soeatingismylife's Profile

餐廳環境日系簡約，氣氛舒服，幾啱同朋友慢慢傾偈又影下靚相📸～食物選擇多，擺盤精緻，其中甜品表現最為突出🤩。🌗和牛壽喜燒定食 $168一上枱已經香氣四溢🤤，甜甜鹹鹹嘅壽喜燒汁包裹住油香滑嫩嘅和牛；配料豐富，豆腐菇菌樣樣有，仲可以拌埋溫泉蛋同白飯🍚，邪惡又幸福～🌖豪華海鮮丼茶漬飯 $178滿滿嘅刺身包括甜蝦、三文魚腩、吞拿魚、帶子，新鮮肥美又鮮甜。再加上茶漬湯，米飯吸收湯汁後更易入口，適合秋天進食。🌖抹茶蕨餅新地 +$42抺茶蕨餅質地軟糯，抺茶同朱古力雪糕以外仲有牛奶新地🍦，微甘茶香同奶香融合，甜度啱啱好，不膩又滿足～🌖鎌倉紅葉茶屋抹茶提拉米蘇 +$42壓軸必試！Tiramisu質地軟滑，蛋糕濕潤細膩，抹茶香濃帶微甘，層次豐富，甜而不膩，完美收尾～🌗冰芒果百香果茶 +$20芒果嘅香甜配上百香果嘅酸香，清新果香同茶香完美結合，夏日感爆棚☀️。🌗冰極菠蘿寒天梳打 +$21超解渴清新！菠蘿酸甜爽口，寒天QQ彈彈，配埋氣泡梳打，飲落即刻醒神。-#紅葉茶屋 #日式料理 #壽喜燒 #海鮮丼 #茶漬飯 #甜品控 #打卡美食 #soso_foodie2025 #soso_hk2025#soso_100至200元 #soso_200至400元 #soso_400至800元 #soso_800元以上 想睇同區食店介紹？可以參考👇🏻👇🏻#soso_九龍 #soso_大角咀想睇同類食物介紹？可以參考👇🏻👇🏻#soso_西式 #soso_日式 #soso_甜品 #soso_丼飯 #soso_海鮮 #soso_火鍋…Read More

今次同朋友去試下呢間人氣甜品店，無論係顏值定味道都幾高質。🌖可愛QQ雪見·士多啤梨 $45呢個造型真係超治癒，表情可愛，上面粒鮮紅欲滴、晶瑩飽滿嘅大草莓好搶眼。外層麻糬薄薄一層，質感軟糯煙韌，好似雪糕糯米糍嘅輕盈外皮。咬開仲有軟滑香甜嘅爆漿內餡，甜度恰到好處，唔會膩。最重要係顏值滿分，打卡必點！🌖焦糖巴斯克開心果芝士蛋糕配鮮果 $68面層焦糖厚厚一層，帶微微焦香，如果再薄脆少少會更完美。芝士蛋糕入口綿密幼滑，口感輕盈唔會太heavy，仲滲出淡淡嘅開心果堅果香，味道清新不膩，伴隨新鮮水果一齊食更加平衡。🌖榴槤雪糕窩夫 (升級榴槤雪糕) $66雪糕入口有濃郁榴槤味，唔會假假地；雪糕以外仲有香濃嘅榴槤蓉，滿足曬榴槤控。窩夫即烤即上，熱辣辣外脆內軟，配埋冰涼雪糕同香脆粟米片一齊食，口感層次豐富又對比強烈，超級過癮。🌖鮮奶桃膠椰皇燉蛋白配蓮子 $69椰皇燉蛋白一定要趁熱食！滿滿嘅椰子香同滑捋捋嘅蛋白，入口細膩柔順，再加上養生爽滑嘅桃膠同清甜綿密嘅蓮子，最後淋上香濃鮮奶，口感更圓潤。整體味道清香滋潤，真係美味與健康並重。-…Read More

是日食台式餐點，叫左個限定二人套餐，包括一款前菜同兩個主菜，附送兩個靚仔同飲品，升級特飲可享半會優惠。環境舒適，服務親切，飲品有創意又有驚喜，下次會再去試埋佢哋嘅甜品！🌖皮蛋豆腐豆腐上面鋪滿肉鬆，份量多到爭啲見唔到豆腐，肉鬆豆腐配埋皮蛋一齊食，加埋醬油膏鹹中帶甜整體有層次感～ 啱曬而家咁炎熱嘅天氣。🌗經典三杯雞煲一上枱香氣已經撲鼻而來～三杯嘅靈魂（麻油、米酒、醬油）發揮得淋漓盡致，雞件索晒汁，每啖都係濃郁惹味，好啱重口味人士🤤 不過略嫌偏鹹，建議配白飯一齊食，完美中和！🌖鮮味海鮮豆腐煲呢煲就清鮮得多，用料唔手軟，有蜆、蝦、魷魚、魚片，魚片滑到好似豆腐咁，豆腐本身就有啲煙韌感，似足介乎於硬豆腐同魚片中間嘅口感，好特別～湯底唔重味，但就飲得出海鮮精華，有種溫和嘅鮮甜👍🏻。🌖古早味綠豆沙牛奶 +$21.5綠豆沙牛奶有少少草青味，不過重點係個奶蓋，好厚好綿，飲落仲有淡淡奶香，層次感不錯！🌖開心果脆脆四季春茶 +$17Wow！開心果奶蓋真係市面罕見，一見即點😆！ 奶蓋係真心濃郁，開心果味好突出，唔係得個名～今次最大敗筆就係我手賤揀咗少糖（70%），結果飲落太甜，如果你唔係螞蟻人建議揀半糖甚至三分糖，咁就perfect啦～-…Read More

深夜口痕，想食甜品又想食啲鹹香野，好彩遇到呢間小店，小食糖水一應俱全，唔使轉場就可以鹹甜都食晒，一站式食飽飽，可以拍拍囉柚返屋企大覺瞓～🌖119. 香辣椒鹽雞球 $29一份四件炸雞球，外層香脆而入面仲保留咗好多肉汁，香口惹味，十分推介👍🏻。🌗411. 燒汁蒜香牛粒 $37一份有七粒牛肉，肉質較韌，不過肉汁都幾多。🌖403. XO醬炒燒賣（6粒）$32燒賣係魚肉燒賣，質感煙韌，唔會太重麵粉感覺；燒賣全部開半，令更多XO醬可以包裹喺燒賣表面，叫咗加辣都唔算好辣；燒賣以外仲有大量芽菜，食落清新爽脆，今宵夜嘅罪惡感減半😛。🌖626H 白雪女皇（熱）$49白雪女皇實質係腐竹桃膠糖水配燉蛋白，蛋白滑溜，甜度適中；腐竹煲到完全化開，不見一點腐竹嘅痕跡；桃膠份量都唔少，滋補養顏，啱曬女皇🤭。另外+$12 加咗兩粒芝麻湯圓，單價較貴，好在芝麻餡尚算重芝麻味，而且流心唔係實的的，質素可以接受。🌖645 芒果王子（凍） $56芒果王子即係啲楊支甘露+椰果+蘆薈+桃膠，另外再+$9 得到一份份量超多嘅芒果爆珠，實行口質大爆發！味道方面，楊支甘露唔會太甜，芒果都幾香濃，唯一不建議加爆珠，因為味道太甜，蓋過糖水嘅味道。-#soso_foodie2025 #soso_hk2025#soso_50元以下 #soso_50至100元 #soso_100至200元 #佐敦 #渡船角 #糖水 #楊支甘露 #燉蛋白想睇同區食店介紹？可以參考👇🏻👇🏻#soso_九龍 #soso_佐敦 想睇同類食物介紹？可以參考👇🏻👇🏻#soso_港式 #soso_中式 #soso_小食 #soso_甜品…Read More

香港貴為美食集中地，想試咩國家嘅菜式都有，今次就試吓去黎巴嫩菜～🌖Classic Hummus 經典鷹嘴豆蓉 $98前菜叫咗個冷盤，雪凍咗嘅鷹咀豆蓉，加入咗檸檬汁，口味清爽酸酸地幾開胃，啱曬而家夏天嘅天氣。🌕Signature Lamb Shank Clay Pot招牌慢煮羊腿煲 $278100%確認佢係慢煮！羊腿真係超軟淋！用餐刀輕輕劃過就可以切出羊肉，而且仲好juicy，羊肉嘅羶味唔重；松露薯蓉香滑唔膩又重松露味，絕對係色香味俱全！🌖Lebanese French Toast with Brioche 黎巴嫩法式多士 $98麵包超鬆軟！中間夾有開心果醬，夾層嘅Nutty味好突出；面頭有開心果碎同埋石榴粒，配搭新奇。餐廳環境企理舒適，大量花花草草喺你附近，令人心情愉悅。最緊要係侍應熱情有禮，除咗推介餐點之外，仲會主動為客人分餐；見我嘗試吸啜羊腿骨髓時，瞬即為我遞上吸管，非常細心！…Read More

是日叫咗個二人前，一次過食曬大板燒同鐵板燒，仲坐正鐵板前，可以睇到師傅煮食功架。🌖明太子玉子燒 MENTAIKO TAMAGOYAKI玉子燒夠厚身，蛋香略帶甜味而且非常濕潤爆晒汁，中間夾住明太子，鹹香中又有少少辣勁。面頭淋上少少大板燒嘅醬汁，份量剛好，唔會搶味，令整體層次更豐富。🌖南蠻炸雞 CHICKEN NANBAN炸雞外皮香脆，唔油膩，雞肉嫩滑多汁，咬落仲有少少肉汁爆出嚟，配上酸酸甜甜又creamy嘅tartar sauce真係一絕。🌖澳洲黑安格斯牛 AUSTRALIA BLACK ANGUS BEEF牛肉煎到medium rare，切開仲見到靚靚粉紅色，肉味濃郁，唔洗點醬已經好食。配埋蒜片同燒野菜，口感同香氣都好有層次。🌖鵝肝大阪燒 FOIE GRAS OKONOMIYAKI大阪燒煎得夠香，外脆內軟，入面有椰菜、豬肉片同麵糊，夠晒足料。面頭放咗兩塊厚厚鵝肝，煎到外脆內creamy，油香四溢。大阪燒口感豐富但偏向街頭風；鵝肝就係法式高貴代表，放上大阪燒面頭，雖然視覺上好吸睛，但味道上就有啲衝突——鵝肝嘅油香被大阪燒醬搶咗風頭，反而唔夠突出。呢個配搭就好似兩個主角爭戲咁，唔係唔好食，但未必係最佳拍檔，下次可能叫返個基本款就已經夠。🌗甜品 DESSERT最後甜品係蜜瓜味大福，外層煙韌得嚟唔黏牙，入口清爽。大福內包住嘅係蜜瓜味嘅軟滑 filling，質地似奶凍咁咁滑，甜度啱啱好，唔會膩。味道雖然唔算超突出，但勝在賣相精緻，配埋靚靚小碗同銀色小匙，食完主菜後嚟個清新收尾都幾舒服。-#soso_foodie2025 #soso_hk2025#soso_400至800元想睇同區食店介紹？可以參考👇🏻👇🏻#soso_九龍 #soso_九龍城想睇同類食物介紹？可以參考👇🏻👇🏻#soso_日式 #soso_炸雞 #soso_大阪燒 #soso_玉子燒 #soso_鐵板燒 #soso_鵝肝控…Read More

🌖冬蔭雞湯 $90望落清清地，好似好溫柔咁，但飲落先知原來係隱藏版狠角色！辣味係層層堆疊咁出嚟，唔係即刻辣，而係慢慢滲入你每條味蕾，飲到中段已經開始搵沙冰救命（好彩叫咗兩杯）。酸香夠晒泰式，勁多雞件，香料味重但唔會蓋過主角，係一碗有驚喜、有深度嘅冬蔭湯。🌖小食拼盤 $158鳳爪份量超多，蝦餅厚身唔油膩，雞翼炸得香脆，春卷炸得清爽唔油膩，咬落有聲；雞卷質感鬆軟，唔會太乾。🌗辣椒膏炒蝦 $128重口味之選，辣椒膏炒得夠香夠濃，啱晒鍾意濃味嘅朋友。蝦大大隻，質地結實唔會腍，咬落爽口有彈性，配飯一流。🌗串燒沙嗲 $88沙嗲醬花生味好重，濃郁得嚟唔會膩，雞肉唔乾但略嫌冇乜炭香，整體口感唔錯，係偏甜版沙嗲，鍾意花生味嘅朋友應該會幾啱。🌗蝦醬炒飯 $65炒飯粒粒分明，乾身得嚟唔會太硬，蝦醬味唔算濃但有香氣，最驚喜係加咗肉鬆！甜甜地中和咗蝦醬嘅鹹香，層次即刻升級，食落有啲似台式風味，幾有趣。-#soso_foodie2025 #soso_hk2025#soso_200至400元 #串燒 #沙嗲 #冬蔭公想睇同區食店介紹？可以參考👇🏻👇🏻#soso_九龍 #soso_九龍城想睇同類食物介紹？可以參考👇🏻👇🏻#soso_泰式 #soso_辣 #soso_海鮮 #soso_串燒…Read More

🌖五指毛桃脆皮雞煲 $228呢個湯鍋版雞煲真係有驚喜，唔係一般一鍋一次過咁煮，而係分層烹煮，足足七層，食法儀式感滿滿。第一層係雞腳，先放落鍋成為湯料一員。第二至六層係雞肉，切成細細件，唔洗煮耐，淥30秒就啱啱好，肉質嫩滑，雞皮爽脆。最後嗰層最特別，係未成熟嘅雞蛋同埋雞內臟，呢個真係要煮耐啲，雞蛋煮完滑溜溜，內臟冇腥味。湯底用五指毛桃煲足火候，入口清甜溫和唔霸道，完全唔油膩，食完冇負擔，反而想添多碗湯。🌗撈汁海鮮拼盤 $88蜆冇沙，生蠔飽滿，蝦同鮑魚都爽彈。冷盤海鮮撈汁微辣帶酸，加入青柑桔開胃得嚟唔搶味，啲汁仲有啲芫茜香，食落去有層次。🌗精品牛舌 $78切得夠薄，落湯一煮即熟，口感較爽。煮薄切牛舌真係要快手，幾秒就好上水，唔係煮耐咗就會變鞋。🌗鹹蛋黃蝦丸 $58蝦丸彈牙，咬落去仲有啲鹹蛋粒爆開，幾有驚喜。🌖黑皮姬松茸 $36落湯煮完依然保持爽口，冇煮到腍晒，香氣淡淡滲出，唔會搶味但又有存在感。🌖西洋菜 $26打邊爐點都要叫返個菜，清清地平衡晒成餐嘅油膩感。🌖凍檸茶 $38大大杯上枱，檸檬切得厚，茶底夠濃唔澀，糖度啱啱好，打完邊爐飲返啖，清涼又解膩，完美收尾。#soso_foodie2025 #soso_hk2025 #soso_200至400元 #最鍾意試新野 #鳳園椰子雞 #五指毛桃湯底 #七層雞煲 #冷盤海鮮想睇同區食店介紹？可以參考👇🏻👇🏻#soso_九龍 #soso_旺角想睇同類食物介紹？可以參考👇🏻👇🏻#soso_中式 #soso_海鮮 #soso_火鍋…Read More

第一次食鐵板燒omakase，揀咗個入門九道菜廚師發辦套餐，材料每樣都新鮮甜美，不過重複性較高。🌖 煙三文魚沙律煙三文魚鹹香適中，唔會over鹹，質感滑溜有油香。另外仲有中華沙律、魚子醬同龍珠果，結合清新得嚟又有層次，清爽嘅蔬菜中帶點鹹香又有啲酸酸甜甜，係幾開胃～🌖 法國生蠔、馬糞海膽、魚子醬生蠔超大隻，飽滿到震，先單食一隻非常新鮮甜美～第二隻撈埋海膽魚子醬山葵一齊食，直接爆鮮！海膽creamy，魚子醬帶鹹香，山葵微微刺鼻但唔搶，一啖有多重享受！🌖 溫泉蛋白松露、魚子醬海膽、蟹籽店家建議撈勻食用，入口係咸香滑溜又帶啲爆珠口感～溫泉蛋好滑，加埋松露香、蟹籽脆、魚子醬同海膽嘅濃厚，口感豐富好有層次～🌖海膽香煎鮑魚、味噌奶油海膽北海道帶子、黑松露蘑菇鮑魚質感非常抵讚，彈牙得黎又超級柔軟，令人印象深刻～黑松露蘑菇非常juicy，入口有幽幽嘅松露味；味噌奶油味道幾特別，creamy中帶點鹹香，加埋海膽鮮甜，帶子又厚又多汁，完美組合！但係呢個組合真係好厚，要一口食哂真係要好努力先塞得晒入去😂。🌕 鵝肝多士配檸檬奶油鵝肝超厚切，油脂香濃，一咬即化～配上檸檬奶油，真係一秒解膩，酸香balance得好好～但份量真係幾多，食到中段有啲滯，如果可以薄返少少或者細份啲就會更舒服無負擔～🌗 薄切和牛黎食鐵板燒，最令人期待嘅就係師傅嘅鐵板燒火焰表演🔥！師傅熟練又有型咁揮鏟同灑酒，喺火焰一撲而起之際，現場即刻掌聲四起，氣氛去到高峰！味道方面，和牛係薄切但依然肉味濃郁，包住大量蔥蒜一齊食，好香口，唔腥唔膩。旁邊嘅配菜有節瓜、粟米筍、鵪鶉蛋、蘑菇等，樣樣都新鮮又精緻～🌗 海膽魚籽蟹籽蛋包飯配酸梅汁講真，到主食時我已經九成飽🤰🏻，但有酸梅醬汁幫手解膩吊返少少口水出黎先可以繼續食😅，炒飯炒得乾身，內裡夾雜少少焦香嘅飯焦～面頭鋪滿海膽魚籽蟹籽，逼逼啵啵咁樣好過癮。🌖 花膠燉湯湯底燉得夠火喉，飲落順喉冇味精感～花膠勁大塊，而且煲得夠腍夠滑，滿滿嘅骨膠原食曬落肚🤩。🌖 菠蘿柚子雪葩結尾都唔可以馬虎～食晒咁多道菜之後其實好飽，但食一啖呢個雪葩落去即刻refresh晒～酸甜度啱啱好，菠蘿同柚子都幾突出，好解膩～Perfect ending❤️-#soso_foodie2025 #soso_hk2025#soso_400至800元 #soso_800元以上 #生蠔 #海膽 #和牛 #魚子醬想睇同區食店介紹？可以參考👇🏻👇🏻#soso_新界 #soso_大埔想睇同類食物介紹？可以參考👇🏻👇🏻#soso_日式 #soso_海鮮 #soso_鐵板燒…Read More

🌖慢落豬（慢煮西班牙冰花酸梅黑毛豬串燒配甜蕃薯條） $288每串串燒份量十足，建議三個人share，咁就可以叫多幾款野食。慢煮嘅西班牙黑毛豬肉質嫩滑，但仍保留嚼感，滿載肉香，啱曬食肉獸；冰花酸梅唔單止中和咗豬肉嘅油潤感，更添一層微妙果酸同甘香；配菜嘅甜蕃薯條，表皮微脆、內裡鬆軟，帶有天然甘甜。定價略高，但以選材、處理時間及份量計算，尚算物有所值。🌖Come 芒，占士 （三層芒果牛奶） $88有得玩有得食！呢杯飲品不單止味道唔錯，更加有視覺享受：倒入芒果牛奶時，奶泡會緩緩升起，再加上棉花糖同朱古力碎作裝飾，好似一層層雲咁浮起，打卡一流！飲之前先食一口奶泡，質感綿密、柔滑，入口輕盈；再嚐芒果牛奶，味道有啲似楊枝甘露，口感順滑，甜度適中，唔會太膩。🌖在森林和原野(Semifreddo Al Caffe & Green Tea Crumble) $148甜品造型有如童話故事嘅微型自然景觀：抹茶碎屑如青苔般遍佈森林地下（碟面），Semifreddo造成樹幹靜躺林間，另外仲有磨菇及小動物棲息其中，與餐廳本身嘅森林系裝潢完美呼應，打卡指數爆燈。-…Read More

是日需要慰勞一下自己，叫咗個二人餐，由餐湯前菜到飲品甜品全部有齊，非常滿足，當中甜品最為驚艷，就算食到好飽都依然食得落！-🌗是日餐湯是日餐湯係蘑菇湯，每啖入口都有蘑菇碎，都幾足料。🌖龍蝦湯+$20做唔到龍蝦湯幾出色，香濃之餘，就算凍咗都唔會有腥味，仲有粒粒爽彈蝦肉。🌖蒜香辣椒白酒煮蜆蜆肉大隻飽滿，全都無沙，而且有淡淡白酒清香。🌖烤羊架（3件）羊架五成熟係個明智之舉！羊架內裡超粉嫩，而且肉質軟嫩，肥膏嘅部份唔算多，羶味適中。羊架下面係薯仔千層，對比薯蓉黎得清爽，係個唔錯嘅配菜。🌗明太子蟹肉扁意粉意粉熟度剛好，唔會太軟；口感豐富，食到有一絲絲嘅蟹肉，以及明太子醬汁以及面頭裝飾嘅蟹籽喺口中逼逼啵啵咁爆開。忌廉汁凍咗容易變稠令意粉結成一大餅，所以建議大家一定要趁熱食！🌕開心果梳乎厘班戟Pistachio Pancake +$128超正！無論係視覺定係味覺都大滿足！梳乎厘班戟輕輕一碰就會左右晃動，好似啫喱咁震揗揗，動感十足；入口軟綿綿，充滿空氣感，但又唔會好似線花糖咁𣊬間消失；最正係面頭嘅開心果醬，開心果味濃郁，順滑而且唔會太甜，就算係曬成份都唔覺得膩，大推！🌗檸檬撻 Lemon Tart單食檸檬撻面頭嘅蛋白會覺得稍甜，但配埋酸微微嘅醒神檸檬果醬就啱啱好。🌗芒果咖味 Mango Coffee芒果味唔太出，可改點另一款。🌖焙茶鮮奶咖啡 Hojicha Latte焙茶味幾濃郁，茶粉會沉於底部，唔建議大家攪拌。-#soso_foodie2025 #soso_hk2025#soso_200至400元 #soso_推介 #梳乎厘班戟 #sofflepancake 想睇同區食店介紹？可以參考👇🏻👇🏻#soso_新界 #soso_大圍想睇同類食物介紹？可以參考👇🏻👇🏻#soso_西式 #soso_日式 #soso_cafe #soso_甜品 #soso_意粉…Read More

🌖鹽酥雞 $48鹹酥雞外層炸皮唔會太厚，而且緊緊包裹住雞肉，令雞肉保持嫩滑多汁；味道唔會太鹹，更能突顯九層塔嘅香氣。🌖蒜醬油麥菜 $48油麥菜新鮮翠綠，蒜醬唔多，清新爽脆。🌗麻油素麵根椒麻皮蛋 $28麵根係主體，皮蛋份量較少，係一個點綴嘅角色，整體椒麻感唔高，帶有淡淡麻油香。🌗青花椒香手撕雞乾拌麵 $78手撕雞以外仲有完美嘅溏心蛋，，麵嘅質地較軟身；整體味道唔會太重，麻辣BB班適用。🌗招牌紅燒腱心牛肉麵 $86一碗有三大件牛肉，略帶牛筋，炆得軟稔而唔爛，值得一試；湯底香濃夠味，帶有輕微藥材味道；麵底可選細麵或者手工麵，手工麵較為闊同厚身，夠晒飽肚，而且冇咁掛湯，配合較濃味嘅湯底就非常適合。🌗西瓜奶茶 $34飲品餐牌第一樣就係西瓜奶茶，見佢咁特別就試吓啦，飲落味道幾得意，唔會話非常突兀。🌖草莓歐蕾 $38透心涼之選！質感係冰同奶昔嘅混合體，但係味道太甜，記得記得要叫半糖或者更少嘅糖度！-…Read More

🌖沙茶鮮牛熱伴麵 $59鮮牛份量都幾多，厚薄適中又無筋，不過有摺疊嘅部份，可以處理得更仔細，令沙茶醬更平均地沾上；伴麵嘅醬汁可選拾香椒麻、招牌蔥油、培煎胡麻，今次揀左拾香椒麻，食落香麻適中，辣味唔重，重口味者可以一試。🌗沙茶牛雜湯麵 $54點估到food court 竟然有牛雜！雖然無左啲鉸剪chop chop 聲，但有時癮到，喺food court 就止到癮係幾方便～牛雜份量都幾多又大件，有牛肺、牛粉腸、牛肚、金錢肚、牛膀等，個人最鍾意牛肺，如果有埋芥辣同甜醬就perfect 😬。🌖牛面頰 $38牛面頰係冷盤黎，份量唔少，滷得都幾入味唔會太鹹，如果想食熱嘅可以放入湯麵中。🌖黃金雞球（配蜜糖芥末醬）$38一碟四件，雞球唔肥啖啖肉，外層無乜炸粉炸漿，炸得唔錯，唔油膩又juicy；。🌖洛神花樣 跟餐+$12味道酸酸甜甜好開胃～🌗白桃冷泡茶 跟餐+$12味道較甜，一枝可以開兩支飲，夠曬抵😆。#soso_foodie2025 #soso_hk2025 #soso_50至100元 #soso_牛響度 #牛雜 #黃埔想睇同區食店介紹？可以參考👇🏻👇🏻#soso_九龍 #soso_紅磡 想睇同類食物介紹？可以參考👇🏻👇🏻#soso_港式 #soso_麵…Read More

🌖四川麻辣烤魚 $248/位烤魚上枱時煙霧彌漫，煮滾時大量氣泡湧現，氣勢磅礡，視覺效果滿分。烤魚外皮煎香，放入四川麻辣湯底吸滿麻辣香氣，肉質嫩滑，就算煮耐左都唔會好鞋。烤魚餐附送刺身拼盤，拼盤包括蝦、八爪魚、北寄貝、油甘魚及三文魚，當中三文魚仲可以無限refill！刺身整體質素唔錯，北寄貝非常鮮甜。食完刺身同烤魚仲可以變身火鍋放題，各款餃類丸類可以自助提取，蔬菜嘅選擇都唔少，西洋菜娃娃菜皇帝菜西洋菜豆苗任君挑選。飲品方面真係超誇張，絕對要推介俾酒鬼！啤酒任飲之餘仲要清酒白酒都係任飲😮，啤酒就有得揀青島金裝、生力、Budweiser、Hoegaarden rosée，任飲黎講真係算有盛意！至於非酒精類飲品，都係例牌汽水、檸檬茶、中式茶果啲啦，無謂嘥口水。最後梗係唔少得甜品啦！兩大櫃雪條隨便任食，味道大概有六款，我就一定係食榴槤雪糕☺️。🌖牛肉盛宴圈 加購價$188呢個圈圈真係超啱打卡，成張相勁colorful！拼盤共有六個部位，分別係牛頸脊、封門柳、牛小排、薄切牛舌、牛肉粒、金錢𨫀，個人最喜愛牛小排，貪佢夠嫩滑柔軟。份量都確實唔少，兩個人食有點over，建議四個人share 會比較好。-…Read More

餐廳食品多樣化，壽司刺身串燒揚物鍋物小食飯麵應有盡有。創作壽司以外，估唔到清酒煮蜆最有驚喜，詳情即睇以下食評～🌖煙花（4件） $58煙花卷入面包有辣味吞拿魚同辣味三文魚，面頭鋪滿吞拿魚，仲有唔少蟹籽同脆片，色彩繽紛之餘口感豐富。🌖金龍卷（8件） $98金龍卷內包有炸蝦同少量芝士，面頭鋪有三文魚。炸蝦香脆唔油膩，芝士嘅份量較少，唔會搶過炸物嘅滋味。🌖清酒煮蜆 $128蜆處理得幾好，全部都無沙，隻隻都開大個口，非常新鮮，而且大隻又肥美；生熟度控制得啱啱好，完全無overcook；酒味唔重，容易入口。🌖芝麻雞翼（2隻）$38芝麻雞翼幾大隻飽滿，整體算清爽，雞皮都無乜肥油。🌗日式章魚小丸子（6粒） $48小丸子外層香脆，內裡鬆軟，章魚燒醬嘅份量適中，整體唔會太鹹，加返啲沙律醬會更好。-…Read More