獅苦哥的個人專頁

次次經過都多人，都好好奇係咪真係咁好食？終於有機會試試佢！一坐底即刻叫返個2人份既刺身船，刺身選擇都唔少，而且新鮮無雪味，擺盤又靚，影相一流！我地都叫左個熟身，廢事淨係食生冷野，蟹粥落重本，真係好大隻蟹係入面！而且都好有蟹味，個粥仲煮得好綿，非常高質食完暖野再戰生冷野，估唔到放題都有得食海膽！海膽味道新鮮，唔會有腥味同水汪汪。仲有串燒熟食都好多選擇，岩晒我地兩個人唔知可以食咩，呢到每份細細份可以試多幾樣最後甜品都好高質好少有！一定會再黎食…查看更多

一直好想食韓燒好耐，之前聽朋友講過7080都唔錯所以今次同朋友兩個人嚟試下我地大約7點半去到，可能係平日既關係所以唔洗等位，店入面播住kpop mv,真係好似返左韓國食燒肉咁由於我地都唔太大食既關係所以就叫左兩份肉先，分別係護心肉同五花肉，本身諗住韓燒啲肉都常都好細碟，兩份肉唔知會唔會唔夠食點知7080個啲肉好大碟， 真係好抵食侍應反應好快，成日幫我地換網好好啲肉都好新鮮，好好食，我地兩個都食到好飽，下次會再嚟食過！…查看更多

喺觀塘放工經過呢棟大廈好多食肆，咁岩同班同事講起大家都想一齊食飯題，還掂未試過就試吓呢間！佢個環境都唔錯，基本上啲嘢食都係要落order，但嘢飲就係自己去拎。佢個到有一個好大既area係飲品，好多選擇，啲嘢飲有凍有唔凍，同埋有日本清酒飲！坐低左，個侍應會因應我哋嘅人數已幫我地黎一份刺身。一到菜，真係相機食先！佢d刺身好厚身，而且夠凍。同埋d刺身好新鮮，我之前去其他放題食過d油甘魚同甜蝦好腥，呢間完全冇！👍🏽👍🏽我地亦都點左d壽司，嗰陣仲會驚佢會黎啲好大舊嘅壽司，但同樣冇呢一個情況。啲壽司份量細細件，我推介火炙芝士蟹棒😋😋芝士味濃，夾埋蟹棒一齊食真係不得了！佢d伴食都好好味。佢啲芝麻八爪魚大大隻，但d醬唔會多得誇張好似食漿糊咁。帶子裙邊都好好味，值得一試！焗帶子我哋都encore左好多round，佢個sause應該係千島醬，焗完酸酸甜甜好好味，而且隻帶子都唔係細隻，同埋唔會梅！呢個食多幾round都抵返晒🤣…查看更多

難得平日放假，所以試左餐午餐放題！收費比晚餐嘅平，款式多到試唔晒！而且我哋點既份量，佢都會來得足，啲野食仲好快就黎到，值得加分！一開始梗係要點刺身，D三文魚紋理好分明，帶子同甜蝦都好正！必點！咁驚喜係有蟹腳食，唔會太咸，而且廚房已經幫我地斬開左啲蟹腳，較剪剪一剪已經食得👍🏽沙律一定要食海蜇沙律！酸酸甜甜咁，個味啱啱好！encore左2次！沖繩黑糖牛仔肉呢個都俾到驚喜我！佢一嚟到嘅時候，見到血淋淋，有d嚇親。但食落，勁juicy，熟得啱啱好！真係好好味！之後仲叫左個牛肉煱、海底椰雪梨燉湯。牛肉煱個湯底好正，可能係因為啲菜，入面仲有啲粉絲，soak晒d味，好正！個湯好夠味，一啲都冇落味精，飲完一啲都唔喉乾。最後侍應每枱派一張雪糕紙，有櫻花味/朱古力果軟雪糕、Haagen Dazs(季節限定)，今次Haagen Dazs就係焦糖脆脆，食完真係捧住個肚走呀！…查看更多

平時成日都同朋友去食譚仔，都會叫有藥材味嗰種重慶湯底。上星期，同朋友經過呢間麵館，佢話試吓呢度啲藥材味湯底睇吓我鍾唔鍾意食。於是，我哋就叫咗手擀面，同埋刀削麵。首先講吓碟手擀面，好煙銀，質感好得意，仲勁大碗，好足料，其實唔會食得晒。而刀削麵同手乾麵嘅藥材味湯底真係好正，夠晒味，唔會淡，岩哂我！我哋仲配左口水雞，原來係超大碟嘅份量，開頭好擔心食唔晒，點解呢度全部野都咁大碟，其實真係好抵咁嘅價錢性價比極高。最緊要嘅係，佢唔會太辣但又有少少麻，好過癮，幾好味。總結，下次會帶埋其他朋友去食因為唔貴又大碗仲要好食去邊度搵。…查看更多

係日本食過磯燒之後念念不忘，今日同朋友黎食放題終於可以再食啦😍佢仲有蒜蓉，辣椒，鹽俾你再調味，但海鮮都好新鮮，加少少清酒，食佢地既鮮味都好夠👍🏾黎食放題一定要叫刺身船！仲送多板海膽，平時好少放題有海膽壽司都好多選擇，質素都好高，軍艦既紫菜都好脆身，即另即整另外叫左d熟食，有天婦羅同炸物，選擇都幾多最值得一讚係呢個羊架👍🏾半瘦半肥，仲有醬汁提供，食落好多肉汁但唔會太過油膩，正啊！瘋狂encore😍…查看更多

同朋友黎食飯，見新開左間意大利餐廳，諗住飲返杯酒，呢到都有幾多選擇我最尾揀左kwak，上既容器好得意佢雖然濃度比一般啤酒多，但好易入口，有焦糖香同好重麥味我地仲叫左個pizza，個pie底好薄好脆，送酒一流 👍🏾叫多左個主菜，揀左個牛，叫左5成熟，唔會過熟，味道唔錯另外值得一讚就係佢地服務好好，有一位曲頭髮既女侍應，佢成日keep住幫我地refill水，非常細心同好有禮貌，令我地有好好既用餐體驗…查看更多

經過馬德里舊址，見到佢變左呢間，個menu又幾吸引，就諗住試試佢一上到去都無staff主動帶位，坐底左之後都幾熱，好焗好似冷氣唔夠咁，而且staff都無主動拎menu俾我地叫野食😓我地最尾叫左龍蝦包，牛油雜菇同龍蝦玉子燒龍蝦包味道幾好，但最有驚喜反而係薯條，mix埋左番薯條好特別而個龍蝦玉子燒既龍蝦少得可憐，而且玉子燒亦都麻麻，煮得好老至於個牛油雜菇..調味太「集中」，有一d真係咸到食唔落事後睇返訂位原來有折，不過我諗都未必會再黎啦…查看更多

今日同幾個朋友黎到呢到食蒸氣火鍋，我地今日係特價時段黎仲有75折😋朋友有個就係熟客，成日推薦人黎食，貪呢到所有野都係散叫，岩晒成班人食，唔怕到喉唔到肺！一開始侍應會幫我地落火煮粥，我地最鍾意就係食佢最後個粥，仲問可唔可以落多d米！佢仲無額外收錢，好好啊😍我地叫左貝貝蜆，串蝦，牛小排等等，d蝦上到黎仲郁緊，係不停踢得好快好活躍，一方面島得好新鮮好正，另一方面真係覺得好殘忍😱熟客朋友話建議70-80分鐘食晒d野，咁個粥就會係最佳既狀態！個粥果然係精華所在，一食個個都無出聲，即刻快快手食，爭取食多幾碗🤣…查看更多

聽朋友介紹，話呢到抵食又好好服務，咁岩朋友生日想搵個坐得耐既地方，就決定試下chow chow cafe 我地叫左兩個套餐share，揀左帶子意大利飯（加左個鵝肝）同埋一個豬扒配薯菜一黎個前菜已經好有驚喜！係魷魚配沙律菜，加埋黑醋好fresh好開胃湯我地都叫左羅宋湯，好多料好夠味，真材實料👍 最意外係個包又脆又暖，我平時好少食晒餐包都食晒佢，因為實在太軟啦，唔係空氣包好難得主菜方面都好出色，個扒份量好大件，肉質火候掌控得好好，連薯條都薯味好濃，絕對無將貨就價而意大利飯就相當比較普通，雖然好食但無咩特別驚豔P.S.上甜品時佢知我朋友生日，幫我地畫左個碟，好窩心！…查看更多

次次黎親呢到，絕對會叫佢既廣島生蠔！香港十分之少地方有廣島既生蠔，我本人就鐘情於日本生蠔，貪佢夠鮮甜又肉厚😋呢到既廣島蠔佢會配埋一個汁俾你，類似檸檬醋，提升到佢個味道到另一個層次😍😍同平時食外國蠔唔同，日本生蠔大多唔配紅色既oyster sauce，都係靠呢枝檸檬醋，佢同廣島蠔真係最佳拍擋👍至於一場黎到無理由淨係食蠔，我都會叫返個沾麵！個人推薦凍食，感覺清新d又係咁膩，但我只係敢食10度辣😂，好佩服有人挑戰200啊😱…查看更多

黎親元朗都會黎呢到買砵仔糕！但自從朋友之前請我食過呢到既客家糍粑，一試愛上，今次黎元朗都特登黎買呢到既糍粑其實類似糯米糍，但入面既就係花生加芝麻，岩晒有選擇困難症/貪心既人！花生同芝麻爆香後味道更加突出，混合埋出奇地夾，比一般淨花生/芝麻既料更有層次而皮十分軟，一問之下原來每日只係製造少量，賣完就算，絕不過夜，先可以保持到咁新鮮👍 而姐姐都建議我地即日食用，以保持最佳口感P.S. 姐姐十分友善，我去到時大約一點左右，開左半閘仲未營業，我抱住一場黎到試下既心態問姐姐有得賣糍粑未，姐姐問我趕唔趕時間介唔介意等陣，等五分鐘即刻包俾我，令我好難忘，值得推薦👍👍👍👍…查看更多

我好鍾意食焗薯，可惜香港無咩地方有焗薯食，而呢間連鎖店有好多分店，每次想食焗薯都會第一時間諗起佢！我次次都係叫SUPER COMBO MEAL🤣 因爲太貪心啦，呢個餐咩都有，岩晒三心兩意既我，有凱撒沙律+碎蛋牛角包（記得之前仲有吞拿魚揀）+焗薯+飲品/湯（我就加多少少錢兩樣要埋）佢個沙律可以中和返無咁滯，加上感覺都健康少少，有d菜食下但個包就嫌唔夠新鮮，如果上菜個陣係微暖同脆就更好啦！至於主角焗薯...我就揀左芝士加牛肉，食肉獸一定要有少少肉先開心，如果有咸牛肉就仲正😍…查看更多

成日經過都好多人排隊，今日5點幾6點經過，見無人等位又有少少餓，就決定一試啦😋我地叫左擔擔麵（$30）同半隻北京烤鴨（半隻$158/原隻$298）D餐具、杯都好特別，全部都係有鴨既圖案，好可愛又覺得要食佢地好殘忍😂個擔擔麵無咩花生味，但又辣辣地幾惹味北京烤鴨既皮比較厚，其實食少少已經好飽，食唔到幾多，鴨既油脂烤左好香好脆，配埋青瓜無咁膩，但最尾都食剩幾多皮值得一讚係侍應好細心，一飲多左少少水，佢就會即刻過黎fill俾我地…查看更多

等左咁耐終於開幕，梗係要去朝聖啦😋今日大約4點去到，前面有兩位等緊，佢俾左個會震既號碼牌我地，大約等左15分鐘到就有位啦～一入到去，覺得個環境好似七十年代既懷舊賭場😂 燈光好黃，樓底比較低有個著黑色衫既侍應帶位，佢好熱情係咁同我地講野，搞到我地好尷尬🤣🤣之後有個白色衫既侍應問我地要溫水定室溫水，好細心👍之後我地叫左士多啤梨芝士蛋糕（$79），香蕉忌廉芝士蛋糕（$79）黎到原來佢地個base係一樣😱 本身仲諗住share........芝士蛋糕口感好軟好鬆化，第一次食到口感咁好既芝士蛋糕👍但配埋忌廉同佢份量都幾大件，都好漏，我地兩個都食唔晒…查看更多