CM.M's Profile

石磨腸粉都唔係第一次食，厚福街這間都食咗幾次，價錢中肯合理，單款20幾蚊，加一樣餸$5起尖沙咀來講價錢相當公道豆漿甜度合我心水，因為外邊有好多相對比較甜，豆味唔濃！現在飲食都需要講求健康，所以都鍾意甜度較低嘅豆味好香！腸粉水準還可以，略嫌豉油麻麻地，因為食腸粉豉油好重要，如果豉油可以調校得再好味啲！就更加正！今次食咗一個手撕雞加雞蛋腸粉味道幾特別，之前食過豬潤略為熟得滯較硬，但係豬膶的確好少地方做得好。…Read More

去得主題樂園食午餐，都預咗價錢相對貴。但係龍王餐廳味道幾好，叫咗四個套餐兩個兒童餐加一個炒飯。八個人食非常夠食，每一個套餐都有一個湯羹，一個主菜加白飯，仲有甜品同飲品，價錢大概有三百幾蚊起。再收加一有兩個食左先記得唔記得影相因為早餐都冇食實在太肚餓，叫咗一個黑松露雜菌蝦，味道正常。一個鱸魚有驚喜，半煎炸外脆內軟，我哋望住出邊大魚缸嘅魚，再喺度食緊魚感覺好搞笑，不過龍王餐廳主打環保海鮮，全部嘅海鮮都係可以持續繁殖，兒童套餐二百幾蚊，比較貴有腸仔粟米肉粒飯薯條同一啲炸雞🍗。一個我六歲小朋友食唔晒，定一個九歲小朋友全部食晒份量都足夠！最後仲有啫喱甜品送！另外大人嘅午餐每一個都有甜品送，都有幾款選擇不過價錢就唔平喔一個午餐食咗$二千幾蚊但係去得主題樂園食環境都值得嘅，起碼係全香港唯一一個海底世界嘅餐廳…Read More

開始晚市無堂食，當然外賣支持。已經食過好多次，經常的起心肝寫食評但又忘記了。但係食店實在太難經營，所以真係要多啲支持想食泰國嘅不二之選，安格斯醬汁醒胃，每次必叫咖喱炒蟹隻蟹有兩斤，冇嗌到蒜蓉包簡直浪費咗個咖喱汁！之前多數都係叫咖喱軟殼蟹，咖喱軟殼蟹一定唔會失望，軟殼蟹炸得啱啱。如果炒蟹同軟殼蟹，我個人都係鍾意食軟殼蟹多啲。好胡椒蝦，隻蝦有半隻前臂咁大隻，蝦頭有膏好正，啲黑椒係大大串，再加粉絲超入味，極力推介不過粉絲好飽肚，食咗少少已經覺得好飽炒貴叼略為淡味咗啲，但係整體都非常合格！皮蛋炸蝦Keep住水準。叫咗五樣嘢四個人食，份量實在太多好飽。粉絲最後食唔晒，留左明天再食…Read More

見到好多人推介當然要來試吓，見到雜誌訪問醃料係用新鮮梨汁加入豬扒醃製，令到豬扒會軟滑，所以當然係要叫個豬扒蓮藕餅飯，豬扒好味鬆軟，如果可以用厚身少少嘅豬扒😍😍應該會更加正。蓮藕餅好多蓮藕，平時蓮藕餅多數係切開粒粒，但係佢哋個蓮藕用絲，個人覺得蓮藕絲入口更加有咬感👍🏻👍🏻讚，因為例湯送完即止。去到已經無哂。叫了個咖喱雞，咖喱係馬來西亞嗰款好濃郁，因為朋友唔食辣所以冇叫辣，辣到都有得選擇好細心，估唔到雞係用雞件，平時多數都係用雞扒或者雞翼。用雞件有誠意👍🏻，另外想講吓杯凍檸茶，因為本身真係唔係好多茶餐廳嘅凍檸茶茶底係好飲，今日忽發奇想不如飲下，出奇地佢個凍檸茶茶底有茶味好飲，我相信好多鍾意飲凍檸茶嘅人應該都明白，個茶底其實好緊要而家有好多茶餐廳完全冇茶味🤦‍♀️。佢嘅味道同佢個名的確一樣令人好有返屋企嘅感覺，食唔到味精食物唔花巧，就好似返屋企媽咪煮飯你食嘅感覺👍🏻👍🏻👍🏻…Read More

本身想去另一間餐廳但係要等位，所以就行去其他試下，係戲院隔離西餐廳見不用等就入去試下，有個好抵食買一送一，我哋揀咗一個豬一個牛，另外叫咗兩個set dinner ，上菜效率都好快，服務態度都OK，食物賣相都OK沙律好食好清新仲有新鮮無花果配果醋，另外一個雞肝醬冇乜特別正常，個麵包比較硬，雞卷燴飯，比我預期好味😋，個雞卷雞滑唔會好嚡最期待就係扒，可惜就有啲失望。外煎得好脆但肉就比較韌，因為叫咗兩份唔同嘅，諗住可能只係西冷有咬口，另外一款會比較林，但係另外嗰款同預期都有啲出入，個豬扒味道係有啲酸酸甜甜，純粹個人口味覺得同個豬扒唔係好夾，個酸甜度唔夠突出。每日甜品同埋餐湯都唔同，甜品同餐湯都係正常嘅。如果呢個價錢可以去食再好味小小嘅西餐…Read More

板長壽司應該都唔使多講，相信好多人都已經食過，點解今日會諗起佢食，絕對係因為門口睇到會員八折午餐優惠，本身係啲午餐都係OK抵嘅，有60幾蚊到百幾蚊都有，有前菜有壽司有烏冬或者丼，都算多嘢揀。所以見到佢話八折都俾佢吸引咗，今次叫咗個牛肉烏冬，平時好少喺度食烏冬，佢嘅烏冬係乾烏冬類型所以所以係比較扁身同埋唔係好滑，我個人就唔係太鍾意食呢種烏冬，個湯都略為有少少鹹。但份量就一定足夠，好多時都係眼闊肚窄，望個餐牌感覺好似唔係好多，又叫了幾件壽司食到最後非常之飽，所以正常要一個餐真係好夠…Read More

好多人坐車都一定會經過呢間日本餐廳，裏便座位寬闊都坐得好舒服，幾年前嚟過之後成日都遺忘咗佢，近排去觀塘又來試吓，相對對面嘅街道好多都變晒，反而工廠區呢邊依舊。Jumbo Japanese喺觀塘區好多年，今日食飯味道依然無變，都係抵食同大件，餐廳好特別會混雜左一啲中菜，之前鍾意蟹粥，好大鑊又足料，又有豉椒炒蜆，不過今日見到有啲套餐都好精彩，所以叫套餐蕃茄豬肉鍋，有刺身，沙律前菜，主食，小食同飲品，另外一個係鰻魚飯，條鰻魚好大條，個唐掦雞件外脆內滑好味，個小丸子就一般般，叫咗兩個餐已經食到好飽不過都係貪心最後叫多咗個清酒煮蜆好大碟。到最後埋單試吓比電話號碼，發現會員仍然存在咁就有九折喔…Read More

忽然想食拉麵，諗起K11嘅三田，成日行過都好想試但係都冇行入去，今次終於都可以去試吓，見到門口有外賣八五折優惠都有啲衝動想叫外賣。不過最後都係堂食，叫咗兩個拉麵套餐，有一個都唔記得咗影，一個係三田特製加叉燒香蔥飯，另，一個拉麵配餃子，三田特製的湯味道濃郁，麵款都相對好味，個叉燒飯都正常，最估唔到係個餃子，餃子煎得唔算係好脆口，但係裏面肉汁留住，食完一隻之後令到好想再食。到埋單結帳再送一張九折卡，下次再嚟時候就有得全單九折…Read More

下午時間行Megabox見到有冬甩🍩店買一送一優惠$38 波波牛乳冬甩雪糕，個外相非常吸引，個冬甩好脆，有好多配料👍🏻牛乳雪糕個牛奶都重味，小吃品嘗剛剛好，另外見到DIY冬甩套餐都好可愛，兩個冬甩加其他配料可以自己玩…Read More

壽司郎一個一講起大家就會聯想到一個字，等😣一年前喺香港開嘅時候已經好想食，一心諗住過多半年應該冇咁多人，事實證明一樣咁多人半年後開始book左，睇到啲位置長期性都爆曬，係間唔中朝頭早11點有位🤔，竟然一次偶然嘅機會可以食到有朋友唔得閒讓左個位俾我簡直覺得係天賜嘅禮物🎁，終於都可以試到果然冇令我哋失望，預返時間上去等位，入座後店員都細心問你有冇嚟過，教你啲東西放喺邊度又會比膠袋你放口罩，係依個肺炎嘅疫情當中，你見到佢仍然大排長龍，就知道啲人係幾咁想食，有趣嘅係佢哋會攞一啲推介壽司俾你睇，好似酒樓推介特價點心咁。但係你又會唔好意思咁試一個，所以佢哋嘅策略係成功嘅講返壽司刺身新鮮，款式都算OK，不過絕對唔推介大家食天婦羅烏冬，因為佢個天婦羅蝦係放埋喺個烏冬上，到嘅時候個蝦已經淋哂🤦‍♀️，個烏冬湯都唔係好熱不過攞烏冬嘅時候大家都要小心，因為熱食佢放喺最高嗰條路軌壽司大大件，入座食嘢時間係45分鐘，所以其實都要好快咁樣諗定要食啲乜，因為依個原因都會叫多咗🤣，因為諗住快啲叫快啲食完走，叫到一枱都係。夠鐘交枱嘅時候，佢會有一個提示話俾你聽你已經夠鐘，但係都唔係要即刻立即走，你都可以食埋你要食嘅嘢先依一樣都幾人性化但係當然我哋知道門口仲有好多人等位，都唔會坐好耐，快快手食就要走，咁樣大家就唔會等咁耐啦😉…Read More

我平時鉄火堂，消夜時段先會有$49同$59幾餸自選配搭，因為而家疫情關係，很多店舖都做優惠，午市時間都有這個價錢自丼的確掋食所以都被吸引了入去，蟹膏撈飯真係一絕今次再配蟹肉，其他係帶子加油甘魚配搭，依個價錢食丼真係唔需要考慮，瞇埋眼揀幾款都正，如果怕細碗食唔飽，唔需要擔心佢地有免費加飯服務值得一題係佢非常有警覺性，門口就已經要量體溫，入去立即用酒精消毒液幫你清潔雙手，有袋俾你放口罩😷！感覺非常良好…Read More

好耐無食芝士麵，經過尖沙咀忽然諗起它就去坐下，係現在疫情既環境下，好多食肆都無咩客，去到熟悉嘅環境，見到好多櫈枱都要封住。平時午市好多人嘅時間，現在只得幾個人，一心係諗住食芝士麵，點知可能太耐無去，見到有個四川麻辣牛肉煎蛋飯咁就先識下，牛肉非常滑又好多煮嘅時間剛剛好，不過有啲失望係唔辣見到佢寫住辣又麻辣一心以為會好辣，當然食辣都唔同，本人都幾食得辣，所以覺得個辣味係唔夠，反而覺得有啲甜個汁有啲似瑞士汁加左啲辣咁，但係味道係可以嘅，煎蛋更加唔使講生蛋黃撈落啲飯到非常正。如果唔係想食好辣嘅人其實可以試吓，因牛肉加蛋食已經好正！不過應該好快要再去食返個芝士撈。明明行入去就係想食芝士到最後又食咗其他嘢…Read More

忽然想食放題，近來社會氣氛環境不是太好，所以好多時之前成日排隊嘅餐廳，而家都即日可以book到位，今日就試吓平時成日排晒隊既，大吉屋好多人都好熟悉，分左幾間不同的名，食物有小小變化，但今次第一次到殿，價錢相對貴小小當然期望會高點，門口位置有自助區，有飲品櫃，沙律凍食區，水果甜味區，和海膽手卷即包區。海膽手卷值得讚，有海膽味新鮮係比較Cream，我個人喜歡，即包即食紫菜非常脆👍🏻熟食區，有小朋友非常鍾意嘅咖喱魚蛋，脆薯格，滷水雞翼，估唔到個滷水雞翼味道都幾唔錯可以，另外有蒸魚同肉就無試另外電話點單基本上同其他大喜屋分別不大，刺身有帶子👍🏻赤背，拖羅都算新鮮，長腳蟹一隻腳分開幾段上，當幾分好神奇。有一個魚嘅薄切個醬汁一般。熟食:吉列蠔有驚喜，粉漿薄蠔大粒又不硬天婦羅冇乜特別正常👍🏻可能今日食嘅食物都係熱熱地，唔係做定好耐的感覺，所以質素都接受。博燒牛味道OK，鐵板芝士蝦好味，清酒煮蜆值得推介啲蜆非常大隻，花甲粥個味有啲怪怪地，所以無食到，椰子雞湯正常，反而咖喱炒蟹非常失望因為之前食過一街之隔的極上大喜屋，咖喱炒蟹非常好味，當然明白唔同廚師煮出嚟嘅味道未必一樣，但係極上大喜屋的咖喱炒蟹味道非常出色，諗住同一間集團應該差唔多，但係個味道係完全唔同，最後個花膠雞湯都OK。最後甜品有幾款不同味道嘅雪糕生果選擇，整體來講都不過不失，價錢比起極上貴少少，食材上多啲貴嘅例如海膽，帶子刺身等，不過我個人會食返極上大喜屋，因為整體刺身同熟食都相對好食同埋平均水準，仍然好掛住佢個咖喱炒蟹味道…Read More

因為有點事去了Conrad住了幾天，酒店房是包早餐的，所以每日也到咖啡廳食早餐，服務態度不用猶豫非常好，他們到第二天已經認得你，會送上你飲開的紅茶，又會問今天早餐如何。非常貼心早餐食物類型正常，不算很多選擇但都足夠，西式中式日式咖喱都有，健康減肥奶昔都有得選擇，每天都有少少不同，意想不到他們的碗仔翅有雞湯味好味，點心就好一般，不過整體我都覺得去酒店食自助餐點心多數都唔太好食，蝦餃皮好厚，燒賣正常，他每天有兩款粥，他的粥底很綿味道唔錯。油炸鬼熱豆漿都有得選擇，油炸鬼略為硬，湯麵都係正常的魚蛋菜等西式的都係正常炒蛋腸仔，有即制奄列。麵包區好有驚喜，有好多款不同嘅麵包，果醬每枱都會有小瓶放在架上，早餐都有煙三文魚，Ham 生果都好多選擇，有原個生果🍎和西柚，如果需要減肥依度都有啲選擇，有一啲奶昔同脆米生果。眼見除咗住客之外，都有好多白領來食早餐，位置喺金鐘的確方便，都有睇過價錢如果不是住客，價錢大概三百幾蚊…Read More

經過好多次但係都無衝動入去，但係今次俾佢個八折吸引住，所以就決定入去試吓！晚上8:30到需要等位，因為本身座位都唔係太多，等咗大概15分鐘就有位啦！現在做緊拉佢Facebook會有八折優惠見到有一啲一人套餐，仲有一啲$150.10件壽司揀，亦都有散叫。我哋就散叫食食吓先記得影相，所以有啲壽司款式都冇影到相，材料非常新鮮。推介海膽壽司，食完一件之後再點食，鰻魚手卷鰻魚非常厚身，我喜歡佢蛋壽司，感覺唔似平時叫貨的蛋咁硬同實，赤貝刺身有鮮味，甜蝦大隻整體的壽司都好味，不過再睇下餐牌，熟的壽司款式不太多。…Read More