eddie_ilovefood777的個人專頁

哇～難得約好一大班朋友入西貢晚飯，點知遇上8號風球，好在約咗6點食，去西貢食海鮮朋友推薦會去連續16年榮獲米芝蓮一星嘅六福菜館，啲嘢真係好好食😋而且價單都合理，當晚人均$700 都好豐富先來個西貢地道魚湯，奶白嘅魚湯用上10多種魚加埋蕃茄薯仔煲成，所以極度鮮甜，好似我媽咪煲嘅住家湯一樣朋友們都係鍾意飲下啤酒，叫呢款椒鹽奇脆豆腐就啱哂，外層香口入面夠嫩滑椒鹽焗大連鮮鮑魚用上大連鮑，大隻又夠爽口彈牙，好滿足我最鍾意食蒸魚，呢條鹽蒸野生海魚用上杉班魚，夠新鮮而且好嫩滑蒜蓉粉絲蒸貴妃蚌，只要夠新鮮簡單蒸加上少調味已經好好食薑蔥炒蟶子皇配煎米粉，呢個真係一定要叫，重點係佢個煎到恰到好處嘅米粉，仲有識食一定食埋佢啲薑蔥藥膳辣酒煮花螺每粒都入哂味，因為要就朋友，如果再辣啲就啱哂我朋友們係澱粉質系人類，豉油王炒麵又係炒得好出色，乾身得嚟好香今個晚餐超滿意~食完安全回家先掛上8號…查看更多

去到深水埗真係要試下呢間小店，賣點係石磨糙米漿（米香特別出），口感特別順滑👍今次叫咗招牌人氣「手撕雞筲箕河粉」$36雖然即叫即制但唔算等好耐，手撕雞份量都多，仲有青瓜絲、菜脯等配料，食前倒上秘製豉油醬汁，同平時傳統石磨腸粉好唔同，食完後我都比較鍾意筲箕糙米河粉😋另外仲有火鴨絲碗仔我翅、滷水大雜燴及多款懷舊小食都可一試製作程序都幾繁複：米漿用上嚴選陳年梯田糙米，再經石磨碾碎超過超1800次，所以米漿細膩絲滑，之後倒上筲箕以傳統方式蒸焗，蒸完後再來堅持手工現蒸現切…查看更多

宜家好多潮州菜館都行高級新派路線，呢間位於尖沙咀商場內，門面見到好大又有氣派，餐廳環境雅致，仲設有吧檯位置，而且都好舒適前菜小食三款，串茄核桃沙律好香甜而茅台醉鮑魚浸到好有酒香，鮑魚爽口彈牙，另外普寧布包豆腐炸到金黃色好香口嫩滑湯品係胡椒豬肚湯，仲用加熱器皿一齊上夠哂熱辣辣，個湯好鹹香又重胡椒味，豬肚仲煲到好腍身到主菜兩款日本椒仔炒嫩牛及碧綠川椒雞，前者炒到好惹味，牛肉夠嫩滑又入味，仲有4色椒伴底後者川椒雞同樣走惹味路線，朋友都大讚好味蜆肉鵝肝炒飯炒到飯粒分明，雖然有鵝肝但食落唔會好油膩，仲有份鵝肝香味，蜆肉增加鮮味及口感最後燕麥一口薯夠哂滿足，個薯蒸煮到好軟綿，沾上燕麥碎又配搭得好好…查看更多

中環串燒店🔥$8串起宜家出街食串燒一啲都唔平，但中環呢間走平民路線，人均$200多就食到好多款式，仲要$8串起（需2串或4串起）啱哂一班朋友一人一串啤啤佢大愛雞腳筋+雞軟骨香口爽脆送啤酒一流燒牛肉及羊肉串夠厚肉 燒到剛好保持到肉汁牛舌爽口調味剛好爽嫩豬頸肉配上泰式醬汁海鮮有元貝及生蠔 蒜香滿滿，而且海鮮都夠新鮮另外蔬菜類韭菜及茄子非常惹味，前者唔會燒到好乾身，鹹香又有芝麻粒，後者燒到好多汁，鋪滿蒜香啤酒都係$38杯人均消費唔高👍…查看更多

由兩位日籍師傅主理，望落去超似兩兄弟，但其實又唔係🤭師傅好細心，整體食物都好味😋鮮甜北海道真蠔，底下仲有酸咪咪水雲菜石垣鯛口感爽中帶煙韌，食落魚油甘香帶餘韻鰤魚即油甘魚，魚肉柔軟嫩滑，肥而不膩鹽燒鰻魚兩食，厚身的鰻魚肥美，皮燒焦香，每一口皆爽彈甘香魷魚壽司黏口的新鮮，令人回味起沖繩的味道深海池魚木魚絲醬油的咸配上池魚的肥美鯖魚魚味好重、火炙梳子魚魚油甘香，鮮中帶清蟹肉茶碗蒸充滿一絲絲蟹肉，超級滑的蛋，熱辣辣，好味赤身口感軟滑綿密，赤醋飯微酸，帶出魚香拖羅豐腴誘人，脂香滿瀉，油香在口腔內徘徊良久海膽兩個字形容，鮮甜火炙喜知次淡淡柚子香，火炙後更見甘香肥美，最後有玉子魚頭麵豉湯夠熱夠鮮甜抹茶夾餅抹茶、紅豆、麻薯三而為一，抹茶味濃郁，麻薯有咬口，加上點點紅豆，冰凍煙韌集一身。…查看更多

銅鑼灣永光中心成棟大多都係食肆，當中呢間炭火地雞都去過幾次，主打用備長炭即叫即燒串燒，燒鳥仲用上嘉美雞，餐廳環境都係木系裝潢，有卡位都有吧檯位睇到師傅即席生燒日本生啤買一送一，食串燒飲冰凍啤酒啱哂薯仔沙律口感幼滑，面頭有隻邪惡糖心蛋雞心燒到爽中帶柔軟，調味剛好又夠juicy 雞翼外皮香口惹味，雞肉鮮嫩多汁，雞腎燒到金黃色又好爽口，雞腳筋有軟骨爽脆口感免治雞肉棒配日本生雞蛋，雞肉嫩滑帶一點爽口軟骨，點埋蛋汁食更滑溜又有蛋香味味噌松板豬燒到油香出眾，肉質都好嫩，微微焦香恰到好處炭燒白鱔好新鮮，食落爽口彈牙仲有香甜醬汁味，黑松露帶子都夠鮮甜，黑松露夠多，食落有濃濃松露香鹽燒牛舌芯都爽口彈牙，我鍾意加啲柚子芥末一齊食芝士年糕我當甜點咁食，外層燒到微微焦香，中間裡面口感軟糯，仲有點微微煙靭口感…查看更多

我喜歡飲啤酒🍻食串燒就最適合我，這間店串燒種類及口味都過百款式，價錢還要很親民，食物質素都相當有水準，餐廳環境仲要好靚好夠氣氛，而且都坐得好舒適啤酒夠冰凍仲要買一送一海鮮類「麻辣燒白鱔」夠香辣新鮮彈牙，「蒜蓉燒廣島蠔」都飽滿肥美又惹味，「手釣墨魚鬚」很爽口肉類牛豬雞羊都有齊「豚肉節瓜波板糖」一大塊圓形肉嫩多汁還附月見配蛋汁食，「牛舌芯」、「豚肉荔枝卷」、「原塊燒雞皮」、「燒羊架」都推介蔬菜「孜然燒蒜蓉茄子」、「孜然豚肉韭菜花」、「鹽燒秋葵」都燒得夠多汁，另外「糖不甩小湯圓」及「汁燒年糕」都係是香甜煙韌很特別，飽肚還有「蟹膏燒飯團」～滿意程度好高，會跟朋友聚會再嚟😚…查看更多

旺角呢間小店主打手造意粉及薄餅，食材大多都用上日本貨，真係食得出相當有水準，而且價錢親民免加一，回頭率好高，今餐2人食都係人均$150「忌廉汁醃肉、日本生雞蛋配手作闊麵」係呢間餐廳必食，日本麵粉手作麵條煙韌彈牙帶蛋香，忌廉汁拌上日本生雞蛋撈勻麵條，食落更濃郁滑更香滑，仲有自家鹹香醃肉，呢個價錢食到咁質數性價比相當高手作薄餅「醃肉、蕃茄片、車打芝士、乾辣椒碎」餅底用上冷發，所以批邊香脆中間軟熟，有拉絲效果，微微香辣好惹味「焦糖脆脆脆蛋糕」係呢到招牌人氣甜品，質素好似喺日本食蛋糕咁，海綿蛋糕濕潤鬆軟，外層忌廉係冇糖，但食到奶滑嘅香甜，而焦糖脆脆係自家製，甜度剛好夠脆不癡牙（當零食都可以😌）「烤焗芝士雞塊」即叫即焗，外層日本麵包糠香口，入面雞肉超嫩滑多汁，仲有啖啖巴馬臣芝士味，好食喔👍自家製「水果茶」及「冷泡玄米茶」，前者清甜後者充滿玄米香，冰涼夠解渴，夏天飲好舒服，跟餐免費配送…查看更多

銅鑼灣呢間鐵板燒相當抵食，一人前只需$588已經食到11品日料，食材用料都有質素餐廳環豐都好寬敞，空間感十足，坐得都好舒適，侍應服務都好好，每道菜解釋都好清楚大熱天時馬上叫咗2杯凍特飲消消暑先前菜沙律酸咪咪好好清新，另一款汁煮蘿蔔螺肉都係開胃涼菜之後到海鮮類有鮮甜北海道帆立貝，煎到兩邊都金黃色、底下有清甜醬汁甘鯛立鱗燒師父再鐵板上半煎炸到魚皮香脆，而魚肉夠肉嫩帶鮮，再配上魚湯甘筍忌廉汁車海老夠哂爽口，輕煎到剛熟再加入蝦膏香草牛油調味，真係夠原汁原味黑豚薄餅做法都好食，將豚肉煎香加入蔬菜洋蔥，再用薄餅皮包住再煎，入口香脆但入面好多又多汁而牛肉方面都有兩款，美國SRF極黑和牛濃郁牛味及美國安格斯牛薄燒脂香美味，前者肉味濃郁充滿肉汁，後者食到牛味外仲有豐富香蔥蒜片等，兩者各有特色鐵板炒飯就盡顯師傅功架，都係我鍾意食鐵板燒原因，個飯炒到飯粒粒分明又香口惹味最後仲有魚湯夠鮮甜濃香，食咁多肉都要食番菜，炒野菜都好好味甜品香脆焦糖多士配開心果雪糕，用多士夾住雪糕一齊食又係另一好味食法如果適逢生日，餐廳仲會喺碟畫上卡通圖案，真係好可愛「本」一人前鐵板燒晚餐 $5881.前菜2.北海道帆立貝3.甘鯛4.大蝦5.美國安格斯牛薄燒6.黑豚薄餅7.美國SRF極黑和牛8.炒飯9.吸物10.炒野菜11.甘味…查看更多

好耐都無食烤魚了🐟之前食過幾間印象感覺都麻麻地，試過呢間簡直重新愛上😋啤酒買一送一都係重點🍻原條烤魚我揀咗清江魚，魚肉口感鮮印嫩又充滿魚油香，配埋招牌鮮青花椒更惹味，可選不同辣度（中辣好啱我啊），加埋配菜食湯底都唔會越食越淡另外手切新鮮封門柳牛味濃郁另外餐廳仲有多款串燒，必點香燒原條茄子，夠哂大條外又燒到蒜香惹味好食，鹽燒白鱔係新鮮貨爽口彈牙，仲有牛舌芯及蜜糖粟米都好味最後桂花蜜四川冰粉，冰涼解辣解熱氣了…查看更多

鍾意食燒肉嘅朋友仔可收藏呢間，價錢非常親民，而且肉質都相當有質素，完全對的住價錢有突👍 所有肉類一上檯完全唔會有冰感未融雪啤酒仲要買一送一松露牛油果沙律（食咁多肉要食蔬菜喔），牛油果熟度剛好，配上酸汁好開胃必食推介：「厚切牛舌芯」肉質爽口彈牙，而且肉汁滿滿「牛食雞」係牛小排包住醬油漬半熟蛋黃，充滿油香肉質與邪惡蛋汁真係不得了「和牛五花」肉質粉嫩油花像網紋般，口感真係入口即溶「千本筋」其實係牛腱位，牛味相當濃郁，我都好鍾意蟹肉免治牛肉炸棒好放鬆化，面頭滿滿鮮甜蟹肉天使和牛肋肉牛味都出又夠油香，比較有口感嫩腍汁燒和牛三角腩係加鹹甜適中醬汁，三角腩位牛脂分佈平均，肉質都好粉嫩柚子雞肉估唔到燒完都咁嫩滑，仲有柚子清香味道…查看更多

「醸」係中環一間主打割烹Omakase餐廳，而背後都有一個令我感動嘅故事，原來西村先生在整理舊物時、發現一本爸爸生前數本手寫料理秘笈，西村弘美先生係香港首代和食大師父，一心在港推廣和食文化，所西村祐弘先生承傳爸爸理念，來港學習廣東話，再將西村家料理及理念發揚光大傳承落去晚餐割烹Omakase $1780/位餐牌會每月因應時令食材轉換一次先付：清新開胃北海道粟米濃湯，香甜凍湯夏天飲特別順喉，再碗上海膽、乾魚子醬及紫蘇花酢物：鮮甜北海道毛蟹肉，加入滑漏枝豆蓉，仲有清甜岡山白桃，底層係酸咪咪土佐啫喱揚物：琵琶湖香魚用上京都腐皮包住慢炸，食落外層薄脆內裡魚肉嫩滑，而魚骨及魚頭慢炸45分鐘，炸到酥香脆身海鮮：用上牡丹蝦、甜蝦及白蝦，加入了秋葵與水蘑菇，做成黏稠口感，而三款蝦肉富爽甜彈牙及膠質口感貝料理：水貝係黑鮑刺身，選用夏季時令 7-8月，加上師父刀工，食落嫩腍帶爽脆，仲加多款清新迷你番茄、青瓜及蓴菜刺身：和歌山野生吞拿魚，外層勁炭火輕灸，面頭係師傅特製醬油泡沫，鹹香帶鮮特別夾煮物：真係見識到師傅刀功，將冬瓜、茄子、南瓜切成絲狀做成素麵般，湯汁微酸，口感清爽燒物：太刀魚微微燒香皮面，食落鹹香肉嫩，可唧上日本青檸強餚：慢煮鴨胸口感嫩腍，肉汁滿滿，可配上芥末籽食事：九洲鹿兒島和牛西冷做成壽喜燒，師父用上關東煮法，和牛入口即溶，最特別係炸日本雞蛋，仲炸到流心效果，配埋珍珠米飯食一流師父精選：係西村先生童年回憶嘅咖哩飯，好有家嘅味道菓子及甜點：六色夏季冰都特別用上京都直送冰塊，由師父即席手動刨冰，仲有六款自家製口味選擇，另有配上豆腐芝士菓子一餐充滿割烹高級料理，再配合廚師發辦及傳統懷石料理真令人滿足而師父除咗識講日語及英語，仲會講流利廣東話去介紹每一款菜式…查看更多

環境方面我好鐘意佢個樓底夠高之外，仲有超巨型落地玻璃，室內充滿自然日光喺到嘆tea set感覺好舒適，除咗同閨蜜嚟食，我覺得同客人喺到飲咖啡傾公事都係一個好選擇，當日我都食咗3小時😆哈哈今次鹹點5款及甜點6款都相當有驚喜，多款甜點仲由獲獎年輕女烘培師Loraine Chan主理，當中「手作招牌法式士多啤梨牛角包」真係好好味，牛角包外層酥脆，而裡面夠鬆軟仲夾住士多啤梨忌廉、鮮莓及麻糬，「法式熱情果芒果焦糖燉蛋酥皮撻」及「焦糖蘋果撻」我同朋友都大讚好食鹹點方面我好鍾意「日本清酒浸鮑魚」及「炸北海道帶子」，整體配搭上都有心思又美味另外兩大賣點係加$20可任食Godiva軟雪糕😍仲有加$108可任飲法國氣泡酒…查看更多

喺香港食omakase就多，但割烹料理就比較少，今次呢間「お肉割烹而今」其實係京都「燒肉而今」副線，主打日本割烹高級料理，「割」師父大顯刀功「烹」以火即場煮熟，仲配合傳統懷石料理及omakase，再配上當天日本直送頂級新鮮食材，當晚並由擁有18年懷石興割烹經驗日籍大廚大谷誠師父主理今晚菜單以六月水無月作主題，成個美食流程非要豐富，先付：燒牛肉以慢煮鹿兒島薩摩和牛A5後腿肉，色澤粉嫩入口肉質柔軟，面頭加上鹹香西伯利亞鱘魚子醬前菜擺盤精美，日本人對食相當有要求外，連造型都極花心思，分別有鱚魚新茶干、鮮甜甘香榮螺旨煮、空豆、汁伴黄麻菜、酸咪咪沖繩水雲酢、酢鰻魚、香脆素炸澤蟹及烹調到好入味時雨煮和牛，每一款都各有特色你睇幾大隻黑邊鮑魚，就係大谷誠師父盡顯刀功時候，切割到入口非常爽脆，而椀物內仲有粟米豆腐及小蜜瓜，所以湯底夠哂清甜向付就係當晚數款刺身，鮮甜白蝦、充滿柚子胡椒味道金目鯛仲有大愛兩款採用高知県的野生吞拿魚中拖羅及大拖羅，入口即溶魚油脂滿滿另外餐單以外追加藁燒牛舌昆布締漬，由師父即場用稻草高溫串燒，牛舌外層微脆裡面爽中帶軟，係不一樣的燒牛舌體驗揚物用上A5和牛牛柳做成吉列三文治，厚嫩和牛入口牛脂滿滿，仲用咗香脆多士一齊食進肴用蟹蓋放上天使麵，加入鮮甜海膽及梭子蟹膏，仲有師傅自己生曬嘅烏魚子，整體鹹鮮惹味鍋物係我喜歡嘅壽喜燒，用霜降級別鹿兒島和牛西冷，一大片粉嫩和牛用作壽喜燒，再沾上橙紅色日本蛋汁，真係極邪惡，仲有經壽喜燒煮過嘅配菜都好好食食事係章魚生薑釜飯，飯粒分明又飽滿，食落味道清香，仲有章魚粒口感，連飯焦都特別美味甘味係香甜日本菓子，再配桃菠蘿及日本西瓜，菓子入口微微煙韌軟糯，最後配上一口回甘抹茶中和一點甜膩感…查看更多

始終中菜都係啱我胃口多啲，帶家人長輩去食都比較穩陣，呢間喺荔枝角AEON超市入面，環境都舒適服務要比個👍先先上沙薑豬手拼醬香小黃瓜兩開胃冷盤前菜，豬手爽中帶腍又夠入味醬香小黃瓜好爽甜，又有醬香鹹鮮味今次食呢個係4人餐，會有八道菜+甜品，當中比較特別係「孔門魚咬羊」，原來係新鮮海花斑魚肚位置釀入免治羊肉，令鮮甜嫩滑魚肉帶有陣陣羊羶味而「御膳佛跳牆灌湯餃」真係超足料，爸媽邊食邊大讚，湯頭鮮甜濃香，而餃內有齊鮑、參、翅、肚及蟲草花，呢個好好食另外「去骨黑白胡椒燒鵝皇」，肉質肥瘦適中，仲用咗黑白胡椒做成秘製醬汁去醃製再燒，外層皮脆而鵝肉嫩多汁帶香XO醬碧翠炒蘭花蚌係爽甜荷蘭豆，另加入爽口花蚌再用上XO醬夠哂惹味食咗咁多肉呢款紅茄鮮竹泡菜苗就啱哂，好清新味道湯名夠鮮甜最後想講呢款「乾煏金磚馬拉糕」，同平時食好唔同，面頭係焦脆，但內裡係軟綿口感，仲滲出淡淡黑糖味結尾有滋潤雪耳紅棗糖水…查看更多