個層次。値得推介嘅係牛肉串燒，每一舊牛都大細適中，唔會太薄，啱啱好可以一啖食哂，而羊肉串燒就有較重嘅調味料同孜然嘅味道，同時羊味亦十足，本身鐘意食羊肉嘅一定鐘意！鋪頭只會喺夜晚營業，亦會有一定人數喺度排隊，不過要食好味嘅串燒就絕對要付出！