一開始梗係要點刺身，D三文魚紋理好分明，帶子同甜蝦都好正！必點！咁驚喜係有蟹腳食，唔會太咸，而且廚房已經幫我地斬開左啲蟹腳，較剪剪一剪已經食得👍🏽
沙律一定要食海蜇沙律！酸酸甜甜咁，個味啱啱好！encore左2次！
沖繩黑糖牛仔肉呢個都俾到驚喜我！佢一嚟到嘅時候，見到血淋淋，有d嚇親。但食落，勁juicy，熟得啱啱好！真係好好味！
之後仲叫左個牛肉煱、海底椰雪梨燉湯。牛肉煱個湯底好正，可能係因為啲菜，入面仲有啲粉絲，soak晒d味，好正！個湯好夠味，一啲都冇落味精，飲完一啲都唔喉乾。
最後侍應每枱派一張雪糕紙，有櫻花味/朱古力果軟雪糕、Haagen Dazs(季節限定)，今次Haagen Dazs就係焦糖脆脆，食完真係捧住個肚走呀！
