joan_ne_man's Profile

一上樓開𨋢門已經入左餐廳，光線充足，地方唔大但感覺舒服。日式薯仔沙律 -做前菜，沙律重蛋黃香。美國銀鱈魚，師傅做到兩面都金黃，食落表面香脆，內裡細滑，但平衡返銀鱈魚的魚油。南非孔雀鮑魚配忌廉海苔醬汁，肝臟比較濃味，點忌廉汁更加特長，而鮑裙口感夠好腍，中間則彈牙。越南大虎蝦，肉質爽口彈牙，而且大隻，配蝦膏做的醬汁，充滿鮮味。牛舌芯，味道較清，口感爽脆。香煎匈牙利鵝肝配紐西蘭牛柳，用左無花果黑醋作為醬汁，鵝肝唔會太油膩，而牛柳墊底，吸收鵝肝的香味。昆布白蜆湯，清一清味蕾，重有淡淡的牛肉味。櫻花蝦薑粒炒飯，飯中滲透薑的味道，粒粒炒到好乾身。因為太豐富，所以主動要求少飯🤭甜品係柚子雪糕，重有可愛公仔幫朋友慶祝生日🥳今日驚喜地十分滿意，雖然因為優惠而吸引揀的🤭…Read More

食海鮮好多時都係食新鮮，夠新鮮簡單蒸都好好食，但今次除左新鮮重有廚師既心機係埋入面。首先，有小食手打墨魚餅，彈牙鮮味。開胃菜，涼拌蟶子皇，酸酸甜甜但又保留蟶子既鮮甜同爽口。西湖花甲牛肉羹，好多花甲肉去煮，特別鮮甜鮮，而且食到牛肉香，入口口感好好。花雕酒醉瀨尿蝦，已經拆殼，啖啖肉，有花雕香甜。酥炸桶蠔生菜盞，配左紫蘇葉包落生菜，味道特別，而且炸粉好薄唔油膩。泰式糟池龍蝦 伴 脆米粉，用左泰式紅咖哩煮，偏重椰香，感覺新鮮，而脆米粉係用左台灣新竹米粉，特別乾身，點咖喱一流。當然龍蝦都啖啖肉。米湯浸勝瓜，勝瓜爽口而且完全去皮，滑嘟嘟，而上湯清清地，少少陳皮味，refresh一下味蕾。鮑魚瑤柱荷葉飯，口感比較似鮑汁燴飯，超香瑤柱荷葉味。最後當然唔少得美點雙輝😆…Read More

開始大閘蟹季節，當然要食大閘蟹放題，除咗蟹蟹，重有任撈海鮮放題火鍋。地方坐得舒服，員工收碟都好快手，因為太多蝦蝦蟹蟹既殼。首先必須讚一定係無限任食既大閘蟹，唔算好大隻但隻隻都爆膏，有公有乸隨便揀，目測都起碼出左6-7次即蒸蟹蟹，所以係熱辣辣咁食👍🏻重有焗榴連….但就唔係我杯茶🤧朋友就捧場。又係熱辣辣上場，好快俾人掃晒，鍾意食要快手啲。湯底揀金湯花膠雞同蕃茄湯底，金湯雞味道濃郁而蕃茄湯偏酸酸地開胃。外面嘅海鮮生猛，尤其係大頭蝦，生蝦咁跳，而且仲睇到有無膏，另外仲有帶子、鮑魚、三星蟹、蜆等海鮮，撈完就可以俾侍應洗口先送上枱。牛肉有安格斯牛板腱、牛肩胛，兩款肉味都重，但我較偏好牛肩胛，多少少油脂，入口更好。落單時，記得叫埋蟹腳，啖啖肉，同新鮮海鮮比較，係另一種食法。外面嘅蔬菜、丸類選擇都好多，而且新鮮。飲品當然唔少得椰皇放題😍同埋各種各樣嘅汽水、啤酒、茶。甜品就有懷舊香芋味蓮花杯、紅豆冰～…Read More

小資女約左閨密食好西，揀左個二人set，食物質素高😋雖然係商場，但位置算自成一角，靜靜地傾計好唔錯。蕃茄芝士羅勒湯 - 開胃，質地有口感，味道淡淡的，好舒服，唔會搶口。我地揀左兩個頭盤，戒甜的我倆放棄甜品，其實個set可以咁flexible係好好，因為好多女仔都on diet👍🏻蟹肉牛油果他他 - 上層有估大量的蟹肉下層就係軟滑的牛油果，當中仲混合了青瓜紫洋蔥紅椒粒蕃茄蓉等，口感輕盈豐富，帶有鮮甜。法式煮青口 - 藍青口肉質細軟彈牙，青口鮮甜配埋白酒牛油入口有不同味道的層次。英國黑毛豬肩胛肉 - 每一件都充滿肉香。慢煮令肉質柔軟，單吃不配醬汁都十分juicy。配菜燒粟米芯及牛油薯蓉都令人停不了口，燒粟心芯外面燒到脆口，細心位🫶🏻帶子燴意大利飯 - 帶子肉質厚實。而且利用八爪魚魚香作醬汁，增加了鮮味同時與意大利飯的綿密口感相得益彰。Cappuccino and Latte 每一杯咖啡都配Lotus的焦糖餅乾，加分～…Read More

呢間一直book mark左耐，終於有機會一試，但晏左d， 成8點先到，有d款既餃子已經賣晒，所以想食最好早d到。新店內環境舒適，以粉色白光配搭，望落好乾淨。首先要推介一定係金沙餃，揀左雲耳椰菜鮮肉餡，煎餃外皮煙靭👍🏻口感特別，而外層沾滿鹹蛋黃碎，比較乾身，唔油膩。椰菜雲耳又唔會太搶，夾金沙啱晒。之後另一令人驚喜係湯餃既湯底-椰子海帶豬骨湯，奶白的湯底甜味明顯，入口有質感，配白菜鮮肉餃子好有家既感覺。另一款湯餃叫雙拼，試埋較少有的紫菜鮮肉餃和小棠菜鮮肉餃，而湯底是酸辣湯。湯既質地比較稀，有大量芫荽蒜辣椒，相對惹味，有別於上海菜館的酸辣湯。餃子紫菜鮮肉餃較特別，食落味道明顯係有別於其他蔬菜。重叫左個海蜇、豆漿同羅漢果茶。總結，值得再去，首選一定是金沙煎餃和豬骨湯餃湯餃，不同款的餃都偏薄皮，size正常。…Read More

今日又去發掘新路K，同車友遊完深淺赤石，就去咗黃竹坑新商場食嘢，好彩假日附近都多骨位。泊好車兜個圈就見到商場有間茶東西，之前喺將軍澳都食過，所以再返番兜。羅宋湯-十分濃郁，有少少酸甜和少少肉香，湯料蔬菜十足，讓人暖心滿足。西冷牛扒配蘑菇汁Order 7成熟，上枱啱啱好，牛扒外焦內嫩，充滿肉汁，而搭配大量蔬菜及薯角，超大份，性價比超高。牛肉石鍋白雞湯烏冬上枱時，熱騰騰的石鍋中，烏冬麵彈牙，吸收晒濃郁的雞湯，之後需要再加湯。而且牛肉選用大片厚切，較有口感而肉味更突出。飲品揀咗養生茶-雪梨杞子無花果，飲落幾滋潤，而且唔太甜，女仔揀呢個一流。…Read More

今次搵到一間幾特色嘅自助火鍋店，位於北角中心，便利。店內又坐等幾舒服，店舖唔算好大，飲品食物分佈不同位置。而且勝價比超高，120分鐘慢慢烚，又有不同肉類、又有得夾新鮮海鮮，再去烚下烚下，飲品我係第一次見有椰皇🤩活海鮮一定要同大家推介大頭蝦，勁生猛，而且好多都有蝦膏。活鮑魚，大大隻，但烚完都唔會韌重好乾淨。蟹都有兩款….雖然細隻d，但新鮮，大閘蟹款重有膏，食膏都抵返晒，重有蜆，乾淨冇沙，真心超正。麻辣湯底一定要試，個麻香幾有後勁😋肉就當然唔少得肥牛，有美國安格斯肩胛，偏肥少少但有牛味。出去重可以拎不同既丸、蔬菜同飲品甜品。而熟食一定要試炒蟹，又係蟹膏放題。另外重叫左竹笙、「黑」柏葉🤩筒蠔、螺片……真心多到食唔晒。…Read More

今次去啟德揀返四寶食堂，平時北角都食開，質素係有保證。門口附近見有烘焙室，熱辣辣香噴噴既菠蘿包蛋撻，新鮮出爐。今次重好lucky坐到入面窗邊的卡位，可以望住體育園的田徑場食野，好正。保持特色Tiffany Blue的裝修，加埋靚靚田徑場，打卡一流。茶記必試：菠蘿油-菠蘿皮好鬆脆，包夠實在，唔似一陣風，牛油略嫌細d，但啱我。蛋撻-撻皮鬆化，熱辣辣上碟，唔錯。熱奶茶-質地絲滑，唔會苦澀。另外再左：吉列豬扒配蔥油撈麵-豬扒有驚喜，肉質好食。蔥油都好夠香，唔會過分左。瑞士汁雞髀-瑞士汁充分滲透雞髀。花生醬粒粒西多士-厚切西多士，花生醬唔會慳😋朱古力雪山-唔太突出，但打卡開心想食港式野，四寶食堂盡對係保證🙌🏻…Read More

今晚去咗一間環境比較舒適食印度菜，呢度除咗有outdoor，仲有包廂，以印度人為主，都幾地道。頭盤-新德利懷舊三色小食拼盤，其中有我鍾意食嘅鷹嘴豆空心脆，酸酸甜甜，又有啲脆脆嘅口感開胃好食。另外仲有兩個印度特色小食，都係脆口，以豆蓉為主。小食-自烤玉米片配牛油果蓉、酸忌廉、芒果沙沙，呢個好啱餐前送酒食，過口癮，大量芝士一齊焗，且配不同的醬，有開胃，有fresh。牛油蕃茄咖喱雞-雞係無骨雞肉，肉質嫩滑同咖哩汁一樣幾滑，配埋蕃茄再提升香味。連埋印度手抓餅食，清晒成個咖喱。燈籠椒黑胡椒炒大蝦，呢個比境咖喱更香，而且胡椒再惹味，而大蝦都剝晒殼，唔算好大隻，但彈牙。呢個配左蒜香烤餅，應該配原味烤餅都好夠。菜式份量都偏大份，好飽。…Read More

今晚搵到間有feel餐廳，入門口已經見到好多結他掛係牆上面，再行入去有不同的酒瓶、信片做裝飾，好似去左歐洲既小店。坐係窗旁，有啲微風吹入黎，令人好放鬆。食德國野點可以唔飲返杯啤酒，呢間餐廳有無酒精啤酒飲，可以過過口癮又可以揸🛵返屋企，爽～德國香脆鹹豬手配酸椰菜-豬手外皮夠脆，中間夾住小小肥，而且啖啖肉，肉質味道啱啱好😋蒜香橄欖油虎蝦天使麵-份量十足，幼身的天使麵佔滿蒜香的橄欖油，虎蝦煮都脆身香口。德國菜配啤酒🍻暢飲傾偈，值得推介的小店。…Read More

今日涼涼地又是食火鍋好日子呀，今次這間以新鮮食材為主，而且仲好滿足！食到飽飽呀🤭揀左個4人套餐，嘩！先來一個前菜 「酒糟鴨舌」好入味的，朋友想食熱感，將佢放喺火鍋裡整熱，酒味仍在呀👍🏻 再來是刺身，超fresh 有象拔蚌，大元貝，大蝦👍🏻 超大隻🤩終於上湯底是 「花膠雞湯」湯味好濃❤️我地不停飲湯再食埋隻雞，原隻雞上台店員在我們面前剪開🤭火鍋配料好豐富「新鮮白鱔片」魚肉滑嫩，而且厚切👍🏻「本地手切肥牛」肥瘦剛好，正！「沖繩水飼豚梅肉」唔食牛既朋友，話這份豬好好食☺️「鮮味肥鵝腸」麻麻地內臟的的食左一條，爽脆喎☺️「手打鮮墨魚丸」大粒爽口，是優質墨丸🤗「鮮蝦韭菜餃」「鮮蝦水餃」大粒餃子，啖啖有咬口😌而且味道好好👍🏻特別想講大大杯手打檸檬茶，足料非常！🥳…Read More

平日夜晚散步都有留意呢間門面靚靚既cafe…今日終於有機會試下，藍色拱門側都有位可以坐係度望下街景嘆杯啡。今次走入店舖，一入去已經見到open kitchen，好有格調。店入唔算好大，但坐落舒服，如果飲啡坐門口更有feel。香烤牛腹肉配甘薯藜麥沙律-牛腹肉嫩而且有牛味，配酸微微的青醬好fresh，重有烚蛋、甘薯、藜麥沙律🍠好健康👍🏻雲石墨魚餅海膽汁貝殼粉-墨魚餅彈牙好食，海膽汁又濃又香，包着每粒貝殼粉，正！Cookie S’Monster-又邪惡又令人想食，美式朱古力曲奇做面層，朱古力配棉花糖做餡，配埋牛角酥做餅底，層次感爆發，無得輸。開心果latte-轉左oat milk，但開心果味依然突出。Flat White-朋友話咖啡唔錯，下次可以快閃啡，因為門口有個take away既小窗口。…Read More

今晚捐窿捐罅俾我搵到呢一間私房菜，嘢食好正，唔單止食材新鮮，而且煮法又考究。白汁燉白肺湯-首先處理白肺已經好考功夫，再白鑊後燉湯，一啲腥味都冇，反而杏仁咪出眾，湯帶稠滑順喉，十分滋潤。冰鎮鮑魚配燒汁芥辣醬-鮑魚口感軟腍，配醬汁夠惹味。鑲鑽黃金蝦-鹹蛋黃足料，而且係用燕麥去做外層，減退油膩口感，而且唔會食到厚粉漿。而且大蝦肉質新鮮彈牙。生煎鯪魚餅-打到鯪魚餅起晒膠，而且無咩碎骨，咬落啖啖魚肉。砵酒焗桶蠔-蠔身肥厚，薑蔥惹味。古法瓦罉豉油雞-一上枱就見豉油汁卜卜卜卜的，玫瑰露酒嘅香味直撲入鼻，入口甜甜地，雞肉就非常嫩滑，讚！上湯浸時蔬-菜心鮮甜，而且帶有少少金華火腿香。招牌名門炒飯-好足料，炒得又夠乾身。薑湯煲番薯糖水-薑味適中熱辣辣上枱，多番薯，係標準甜度。總括食材新鮮，而且煮法考究，好啱家庭聚會，下次再試其他菜式。…Read More

第一次去體育園睇show，當然早啲出發，所以一早過左去先，順便去零售館果頭搵野食。零售館都分左3個，地方好大選擇都算多，呢度食野一定比亞博好。最後揀左間有啲少女味-茶東西，台日文青風餐廳。壽喜燒牛板腱鍋 加配烏冬 & 蘭王蛋，因為我哋兩個人share食，所以再追加多一個肥牛同蔬菜拼盤。兩個女仔加埋小食啱。明顯分到壽喜燒的牛板腱和肥牛，前者的牛咪更濃、後者油脂更香，各有各好。橙黃色的蘭王蛋令我更安心沾蛋汁。而蔬菜拼盤其實就係壽喜燒的蔬菜Double一份，都係金菇、娃娃菜、皇帝菜、粟米芯等等，新鮮～鹿兒島豚肉餃子，配有沙律菜，典型的日式餃子，有一邊會煎到脆面，內餡足料。七味椒鹽雞中翼，有啲似生炸雞翼，加咗惹味的七味粉，肉嫩香口。百香果鳳梨冰紅茶-鳳梨味比重，而且都比較甜，order時可以不用小冰。水果茶-水果足料，茶底較清淡。…Read More

公司年尾做冬去咗灣仔一間相當有格調嘅潮州菜館食晚餐，由地下搭專𨋢已經有特別的擺設。到一樓入口處明亮、寬敞而且配搭粉綠色的裝潢，令人覺得非常舒服，感受到高貴而不俗套。坐低左無耐就上咗茶、花生同鹹酸菜，好欣賞個潮州鹹酸菜，甜甜地唔會鹹好爽口，真係食唔停口。今晚叫左-尊貴鮑魚四人餐：前菜：蔥油海蜇、潮宮五香卷、梅羔骨，一小碟十分精緻，五香卷外層是炸腐皮內裡以素菜為主，香芋頭味。而梅羔骨甜甜地，雖然半肥半肉，但唔覺膩。滷水鵝肉拼盤 - 有鵝肉、蛋、豆腐、豬耳、豬大腸。鵝肉味香、柔軟，豬耳有膠原口感又有咬口，正👍🏻藥膳燉竹絲雞湯 - 濃郁的當歸、紅棗藥材味，飲完暖笠笠。豆醬香煎鱈魚片 - 有家鄉味，魚片好滑。鮑汁扣原隻15頭鮑 - 鮑魚軟心咬落去又帶有少少粘牙，中間重有鮑魚的鮮味。雲腿扒大芥菜 - 芡汁偏甜，中和芥菜的苦。乾煎伊麵 - 就係糖醋兩面黃，外面香口、內層就軟身，配糖醋食，酸酸甜甜😋桂圓紅棗燉雪耳 - 夠滋潤，甜度又啱啱好，鍾意有d咬口的粒粒，贊😍…Read More