等左一陣就有位喇，等既時候見到呢間餐廳真係將牛腩既食法發揚光大，因為唔再係牛內臟配搭，河粉、米粉、生麵、油麵同飯呢D基本野。而係有担担麵、酸辣麵同埋咖哩粉麵既新式配搭。
今次我就試下咖哩三寶飯，自己就未想像到咖哩粉麵既口感味道會係點，可能會同食沙爹牛肉麵差唔多，所以都係保險D試返飯。但係其實三寶，即係牛腩、牛肚同牛孖筋，基本上所以大型連鎖餐廳都有咖哩配上以上食材，但係由粉麵舖既，又有少少期待睇下同出邊同唔同。
結果食落去都好味，明顯多左陣中式香料包如八角既味道 ，溝埋有輕微既咖哩香辣，又幾特別。
外加左份牛丸墨丸，爽口彈牙，唔錯，值得下次再黎。
