IceWing的個人專頁

行將軍澳跨灣大橋，係海天晉匯入邊間花斑茶社買左2杯凍飲，諗住邊行邊飲。但係其實呢間花斑茶社有堂食，裝修仲幾靚，簡約得黎都好舒服，如果調返轉行完海傍或者大橋先黎坐底飲番杯都幾舒服寫意，仲見到好多狗主帶埋寵物黎，我幾個見到未飲已經開心爆😍因為有狗仔睇😂。今次見佢地新出左《春果好茶》🍵，就買左杯 完熟蘋果🍎四季春冰茶 試下，小朋友就緊係飲佢地精選既 黑糖珍珠厚鮮奶🧋 ，首先有驚喜係完熟蘋果冰茶係有得選擇要四季春🥃定紅茶☕，甜度又可以變無糖茶，始終唔係款款都可以轉茶底或者甜度，咁我有小朋友係度佢地實會黎飲啖，所以我都選擇左比較淡味既四季春，入邊仲有蘋果粒🍎，一啖飲落去有齊清甜冰茶🧊加爽口蘋果粒，細女試過後，成杯拎走自己飲冇再俾返我😅。而杯黑糖珍珠鮮奶🧋就變左大女既專屬，彈牙既黑糖珍珠配埋香純既牛奶🥛，我有幸飲到1啖.....其實應該唔走住，飲左覺得好味再買多杯，咁我就唔駛冇野飲.......真豬左🐷…查看更多

Tea Time時間到，人唔算多唔駛排隊，呢度比起旺角店食物種類多左如香港人最鍾意食既陳皮魚蛋同埋魚肉燒賣。老闆娘Eva知道未食野，推介左馬駮魚肉丸加稻庭烏冬，湯底仲係昆布鰹魚湯，鐘意食辣可以加麻辣汁或咖哩汁，攪到聞到已經流晒口水。因為仲要接女放學，就即埸買燒賣魚蛋頂下肚，見老闆娘D燒賣分開左，先發現原來燒賣佢地都有分大地魚香同蔥油燒賣。最後樣樣都想食，老闆娘話原來只要over $80就可以揾佢地幫你執一份乜都有，岩晒我呢D選擇困難戶，拿拿聲order左份$100（走左幾樣阿女唔食既）馬駮魚肉丸烏冬 --肉丸彈牙👍🏻燒賣--大地魚香＋蔥油 又香又好食，唔係普通成口粉燒賣👍🏻陳皮魚蛋--麻辣度岩岩好👍🏻滷味--一如以往正，入味彈牙👍🏻仲加埋保温袋加冰種，獨立包裝醬汁，真係升級晒😘…查看更多

打邊爐係我屋企最鍾意嘅食物之一，朋友介紹咗尖沙咀厚福街嘅胡爐，就約埋屋企人一齊去食。間鋪都易搵嘅喺厚福街行到最入嗰棟大廈就係啦。坐低睇咗張餐牌就覺得朋友冇介紹錯，單單係湯底已經有十幾隻，有海鮮有羊，有豬手，有鴨，當然仲有雞，鍾意食乜都有齊晒，仲好足料架喎，我地有小朋友，就叫左手打牛丸同手打墨魚丸，爽口彈牙又juicy。仲叫左手工魚皮餃同埋手工雲吞，大大隻啖啖肉。菜就叫左雜菌拼盤，大大隻雞髀菇，吸晒湯汁好好味。最後加埋稻庭烏冬同埋竹蔗水就飽晒喇。大人就食好野，肉都瞓咗好多款，好彩佢哋有拼盤叫今次就叫咗個胡爐牛拼盤入面五個不同牛部位嘅肉喺度，牛舌心就夠曬軟淋，手切肥牛同埋極上手切牛頸脊兩款都好好味，肥牛脂肪比例比較多，牛頸脊就偏向肉質比較嫩滑，牛胸爽就如同其名好爽口，最後說霜降牛肉粒牛肉味就最重最有口感喇。以前佢地set計，原來已經轉左散叫喇，下次打邊爐多個2地方選擇喇。…查看更多

屯馬線開通咁耐都未有幾會搭，放假同屋企人搭過去睇下有咩玩，緊係上網揾下有咩好玩好食。就係咁就去左大圍，試下新強記既雞粥。大圍站一出已經見到新強記，個招牌有D古式，好似以前大戶人家既裝潢，一睇就知老字號，上網做左功課，知道佢地最出名既係雞粥，燒鵝同乳鴿緊係要叫黎試下。雞粥叫左例牌，燒鵝就叫左下半庄半隻例牌，乳鴿本來叫一隻，太好味食食下又叫多隻，再叫左點心食。估唔到例牌既雞粥我地4個人食，可以一人有2碗😚，勁足料，粥好香雞味，又夠晒綿，雞肉又好滑，個女不停添雞件食。燒鵝肥瘦適中，咬落唔肥膩，又滑又多汁。 乳鴿即叫即炸，炸到個皮脆卜卜，好怕食家禽食到鞋烚烚痴晒牙，佢地既果然係出名餸，3款都又正又好食。其餘飲茶點心有鵪鶉蛋燒賣， 鮮蝦菜苗餃 鹹水餃等 ，都好正，不過叫太多食唔哂要打包😅下次再黎食過，識叫就唔怕喇👍🏻…查看更多

我好鐘意打邊爐架，聽朋友介紹，坑口站有間叫火焰山重慶火鍋都幾好食，今日去開果邊，就同屋企人一齊去食飯喇。我地2大2小去所以叫左個4人餐，湯底小朋友要左蕃茄薯仔湯，大人就要麻辣湯底，仲有得分辣度，今次叫左中辣，2個湯底都好足料。 餐前小食可以5選2，我地叫左蒜蓉拍黃瓜同埋陳醋拌雲耳。肉類餐跟左安格斯肥牛，如果想食好D，仲可以加錢轉其他部位，好似牛小排咁。另外餐跟左黑豚肉片、水魷牛柏葉、鯇魚拼白鱔同埋蔬菜盤。另外仲叫左鮮蝦雲吞、手打黑松露墨魚丸、墨魚丸、牛筋丸同埋芝士腸俾小朋友食。食料新鮮，足料又好味。我自己就最鐘意佢地既鮮蝦雲吞，原隻大蝦，夠晒飽肚，加埋咁既套餐咁抵食，又可以拼搭自己鍾口味，最後加埋米線同紅薯粉，就變成左，蕃茄湯米線同重慶麻辣薯粉。咁多配搭下次要再黎N歌。鍾意食辣既朋友仔，仲可以加埋魔鬼辣椒粉，挑戰一下。…查看更多

天氣咁熱好想食仙草黎消下暑，但係都唔係話想食就有得食架，問下朋友原來將軍澳廣場間桂花小幸佢地除左做正餐既食品外都有仙草呢D甜品食喎， 咁緊係同屋企人一齊去食喇。去到屋企人話見到佢地有個新菜式叫秘罈酸菜魚，其中有個叫秘罈酸菜魚湯飯，所以就叫左呢個酸菜魚湯飯試下加埋我想食既仙草甜品喇，首先講個酸菜魚湯飯，同我地諗既湯飯有小小出入，平時出邊叫既湯飯係，飯加埋係湯入邊，但呢個上既時候就好似酸菜魚湯係一個餸，加碗白飯咁。味道就偏淡，鍾意食清淡味道既，呢個酸菜魚岩晒你地。講返仙草我就叫左2個，一個係雜果黑糖冰仙草，入邊有黑糖沙冰、綠豆、新鮮水果同埋主角仙草。另一個就係紫薯珍珠黑糖冰仙草，一樣有黑糖沙冰，但係其他就變左紫薯、珍珠、棷果同仙草。 2款比較下，我就鐘意後者，因為珍珠同棷果都比較有咬口。…查看更多

同屋企人黎新都城2期揾卡通人物打卡，順手緊係過黎食埋野喇。知道呢度有四季良晨緊係要入黎醫醫肚。四季良晨以前黎食過真係覺得佢地既滷味做到好出色，夠晒入味，真係好好食。發現佢多左新餐，原來係秘罈酸菜魚系列，分別有跟米線，飯同埋就咁小食(2人份)一大盆。新野緊係要試下，因為我呢排都愛上食酸菜魚所以我決定今次叫小食，鍾意佢夠大份，再另加白飯，咁就實飽肚喇。另外就再叫份原盅燉湯配滷水豬手定食，除左湯同滷水豬手飯，仲會加埋上湯浸時菜。滷水豬手飯同之前食一樣冇得輸，入味又夠淋，連整完牙既屋企人冇晒牙力都輕易咁食到，呢個必試。新菜種秘罈酸菜魚，我自己就覺得佢個辣味就輕手左，而酸味就重手左，不過好味既酸菜魚餸飯係呢個夏天都係冇得頂。…查看更多

中上環不嬲都多高級商廈，連食店都較多高級食店，我地呢D打工仔過黎做野，可以都儘量避免係呢邊開餐。不過今次因為帶埋小朋友，做完野又已經下午2點半，驚餓親佢地都係食完先閃。好彩俾我係蘇杭街遇到佢《蘇杭冰室》，其實門口見到餐牌已經好吸引，好多都想食，最緊要價錢接受到。坐底左俾佢80年代既裝修吸引住，鐵皮屋頂加 半斤八兩同 玉泉忌廉梳打既舊poster邊會仲揾到？我地叫左招牌沙爹鮮牛公仔麵， 秘製麻辣肉丁公仔麵同埋 瑞士汁雞髀薯條三個餐。首先介紹秘製麻辣肉丁公仔麵，係樓面姐姐極力推介，佢地既肉丁分左2款，一款係平時食開 罐頭肉丁，而佢推介既就係佢地秘製既麻辣肉丁，其實我唔食辣，食麻辣真係一個挑戰黎，姐姐仲好貼心幫我，餸同麵另上。結果當然真心好味，麻辣，麻香小小辣，更加野味，我都食到絕對BB級麻辣，但就比罐頭肉丁好味好多。推薦，推薦！招牌沙爹鮮牛公仔麵，牛肉份量多，沙爹味香濃，同出邊食既沙爹牛麵個色係有D出入，相信都係自家制👍🏻最後 瑞士汁雞髀，夠晒入味， 皮香肉滑，一陣就瘋狂吸入，呢間冰室仲有好多好味既餸菜想試，下次要黎試下店員姐姐介紹既滑蛋叉燒先得。…查看更多

第一次黎唔知佢地份量咁大，仲分別叫左日式叉燒拉麵$61，鰻魚炒飯$78同埋凍烏冬 $32等飽肚主食。叉燒拉麵，湯底夠濃，麵條夠彈牙，可惜叉燒老左D，可能咁岩我舊係瘦叉燒喇🤣。 鰻魚炒飯，又香又好食，正呀。因為小朋友想食蜆所以就叫左個清酒煮蜆配埋個凍烏冬俾佢食，個清酒煮蜆，酒味好香，都係食落口又唔會好勁，小朋友都食到津津有味，連手指都啜埋。其實個清酒煮蜆係激安推介黎架，仲有珍寶赤蝦刺身 $9/隻 同埋 生蠔$13/隻，刺身蝦大大隻，鮮味十足。生蠔都好夠海水味，如果可以肥D就 VERY GOOD 喇。上完菜仲發現有人優惠，只要將食物影相上傳到社交平台 就會送三文魚刺身(3片)或者水信玄餅一份，我地當然手機食先，咁就多左份刺身食喇‧…查看更多

係康城想話食返D比較香港地道既食物，牛腩應該都算其中一樣，因為咁黎到天后站清湯腩 ，諗住黎食返個牛腩麵。等左一陣就有位喇，等既時候見到呢間餐廳真係將牛腩既食法發揚光大，因為唔再係牛內臟配搭，河粉、米粉、生麵、油麵同飯呢D基本野。而係有担担麵、酸辣麵同埋咖哩粉麵既新式配搭。今次我就試下咖哩三寶飯，自己就未想像到咖哩粉麵既口感味道會係點，可能會同食沙爹牛肉麵差唔多，所以都係保險D試返飯。但係其實三寶，即係牛腩、牛肚同牛孖筋，基本上所以大型連鎖餐廳都有咖哩配上以上食材，但係由粉麵舖既，又有少少期待睇下同出邊同唔同。結果食落去都好味，明顯多左陣中式香料包如八角既味道 ，溝埋有輕微既咖哩香辣，又幾特別。外加左份牛丸墨丸，爽口彈牙，唔錯，值得下次再黎。…查看更多

天氣好，出街既動力都大D，同小朋友去將軍澳新都城商場Windows Shopping 發現呢個疫情都令商場入邊既舖，面目全非。有個借口同小朋友試新野，High Tea 就最開心。熊小館，門口大大隻熊bear bear 就吸引到左小朋友入去。 入到舖，全部都係熊仔裝飾，少女心既我地當然就坐底試下。每張枱都有個細熊bear bear陪住我地食野，店員哥哥見我大囡自己坐，仲抱左隻大bear bear過黎陪佢坐，真係超sweet 。今次我地叫左芝士焗肉醬千層麵，同埋小熊套餐(即係兒童餐) ，另外叫左杯黑熊。芝士焗肉醬千層麵，升級左加埋餐湯同蒜蓉包。千層麵芝士多到好似湯咁又香又濃，可惜係唔知咩原因，個千層麵有D位置有D硬，好似乾左咁咬唔開。兒童餐有天婦羅蝦，雞翼，薯條，粟米同啫喱，樣樣都係小朋友鐘意食既野，天婦羅個外層酥脆，雞翼juicy ，最吸精一定係熊仔頭啫喱。唔止啫喱架，連黑熊入邊都有隻士多啤梨味既冰熊坐左係朱古力雪糕隔離。每上一樣菜，小朋友開心到嘩嘩聲，鐘意熊既你地，去熊小館就一定好開心。…查看更多

天氣好，又話下星期開始凍。想帶小朋友去放電，係東九龍就諗住去郵輪碼頭行下，感覺依家碼頭應該都唔算太多人去既。我地係德褔轉小巴入，總站落車，直上平台，就見到紙飛機親子空間。就決定食完先轉戰碼頭公園玩，迫開個大太陽。我地叫左陳皮獅子頭餐同埋牛肉粒年糕套餐。套餐入邊有去皮車厘茄（有糖水浸住），涼拌木耳，水果，同埋上湯鮮茄時蔬。小朋友掛住玩其實就食好少，不過要贊一贊佢地真係好貼心，睇得出食物設計過，儘量都冇咩骨，咁就可以唔怕小朋友哽親， 將發生意外情況減低。主菜陳皮獅子頭，做成一粒大肉球，小朋友以為大魚蛋，連平時唔太願食肉既囡囡都食左成粒，但略就覺得份量太少，因為一碟只有2粒，當佢地再想食就已經冇晒，或者要叫多一份🤣涼拌木耳，初初食落口冇味既😅原來係要自己拌勻先食，酸酸地天氣熱食就岩晒，好開胃。水果，其實就係雜果杯，有紅提、青提、藍梅，橙粒，火龍果粒，可能預小朋友食，所以水果都係粒上，連提子都對開放便小朋友食用。上湯浸鮮茄時蔬，去皮大蕃茄入邊有唔同菌類加埋虫草花，拎蕃茄味道更加有層次加埋時蔬，紅紅綠綠咁，小朋友就更加喜愛喇。…查看更多

好想食芋圓呀，唔知點解突然好想食。經開將軍澳廣場見到有人食緊就，就諗住買返個返去食。舖名叫台北巷弄，即刻又諗起囡囡鐘意食鹽酥雞，睇完餐牌決定叫個小食拼盤，入邊有醬油雞翼、花枝丸、甜不辣同埋鹽酥雞，買黎返屋企加餸好岩食😋，再加個仙草凍芋圓3號仔，料都好多，有仙草凍（涼粉）、紅豆、芋泥同埋最想食既手工芋圓。小食拼盤（$78）雞翼夠入味，花枝丸同甜不辣夠晒彈牙，而鹽酥雞皮脆肉嫩，夠晒香口野味😍。想自私食既仙草凍（$40），結果被瓜分左，可能因為咁，覺得仙草凍唔夠甜，芋泥就較甜，應該食法係要溝埋一齊食，因為被瓜分左，變左分開獨立食就味道差D，如果鐘意冇咁甜就分開食，鐘意甜就可以一齊食。最後最想食既芋圓，學台灣人講法夠晒Q彈，好咬口，超好味👍🏻…查看更多

返學左幾日，不停咁追zoom時既功課同進度真係追到氣咳，難得有日可以少D功課就出去同小朋友放鬆下，等條橡膠都可以鬆一鬆。 有次行將軍澳海濱公園，知道果邊都好多野食，就諗住去吹下海風食個靚lunch咁。不過由於我地搭得車黎都2點幾，所以就俾小朋友話下事喇。 我地去到澳南海岸，小朋友已經俾門口既雞吸引左入去，仲有2個胡桃夾子既士兵添。個舖名都好得意架，叫OMG chicken ，完全配合門口隻＜叫＞雞。 我地今次叫左個2人餐，有半隻燒雞、一個8吋既PIZZA、一份薯條、雞翼或者沙律 2選1 我地就要左雞翼、仲有蒜蓉包同埋飲品，就咁睇都好多野食 ，仲要每樣都好岩小朋友食。 燒雞都有四種醬汁，我地有小朋友所以我叫左蒜蓉蜜糖汁，其實本身隻燒雞己經好入味，不過個汁好香蒜蓉味食落口 又甜甜地，咁就好似有2種食法咁。 PIZZA 就有六種口味，我地叫左千島雞肉PIZZA，雞肉、燈籠椒、紫洋蔥 加埋車打同Mozzarella 兩種芝士配千島醬，真係好開胃。 雞翼都係蜜糖雞翼小朋友真係超鐘意食，跟埋超大份薯條，唔駛食埋個蒜蓉包都己經好飽。 同小朋友玩完黎呢到食野就岩晒，下次要再黎試下其他冇咁小朋友既菜式先得。…查看更多

今日返將軍澳行街，知道終於可以4人同枱，緊係帶埋2個出去食飯喇。咁耐冇出街食好西，知道開左間韓國食品，緊係要黎打下卡。Tea既時間一大2細食lunch，本來都以為只可以叫飯食或者小食，入到去發現原來有火鍋食，仲要係一人鍋，真係岩晒我自己自私食。點知俾大果個見到有蟹鍋，佢鐘意食貝殼類，咁做大就讓下佢，叫左個蟹將軍俾佢，細果個就叫左個兒童餐，我就叫左韓式小食拼盤，覺得大果個未必食得晒一個火鍋。點知睇少左一個發育中既小朋友胃口，最後我要叫多個韓國牛肉拌飯先夠飽🤣🤣點解我咁講？因為蟹將軍入邊係有粉絲跟（仲可以選擇烏冬），仲有魚片，特長皇帝蟹柳同菜，正常應該夠食，但係今次因為佢鐘意我仲加多份蜆同肥牛俾佢食，都食晒，以後食物都係要預多小小先夠。唔好以為蟹仔細細就冇肉食，其實都有，D肉同蜆仲好鮮甜好好味。皇帝蟹柳又大又長，啖啖肉，仲俾左細果個食，食到想再添，而我就食左入邊跟埋既蟹膏醬，加埋入粉絲食，真係好正，成個層次升晒。細果個既兒童餐就好大份，有牛肉壽司、魚餅、超巨型豬肉粉絲餃，同埋小朋友最愛既香噴噴薯條，細細就一定食唔哂，唯有叫大果個幫手食，薯條熱辣辣，應該係即炸，夠晒新鮮滾熱辣。韓式小食拼盤，就係紫菜粉絲卷、豬肉粉絲餃同泡菜粉絲餃，三款小食種都外脆內軟，好岩小朋友食，而我就比較鐘意泡菜味餃，因為口味比重，濃。最後牛肉拌飯加大量 辣椒醬先夠地道，入邊餸既份量都多，估唔到我地三個咁餓食到咁多野食，大果個已經諗定下次黎食邊個鍋喇。…查看更多