devilConnoisseur's Profile

已經唔係18/22，唔鍾意去唐樓嘅樓上餐廳，仲要條樓梯不太乾淨，印象分已經大打折扣。入到去，裝修一般，輕輕過咗午餐時間，所以冇乜人。其實冇乜信心，不過既然坐低咗，就硬着頭皮叫啦。價錢比得上中環，咁就叫過中環冇得食嘅夜啦。我選擇了韓式軟殼蟹意粉，用個黑色石頭鍋上，不過個鍋就冇燒到熱辣辣嘅，隻軟殼蟹輕輕高過個鍋邊，凸咗出嚟，其實都幾可愛嘅。不過始終唔及個味道，真係好好食，將我之前扣晒嘅分全部補返晒。原來餐廳喺星期一至四仲會做優惠，有任食嘅蛋糕。如果我放假，可能我都會再去幫襯佢。…Read More

馬拉肉骨茶應該較重中藥味，呢間絕對唔夠。不過舊ribs 就都几嫩滑，唔係乾淨淨鞋颯颯。湯底可以refill ，可能因為湯還湯，料還料，始終覺得中藥味道唔夠濃，有D甜咗D。叫了個喇沙面，我知星加波同馬拉唔同，我亦喺馬拉食過，不過唔係咁囉。賣$62 一碗，得菜，洋蔥，米線，叻沙湯底係酸嘅。我唔介意佢冇餸（蝦，魚蛋…etc)，不過個湯底真係唔啱食。我食咗兩啖，$62 就咁冇咗了。可讚嘅係service, 即叫即應，不過就講錯咗俾我知有七折，埋單時卻沒有。下次，不了。…Read More

疫情之下餐廳6點停止堂食，成日煮有時都想叫下外買。瑞榮小館喺石塘咀已經好多年，舖頭裝修已經有啲舊，不過入面都好乾淨企理。樓面阿姐好友善，慢慢同我落order，落完之後又比我改order，其他餐廳已經鬧到我飛街今晚我哋叫咗一個中式牛柳，薑汁炒芥蘭，豉汁蒸排骨，仲送咗一個南瓜西米露嘅甜品俾我哋。由於太肚餓關係，唔記得相機食先。佢個中式牛柳好好味，食得返我兒時嘅味道，牛肉又唔會過韌，老人家都食得到。豉汁排骨佢即叫即蒸所以都等咗成四五個字，不過都值得嘅。佢哋今日special仲有花生炆豬手，梅菜扣肉，下次我再嚟試吓！…Read More

以前喺SOHO時成日都幫襯，每次一定叫三四個Tapas時同埋西班牙海鮮炒飯。搬咗嚟西營盤，反而因為附近有太多新餐廳，所以一直都未試過，今日的起心肝想睇吓搵唔搵得返當年嘅味道。疫情底下，梗係搵過有冇優惠啦，奇怪係Ricos 嘅優惠的確比附近餐廳少。侍應話佢哋好好生意所以少做優惠，不過佢哋嘅枱都唔多。之前有幾個post都講Service差，唔知呢，個侍應都同我有講有笑，不過佢哋要兩邊餐廳走，所以都見佢哋幾忙。朋友想食西班牙海鮮炒飯，因為兩人限聚，只好叫左一個西班牙火腿薯餅做tapas。個飯煮得好好食，係我近年食過西班牙餐廳最好食嘅 （自從冇幫喺soho，我一直都搵唔到第二間。），貝殼類新鮮，蝦有蝦味，連魷魚都係嫩滑厚身，正！反之個薯餅我覺得有啲實，亦不太食到chorizo，我下次應該唔會叫。由於天氣太凍，嗱嗱臨就食晒唔記得影相，我下次會再返嚟㗎！…Read More

每次攝完太歲，都要搵個地方透一透，因為疫情而困家良久，好想食甜野，望吓街。經過我嚴緊嘅篩選，幫襯左離文武廟一個街口遠嘅Cafe，店裏面有好多位，但我選擇坐出面，餐廳門口兩邊種有植物，落雨後變得特別綠，而我亦可以呼吸新鮮空氣。店員好nice好有耐性幫我check有咩蛋糕，最後我揀咗朱古力蛋糕，𥚃面仲紅莓啫喱，朱古力濃得黎不太甜，咖啡亦好香！期間有人order all day breakfast! 超香，決定下次再幫襯！估唔到太歲保佑埋我有食神☺️…Read More

家中長輩住喺呢一區，平時都會嚟呢度飲茶食飯，所以對呢度嘅食物已經有心理準備。平時大時大節出街食飯，會預咗服務差及食物質素降低，估唔到今晩稻香團年，每一樣餸都有驚喜，直頭係超水準，特別寫一篇食評高度讚揚！四個人叫咗六樣餸：先來糖醋排骨，豉油雞，蝦仁炒蛋，薑蔥蠔煲，翡翠豆腐，生炒糯米飯。唔好意思，越食越覺得唔讚唔得，所以每張相都食到剩返少少。真係冇諗過,稻香今日能夠有咁嘅表現，非常非常impress! 如果長期都有咁嘅質素，我一定會多d黎！…Read More

The shop is right at the office lift loby and therefore not part of the bookstore.  Customers are mostly working in the building.  The sitting area is bright and relatively comfortable (no cushion) , excellent place to chat with friends or read a book.  Coffee is great and is also of good value. We came here for lunch and there were only a few  lunch items available. The pasta was okay I personally find it a bit too chewy. I'd definitely come again for the coffee :)…Read More

因為係屋企附近成日經過都冇乜人,終於萬聖節黎試一次.... 環境舒服, 座位夠闊,服務週到, 呢d值得加分... 而食物就.....大蝦pad thai $135 - 味道超鹹, 有d粉乾到硬骨骨, 都唔知道係煮唔熟定係擺咗好耐, 唯一可取係2隻大蝦都幾新鮮.冬陰公- $60得一碗仔, 佢冇落椰奶, 入口勁酸辣,入面好多蕃茄仔, 姑, 仲有大蝦, again 料是新鮮, 可惜味道.... 青咖哩雞 - $110 最好食, 雞肉唔算好入味, 仲要唔跟飯, 但由於價錢唔平, 我始終好難俾高分佢呢間野d分量唔多, 志在坐得舒服, 我真心覺得佢唔值之前其他食評咁讚....…Read More

Disclaimer: 我只寫中肯review! 特別嘅日子有我最好嘅朋友一齊慶祝! 先講講環境,鋪頭喺2樓裝修行raw 路線, 就咁睇都算乾淨, 沙發靠牆,令一邊就係鐵柄硬底椅, 喺吧枱側邊有個洗手區，方便顧客食完洗手.氣氛輕鬆, 適合朋友聚餐!我哋先食咗黑松露薯條,大家啱啱放工,非常肚餓,松露牛油好香,唔知係因為我哋太肚餓定係portion 太細, 眨吓眼就俾我哋K.O.左啦！👍之後我哋食咗個水牛成雞翼,其實咁濃味嘅嘢好少會唔好食, 奈何佢隻雞翼好唔新鮮,見到d骨黑曬😫。雞翼面頭有好厚嘅炸粉, 但係一切落去就甩晒出嚟.... 其實buffalo wings 我由細食到大,以佢咁嘅質素, 收我$88????跟住8隻生蠔, 每隻＄52, 全部都唔算肥美有啲仲幾skinny 添, 不過都算新鮮。叫咗一個海鮮袋入邊有龍蝦青口(大)蝦, 嗰汁Cajun sauce 係香港好少食到, 但係啲海鮮分量嚇咗我一跳！八隻蚊之咁size嘅青口, 八,九隻蝦(平時食白灼嘅size), 一直連殼拉長左有手掌咁長嘅龍蝦(記住蝦頭佔咗一半), 仲有兩三舊細薯仔、粟米、兩三粒切開咗嘅腸仔,咁就$600幾啦！由於唔夠食嘅關係, 叫咗一客麵包來索啲汁, 由於啲汁野味, 又幾好食! 我諗左好耐, 其實就係貴在個賣相, 佢會一個垃圾袋咁攞出來,俾你影張相先, 然後喺你面前玩shake shake, 呢個期待~就六舊水啦.....😂😂堅唔夠飽再叫咗一碟cheese and crayfish dip.芝士同忌廉汁配細細粒嘅呢crayfish 肉,都幾好味！之後叫咗三個不同種類嘅甜品,本人最喜歡棉花糖朱古力, 個底仲有啲nuts, 食落好似金莎朱古力! 友人E喜歡芝士蛋糕, 另外仲有個雪糕waffle,呢個就比較遜色! D staff 仲會同你唱歌慶祝架!! 買單時我比個銀碼嚇親,幾個最好嘅朋友不但要請埋我,仲一個怨言都冇,夫復何求⋯⋯…Read More

呢排十二味開到成行成市, 咁啱喺屋企附近, 所以就試試啦。舖頭光猛, 乾乾淨淨都幾舒服。叫左個鴛鴦鍋, 一邊係麻辣一邊係冬瓜清湯, 麻辣湯底有得揀牛油或者植物油成可愛啤啤狀, 落湯之前見到辣椒同埋炒咗嘅花椒配料, 起碼唔使驚佢個湯底會循環再用😂由於個湯底係由頭煮起所以要啲時間佢先夠辣, 而且入邊冇八角所以無咗傳統嘅四川麻辣嗰種嗆喉嘅感覺, 我呢啲辣椒仔就覺得爭少少😔叫咗一碟牛頸脊, $168 唔算太大碟, 兩個人勉強夠咋。之後仲叫咗一碟滑牛$78, 做水煮牛肉真係幾好食, 脆骨腩並不是全碟都係骨腩, 但肉質係爽嘅, 不過勁多短骨, 真係慘到一口都係。由於湯底唔算太辣, 所以冰豆腐索晒d湯都食得到, 鴨血亦不錯, 反而最有驚喜嘅係豬腰。佢哋將啲豬腰切超薄片然後放喺冰上邊好似sashimi 咁, 6一陣就食得都, 幾爽口,食唔出有'押'味👍總結嚟講嘢食新鮮, 乾淨舒服,不過湯底始終同正宗麻辣爭啲啲...…Read More

環境:餐廳在一樓,樓底有d低,沒有窗所以有點兒暗,亦可以話好有氣氛,天花用咗好多鎢絲燈泡,裝飾好似法國嘅bistro。食物：味道在觀塘區算是似模似樣的西餐(非港式), 頭盤的麵包我最欣賞,butter亦落了蔥及洋蔥, 又香又好味。我們叫了2個set lunch： 1) cream of mushroom - 有dd淡, 2) baked poterbello mushroom - 上面有d bacon and cheese ,不過可能係vinegar有少少酸味, 曾令我一度懷疑是否變壞了。3)spring chicken - 真好食, 雖然得3舊仔, 不過肉質鮮嫩,又入味, 隔離d伴菜亦好正。4）lamb rack -呢個我有d失望, 因為真是'so'得太緊要, 食咗一啖差d要lur。(利申：本人平時都喜歡食羊, lamb rack 及羊腩煲都算首選). set lunch also come with coffee or tea. I'd recommend this restaurant and will definitely come again. …Read More

因為之前有好多blog 同magazines都介紹觀塘,今日特登嚟呢區試下係咪真係咁正! 本身冇諗過去邊間, 由於今日公眾假期有好多冇開, 跟住open rice排行榜一定唔會餓親嘅...環境:好舒適, 夠spacious, 怖置有一種綠悠悠田園feel, 有d書架放咗雜誌, 令你覺得可以喺到hea的餐廳。service:似乎有好多receptionist, 有幾個問過我地有冇訂枱, 可能地方大佢地又分區, 最後有個話得事嘅同我地話2點鈡要還枱(都有2個鐘食)。亦可能佢地有d part time未清楚運作, 有d嘢要問黎問去。張單好似未有加一。食物:焗豬扒飯-本人覺得d肉'嗱'得太勁, 不過個汁好濃, 分量有d細。short ribs risotto-舊ribs 有d'酥', 個意大利飯過重港式白汁味。咖啡-一般啦, 咖啡味稍輕。味道呢d嘢好personal, 我對午餐有d失望, 但可能佢嘅afternoon tea有surprise...…Read More

本身係呢個集團嘅會員, 平時食開牛肉火鍋任食, 不嬲覺得quality 幾好。今日第一次食佢地嘅日本燒烤, 我地叫咗2種牛肉拼盤, 總共有六至七個種類, 可能因為唔係和牛, 味道真係食唔出分別。不過,絶冇諗過竟然會韌到嘲唔爛, 好幾片最尾都係格硬鯨呑。最奇怪係厚切牛舌... 個感覺好似食緊炆唔林嘅牛腩。老人家黎真係會嘲到假牙都甩, 或者salad啦, 我會覺得係全餐最好食囉。不過佢又好在坐足一晚都冇趕我地...…Read More

First impression of this place is very neat. It's a japanese Chinese fusion Hotpot restaurant. It has a variety of soup base to choose from, which is quite different from those offered in tradition Chinese hotpot restaurant. We ordered young coconut soup base with chicken, very fresh, definitely worth to try. As we only have 2 peope we order an assorted beef platter (incredible quality), deep fried rolled bean curd sheet (響鈴) and a minced squid paste ... They were all very good quality and we were so full. Only thing the restaurant can improve is probably the lack of sound system. Nevertheless, still a wonderful evening with good food! I will want to go back!…Read More

I've been here multiple times for dine in and take away. Their fish and chips have not disappoint me so far. I usually ordered cod fish but they also have other varieties to choose from. Their chicken taste also very nice, the meat is juicy and tender. Need to pay extra for their gravy but worth it, goes well with the fries too. Be there early on the weekends, the store is small and filled up very quickly! Did I mention the cider is huge? Good for 2 ladies!! :)…Read More