Andy's Hot Pot

呢排十二味開到成行成市, 咁啱喺屋企附近, 所以就試試啦。舖頭光猛, 乾乾淨淨都幾舒服。叫左個鴛鴦鍋, 一邊係麻辣一邊係冬瓜清湯, 麻辣湯底有得揀牛油或者植物油成可愛啤啤狀, 落湯之前見到辣椒同埋炒咗嘅花椒配料, 起碼唔使驚佢個湯底會循環再用😂

1

預備沖涼的啤啤,  都係淡左啲

$128

由於個湯底係由頭煮起所以要啲時間佢先夠辣, 而且入邊冇八角所以無咗傳統嘅四川麻辣嗰種嗆喉嘅感覺, 我呢啲辣椒仔就覺得爭少少😔

你睇吓嗰浸油...,  😩

叫咗一碟牛頸脊, $168 唔算太大碟, 兩個人勉強夠咋。之後仲叫咗一碟滑牛$78, 做水煮牛肉真係幾好食, 脆骨腩並不是全碟都係骨腩, 但肉質係爽嘅, 不過勁多短骨, 真係慘到一口都係。

牛頸脊同冰豆腐

滑牛

由於湯底唔算太辣, 所以冰豆腐索晒d湯都食得到, 鴨血亦不錯, 反而最有驚喜嘅係豬腰。佢哋將啲豬腰切超薄片然後放喺冰上邊好似sashimi 咁, 6一陣就食得都, 幾爽口,食唔出有'押'味👍

真係OK好有誠意

總結嚟講嘢食新鮮, 乾淨舒服,不過湯底始終同正宗麻辣爭啲啲...