坐低左，個侍應會因應我哋嘅人數已幫我地黎一份刺身。一到菜，真係相機食先！佢d刺身好厚身，而且夠凍。同埋d刺身好新鮮，我之前去其他放題食過d油甘魚同甜蝦好腥，呢間完全冇！👍🏽👍🏽
我地亦都點左d壽司，嗰陣仲會驚佢會黎啲好大舊嘅壽司，但同樣冇呢一個情況。啲壽司份量細細件，我推介火炙芝士蟹棒😋😋芝士味濃，夾埋蟹棒一齊食真係不得了！
佢d伴食都好好味。佢啲芝麻八爪魚大大隻，但d醬唔會多得誇張好似食漿糊咁。帶子裙邊都好好味，值得一試！
焗帶子我哋都encore左好多round，佢個sause應該係千島醬，焗完酸酸甜甜好好味，而且隻帶子都唔係細隻，同埋唔會梅！呢個食多幾round都抵返晒🤣
